ايش السر وراء الفرق الشاسع في التطوير بين جنوب الدوحة وشمالها؟

[سعادة الوزير]

ذكر لي أحد الاصدقاء انه كان يناقش موضوع عمل سرداب لمسكنه يحتوي على غرفة واعزكم الله حمام ، والمقاول ينصحة بعدم عمل حمام لوجود مشاكل مرتبطة بمضخات الصرف الصحي كي ترفعه الى مستوى الشبكة الصرف الصحي العمومية، وقد ذكر المقاول ان هذه المشكلة في المناطق الشمالية فقط (بدءاً من فريج بن عمران وكليب ومدينة خليفة الى الخريطيات والخيسة وانت رايح شمال) اما المناطق الجنوبية لمدينة الدوحة (مثل الهلال والمطار ) فهذه المشكلة ليست موجودة لان خطوط الصرف الصحي مستواها منخفض ولا يحتاج صاحب البيت ان يركب مضخات خاصة ، فكا هو واضح ان الاخوان في اشغال "عاملين حساب" هالشغله!!

فقعدت افكر بروحي ، الفرجان الجنوبية هاذي ، كل شوارعها الداخلية فيها انترلوك واضاءات ومزروعة عشب واشجار وحدايق عامه في كل مكان وشوارعها نظيفة وفيها تصريف لمياه الامطار ، وعلاوة على ذلك ، شوارعها "ماتعوق" الا وتصبح تجارية! ، ومعظم الاراضي التجارية تحصلها عمارات من 7 و 8 ادوار! .. والمصيبه ان الفريج هناك يبتدي ب 10 بيوت وماتمر عليهم السنة الا كل شي منتهي من خدمات وشوارع وارصفة وانارة!

فالمقابل ، تعال شوف فرجان الجزء الشمالي من الدوحة ، المنطقة فيها الاف الفلل ، ولاتزال بدون حتى شوارع داخلية ، الصرف الصحي بالحسرة ، الشوارع تتحفر و "تترقع" ، شوارع واراضي تجارية بالحسرة ، اما موضوع الارصفة والاضاءة والانترلوك للشوارع الداخلية ، فهذا ولا في الاحلام!

منطقة دحل الحمام تم تخصيصها قبل منطقة الثمامة بسنوات ، لكن شوف الفرق بين المنطقتين!!

فهل هو "حظنا العاثر" انه ماعندنا "وزراء" ساكنين في هالمناطق؟ ، فيه منطقة معينة في الهلال معروفة بالنظافة التامة وبحسن عمل الشوارع والارصفة ، والسبب هو "الشخص" الي ساكن هناك!

لكن مانقول غير خلونا "ندفع" من جيوبنا ونعدل فرجانا ، ولا منتكم.

[الوعد2016]

تذكرني بوزير اول وزاره يستلمها حوط منطقه وخلها لبيته فقط واليوم امر اشوفه يحوط مساحات خياليه

[hemoud123]

تساؤل مشروع وفي مكانه
وازيدك من الشعر بيت المناطق الجنوبيه يسمح ببناء العمارات الكثيرة الادوار بينما غيرها يحدد بدورين وثلاثه عقب حب خشوم
يا ترى ايش السبب؟

[بويوسف]

لاحول ولاقوة الا بالله .. هل هذا حسد وبغض ؟ ترى اللي ساكنين بهالمناطق اهل قطر مب يهود ؟ يا اخي خافوا الله في اللي تقولونه مب كل واحد يقط حجي ويروح ..

[تحداني]

.. :) ..


مشــــــــكله

.
.
المهم


قد يكون السبب أخى الفاضل أن المناطق الجنوبيه أقدم من المناطق الشماليه ..
وهذه الأقدميه تعطي الحق لكل الخدمات الصحيه
والصرفيه .. والهاتف .. والكهرباء ..

والانخفاضات .. والارتفاعات ..
وغيرها من الامور التي تفهمونها انتم اكثر مني .. :)





وعلى فكره .. هناك من أهلى من أشتروا بيوت جديد
ه .. في منطقه الثمامه ..
او على ما اعتقد اسمها شارع42 ما اعرف 46 .. " يذكرونني بمصر :) ..
هذه المناطق الى الان حتى الصرف الصحي يفتقدونه ..
ويرسلون لهم المياه .. بالوسائل البدائيه ..

البنيه التحتيه مازالت في بدايتها بالرغم...
من وقوعها في المناطق الجنوبيه ..



قطر في اتساع كبير ..
وسيصلكم الخير .. والتسهيلات بإذن الله ..
من شمالها الى جنوبها ..
وشرقها الى غربها ..


لا تقلق ..



جملك الله برضى الرحمن

[السهم الكلاسيكي]

ماتبي حل المسئلة

شوف مدراء بلدية الدوحة السابقين وين ساكنين بتعرف ليش صارت النهضة العمرانية في هذة المناطق

[إينشتاين]

لاحول ولاقوة الا بالله .. هل هذا حسد وبغض ؟ ترى اللي ساكنين بهالمناطق اهل قطر مب يهود ؟ يا اخي خافوا الله في اللي تقولونه مب كل واحد يقط حجي ويروح ..


من أغرب الردود الي قريت !!!! يعني إذا طالب بالماسواة بين مناطق الدوحة يصير بغض وحسد ؟؟؟ ياخي هو ماطالب انهم يشيلون الخدمات من المناطق الجنوبية الي فهمته انه طالب انهم يقدمون خدمات للمناطق الشمالية مماثله للي في الجنوبية ،، ولا الي هناك يهود وأنا مادري ؟؟؟ على فكرة أنا من سكان المناطق الجنوبية وأتمنى تتوفر الخدمات لكل مناطق الدوحة بدون استثناء....

[حمد911]

اللي اعرفه ان منطقة النادي الاهلي بالرغم من قدمها للحين الماي يجيهم بالدنكر والشوارع عندهم مالها اسماء ومافي بامناطق الهلال كلها حديقه مثل اللي في دحل الحمام.

اعتقد المستقبل بيكون لصالح المناطق الشماليه التطور والشوارع والمشاريع كلها ذاك الصوب.

[دلة الرسلان]

يمكن علشان الشمال تزدان بخضره روابيها التي تتصل بمياه الخليج الرائقه لا يفصلهما عن

بعض الا شواطىء رمليه نظيفه فعندكم ما يصبركم يا هل الشمال لذلك تم تأجيل تطويرمنطقتكم

الى اشعار آخر :)

[الخير كله]

...
اللي يقول بنيه تحتيه مثل راس لفان ولا المدينه العسكريه.....:telephone:
كلها كم ماسوره صرف صحي وكل يوم حافرين الشارع ...لا وابشرك ترى شارع مسمير بيسدحونه بالحفر مره ثانيه....:omen2:
يبه اي مشروع شمال او جنوب خالص لوجه الشعب لازم يجيك نااااااااقص
لا تغتر يا الحبيب:tease:

[كازانوفا]

الله يسترنا بس لا يقربو من صوب مسيمير مش ناقصنا

[doha_star]

ترى الحال من بعضه فكل مناطق الدوحه بخصوص الحفريات وغيره

كلامك اخوي كلش مب واقعي وموضوع الصرف اللي تكلم عنه المقاول كلش ماله خص بهالشي

اخوي ترى صوب الهلال او بو هامور محطة الضخ الرئيسيه للصرف الصحي (والعالم هناك متاذين من الروايح) فالشي الطبيعي عشان الانسياب المناطق القريبه بتكون على عمق اكبر من المناطق البعيده

وعالعموم مقاولكم ما عنده حاجه ياخي ركب مضخه نوعيه زينه وانشالله تشتغل عدل ولا يصير فيها شي واذا اختربت بدلها والا صلحها اذا هالقد محتاج الحمام فالسرداب

الشيخ الدوله ما راحت تكلف ملايين عشان تنزل مستوى الصرف الصحي حق واحد والا اثنين فكل فريج يبون يسوون لهم سرداب

[سعادة الوزير]

للأسف بعض الردود سطحية جدا واكاد اجزم انه اصحابها مافهموا الي انا اقصده ، عموما مب غريبة على بعض القطريين وللأسف انهم يكونون سطحيين.

ماشاء الله الموضوع صار عبارة عن حسد وحقد ومادري ايش ، الحين عرفت ليش بنتم طول عمرنا متخلفين!

[سعادة الوزير]

لاحول ولاقوة الا بالله .. هل هذا حسد وبغض ؟ ترى اللي ساكنين بهالمناطق اهل قطر مب يهود ؟ يا اخي خافوا الله في اللي تقولونه مب كل واحد يقط حجي ويروح ..

لا حبيبي لا حسد ولا بغض ويهود ولا نصارى ، عندك ملاحظة على كلامي قولها بأدب، ولا تتهمني باني حاسد او ابغض الناس ، ترى ياخوي الغنى غنى النفس.

[شعنونة قطر]

جاي الخير صدقوني بتكون الشمال متطورة والجنوب دقه قديمه

[ALHAJAJI]

كلامك في محلة ووالله انه كان هذا الموضوع في بالي من كمن يوم , فعلا المناطق الجنوبية فيها كل الخدمات من شوارع تجارية ومحلات راقية وفنادق وحدائق وحتى مقار لشركات كبرى ومصالح حكومية .

في المقابل المناطق الشمالية اصبحت فلتر هواء لتنقية الغبار عن الدوحة وللاسف هذا الفلتر لا يتم العناية به من ناحية الاهتمام فيه واقامة مناطق خضراء وحدائق ومتنزهات ووووو.

[الساهر 17]

والله اعتقد بانهم باذن الله بيدوون في تجميل منطقه الخور وانا فعلا اتمنى ان يهتمون في مناطق الشمال من ناحية التطور العمراني وتوفير الخدمات الصحية والتعليمة وايضا ودي الماي لو ينشاوون محطات لتحلية المياه هناك واتمنى لكل قطر انها تكون اجمل بلد بس ساعات الانسان يصطدم من الواقع الي يشوفه واتمنى لكم كل التوفيق

[جوال 11]

حسب سكن المسؤل

[بويوسف]

لا حبيبي لا حسد ولا بغض ويهود ولا نصارى ، عندك ملاحظة على كلامي قولها بأدب، ولا تتهمني باني حاسد او ابغض الناس ، ترى ياخوي الغنى غنى النفس.

حقك على راسي ..

ولكن مثل ماقال الاخوة الوضع مش مثل ماكتبته .. هناك بعض المناطق في الجنوب متكاملة من ناحية البنية التحتية ولكن بالمقابل من افضل المناطق كبنية تحتية هي الدفنة وليست المطار او الهلال ..

انا لا اتهمك بالحسد ولكن للاسف هذا اللي نشوفه في قطر .. الكثير من الناس صارت تحسد بعضها البعض .. مش بس بالمادة ولكن بجميع الامور الاخرى والله المستعان .. وعلى فكرة مش دايما الحاسد يكون في وضع اقل :) ..

[سعادة الوزير]

حقك على راسي ..

ولكن مثل ماقال الاخوة الوضع مش مثل ماكتبته .. هناك بعض المناطق في الجنوب متكاملة من ناحية البنية التحتية ولكن بالمقابل من افضل المناطق كبنية تحتية هي الدفنة وليست المطار او الهلال ..

انا لا اتهمك بالحسد ولكن للاسف هذا اللي نشوفه في قطر .. الكثير من الناس صارت تحسد بعضها البعض .. مش بس بالمادة ولكن بجميع الامور الاخرى والله المستعان .. وعلى فكرة مش دايما الحاسد يكون في وضع اقل :) ..

وكذلك انت ردك هذا على راسي .

ياخوي انا كل الي اطالب فيه هو المساواة في الاهتمام ، يعني من غير المعقول اشوف هالكم الهائل من الشوارع التجارية ورخص العمارات الي من 7 و 8 ادوار ، وبالمقابل ماشوف ولا رخصة عمارة واحدة في جميع مناطق الغرافة وازغوى والخريطيات وجنوب دحيل وشمال دحيل والخيسة و و و و .. الخ. صدقني العملية مش عادلة بالمرة ، يعني في ذمتك خط الماء الرئيسي الي يغذي الدوحة بكاملها وجاي من راس لفان ، مسكرين شارع حيوي يخدم معظم هالمناطق عشانه! .. يا رجل انا حسبت حسبة سريعة عن طريق قوقل ايرث كم بيت موجود على ضفاف هذا الشارع ولقيت تقريبا 3000 بيت ، تخيل 3000 بيت كل يوم يمشون تقريبا 4 كيلو بمسار واحد فقط خلف الشاحنات والتريلات بسبب ان الخط مسكر عليهم بسبب هذا المشروع الي يخدم الدولة كلها.

ومثل ماتشوف شلون حتى هالشوارع المؤقته تغزوها الشاحنات ، تشوف بالمقابل الشطر الجنوبي يزدان بالكم الهائل من الانفاق والجسور والاشارات الضوئية.

ياريت بس شوية اهتمام اكثر بالمناطق الشمالية للدوحة ، وكذلك بدل التركيز على الوكرة والخور فقط ، ان يتم الاهتمام بالرويس ومدينة الشمال وبظلوف والكعبان ، على الاقل عشان نوقف الهجرة الى الدوحة.

[السامـي]

الله يرحم حال أهل المناطق الغربية.:(

[كاروهات]

ماتبي حل المسئلة

شوف مدراء بلدية الدوحة السابقين وين ساكنين بتعرف ليش صارت النهضة العمرانية في هذة المناطق


صح لسانك
وهذا هو الجواب الصح
:nice:

[كاروهات]

لا حبيبي لا حسد ولا بغض ويهود ولا نصارى ، عندك ملاحظة على كلامي قولها بأدب، ولا تتهمني باني حاسد او ابغض الناس ، ترى ياخوي الغنى غنى النفس.


بالعكس يا خوي احنا فاهمينك عدل وما قصرت وما قلت شي غلط
بس دايما اللي يقلبون المواضيع اهم ..................
يعطيك العافية اخوي

[hamoor4ever]

بالعكس انا اشوف العكس هو الصحيح المناطق الشماليه هي اللي فيها اهتمام اما مناطق الهلال والمطار تعاني من الكثافه السكانيه وكذلك كثيره المطبات والحفر بالشوارع وطبيعي تركز الشركات بالمناطق هاذي لانها وسط الدوحه ولا تبونهم يفتحون بالبر يعني ؟؟

انا اقول مافيه سر ولا شي ياخوي بالعكس شوف مناطق الشمال وشلون متوفر فيها جميع الخدمات ومن غير زحمه

[سعادة الوزير]

بالعكس انا اشوف العكس هو الصحيح المناطق الشماليه هي اللي فيها اهتمام اما مناطق الهلال والمطار تعاني من الكثافه السكانيه وكذلك كثيره المطبات والحفر بالشوارع وطبيعي تركز الشركات بالمناطق هاذي لانها وسط الدوحه ولا تبونهم يفتحون بالبر يعني ؟؟

انا اقول مافيه سر ولا شي ياخوي بالعكس شوف مناطق الشمال وشلون متوفر فيها جميع الخدمات ومن غير زحمه


اذا بتقارن بالكثافة السكانية فطبيعي المناطق الجنوبية يكون فيها زحمة ، لاني مثل ماقلت الخدمات كلها متركزة فيها وكذلك العمارات والابراج والمكاتب الادارية موجوده هناك في كل شارع ، لكن المصيبة ان حلول الزحمة ايضاً متركزه هناك ، والدليل الشوارع الرئيسية من 3 و 4 و 5 مسارات وجسور وانفاق غير الي راح يبتدون فيه في المستقبل ، بينما مثل ماقلت في السابق تحصل 3 و 4 احياء سكنية ماعندهم الا شارع واحد ذو مسار وحيد ومشتركين معاهم الشاحنات الي رايحة وراجعة من طريق الشمال ، تلاقي مثلاً الخريطيات وام العمد وازغوة كلهم مشتركين في طريق وحيد ذو مسارين فقط ، شوف منطقة مسجد عمر "محاصرين" بالاغلاقات صار لهم 4 سنين ، شوف المرخية شلون صارت محاصرة بالحفريات صار لها كم سنة ، وهذا طبعا غير الجسور والانفاق الي مانعرفها ، واذا عرفناها تكون بدون فايده ووجودها مثل عدمه (مثل نفق اللاند مارك العجيب الغريب ، الي حتى المرور قالوا انه غير صالح ومادري على اي اساس وافقوا عليه من البداية!!) .. ياخي اذا هذا كله مب كفاية ، على الاقل نبي ليتات داخل الفرجان بدل ما عيالنا ينداسون في الشارع والسبب ان فرجانا خرمس في الليل تقول فرجان عميان ، على الاقل حطوا لنا انترلوك في الشوارع الداخلية بدل مانحط على حسابنا ويجون بحفرياتهم ويكسرونا لنا ...

ماقول غير الله كريم

[مساهم فنان]

الله يسترنا بس لا يقربو من صوب مسيمير مش ناقصنا

ههه مسيمير .... شوارعها بدون أسماء وبيوتها بدون أرقام ........ ؟؟؟ إلى متى ؟؟؟
وأين الحل ؟؟؟؟؟؟؟؟؟؟؟؟؟؟؟؟ !!!!!!!!!!!!!!!!

[سعادة الوزير]

ههه مسيمير .... شوارعها بدون أسماء وبيوتها بدون أرقام ........ ؟؟؟ إلى متى ؟؟؟
وأين الحل ؟؟؟؟؟؟؟؟؟؟؟؟؟؟؟؟ !!!!!!!!!!!!!!!!

المرخية منطقة صار لها 5000 سنة ولين الحين بيوتها بدون ارقام ، عادي!

والدحيل والنعيم وجنوب الخيسة لين الحين لا اسماء شوارع ولا ارقام بيوت ، بعد عادي!

[bu abdulla]

يااخوان حاب اعقب على المناطق الجنوبيه يمكن البناء على مستوى 4 او 5 ادوار و ذالك لانها مناطق قديمه و لازم اتكون بها عمارات سكنيه و الى اعرفه ان هنالك عريضه وقعها اصحاب البيوت على خلف مبنى جريده الرايه و رفضوا اعطاء التصاريح لبناء العمارات ف تلك المناطق لانهم سكان المنطقه نفسها و الامر الى ابى اوضحه ان الخاسر من هاى الرفض هم سكان المنطقه نفسها لان اراضيهم راح اتقل اسعارها بعكس اراضى المطار انها اعلى قيمه من الهلال........ و المناطق الشماليه ما فيها خدمات لان الدوله ف تطور سريع و راح يجيهم الخيييييييييييير انشاء الله بس يبغيله صبر الموضوع

[hamoor4ever]

اذا بتقارن بالكثافة السكانية فطبيعي المناطق الجنوبية يكون فيها زحمة ، لاني مثل ماقلت الخدمات كلها متركزة فيها وكذلك العمارات والابراج والمكاتب الادارية موجوده هناك في كل شارع ، لكن المصيبة ان حلول الزحمة ايضاً متركزه هناك ، والدليل الشوارع الرئيسية من 3 و 4 و 5 مسارات وجسور وانفاق غير الي راح يبتدون فيه في المستقبل ، بينما مثل ماقلت في السابق تحصل 3 و 4 احياء سكنية ماعندهم الا شارع واحد ذو مسار وحيد ومشتركين معاهم الشاحنات الي رايحة وراجعة من طريق الشمال ، تلاقي مثلاً الخريطيات وام العمد وازغوة كلهم مشتركين في طريق وحيد ذو مسارين فقط ، شوف منطقة مسجد عمر "محاصرين" بالاغلاقات صار لهم 4 سنين ، شوف المرخية شلون صارت محاصرة بالحفريات صار لها كم سنة ، وهذا طبعا غير الجسور والانفاق الي مانعرفها ، واذا عرفناها تكون بدون فايده ووجودها مثل عدمه (مثل نفق اللاند مارك العجيب الغريب ، الي حتى المرور قالوا انه غير صالح ومادري على اي اساس وافقوا عليه من البداية!!) .. ياخي اذا هذا كله مب كفاية ، على الاقل نبي ليتات داخل الفرجان بدل ما عيالنا ينداسون في الشارع والسبب ان فرجانا خرمس في الليل تقول فرجان عميان ، على الاقل حطوا لنا انترلوك في الشوارع الداخلية بدل مانحط على حسابنا ويجون بحفرياتهم ويكسرونا لنا ...

ماقول غير الله كريم

اخوي تكلم بالمنطق يعني انت الحين تصارخ علشان شويه انتر لوك وكم عماره ، قلنا لك مناطق زحمه شي طبيعي تتحول لعمارات ولا تبغي مثلا برويس يسوونها مناطق ابراج شكلك عندك ارض وخاطرك تتحول تجاريه على فكره مب كل الاراضي في الهلال او المطار تجاريه اغلبها سكني وبصراحه احنا مغتثين من الزحمه صدقني احمد ربك وبوس يدك لان عندنا بيوت جنبنا ساكنين فيها 20 شخص وملوعين جبودنا بزحمه سياراتهم ، وشي طبيعي يعني الدوله اذا بتسوي بنيه تحتيه وكهرباء واناره بتسويها في مناطق مكتمله في الابنيه مش راح تسوي لك حق بيتين او ثلاثه بالبر لان هالحفر وعمل الخدمات يكلف الدوله وايد وعلى قولتك الاغلاقات في كل مكان عندنا شوارع قعدت 4 سنين وعندنا شوارع اهنيه كلها حفر ، اللي يسمعك يقول المناطق الجنوبيه عندهم واسطه ولا تحت كل بيت جمعيه وسوبر ماركت ، اذا ع الانترلوك اعتقد المتر ب 25 ريال وتركيبه مايكلف شي حط في بيتك وفك نفسك ولاتعور راسك

والله اللي يسمعك يتخيل ان هالمناطق يعني غير عن المناطق الثانيه وتتميز شوارعها بوجود الرخام والجسور والانفاق ترى عندنا وعندكم خير حتى من كثر الزحمه والضغط السكاني مركبين لنا مكاين تحويل كهربه وصوتهم يبط الراس بسبب ان المباني تستهلك كهربه كثيره اقول اذكر الله بس ترى ماعندنا شي يستاهل انك تتكلم عنه ، ليش مانقول ان الدوله مهتمه فيكم انتو اكثر لان بخصوص توزيعات الاراضي عندكم اهناك ماشاء الله اللهم لاحسد

[سعادة الوزير]

اخوي تكلم بالمنطق يعني انت الحين تصارخ علشان شويه انتر لوك وكم عماره ، قلنا لك مناطق زحمه شي طبيعي تتحول لعمارات ولا تبغي مثلا برويس يسوونها مناطق ابراج شكلك عندك ارض وخاطرك تتحول تجاريه على فكره مب كل الاراضي في الهلال او المطار تجاريه اغلبها سكني وبصراحه احنا مغتثين من الزحمه صدقني احمد ربك وبوس يدك لان عندنا بيوت جنبنا ساكنين فيها 20 شخص وملوعين جبودنا بزحمه سياراتهم ، وشي طبيعي يعني الدوله اذا بتسوي بنيه تحتيه وكهرباء واناره بتسويها في مناطق مكتمله في الابنيه مش راح تسوي لك حق بيتين او ثلاثه بالبر لان هالحفر وعمل الخدمات يكلف الدوله وايد وعلى قولتك الاغلاقات في كل مكان عندنا شوارع قعدت 4 سنين وعندنا شوارع اهنيه كلها حفر ، اللي يسمعك يقول المناطق الجنوبيه عندهم واسطه ولا تحت كل بيت جمعيه وسوبر ماركت ، اذا ع الانترلوك اعتقد المتر ب 25 ريال وتركيبه مايكلف شي حط في بيتك وفك نفسك ولاتعور راسك

والله اللي يسمعك يتخيل ان هالمناطق يعني غير عن المناطق الثانيه وتتميز شوارعها بوجود الرخام والجسور والانفاق ترى عندنا وعندكم خير حتى من كثر الزحمه والضغط السكاني مركبين لنا مكاين تحويل كهربه وصوتهم يبط الراس بسبب ان المباني تستهلك كهربه كثيره اقول اذكر الله بس ترى ماعندنا شي يستاهل انك تتكلم عنه ، ليش مانقول ان الدوله مهتمه فيكم انتو اكثر لان بخصوص توزيعات الاراضي عندكم اهناك ماشاء الله اللهم لاحسد

ياخوي انا كلامي واضح ومنطقي وفيه ارقام وحقائق ، انت الله يهديك الي كلامك مايمت للمنطق بصلة ، الحين في ذمتك كل هالمناطق الي ذكرتها لك وتقول لي بيتين وثلاثة في البر؟ .. انت تتكلم من جدك ولا بس تبي تعايي؟ .. وبعدين ياخوي ارتقي بكلامك شويه ، عيب انك تنزل لمستوى انك تقول انه عندي ارض وخاطري تتحول تجارية ، لا يبا الحمدلله عندنا وعندكم خير.

اما بخصوص توزيعات الاراضي ، روح الله يهينك شوف منطقة روضة الحمامة الي الناس تنطرها من 15 سنة وشوف منطقة الثمامة ومسيمير الي توزعت من 5 سنين وقارن بينهم.

وياخوفي تطلع ماتدل وين روضة الحمامة بس!

[بويوسف]

اكبر مشروع يتم تنفيذه الان في المنطقة الشمالية .. (شرق شمال) مشروع الوسيل .. طبعا مشروع لسكن حوالي مائتان الف شخص .. ويحتوى على عدة مدن ومناطق كثيرة بها عمارات وابراج .... من اضخم المشاريع الموجودة ايضا مشروع تطوير مدينة الخور ومشروع الارجوان الذي تعمل عليه شركة بروة ..

من اجمل المناطق في قطر واللي بنيتها التحتية كاملة ومجهزة هي منطقة الدفنة في شرق قطر ..

حازت مدينة الريان مؤخرا على جائزة اجمل مدينة وهي تقع غرب قطر ..

سيتم مد جسر قطر والبحرين من خلال احد المناطق الشمالية ..

يجري حاليا تجهيز شارع الشمال ليكون شارع دولي وذلك بتوسيع مساراته من الجانبين ..

ليس صحيحا ان منطقة المطار هي منطقة تجارية ولكن الصحيح ان جزء منها فقط مسموح به بناء عمارات وهذا الشي موجود في مناطق كثيرة في قطر .. على سبيل المثال فريق بن عمران ..

ارجوا من صاحب الموضوع التفرقة بين العاصمة الدوحة وبين المناطق الجنوبية فمنطقة مثل الوكرة حالها من حال اي منطقة في الشمال .. مع انها من اقدم واجمل المناطق في قطر ..

بالنهاية لانريد ان نتكلم من منطلق تحيز ونظرة احادية .. فالكل قطر ..

[جنوب الدوحه]

حد يناديني ^_^

[أبوالمساكين]

مقارنتك ...جنوب الدوحة بشمالها فيها نظرأنت تتكلم عن عدة مناطق في جنوب الدوحة منها المطار القديم و ثمامة والوكرة يمكن مكتملين 90% أما الباقي لاتسأل وفي شمال الدوحة ماشاء الله أغلب سكان قطر في شمال ومناطق الشمال كثيره ومكتملة أكثر من الجنوب والتطور الحقيقي في شمال الدوحة .