التفتيش الليلي لشرطة

[جبر]

يعطيهم العافيه رجال الشرطة الي دايمن يفتشون على الاستماره واليسن في الشوارع القريبة من الاحياء السكنية ونشوفهم اكثر الاوقات بعد الساعه 12 في الليل ...طيب عندي سؤال
مسكين واحد قطري توه من الشباب الي ماخذ ليسن وحاط مخفي خفيف طبعا السياره تروح الحجز شهر او اكثر وكلنى مع القانون وعلى عيني وراسي ..او عجوز عندها بك اب ومطرشه لدريول والعجوز حاطة السياره حق الخضار او تروح تشتري يونيت عيش كلشهر ومافي لا تامين والا استماره طبعا السياره تروح الحجز
طيب عندي سؤال صغييير
ليش الثبوت الليلي او التفتيش الليلي مايكون قريب من الفنادق يمسكون الاجانب الي طالعين من الدسكو وسكارى ويسوقون السيارات ويدعمون ويذبحون خلق الله .
انا شفت بعيني اجانب سكارى شباب وبنات طالعين من احد الفنادق والي سوق السياره سكران والسياره تروح يمين ويسار لاكن تذكرت انا التفتيش مايكون قريب من الفنادق

[امـ حمد]

لا حول ولا قوة الا بالله

الله المستعان اخوي

[danh]

لانه الشرطه في خدمة الشعب مب الاجانب ..

الاجانب عادي يسوون اللي يبون

[قطري009]

اخوووي

اول شي انت وااحد من الشعب ولزم تساعد الحكومه عشان تقدر تساعدك

ليش مابلغت الشرطه يوم شفت الي صاير قدامك ؟؟؟؟؟؟؟؟؟؟؟؟؟؟؟؟؟

[الـقـاسـي]

انت تبيهم يضيقون ع الاجانب لا يبه مايصير .. يعني الاجانب مساكين شبيسون حدهم حدهم بيسوون مصخره وقلة حيا ولا سكارى بس مب شي خطير ..

هل قطر هم ساس البلا ..

انت تدري ان القطري بالذات اذا انتهى ليسنه يصير خلاص مايعرف يسوق لازم يخالفونه 1500 ريال ..

ولا اذا حاط مخفي خفيف قدام هالشي يضر بالبيئه ترى ماتشوف بيئتنا صحراوية ترى كل من المخفي ..

القطري اذا منزل سيارته شوي من قدام ترى هو السبب الرئيسي في دمار الشوارع وتكسيرها ..

اذا مركب مطفي ع السيارة ترى هو السبب الرئيسي في الازم الاقتصادية ..

[مابدل العادات]

من الأخير (( قطر لغير القطريين ))

[كازانوفا]

يا عمي انت ما سمعت ان الاجانب مثل المناطق المحظورة ممنوع الاقتراب والتصوير
يا ذكـــــــــــــــي زمانك على هالاسئله

[العنان]

من الأخير (( قطر لغير القطريين ))

:nice:

[دلة الرسلان]

بيض الله وجيههم على تعبهم وتفتيشهم انت تحاتي المخفي ما تدري أن الاحياء صارت مرتع


للعماله الاجنبيه ومنهم المشبوهين ما بقى من دعاره ولا تصنيع خمور وانشطه اخرى محظوره

ما سوها ، بالعكس افضل اشوف الشرطه بينا لأن حمايتنا أهم من حمايه السكارى الغربيين .

[bluelion]

من الأخير (( قطر لغير القطريين ))


اتق الله اخوي وخل عنك الخرابيط ... قطر طول عمرها للقطريين، بس طلعت هالجملة السنة اللي فاتت ومن الغلط اننا نكررها ...

[الدوحي7]

انت تبيهم يضيقون ع الاجانب لا يبه مايصير .. يعني الاجانب مساكين شبيسون حدهم حدهم بيسوون مصخره وقلة حيا ولا سكارى بس مب شي خطير ..

هل قطر هم ساس البلا ..

انت تدري ان القطري بالذات اذا انتهى ليسنه يصير خلاص مايعرف يسوق لازم يخالفونه 1500 ريال ..

ولا اذا حاط مخفي خفيف قدام هالشي يضر بالبيئه ترى ماتشوف بيئتنا صحراوية ترى كل من المخفي ..

القطري اذا منزل سيارته شوي من قدام ترى هو السبب الرئيسي في دمار الشوارع وتكسيرها ..

اذا مركب مطفي ع السيارة ترى هو السبب الرئيسي في الازم الاقتصادية ..

يه والله صدقت، والله نبقيهم موجودين ويحسسوننا بالامن بس مب على الشعب نبقيهم يلتفتون حق الاجانب طبعا الاجانب ماتكلم عن العرب الى عايشين معانا من سنييين اتكلم عن الكفار ومايحلوووا لهم من فعله في بلدنااااا من سرقه ومن خمر وماشابه،

[حبر سري]

اخوي

اتحداك اذا قدرت تثبت ان في اجنبي كان سكران بسيارته ويشوح يمين ويسار على قولتك وماوقفوه

اتحداك

[eXpert*]

اتق الله اخوي وخل عنك الخرابيط ... قطر طول عمرها للقطريين، بس طلعت هالجملة السنة اللي فاتت ومن الغلط اننا نكررها ...

بارك الله فيك

[lord-qatar]

والله صراحه يحزني يوم اشوف كلام من شاب قطري يقول عن قطر هالكلام

قطر حق اهل قطر

الله يعطيهم العافيه الي يسهرون على امان قطر ومان اهلنا

ويوم اي واحد يشوف غلط قدامه يبلغ مش عيب يوم تشيل التلفون وتبلغ

الداخليه ما في شي ما سوته بس عشان نكون عون لهم

الاجنبي ينداس في عينه يوم يغلط والقطري شوف عيني يسكتون ويسترون عليه

اتمنا الفكره تتغير

[بنت العصـيمي]

الله يخلي الحكومة

[بوحسن2009]

لانه الشرطه في خدمة الشعب مب الاجانب ..

الاجانب عادي يسوون اللي يبون


قوية ...........
وشكرا لصاحب الموضوع

[بوخالد911]

صح

نبي تشديد الرقابة صوب الفنادق
وباللذات بالوويك اند


لا هنت

[SomeOne]

قوية ...........
وشكرا لصاحب الموضوع

صحيح قوية بس قلة أدب .

[جبر]

الله المستعان

[جبر]

اخوي

اتحداك اذا قدرت تثبت ان في اجنبي كان سكران بسيارته ويشوح يمين ويسار على قولتك وماوقفوه

اتحداك

مايتحاج تحدي
صدقني لو تروح عند احد الفنادق اخر الليل وتشوف الي طالعين من الدسكوهات والبارات صدقني بتشوف اشياء اكثر من انة يسوق السياره ويشوح في السياره

[بوهلال]

عن نفسي صار لي موقف

شخصيا ما اقولكم من وكاله سمعت او قالولي

حادث لشخص داخل عكس السير

وكان اجنبي ولحقت دوريه ما انتبهت للحادث

وقلت لها شالي صاير

وارجعت معاي الدوريه لموقع الحادث

وكان شخص اجنبي مابي اذكر الجنسيه

سكران ومبين من شكله وريحته وتصرفاته

داعم شخص قطري وجها لوجه

بحكم انه داخل عكس السير

وفي شارع رئيسي والحمد لله من غير اصابات

الاجنبي تكلبش وركبوه الدوريه ورا

وهو يقول انا بصلح السياره مب مشكله انا مدير في شركه كبيره

لما وصل الضابط قال لهم وين المتسبب

قالوله مكلبش في الدوريه وجنسيته كذا

قالهم نزلوه وبطلوا الكلبشات

واطلبوا دوريه مرور تاخذ الرجال للمركز

وانا متفاجأ من المنظر

قلت للضابط ليش ما كلبشتوه

قال القانون وسكت

[عازف الاورج]

لاحظت هالشي وايد وايد وكل يوم فليل طايحين تفتيش

افففففففف

[جبر]

يعطيهم الف عافية على تفتيشهم وسهرهم....بس ياريت يكون التفتيش يكون على السكارى الي طالعين من الفنادق لانا القانون يعاقب من يسوق السياره سكران

[ابن الجزيرة]

القانون فوق الجميع ويجب ان يحترم...


القانون لا يستثني القطري او الاجنبي

الكذب حرام وجريمة ...السائق وهو تحت تاثير الخمر او غيره من المسكرات او المخدرات يوقف سواء في قطر او حتى في بريطانيا

ان طبق القانون يبكي البعض

وان تساهل رجال الامن احيتنا قام البعض بلومهم

ارسوا على بر

[بو الطيب]

لان مايحبون يحجزون مواتر الاجانب يحبون مواتر هل قطر

يعني واحد ماعنده ليسن خله ياخوي يروح او خالفه مب توقفه وتبهدله


انا اعرف ناس ماعندهم لياسين ويسوقون وقسم بالله سواقتهم احسن من اللي عنده ليسن الف مره

بس سبب انه مايخذ ليسن لان حاضرته موصل عمره 18 و6 شهور هم يبون تستوي الدوله مثل الاجانب البنات يسوقون والصبيان والريايل يقعدون احذاهم بس يخسون والله انه قطر ماتستوي جذي الا بعد قطع الارقااب

[WIFE]

انا اعرف ناس ماعندهم لياسين ويسوقون وقسم بالله سواقتهم احسن من اللي عنده ليسن الف مره

تستوي الدوله مثل الاجانب البنات يسوقون والصبيان والريايل يقعدون احذاهم بس يخسون والله انه قطر ماتستوي جذي الا بعد قطع الارقااب


أهلين
اولا اعصابك...ليش بس قطع الارقاب؟؟؟ انت معترض على سواقة الحريم؟؟؟ خلااااااص اللي صار صار ...و صارو الحريم اكثر من الرجاجيل (قصدي الريايل) في الشارع...الله يعين

ثانيا : صح في ناس اصغر من السن القانوني لأخذ الليسن ...و بعد اصغر من ان تنحرم امهاتهم و ابائهم من فرحة وجودهم في حياتهم....يعني تحديد العمر ليس فقط عشان مهارة السواقة وانما نمو عقل السايق نفسه و اتزانه .

وبالنسبة للتفتيش الليلي.....ليش حصرتوا الاسباب بكونها فقط متابعة مرورية ؟؟؟ احيانا كثيرة تكون بلاغات و اوامر وصلت للشرطة لمتابعة مخارج و مداخل منطقة الدوحة...الديرة كبرت و كبرت مشاكلها...و الله يستر على الجميع.

ولكم التحية

[البسطة]

الله يوفقهم على الجهد والسهر

[bluelion]

لان مايحبون يحجزون مواتر الاجانب يحبون مواتر هل قطر

يعني واحد ماعنده ليسن خله ياخوي يروح او خالفه مب توقفه وتبهدله


انا اعرف ناس ماعندهم لياسين ويسوقون وقسم بالله سواقتهم احسن من اللي عنده ليسن الف مره

بس سبب انه مايخذ ليسن لان حاضرته موصل عمره 18 و6 شهور هم يبون تستوي الدوله مثل الاجانب البنات يسوقون والصبيان والريايل يقعدون احذاهم بس يخسون والله انه قطر ماتستوي جذي الا بعد قطع الارقااب

القانون واضح بخصوص اللي ما عنده ليسن!

[جبر]

القانون واضح بخصوص اللي ما عنده ليسن!

والقانون واضح بالنسبة للي يسوق سياره سكران
واماكن السكر الله يعز السامع معروفة

[جبر]

صح

نبي تشديد الرقابة صوب الفنادق
وباللذات بالوويك اند


لا هنت



اذا القانون سمح لهم يشربون خلهم يشربون بس مايسوقون سيارات ويذبحون خلق الله

[eXpert*]

أستغرب من البعض مضايق من التفتيش

المثل يقول : لا تبوق و لا تخاف

و أنا أقول : واثق الخطى يمشي ملكاً

[airbus]

أستغرب من البعض مضايق من التفتيش

المثل يقول : لا تبوق و لا تخاف

و أنا أقول : واثق الخطى يمشي ملكاً

صح لسانك والصراحه على الجرح :victory:

[المليونير الفقير]

تقولي مايكلبشون القطرين ولا اجانب انا جدام عيني كلبشو واحد اقطري وقطوه فشنطة الجي اكس ومع انه يصارخ ويقول يده مكسوره بذمتك مب قمة الاهانه بغض النظر عن الي مسويه مب المفروض يحطونه عالاقل عالكرسي الي ورى؟

[جبر]

أستغرب من البعض مضايق من التفتيش

المثل يقول : لا تبوق و لا تخاف

و أنا أقول : واثق الخطى يمشي ملكاً

السالفة مب خوف الله يهديك
اذا الشباب مركبين مخفي او مافي استماره واماكن الشباب معروفة وفي اي شارع بعد اماكن الاجانب معروفة يطلع سكران من دسكو او بار ويسوق سيارتة ويدعم خلق الله

[الموضوعي]

اذا ضباط المرور يملكون شاحنات وسواقينها السورين يقولون يلا خالفوا ويودونهم الحجز و خلال ساعة تطلعهم إدارة المرور من الحجز ولا يخالفونهم !! إدارة المرور بكبرها يبي لها لجنة تحقيق من منظمة الامم المتحدة

[bo_hamad]

كل شئ الا الاجانب

[ليفربولي]

والله صراحه يحزني يوم اشوف كلام من شاب قطري يقول عن قطر هالكلام

قطر حق اهل قطر

الله يعطيهم العافيه الي يسهرون على امان قطر ومان اهلنا

ويوم اي واحد يشوف غلط قدامه يبلغ مش عيب يوم تشيل التلفون وتبلغ

الداخليه ما في شي ما سوته بس عشان نكون عون لهم

الاجنبي ينداس في عينه يوم يغلط والقطري شوف عيني يسكتون ويسترون عليه

اتمنا الفكره تتغير

شبتسوي ...؟؟

بتتصل 999 .. بتبلغ ... بنتنظر وراه ربع ساعه عشان توصل الدوريه ..

بيمسكونه ...

بيودونه المركز وبتروح انت .. بتقول اللي شفته وبينفتح محضر ..

بيصافحك الضابط ويقول لك جزاك الله خير ..

بيحول المتهم النيابه ..

بيطلع اليوم الثاني و(( تحفظ القضية )) لعدم الاهمية ...

[ليفربولي]

القانون فوق الجميع ويجب ان يحترم...


القانون لا يستثني القطري او الاجنبي

الكذب حرام وجريمة ...السائق وهو تحت تاثير الخمر او غيره من المسكرات او المخدرات يوقف سواء في قطر او حتى في بريطانيا

ان طبق القانون يبكي البعض

وان تساهل رجال الامن احيتنا قام البعض بلومهم

ارسوا على بر

((المساواه في الظلم عداله ))

[ليفربولي]

اذا ضباط المرور يملكون شاحنات وسواقينها السورين يقولون يلا خالفوا ويودونهم الحجز و خلال ساعة تطلعهم إدارة المرور من الحجز ولا يخالفونهم !! إدارة المرور بكبرها يبي لها لجنة تحقيق من منظمة الامم المتحدة

كلام قوي :)

[Sharshooooor]

أستغرب من البعض مضايق من التفتيش

المثل يقول : لا تبوق و لا تخاف

و أنا أقول : واثق الخطى يمشي ملكاً

الموضوع مو خوف يالغالي

التفتيش اليومي بنفس المكان ماله داعي ويسبب تأخير للمواطن
يعني انا اطلع من بيت الوالد من الدفنه يوميا لين ازغوى ويواجهوني يوميات
كل يوم اتأخر تقريبا 10 دقايق لربع ساعة عالفاضي وانا الحمدلله كل شي عندي سليم

لكن الوقت هو الاهم

قمت اروح الحين صوب اللاند مارك وانا نازل على جسر الشمال ابرك لي

[بو خليفه 123]

اخوي أنا ارى انه كان من واجبك الاتصال بالشرطه عندما ترى اي سكران مخالف للقانون .. او حتى إن كان سكران فقط ! .. فـ هذه ظاهره سلبيه على اجيالنا القادمه و دخيله على ديننا و عاداتنا .

اما بخصوص التفتيش في المناطق السكنيه لا أرى فيه غلطاً او عيباً .. فالمثل يقول :

لا تبوق .. لا تخاف !


تحياتي لك و اشكرك على غيرتك على وطنك :)

[ليفربولي]

أهلين
اولا اعصابك...ليش بس قطع الارقاب؟؟؟ انت معترض على سواقة الحريم؟؟؟ خلااااااص اللي صار صار ...و صارو الحريم اكثر من الرجاجيل (قصدي الريايل) في الشارع...الله يعين

ثانيا : صح في ناس اصغر من السن القانوني لأخذ الليسن ...و بعد اصغر من ان تنحرم امهاتهم و ابائهم من فرحة وجودهم في حياتهم....يعني تحديد العمر ليس فقط عشان مهارة السواقة وانما نمو عقل السايق نفسه و اتزانه .

وبالنسبة للتفتيش الليلي.....ليش حصرتوا الاسباب بكونها فقط متابعة مرورية ؟؟؟ احيانا كثيرة تكون بلاغات و اوامر وصلت للشرطة لمتابعة مخارج و مداخل منطقة الدوحة...الديرة كبرت و كبرت مشاكلها...و الله يستر على الجميع.

ولكم التحية


كلامج اللي فوق ما اعترض عليه ..

لكن اخر فقره ... انا مب معاج فيها ... لان فعلا واضح ان الموضوع تصيد مخالفات لتكرارها بشكل دوري ... انا لحقت على ايام نقاط التفتيش الامنيه ... كانو بس ياخذون البطاقه الشخصيه ورقم السياره .. ما لهم شغل في المخالفات المروريه .. اما الحين شوي ويحطون جهاز فحص شامل للسياره ..

انا اتوقع بعد مرور السياره على نقطة تفتيش ما تحتاج فحص فني ... خلاص تكون ناجحه ميه ميه ..(( استماره ، ملكيه ، دعمات ، الارقام موجوده ، مافيها صوت ، ما فيها مخفي ، صالحه للسير ))

[ليفربولي]

أستغرب من البعض مضايق من التفتيش

المثل يقول : لا تبوق و لا تخاف

و أنا أقول : واثق الخطى يمشي ملكاً


اخوي شكلك للحين ما تخالفت على حزام وانت رابطه ..

[TZ71]

لا يوجد تعليق

[مستر قطر]

[طيب عندي سؤال صغييير
ليش الثبوت الليلي او التفتيش الليلي مايكون قريب من الفنادق يمسكون الاجانب الي طالعين من الدسكو وسكارى ويسوقون السيارات ويدعمون ويذبحون خلق الله .
انا شفت بعيني اجانب سكارى شباب وبنات طالعين من احد الفنادق والي سوق السياره سكران والسياره تروح يمين ويسار لاكن تذكرت انا التفتيش مايكون قريب من الفنادق[/QUOTE]

:nice:

[alrheeb2020]

اخوي شكلك للحين ما تخالفت على حزام وانت رابطه ..

هههههههههههههههههههه