طرٍيق رٍوٍضـة رٍآ’شـد...شـآ’رع المـوت.. إلـى مـتـــى,,,!

[ممنوع اللمس]

بسم الله الرحمن الرحيـم..
طريق روضة راشد الكل يعرف هالطريق من الشحانيه الى طريق بو سمره
طريق كله لفات غريبه وصعدات يعني تمشي فجأه صعده لفوق ولفه معاها يعني خطر في خطر في خطر؟
القهر تاركين الشاحنات والسيارات الصغيره للطريق والطريق سيد واحد فقــط
شباب يموتون واحد ورا الثاني وعائلات والسبب اهل الشاحنات اللي وربي يمرون من جنب الواحد يمشون بسرعه جنونيه
حوادث والله ماتوقف شهريا كم سياره تروح في هالشارع وضحايا
سؤالي.. ليش الدوله ما تعدل هالشارع وتبني شارع جديد وتخلي الطريق القديم خاص في الشاحنات ؟
والشي الثاني ليش العساكر اللي في منطقة الشحانيه والموظفين ما ينقلونهم مكان اقرب؟ ليش يخلونهم في بو سمره وفي مناطق ثانيه كل يوم لازم يمرون في هالطريق قسم بالله الواحد يروح الدوام قبلها لازم يودع اهله...!

انا سكت واجد عن المصخره اللي تسير في هالشارع من قبل اهل الشاحنات بس وين اتكلم اذا محد يسمع لين ما يموت أحد ابناء المسؤولين يمكن بعدها يفكر يعدل الشآ’رٍع...
:(

[الخفي]

من صوب شكاوي الشاحنات : لاحيله لمن تنادي عمك اصمخ

الشاحنات وسكن العزاب والمدارس المستقله خطوط حمراء ومافيه مجال

للتناقش فيها قطار ماضي ولا ينفع فيه لاشكاوي ولا غيره بالقوه وفرض

[ممنوع اللمس]

خلها على الله والله تعبنا من الكلام نبي حد يسمعنا...

[خليفة77]

من اكثر الشوارع خطوره وكل سنه ميت كذا واحد المفروض يمنعون التريلات عليه ويكون خطين .

[الموضوعي]

هناك خطة لمنع القطريين من تجاوز الـ150 الف وذلك بإهمال الطرق حتى يذهبوا ضحايا لها

[ممنوع اللمس]

تسلمون عالردود
الله يعين والله كل يوم اروح الدوام وانا اقول متى ادعم..؟
وكل ما قربت تريله تشهدت والله ما صارت حاله؟
والقهر اقدر اداوم قريب من بيتي بس حسبــي اللّـــه ونعـــم الوٍكيــــــــــــــــــــــــــل عاللي نقلني...
والله اشوف العساكر شباب وعائلات ماسكين هالخط اللي مسافر واللي راد واللي مداوم والله يكسرون خاطري اقول في اي لحظه يروحون ضحيه تهور اهل الشاحنات

[بوحارب]

الله يعينكم بالفعل الشارع خطر

[حقيقه]

خل السرعه عنك وانت ان شاءالله بتروح وترد بسلامه

اما تمشي على 150 وتقول الطريق صعب وخطير

هو صحيح خطير بس اللي بيمشي على مهله مابيصيده شيء بأذن الله

شوفو ربعكم اللي الحين في مستشفى الرميله او توفو الله يرحمهم وافهمو انه السرعه هي المشكله لاتقول انا اعرف اسوق احسن من غيري

انتبه من مفاجأت الطريق واللي صعب الشخص يتجنبها اذا كان يمشي على سرعه عاليه

وان شاءالله يسنعون الطريق
والله يحفظ الجميع من كل شر

[ممنوع اللمس]

خل السرعه عنك وانت ان شاءالله بتروح وترد بسلامه

اما تمشي على 150 وتقول الطريق صعب وخطير

هو صحيح خطير بس اللي بيمشي على مهله مابيصيده شيء بأذن الله

شوفو ربعكم اللي الحين في مستشفى الرميله او توفو الله يرحمهم وافهمو انه السرعه هي المشكله لاتقول انا اعرف اسوق احسن من غيري

انتبه من مفاجأت الطريق واللي صعب الشخص يتجنبها اذا كان يمشي على سرعه عاليه

وان شاءالله يسنعون الطريق
والله يحفظ الجميع من كل شر

ياخوك من قال اننا نسرع؟
اهل التريلات هم طايرين ومتهورين والا من يقدر يسرع على هالخط حدي 100 واخفف كل دقيقه من زحمة التريلات اللي جايين طياره