مابقى غير ايام بسيطة عن تنفيذ قرار ازالة البورت كابن في الفرجان وغرامات مالية للمخالف

[مستثمر رشيد]

كشف المهندس جمال مطر النعيمي مدير بلدية الريان في حوار خاص لـ الراية على أن بلدية الريان ستبدأ منذ اول ابريل المقبل حملة موسعة لإزالة جميع التعديات على أملاك الدولة على رأسها (البورت كابن) لافتا الى ان وزارة البلدية والتخطيط العمراني منحت مهلة شهرين لتعديل الاوضاع المخالفة سواء بازالة التعديات او بالحصول على ترخيص لانشاء ملحق داخل المنازل وبعد انتهاء المهلة سيتم توقيع محاضر ضبط وغرامات مالية على كل التعديات على أملاك الدولة.

بعض جيرانا ناس كباااااااار وهوامير في البلد وعندهم ماشاء الله بورتكبنات سوبر لارج .... بنشوف هل قرار البلدية رايح يسري عليهم والا فقط على ناس وناس ..... صراحة متشوق وااااايد لتطبيق القرار عشان نشوف كيف رايح يتم التصرف مع الكبارية .... بس ياخوفي تكون هناك استثناءات في الموضوع

[الخير كله]

جعله بميزان سيئاتهم
(مش مخالفين...بس يكسرون خاطري هالقطر):(
تعالو باقول لكم انتو مش ملاحظين الاجانب اللي ساكنين في بيوت التقسيم مسوين مثل البورت كابن في الشارع نصه بالبيت وبابه للخارج يعني مطلعينه من السور؟؟؟
هذول شخبارهم

[ANONYMOUS]

المفروض يكون القرار واضح

هل الموضوع بورتكابنز.. بس

ولا تتضمن الخيام..

والدكه..

والجلسات..

والطبيلات

والشجر اللي برا البيوت..

واللي مسوي ديكور حجر حق لزروع..

او انترلوك

او صبيه على حسابه

" وماذا بشأن البورتكابنز اللي فيها تواير.. هل مازالت تعتبر بوركابنز.. ولا الثابت بس "

القرار مبهم

[مستثمر رشيد]

لاتستعجلون ... اتوقع مثل هالقرار صعب تنفيذه لانه رايح يوجد مشاكل بين مسؤلي البلدية وبين ناس اكبارية ... وانت كمواطن اذا شفت مفتش البلدية جاي بيتك ويطلب منك ازالة البورت كابن ... ما عليك الا تقول له اذا خليت جاري يشيل البورت كابن تبعه عقب انا رايح اشيل الي عندي ..... ياجماعة صعب تطبيق مثل هالقرار خاصة عندنا في قطر لان الواسطات تلعب دور كبييييييييير

[المنسى]

ماعندكم خبر كم سعر المخالفه

[هام السحاب]

تدري ليش القرار مبهم اخوي سعر الدعم
عشان تطلع الاستثناءات

[الخفي]

تدرون ليش هالحمله عشان بكره يقولون خلاص بنخلي البورت كابين بس بشرط ادفع

رسوم الداخليه موب احسن من البلديه الوزارات في سباق لمن يخطف اكبر قدر ممكن من

الراتب اذا بقى منه شي اصلا

[برق لمع]

والله يوم قريت الخبر في الجريدة انصدمت ...اول شي فكرت فيه وين بنودي الدريول ومن بيودي عيالي المدرسة معادلة صعبة وماعندي مكان ادخله البيت حتى لو بغيت ...
انا عن نفسي لي جاتني البلدية بقول لهم عدلوا الشارع اللي جدام بيتي كل ما طق المطر غرق حوش بيتي وحطوا رقم للبيت ...وين بيروحون دريوليتنا حسبي الله ونعم الوكيل للي غير علينا ..هذا اللي مضايقهم هل البلدية ؟
ما ضايقتهم الحفر في الشوارع ؟
ما ضايقتهم الزحمة واغلاق بعض الشوارع لاجل مسمى ؟
ما نقول الا قدر الله وما شاء فعل وانشالله لا يصح الا الصحيح؟

[دلة الرسلان]

يمكن البورت كابن فعلا في املاك عامه وتسكر الرصيف اذا كثرت وشكلها يشوه قيشاني

الحكومه ولكن الدكاكين ليش يزيلونها تخيلوا الدوبي اذا طيروه للشارع الرئيسي كم بتصير

قيمه تنظيف الثوب ؟

[الخفي]

سؤال للبلديه : ايش الاولى ازاله البورت كابين والطبيلات

ولا ازاله سكن العزاب والشاحنات ايهما اولى يابلديه

[الدوحي7]

سؤال للبلديه : ايش الاولى ازاله البورت كابين والطبيلات

ولا ازاله سكن العزاب والشاحنات ايهما اولى يابلديه

مايقدرون ،،

[الدوحي7]

وبخصوص القرار اكيد الى مجتمعين في اللجنه كل واحد بيته قصر مايهمه وين يحط البورت كابن،، الله كريم،، كل واحد يصدر قرار ،،

[eXpert*]

مع علميّ بـ ظروف البعض ،، الله يعين الجميع ..

بس بصراحة أنا ضد وضع البورت كابن في الخارج.

أحد الأحياء من كثر البورت كابن كأنك عايش في الهند ،، مب كأنه في دولة أقل أرض للبنيان 400 متر مربع .

نقطة مهمة : البورت كابن قبل لا يشوه مظهر الحيّ ، يشوه منظر البيت نفسه .

في ناس الله يهديهم مأجرين الملحق الخلفي الي فيه الخادمة وحاطين بورت كابن لها داخل البيت ،، ويأجرون غرفة السايق ، ويحطون له بورت كابن في الخارج !!!

الله المستعان

[unless]

على حد علمي ان المساحة اللي امام اي بيت تعتبر حرم للبيت
وحتى لو تطلب من البلدية تعمل فيها بلاط (انترلوك) أو زراعة
يسمحون لك على طول تدرون ليش لان تشيل عنهم شغلهم (على ظهر المواطن)
اما الاستفادة الشخصية فلااااااااا
اقترح تنظيم وتقنين الموضوع ووضع ضوابط تعنى بالجمال والشكل العام لأن بالفعل هناك ناس مضطرة..
ونذكر البلدية بالالتفات لما هو اهم وفيه الصالح العام.

[aljaber1]

هل القرار يشمل البورتكبنات الي داخل سور البيت

[واحد ثقة]

حطّوا بومطر في الوجه والله يعينه على الإحراجات مع الناس ،،

وبصراحة انا متعجب كيف يقولون بأنها تشوّه منظر الشارع !!

شوارع مهترئة وبلا أرصفة وتتجمع فيها المياه بلاتصريف ، المفترض تجميل الشوارع اولاً ومعرفة مايشوّهها فعلا ،،

[The End Qtr]

انا كنت موظف في البلديه وفي بلدية الريان بالذات

جمال النعيمي قاعد يبذل جهد جبار في هالموضوع .. والقرار هذا قديم .. لكن اللي ما يشيل البرتكابن ما يقدر يستفيد من خدمات البلديه مثل تقوية الكهربه او بناء ملاحق الا بعد الازاله

وللعلم كان العذر الموجود عند الملاك ما راح اشيل الا اذا شالها جاري

[خليفة77]

وبخصوص القرار اكيد الى مجتمعين في اللجنه كل واحد بيته قصر مايهمه وين يحط البورت كابن،، الله كريم،، كل واحد يصدر قرار ،،

:nice: :nice:

[هذلان]

يقلدون الكويت

[انا حره]

حطيتوو البلديه بوجه المدفع مو هم الي مطلعين هالقرارات من نفسهم

وصراحه يقهرون الي يقولون مانقدر انحط الدريول داخل البيت الحين معاهم بالسياره يوديهم ويجيبهم يعني نفس الشي

[قطرية وبس]

حطيتوو البلديه بوجه المدفع مو هم الي مطلعين هالقرارات من نفسهم

وصراحه يقهرون الي يقولون مانقدر انحط الدريول داخل البيت الحين معاهم بالسياره يوديهم ويجيبهم يعني نفس الشي


الي عنده بيت كبير وفيه غرفه عند الباب حق الدريول , او عنده مساحه في طرف البيت ويقدر يدخل البوت كابن مال السايق داخل البيت ... اعتقد راح ينفذ القرار بكل سهوله وما عنده مانع بتاتا ... والي بيته متروس ملاحق من كل مكان الله يعينه ..
والي بيته آجااااااااااار الله يعينه ...

[حليتان*]

داخل البيت او برع ؟

والخيام والطبيلات ؟

[كـاسـر الـصـنـم]

هاي اللي شاطرين فيه

بس تعال طلع قانون تمنع سكن العزاب بوسط الفرجان لا انزين امنع التريلات والباصات من الاستحواذ على بعض الاراضي هم لا انزين اشترطو على اصحاب العمارات وضع مواقف لسيارات سكان العماره بعدد الشقق هم لا صلحو شوارعكم هم لا انزين طبقو قانون اللي يتفل بالشارع يغرم لاحياة لمن تنادي

شاطرين يشتغلون ع البورتاكبن وع الطبيلات والاشياء الفرعية

[moonبنتnight]

والله صدقت 00 يخطف أكبر قدر من الراتب 00
رسوم اشكال واللون 00 بمعنى ومن غير معني 00
لي محيرني 00 قرارات ما تنظر لصالح المواطن بعين الاعتبار 00 في ناس يدوب كيفيهم بيت سكون فيه 00

[Rayane]

قــــــــــــرار ماله اي داااااااااااعي الا شفط فلوس المواطنين وهد حيلهم....

حسبي الله عليهم هذيلا ما يتعبون من تطفيش المواطن...

اذا حط له بورت كابن حق دريوله ولا مجلس خااارجي يتوسع فيه... وش فيها....

وايش الخطر الممكن حدوثه من وراء البورت كابن اللي برى......

انواع التطفيش والله..... كان الله في عوننا أهــــــــــــــــــــــــــل قطر والله طيبين ولا نستاهل....