الســــــكـــن ( والديـــــون وقرض بنك التنمية )....والحل عندي ..

[سوق واقف]

السلام عليكم ورحمة الله وبركاته

أخواني أخواتي الأعزاء .. أحببت أن أتطرق الى موضوع مهم جداا وهو السكن وقرض بنك التنمية ...


لا يخفى على أحدكم ماذا فعلت بنا البورصة والطفرة التي حصلت في السنوات التي مضت طمعت بنا البنوك وطمعنا نحن أيضا بها . . . .

كانت البنوك تغري العميل بمئة ضعف الراتب وغيرها من التسهيلات الأخرى بسبب الطفرة الإقتصادية التي حصلت في العالم ...

والكثير منا غرق بالديون ومنا أصبح لا يملك اي شيء صحيح هذي أخطائنا ولكن حصل ما حصل ..

الأن الشباب الذين تم تحويلهم بنك التنمية ولا يصفى من راتبهم سوى مبالغ بسيطة كيف يبني بيت العمر كيف هل من حلول مثلا لهذه المشكله ..

صادفت شخص مسكين في بنك التنمية يقول يصفى من راتبه 450 ريال فقط وساكن بالإيجار بمبلغ 8000 الاف ريال والبنك يرفض أعطائه القرض بسبب الألتزامات الكثيرة ..

ولكني فكرت بفكره جميلة .. عندما قال لي أنه بيته بالأيجار وبمبلغ 8000 الاف ريال يعني لو الأسكان الحكومي يعطونه بيت مؤقت راح يبقى من راتبه 8450 ريال وبهذه الطريقة أتوقع يوافق بنك التنمية ...

ولكن تكمن المشكله لماذا الإسكان لا يوفر سكن مجاني لهؤلاء الذين يسكنون بالإيجار ولمدة سنة حتى يبني بيته ومن ثم يسحب البيت منه ...

ألا ترون هذا حل مناسب لحل مشكلة السكن وقرض بنك التنمية للذين لا يصفى من رواتبهم شيء ....

مجرد فكره وأرجو النقاش الجاد وبدون تجريح لأي جهة أو شخص مسؤول رجاء ..

نريد طرح أفكار أخرى لعلنا نجد بعض الحلول ....

[ســـهم]

ليش كم المفروض ان يكون صافي الراتب ليستحق المواطن القرض كاملا ؟

[صلاتي]

في الامارات يا طويل العمر المواطن يستلم البيت

جاهز حتى من الفرش والتكييف المركزي

ولا يسدد ولا هم يحزنون

ولا يقولون احنا احسن واطول واعرض

دولة في العالم :tease: :tease: :tease:

[موضي قطر]

ابسط حق من حقوقه يعطونه بيت مؤقت

[وافق شنن طبقة]

الله المستعان ..
ويقولون اقوى واغنى دخل فالعالم الشعب القطري ..!!!

الا اتعس دخل دخل الشعب

[بو خليفه 123]

فكره طيبه لكن ماهو الجديد في اقتراحك ؟
الموظف ال Senior يستحق ال R.A

الآر إيه هو عباره عن الحصول على منزل يتراوح ايجاره من 8 الاف الى 13 الف (اذا ماكنت غلطان بالاسعار) وبأمكان الموظف تحويل ايجار هذا البيت على الحكومه و بالمقابل يخصمون من العلاوه الاجتماعيه .. شرط انه مايكون شغال في قطاع خاص لأنه لهم قوانينهم و لوائحهم الخاصه بهم .

يجوز للموظف السكن في هذا البيت الى ان يتسلم مفتاح بيته الجديد ..

الله يديم عز قطر , بس لا تستعجلون يا جماعه في قراراتكم البعض لا يقرأ ولا يسأل عن القوانين .

[Sharshooooor]

في الامارات يا طويل العمر المواطن يستلم البيت

جاهز حتى من الفرش والتكييف المركزي

ولا يسدد ولا هم يحزنون

ولا يقولون احنا احسن واطول واعرض

دولة في العالم :tease: :tease: :tease:

هنيه لو يعرفون قيمة المواطن او حطوا القوانين بيد قطري كنا بنحصل خير
لكن دايما ينظرون للمواطن نظرة وكأن راح يبوقهم ويشرد :nice:

[وحيد-الشوق]

الله المستعان ..
ويقولون اقوى واغنى دخل فالعالم الشعب القطري ..!!!

الا اتعس دخل دخل الشعب

صادق والله :weeping:

مب كافي التفرقة الاخيره الي صارت مواطن يستحق ارض ومواطن لا !!! :rolleyes2:

انا مع الفكره لكن بتم مجرد احلام يقظة للأسف :eek5:

[كاتم الاسرار]

الله المستعان ..
ويقولون اقوى واغنى دخل فالعالم الشعب القطري ..!!!

الا اتعس دخل دخل الشعب

الله كريم يالغالي

[meme~qatar]

جبتوها على العوق

[بوخليفة3]

سؤال يسدح نفسه

هل الجنير يستحقون سكن ra???????????

[Nasser2006]

الله يعين المواطنين

[ودي أكون]

سؤال يسدح نفسه

هل الجنير يستحقون سكن ra???????????

سكن حكومي من جهة العمل .. لا :secret:

[بو خليفه 123]

سكن حكومي من جهة العمل .. لا :secret:

بس ممكن انك تستفيد من الارض والقرض .. البنيان في ارخص اسعاره حالياً مقارنةً مع الطفره .. انصحكم تستغلون الفرصه والله ..

كلها 12 شهر انت مخلص بيتك

[ودي أكون]

بس ممكن انك تستفيد من الارض والقرض .. البنيان في ارخص اسعاره حالياً مقارنةً مع الطفره .. انصحكم تستغلون الفرصه والله ..

كلها 12 شهر انت مخلص بيتك

الناس لو عندها فلوس جان ماستغلتها يعني :waiting:

في ناس مايقدرون ياخذون القرض الثاني بسبت التزاماتهم .. الله يعينهم والله ..

بس اهم شي احنا يالحريم انحصل كل شي جاهز مجهز :shy:

[بوخليفة3]

سكن حكومي من جهة العمل .. لا :secret:

شكراااا

[شعنونة قطر]

يعجبني تفكيرك ان شالله نستفيد او حد يسمعك

[برق لمع]

الله المستعان ..
ويقولون اقوى واغنى دخل فالعالم الشعب القطري ..!!!

الا اتعس دخل دخل الشعب

والله ان كلامك سليم 100%
واللي يقول غير هالكلام يناقض نفسه
مب الكل مرتاح ناس وناس

[Qatarianes]

Qatar for non Qataries
ياخي شوف الاوربيين والامريكان شلون عايشين احسن من حالتنا هههههههه واحسن من حالتهم في ديرتهم
صج شر البليه مايضحك

[Mishari]

دخيل الله ارض لو صبخه مو لاقين

[بنت ابوها 19]

الناس بيوت ماعندها تسكن فيها
وبس فالحين يكتبون بالجريده

اغنى , اجمل , اطول , ادهى , اغلى , اول
الحمدالله انه الحبر رخيص ولا جان تعبو والله

والقهر انه لو صار شي بالعالم اول دوله تتبرع هي قطر
ولا تتبرع بالمليارت والمبالغ الباهظه
وبالاخير المواطنين ماعندهم مساكن تلمهم
صج الي يبين برع يحبون يسونه لكن مال هني يدرون به محد راح يدري فيه
يحبون المفوووووشر شكلهم وايد