استفسار بخصوص ... الشيك المفقود ..

[HADi]

السلام عليكم

لأصحاب الخبره


صرفت شيك لاحد الاشخاص بمبلغ كبير .. بدون تاريخ للجيك بحيث قلت له اي وقت استلم

الجيك او بلغني وبعطيك المبلغ

اتصل فيني الشخص يطلب المبلغ ..ولما سالته عن الجيك قال ضاع ..


حالياً انا ابي اعطي الرجال فلوسه لانه محتاج لهم في اسرع وقت وفي نفس الوقت خايف من

الجيك المفقود وخاصه انه من غير تاريخ .. الرجال ثقه بس ماظمن الزمن ..


شوركم يا اصحاب الخبره

[وحيد-الشوق]

شيك على حسابك قبل ماتعطيه الفلوس كاش اذا ماسحبها

وقبل ماتسلمه الفلوس بلغ البنك عشان مايصرفله الشيك

بس مادري اذا يصير الي قلته او لا

ان شاء الله يفيدونك باقي الأخوان

:)

[PoBox]

*
*
تتصل على البنك اللي كتبت منه الشيك الحين بعد عادي
الكول سنتر مفتوح في كل البنوك 24 ساعة
وتبلغ عن شيك مفقود
بيسالك الموظف عن رقم الشيك

عندك رقم الشيك في الطرف الثاني اللي في دفتر الشيكات اللي عندك
وراح يخبرك الموظف باي اجرائات اخرى في حالة الحاجة

بعدها تكتب الشيك
واحتياط خذ اسم موظف البنك اللي يكلمك والمكالمة بتكون مسجلة عموما
ماشوف عدل اكتب من الجوال :rolleyes2:

[Grnas]

شوف الشيخ

البنك بيقول لك روح بلغ الشرطة.
أظن في الحالة هذي تكتب كتاب من طرفك ان الشيك الفلاني ضاع . ولوترفق صورة من الشيك يكون أفضل.

بس ما ذكرت لي أي بنك بس تقدر تتصل بالبنك ويقول لك وشو الاجراءات

[نور اعيوني]

اخوي لا توهق نفسك حتى لو تثق فيه ما تدري بكره ايش يصير قول له على الاقل يبلغ عن الشيك او يكون بينكم اورقه موثقه بهالشي والله يوفقك ان شاء الله..

[قطر دزاين]

اخوي ها الزمن الثقه حتى في الاخ صارت ضعيفه

ايش يضمن لك بعد ما تعطيه المبلغ يرصك يمبلغ خيالي وليش ما بلغك اول ما فقد الشيك اذا اتهمه مصلحتك الشيك على بياض مو شي هين اخي هادي

انا لا ادري بنيه الرجل ولكن الخذر واجب احنا في زمن الله اعلم بة

[mqadeer]

[center]وعليكم السلام
اولا اطلب منه يبلغ عن فقدان الشيك عند شرطة العاصمه
ثانيا اطلب منه اثبات من شرطة العاصمه بانه بلغ عن فقدان الشيك /center]

[متابع عن قرب]

صارت مع الوالد ضاع له شيك بقيمة 3 ملايين وكان الشيك عند شخص ثقة لكن الحذر واجب وسوينا الخطوات التالية والحين مرت سنتين ولا صار الا كل خير


سوو الخطوات نفسها وانا متأكد انها بتنجح


تروح انت وياه للشرطة ولازم يروح معك


وتبلغون عن ضياع الشيك


بعد صدور التعميم يوقعون الشخص اللي ضيع الشيك بأنه اخذ حقه كاملا وان ليس له حق في الشيك ويوقع بهذا الشي



تودون التعميم الى البنك


البنك يأخذ رقم الشيك والاحسن يكون فيه صورة منه


ويدخل رقم الشيك في السستم وينحط له اشارة حمراء يعني لو ويش ماينصرف اول مايدخل الموظف الشيك في السستم يرفض صرفه لأن الرقم هذا موقف


لو الشخص طلع مافيه خير وراح للشرطة بيوقفونه الشرطة ويسألونه عن توقيعه لما عممتوا على الشيك

وبعدها الشرطة بياخذون الشيك ويتصلون لك تعال استلم شيكك

هذا لو كان الشخص سييء النية لاقدر الله


وبأعتقادي ان الاجراءات في قطر نفسها في الامارت


والله يوفقك

[خليفة77]

صارت مع الوالد ضاع له شيك بقيمة 3 ملايين وكان الشيك عند شخص ثقة لكن الحذر واجب وسوينا الخطوات التالية والحين مرت سنتين ولا صار الا كل خير


سوو الخطوات نفسها وانا متأكد انها بتنجح


تروح انت وياه للشرطة ولازم يروح معك


وتبلغون عن ضياع الشيك


بعد صدور التعميم يوقعون الشخص اللي ضيع الشيك بأنه اخذ حقه كاملا وان ليس له حق في الشيك ويوقع بهذا الشي



تودون التعميم الى البنك


البنك يأخذ رقم الشيك والاحسن يكون فيه صورة منه


ويدخل رقم الشيك في السستم وينحط له اشارة حمراء يعني لو ويش ماينصرف اول مايدخل الموظف الشيك في السستم يرفض صرفه لأن الرقم هذا موقف


لو الشخص طلع مافيه خير وراح للشرطة بيوقفونه الشرطة ويسألونه عن توقيعه لما عممتوا على الشيك

وبعدها الشرطة بياخذون الشيك ويتصلون لك تعال استلم شيكك

هذا لو كان الشخص سييء النية لاقدر الله


وبأعتقادي ان الاجراءات في قطر نفسها في الامارت


والله يوفقك

:telephone::nice:

[واقعي وصريح]

اخوي لازم تبلغ شرطة العاصمة وتعطيهم رقم الشيك في هالحاله الشرطة تبلغ البنك بعدم صرف الشيك بشكل رسمي

انا موظف في البنك وهذا الاجراء المتبع في مثل هالحالات

[متابع عن قرب]

اهم شيء


لا تعطيه فلوسه قبل الاجراءات



يعني



يوم يوقع بأنه استلم فلوسه تعطيه فلوسه في نفس اللحظة



لأنه لو رفض التوقيع انه اخذ حقه مافيه اي قوة ممكن تجبره على هذا الشيء




كذا تضمن صاحبك مايدخل الشيطان في موضوعكم

[جوال 11]

اهم شئ أبلاغ البنك بإيقاف الشيك
وبعد ذلك خلص مع صاحبك في الشرطة واخذ تعهد بأنه حصل على المبلغ بعد تأكدك بعدم صرف الشيك، والأفضل عند كتابة اي شيك وضع خطين على الجهة اليسى للشيك
بشكل مائل // لأغلاق الزاوية اليسرى وذلك لعدم قدرة أي شخص من صرف الشيك ، وإنما يتم أدخال الشيك في حساب المستفيد لأنه توجد كلمه أو لحامله في نهاية الشيك وأي شخص يستطيع صرفه

[ماريسا]

الله يوفقك

[rashid-1]

السلام عليكم

الأحسن تروحون مركز العاصمة قسم الشيكات وتحلون هاذي المشكلة وماأنصحك ياخوي أنك تعطيه المبلغ الا بعد حل المشكلة

وحتى لو كان ثقة وأنت شدراك يمكن هو يموت ويلقون عيالة او زوجته الشيك فيطالبونك بالمبغ

[بو خليفه 123]

قول له فالك طيب بس ..

تجيب لي ورقه رسميه من الشرطه بفقدان الشيك . و يجب على الكتاب من الشرطه ان يتضمن بيانات الشيك كـ المبلغ و رقم الشيخ و الخ الخ ..

بالتوفيق و الله يعوضك خير ان شاء الله ..

[bo_hamad]

إذا عندك صورة عن الشيك روح سو بلاغ في مركز العاصمة قسم الشيكات وبعدها روح البنك وقف الشيك لان الشيك له رقم اذا توقف محد يقدر يصرفها .

اما بخصوص الشخص سو بينك وبينه عقد استلام المبلغ ويكون فيه شهود في الموضوع .

وجزاك الله الف خير

[حليتان*]

ولد فقاره .. ما اعرف في هالاشياء هههه


الله يوفقك يا هادي

[TZ71]

اخوي:
روح البنك وعطهم رقم الشيك وقولهم ان الشيك ضايع وبدون تاريخ واطلب منهم وقف صرف الشيك نهائيا
وان شاء الله بيسير خير
مع تحياتي

[abn qatar]

لازم تبلغ الشرطه وتعمل محظر بواقعه فقدان الشيك لان البنك مايقدر يوقف وقف صرف

شيك الا بأمر من الشرطه

ثاني شي حتى لو الشيك تم الحصول عليه من شخص اخر مايقدر يصرفه طالما الشيك باسم شخص ثاني الا

في حاله مكتوب يصرف لحامله بينصرف طالما ماعليه بلاغ

[HADi]

الله يعطيكم العافيه وبيض الله وجيهكم على نصائحكم ...

تم الاتصال بالبنك .. مصرف قطر

وفعلاً طلبوا ورقه من مركز الشرطه تفيد بضياع الشيك .. حتى يتم ايقافه ..

لان لو ماحصل هذا في اي وقت صاحب الشيك يقدر يستلم المبلغ بمجرد تقديمه للبنك ..


كلمت الرجال وطلبت منه يبحث عن الشيك او نذهب للبلاغ عنه


والحمدالله ما ستعجلت في الموضوع ... جزاكم الله خير