@@@ الى طلاب الابتعاث الخارجي عن طريق المجلس الاعلى @@@هاااام

[doha70999]

مرحبا


حبيت اسألكم هل يصير المجلس الاعلى للتعليم ياخذ الاسم والرقم السري مال الجامعه اللي يدرس فيها الطالب ؟؟؟

خاصة ان هالباسوورد يدخله على الايميل الخاص بالطالب والمقررات والدرجات ....


هل المجلس الاعلى له الق انه يطلب هالشي؟؟؟؟:rolleyes2:؟؟


خاصة ان ايجييهم كشف الدرجات مباشرة من السوبرفايزر!!!


مشكورين

[Chambray]

لا هذي خصوصيه لك
وتقدر ترفع قضيه للي سرب رقمك السري حتى لو كانت الجامعه

[خليفة77]

مالهم حق بس تأكد بعد لان يمكن فيه اتفاقية بينهم عشان يعرفون درجاتك اول بأول بدل مايخاطبونهم .

[][ الوحيد ][]

والله مادري اذا المجلس الاعلى لهم الحق هاي الشي ,,

بس وايد بعثات قامت تطبق هالشي ,,

[مابدل العادات]

الي اعرفه انه من حق الجهة الي تبتعثك انهم ياخذون الرقم السري لملفك في الجامعه

لجل يشوفونك وش مسجل ووش حاذف وكم معدلك وكذا

:)

[Chambray]

الي اعرفه انه من حق الجهة الي تبتعثك انهم ياخذون الرقم السري لملفك في الجامعه

لجل يشوفونك وش مسجل ووش حاذف وكم معدلك وكذا

:)

لا مالهم حق
الي لهم حق فيه انهم يستقبلون تقاريرك من الجامعه بصورة مستمرة او اي وقت يطلبون ذلك منك

[رجل الجزيرة]

وأنا أقول مثل ما قال أخونا / الخاطف

علشان الطالب ما يتمادى أو يتكاسل في الدراسة.

[][ الوحيد ][]

اليوزرنيم والباسوورد ,, من حق الطالب ومحد يقدر يطلبه منك ,,
لكن في بعض البعثات بطلبونه ,, واذا ما عطيتهم عادي يوقفون بعثتك او يعطونك انذاار !!

وبخصوص سؤالك : انا كلمت واحد من الربع مبتعث عن طريق المجلس في امريكا ,, يقول محد طلب منه الرقم السري

[بــو فهــد]

انا اخبر يخلونك توقع على ورقه عند الادفايزر ان لهم الحق ياخذون اي معلومات عنك وعن درجاتك .. لكن اذا طلبو منك اليوزر والباس بالكلام اطلب منهم يطرشون لك ورقه بهالشي وتكون موقعه منهم .. ما تظمن الدنيا ايوون يدربونلك مواد وانت تتبهدل ويا الامقريشن :rolleyes2:

[كيفي قطري]

اخوي العزيز Doha70999
انا احب اشارك في الموضوع وتقبل مشاركتي وبدون زعل
انا اتفق مع اخوي الخاطف واخوي رجل الجزيرة
لانه مثل ما انت عارف وانا عارف اغلب الجامعات البريطانية او الاوروبية تعتبر هذه معلومات سرية وحد يقدر يطلع عليها الا الطالب نفسة، وفي هذه الحالة لابد من الطالب انه يعمل تفويض للجهة اللي ابتعثته للدراسة حتى تقدر اتابعة اول بأول علماً بأن الجامعات لاترسل الدرجات اول بأول وانما همهم الاول والاخير الرسوم الدراسية تندفع بسرعه وبدون تأخير .

انا عندي سؤال هل هاي الشي يضرك او ينفعك ؟

لو ان المجلس الاعلى للتعليم طلب منك هذا الشي قبل حصولك على البعثة جان وافقت وبدون تردد ليش لانه شي عادي وانت ملزوم توافي الجهة اللي ابتعثتك بكل المواد الي سجلت فيها واللي نجحت فيها واللي رسبت فيها .

واعتقد اللجنة الاولمبية عندها كل الارقام الخاصه بطلابهم في الجامعات وما سمعنا انه في حد مش موافق
تدري ليش لان هاي الشي في مصلحتهم .

وازيدك من الشعر بيت اغلب الجامعات البريطانية والاوروبية ما تطرش التقرير الاكاديمي كل عام او كل فصل
وبالتالي يؤثر هذا في مسيرتك الدراسية ويتوجب على الجهة اللي ابتعثتك انها تسأل الجامعة وايميلات وبليالله يردون وانا اعرف ناس وايد صارت لهم هاي المشكلة توقفت مخصصاتهم الشهرية والسبب ان درجاتهم ماوصلت للجهة اللي ابتعثتهم وصارت عليهم مشكلة .

وفي نفس الوقت عشان الطالب مايتكسيل وما يرسب، اذا كيوبي تفصل الطلاب اللي معدلاتهم اقل من 2
يعني هو مب راسب ولكن معدله اقل من 2 هاي هني المصيبه وانت ياي تقول لهم الحق او مالهم الحق

انا عندي جواب لك اذا قالولك اعمل تفويض للجامعه انها تبعث تقاريرك الدراسية بشكل مستمر ومنتظم
وانت قلت لا توقف بعثتك الدراسية وبالتالي انت مجبر انك تعمل التفويض وهذا اساساً فيه نوع من التأخير لان اغلب الجامعات ترسل التقارير والرسوم الدراسية بالبريد العادي .

والله يوفقك في دراستك

[doha70999]

المشكلة ان السوبرفايزر يطرش اول بأول بس مادري ليش طلبوه,,,,,

وشمعني يطلبونه من بعض الطلاب والبعض لااااااااا@@ شي غريب

مشكورين على مشاركاتكم اخواني =)لاخلا ولاعدم

[Parfait]

لهم الحق انهم يخاذون المعلومات الي يبونها من الجامعه نفسها
بس مالهم حق انهم يطالبون باليوزرنيم والباسورد لانه هذا شي شخصي !
و لك الحق بامريكا نرفع قضيه عليهم : )

[doha70999]

=(((

يل ليش يطلبون اليوزر والباسوورد خاصة ان يقدرون عقب يفتحون الايميل ويشوفون كل شي!!


يعني مايكفي ان يجييهم من الجامعة بنفسها ولا يعني الواحد زور!!!!!!!!!!!

[فتى دخان]

السلام عليكم ورحمة الله وبركاته


اخوي هذا مو من حقهم انهم ياخذونه لنه يجهيهم تقرير كل فصل

بعدين طلاب المجلس الاعلى والبترول وبروه تقريبن كل البعثات الي

في قطر ماياخذونه لنهم يعرفون هذي خصوصيات طالب لو هذي

مو خصوصيات كان قدرو ياخذونها من الجامعه بس مايقدرون عشان

كذا هم اتصلو فيك وانا اقولك اذا اتصلو فيك قول لهم اخذوها من الجامعه

او اخذوا من الطلبه الي في المجلس الاعلى اعتقد هذا غلط

واعتقد اخوي انك مافهمت الي كلمك او شي لن مستحيل المجلس

الاعلى يطلب منك هالطلب لنهم فاهمين كيف الابتعاث

[doha70999]

لا هاي اللي صار ومادري ليش !!
والايميل كان واضح وضوح الشمس

الله يعين

[فتى دخان]

اخوي الي انا اعرفه المجلس الاعلى خاصه ماياخذون

بس مادري اذا هم غيرو النظام الحين بس لحد الحين ماسمعنا

بهاشي وحتى رساله مافيه

[][ الوحيد ][]

شي غريب والله !!
اللي اعرفه انه اللجنه الاولومبيه والترشيحه ياخذوون اليوزر والباسوورد ,,

اما البعثات الثانيه ماياخذون شي الطلاب ,,

[كيفي قطري]

=(((

يل ليش يطلبون اليوزر والباسوورد خاصة ان يقدرون عقب يفتحون الايميل ويشوفون كل شي!!


يعني مايكفي ان يجييهم من الجامعة بنفسها ولا يعني الواحد زور!!!!!!!!!!!



ليش تضن في الناس ضن السؤ ؟؟؟؟؟؟
دام انهم طلبوا منك هاي الشي معناتها الجامعه ماطرشت لهم درجاتك وما ردت عليهم
وانا شخصياً صار معاي هاي الشي واكتشفت ان الجامعه ماطرشت لهم درجاتي
مع العلم ان المجلس الاعلى شارط على الجامعه انهم يطرشون الدرجات اول بأول
بس للاسف هاي اللي اكتشفته .

وبعدين انت ليش مكبر الموضوع هاي اليوزرنيم والباسورد صحيح ملكك وخاص فيك بس في الجامعه عشان يطرشون لج درجاتك ونتايجك عشان ماتقعد تطلبها منهم وتأكد اخوي لو ان درجاتك واصله للمجلس الاعلى اول باول ماكان طلبوا هاي الشي منك

[doha70999]

مشكورين =) شكلي بروح وبستفسر منهم