كيف اضمن حقي في حال شرائي اسهم اكتتاب قبل التداول ؟

[reall_sky]

بسم الله الرحمن الرحيـم

السلام عليكم ورحمة الله وبركاته ،،،

اخواني في حال شريت اسهم اكتتاب لمصرف الريان 100.000 سهم من 714 شخص تقريبا

يعني بملايين الريالات ...

سؤالي هو .. هل فيه الية ممكن اتبعها بحيث اضمن عدم بيعهم لها بعد استلام الثمن ؟؟؟

هل اقدر اصدق الوكالة او افرغهم من قبل سوق الدوحة المالي عشان مايتصرفون فيها بعد البيع ؟

اذا كان فيه حلول .. ياليت تعطوني اياها .. والموضوع يستاهل ؟

يعطيكم العافية واسف على الاطالة

[Qtrun]

أخوي أول شي لو شريت بتكون مخالف للقوانين وراح تتعرض للمساءلة القانونية لو امسكوك ومافي شي يضمن حقك يعني لو رحت اشتكيت انت الي بتروح وطي


أحسن حل للشي الي سويته تاخذ من كل واحد شيك مفتوح علشان تضمن حقك واذا باع تحط المبلغ الي تبيه وتشتكي عليه

هذا الحل الي عندي بس انا مانصح انه احد يسوي الي سويته

[reall_sky]

اخوي مشكور ..

هل اقدر اسوي فيها تنازل في حال انه معاي وكالة منهم ... قبل التداول ؟

هل فيه حل غير الشيكات ؟

[KhalidQ]

اخوي مشكور ..

هل اقدر اسوي فيها تنازل في حال انه معاي وكالة منهم ... قبل التداول ؟

هل فيه حل غير الشيكات ؟


اول شي الشيكات على اي بريد راح توص اذا راح توصلك زين اذا لا لزم تاخذ شيكات على
من الاشخاص بنفس القيمة و ثاني شي اذا بتتأكد لازم تتصل على البنك الوطني
وتعطيه رقم الطلبات و راح يقول كم خصص لك اذا خليج راح يكون 140 سهم
اذا قطري راح يكون 2260 سهم

[PoBox]

لاتوجد طريقة لتضمن حقك ..

ولو اشتكيت انت من سيسجن ..لمخالفة القانون القطري ..
ولو احدهم باع لك الاسهم ..
وباعها لنفسه مرة اخرى واخذ المبلغ مرتين .
ما تقدر تشتكي عليه ..

ولو اشتكيت انت وهو تروحون وطي ..

بس الله يعينك 714 شخصية ومزاج لو طلعوا 50 منهم نصابين .. احجز في ابوزعبل ..

[reall_sky]

طيب ياليت تجاوبوني على سؤالي :-

في حال شريتهم ... واعتبروها تنازل منهم هبه ... واخذت منهم وكالات بالتصرف بالاسهم

هل تحويلهم او نقل ملكيتهم او افراغهم لي .... يصير الاسبوع هذا مثلا ؟ يعني قبل التداول بشهرين ؟

او انه لازم انتظر شهرين ولما تفتح تداولها احولها باسمي ؟

[حمد خالد]

مافيه ضمان لان البيع غير شرعي

انتبهي اخوي لين تنزل البورصه

[Agent007]

وحتى الوكالة او التنازل غير مضمون

ممكن اي شخص من ال714 في اي وقت يلغي الوكالة او التنازل وتروح عليك

ما لك غير الصلاة والدعاء بان كل هؤلاء شريفين

:)

[reall_sky]

معاك حق والله ... لكن راح اخاطر لان الموضوع يستاهل .. طلبت منهم ضمان بنكي

وبعدين ايش دراك اني ماقاعد اصلي وادعي الحين انهم يكونون شريفين ;)

يعطيكم العافية والله[quote]

[qrlamcy]

التوكيلات وتحويل الاسهم مقبولة فقط بين الاقارب من الدرجتين الاولى والثانية

[حسين بن عاقول007]

ياخوك احلي فكرة تاخذ عليهم شيك علي بياض اول شي

اذا فكر يلعب من وراك اشتكي علية قول للضابط بس انا خذ مبلغ ومارجعة وانا ابي فلوسي اذا هو قال للضابط والله عطيتة للاسهم انكر الموضوع قول انا الي اعرفة عطيتة مبلغ وما رجعة وخذيت منة شيك بعد ما عطيتة المبلغ
جي انت تكون بسليم والريال ينسجن اول شي بين 6 شهور الي 3 سنين يعني يومة اسود لما يطلع من سجن محد يشغلة ودليل قضية شيكات
فوق هاي لما ينسجن حتي سروال الي لابسة يكون مرهون ههههههههههههههههه

[صــــدى شــــجن]

الله يعينك

[فلان]

التوكيلات وتحويل الاسهم مقبولة فقط بين الاقارب من الدرجتين الاولى والثانية

تحويل الأسهم للأقارب بس من الدرجة الأولى أخوي :deal:

[Agent007]

تحويل الأسهم للأقارب بس من الدرجة الأولى أخوي :deal:

ما هو مصير الاف الخليجيين الذين اشتروا جوازات اناس غيريبين عنهم .. وقامو بعمل توكيلات من بلدهم ؟؟؟؟
ألن تعترف شركات الوساطة بهذه الوكالات ؟؟؟؟؟؟ (ان كان ذلك صحيحا فانه احسن خير سمعته في هذه السنة)