انتظار اقل من نص دقيقية على 111

[العاقل]

مساء الخيرات

لي كم يوم اسمع ان ماعاد فيه انتظار طويل عند اتصالك على كيوتل 111

فقلت لازم اجرب

وفعلا اليوم اتصلت انا ورفيجي بوقتين مختلفين

اتصل هو على 111 واخترا خدمة الجوال
وانا جلست احسب متى يردون
وفعلا والله بدون مبالغة ماكملنا 20 ثانية ورد علينا


وبعدها بساعة تقريبا اتصلت انا
وهالمرة ماكملة 5 ثواني

علما اننا نتصل على الموبايل
ومب من عملاء النخبة


بصراحة فرحت واااااااااااااااااااايد
واقول يارب دوووووووووووم مب يوم

[بوخالد911]

بورك فييهم

[Grnas]

حظ سعيد

بالنسبة لي يقولون لي مافي موظف يرد عليك لأنهم مشغولين مع العملاء ويقفلون السماعة بوجهي (صارت لي بس خمس مرات خلال سنة)

[سهم طايش]

و الله العظيم يوم الجمعة اتصلت على 111 و انتظرت اكثر من 20 دقيقة و بعدين سكرت الخط من الملل و الانتظار

و الله على ما اقول شهيد

[سهم طايش]

الاتصال كان بين الساعة 6 و 6ونص مساءا

و انا مو من عملاء النخبة

[العاقل]

سهم طايش

اكيد كلتمك سليم بدون ماتحلف وانا اخوك

بس على اي خدمة طلبت
انا كنت طالب الجوال
واليوم جربت وفعلا تفاجات وشي حلو بصراحة

نقول باذن الله انهم تحسنو



Grnas
اول انا معك انهم فعلا يتاخرون
تجربتي معهم اليوم غييييييييييييييييييييييييير
اعيد واقول يارب دووووووووووووووووووووووووووم

[سهيمان]

البارحة تعطل الانترنت فاتصلت على 111 نقعوني اكثر من 15 دقيقة ولا حد رد صكرت ورحت ارقد

ومن شوي نقعوني لكن الحمدلله عقبها ردوا علي

الشكوى لله

[meme~qatar]

عسى دووووووووووم

[بوحمد1]

بو طبيع مايجوز عن طبعه والصراحة فرق كبير بين خدمة الامارات وكيوتل

في شركة الاتصالات ماعمري سمعت رنتهم وعلى طول يردون عليك تحس ان الموظف ينطرك تتصل :telephone:اما هنا عند كيوتل خلوني احفظ القصيده غصب :anger1:

الحق ينقال والكمال لله:nice:

[كازانوفا]

بدأ شغل الدعايات لكيوتل :nice:

مفهــــــــــــــــــــومه:victory:

[ليفربولي]

صاحب الموضوع !!

للاسف وان صادف معاك انهم يردون ... لكن فعلا للحين يتاخرون !!

انا توني من فتره بسيطه كنت بسوي اشتراك البلاك بيري ..

اتصلت عليهم بالليل .. نقعوني فوق النص ساعه ولا ردو ... طبعا هذا كله وانا في السياره واول ما وصلت البيت سكرت وقلت بكره اكلمهم ...

اليوم الثاني ردو بعد 3 دقايق ..

[ANONYMOUS]

زين ماكملت لنا الحلم

وعقب ماردوا اشصار..

والساعه جم دق الـ alarm تبع الجوال..

وهل اخترت " غفوه " ولا " دسمست" المنبه وقعت وتعوذت من ابليس ورحت الدوام

:p

[ودي أكون]

الصج ينقال ..
والله انا اتصلهم ويردون ..

ماصدف لي مره اني اتصلت ومحد رد .. :)

واقول للي يتصل ويتم عالخط فوق الساعة .. اذا اتصلت 3 دقايق محد رد عليك .. سكر ورد اتصل مره ثانيه لاتعلق الخط ..

لان ماظن عندهم شخص واحد ولا بدالة وحده :)

سكر ورد اتصل وبتحصل من يرد عليك ان شاءالله .. :)

[رذاذ]

بالعكس ردوا بسررعه علي

على حسب الله يسلمك الضغط عندهم

وطبعا من اتصل من ثاني رنه يردون vip الله يسلمك

[gentel-QTR]

اليوم الساعة وحدة بالليل , اتصلت 111 على خدمة الانترنت , ونقعوني عالخط فوق النص ساعة,

أعتقد كان عندهم مشكلة بالنت بهالوقت لكن الحمد لله النت اشتغل قبل مايردون علي .

الصراحة كنت ناوي اصور عداد المكالمة بكيمرة التلفون و لكن شفت انهم مايستاهلون حد يحرق اعصابه عليهم .

وانا اتوقع انهم ماردوا على اتصالات قسم الانترنت لان ماعندهم حل للمشكلة الي صارت ولا عندهم رد سنع للمشكلة .

[بنت العصـيمي]

اي والله حتى انا اتصلت من كم يوم وثواني بس ورادين علي

مب قبل الواحد يعاف اللي يبي يسويه من كثر ما ينقعونهم

كيوتل تختصر المسافات

[بدوي]

ذكرتني بمذنب هالي

مايطلع الا كل 76 سنة


اذا الموضوع على كيوتل ........... عز الله جابت ولد

:telephone:

[BURBERRY]

انا امس اتصلت 111 اخترت خدمة الجوال

إلا ردو بسرعه .. بس المشكله الموظفه ماعرفت تحل مشكلتي فحولتي على موظفه ثانية و قعدت انتظر 10 دقايق ولا ردت و سكرت

و رجعت اتصلت مره ثانيه على 111 و رد علي موظف بسرعه و حل لي المشكله بسرعه

[بو خليفه 123]

كيوتل خدماتها الهاتفيه جيده نسبياً

اللي يبي يعرف معنى المعاناه الحقيقي يتصل في كول سنتر فودا فون ..

[ماريسا]

شي طيب
ان شالله دوم

[جنوب الدوحه]

من فتره قصيره كنت طالع من العنه في "سيلين" اللللللللللللليييييين وصلت صوب جسر الشمال وانا حاط التيلفون في اذني ولا احد رد علي .. وشيكت على المكالمه طلعت ازيد من 45 دقيقه هذا الكلام الساعه 1 فليل ما اعتقد عندهم عذر .. اذا كانت هي الشركه الي مسيطره على الخطوط الارضيه واكبر مشتركين ولها فروح في شرق الارض ومغاربها يسنعونا احنى اولى من غيرنا .. يزيدون عدد الموظفين زياده على ذالك سياسه اللف والدوران << المعتاده

وتقبل مروري :)

[Scorpion]

الأخ شغال مع كيوتل :p

انا صراحه اذا مانطرت لايقل عن 20 دقيقة يكون في خلل !!

[العاقل]

كلامي الحمدلله واضح من البداية

انا اقول عن هاليومين وان هذا تحسن جديد وممتاز

ما اقول انهم ماعندهم تاخير او انتظار
اتوقع ان اليوم وباجر احسن
واذا الكلام عن الانتظار فانا اذكر مرة في رمضان تميت 42 دقيقة وبالاخير قفلت الخط


ياليت تجاربكم اعتبارا من تاريخ 8 مارس


ويارب دووووووووووووووووووم ماعندهم انتظار

[السهم الحلال]

زين ماكملت لنا الحلم

وعقب ماردوا اشصار..

والساعه جم دق الـ alarm تبع الجوال..

وهل اخترت " غفوه " ولا " دسمست" المنبه وقعت وتعوذت من ابليس ورحت الدوام

:p



ههههههههههههههههههههههه

بصراحه ردك ماله حل

[بوهلال]

الى الامام يا كيوتل

ونتمنى التطوير في جميع الخدمات

[auto body]

نار كيوتل ولا جنة فودا فون

[Mr.1]

والله العظيم يووم الجمعه نقعوني 57 دقيقه تقريبآآآ
ومن الملل صكيت الخط .,!!

[لولوتي]

مب كل وقت يكون التأخير
وشهادة حق في خدمة كيوتل 111 انها اصبحت أفضل بكثير عن السابق،،،
من ناحية تحسن الاسلوب والتعامل مؤخرا،،، فعلى الأقل إن لم يكن من حل بيد الموظف،،، فالأسلوب الراقي في التعامل مع العملاء له تأثير كبير>>> يقلل من رفع الضغط شوي :)


و إستفسار خارج عن الموضوع:-

كيف ابلغ كيوتل عن أية مواقع إلكترونيه يـُفضل حجبها؟؟

[ضوى]

مب كل وقت يكون التأخير
وشهادة حق في خدمة كيوتل 111 انها اصبحت أفضل بكثير عن السابق،،،
من ناحية تحسن الاسلوب والتعامل مؤخرا،،، فعلى الأقل إن لم يكن من حل بيد الموظف،،، فالأسلوب الراقي في التعامل مع العملاء له تأثير كبير>>> يقلل من رفع الضغط شوي :)


و إستفسار خارج عن الموضوع:-

كيف ابلغ كيوتل عن أية مواقع إلكترونيه يـُفضل حجبها؟؟



هلا بالغالية

ردا على سؤالج اتصلي على 111 واطلبي خدمة الانترنت وعطيه الموقع وهو راح يقوم بالواجب بعد اقل من ربع ساعة :)

وبعد تقدرين الصبح تتصلين 4400400 وتطلبين قسم الانترنت وبعد راح يقومون بالواجب

[لولوتي]

هلا بالغالية

ردا على سؤالج اتصلي على 111 واطلبي خدمة الانترنت وعطيه الموقع وهو راح يقوم بالواجب بعد اقل من ربع ساعة :)

وبعد تقدرين الصبح تتصلين 4400400 وتطلبين قسم الانترنت وبعد راح يقومون بالواجب


هلا وغلا
يالله انك تسعدها مثل ما اسعدتني بطلتها :)
ما شفتج صار لي فتره اختي ضوى ،،، عساج بخير وسعاده

ولج كل الشكر على ردج وبإذن الله بتصل فيهم :victory:

[ضوى]

هلا وغلا
يالله انك تسعدها مثل ما اسعدتني بطلتها :)
ما شفتج صار لي فتره اختي ضوى ،،، عساج بخير وسعاده

ولج كل الشكر على ردج وبإذن الله بتصل فيهم :victory:

:shy::shy: احرجتيني

ماعمري كنت بخير وسعادة مثل هالايام ولله الحمد والمنه ، عساج ماتفقدين غالي يارب ويسعدج دوم يارب

[رصاصه]

لاعت جبدي من الخط الساخن لبنك المصرف هذا الخط البااااااااااااااااااااااااااااااااااارد عمري ما اتصلت وردوا علي دايما ينقعوني عالخط لين الله يشوف لي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الله المستعان

[لولوتي]

:shy::shy: احرجتيني

ماعمري كنت بخير وسعادة مثل هالايام ولله الحمد والمنه ، عساج ماتفقدين غالي يارب ويسعدج دوم يارب


ما شاء الله،،، وعسى السعاده والسرور بحياتج دوم يالغاليه :)

[هذلان]

اما انا ياليتهم ينقعوني ... اتصل و اخليه على السبيكر و خله لين يردون .
لكن الي يقهرني انه احيانا مايعديك فرصه تنتظر يسكر الخط و يقولك المسج ارجع اتصل مره ثانيه

ايس فيه :anger3: