حياكم شاركونا مشاكلكم في بيئة العمل ( خلونا نستفيد )

[فرحة الكواري]

اسعد الله اوقاتكم بكل خير وسعاده ومحبة


حبيت افتح هذي الصفحه لتشاركونا بالمشاكل سواء اللي نحلت او مازالت قيد الانتظار في مجال العمل فقط

كل واحد يقول مشكلته ونستفيد من تجارب الاعضاء


.

.


ابتدي معاكم بأول مشكلة حاليا وهي رصيد الاجازات وتأخير موظف الرصد بادخلها في السيستم واحسبوا علي غياب يومين بدون راتب وانا ماخذة اجازة على اساس عندي رصيد يكفي

الحل

راجعت مسؤولي ومساعد مدير الادارة وعطيتهم نسخه من طلب الاجازة وعليها تعليق موظف الرصد ان لديها رصيد .. والحمدالله انحلت بشكل ودي لان الخطأ من موظف الرصد :nice:


تعليقي: الحمدالله انها انحلت بشكل ودي ولا عادة مثل هالامور في وزارتنا الموقره يسوون فيها الف سين وجيم :secret:

[بو خليفه 123]

خطأ بشري اختي .. والخطأ وارد .
اهم شي المتابعه من قبل الموظف .

[ودي أكون]

مشكلتي مايخلوني اطلع اجازة مثل الناس ..

وان طلعت سحبوني .. تعالي محتاجينج .. :eek3:

عشان جي نصيحه فيها قطع ارزاق :D.. لا تبدع ولا تجتهد ولا تواظب ولا تشتغل عدل ..

لان الاعتماد الكلي بيكون عليك .. وفالاخير بتتحسف :eek3:

[موضي قطر]

مشكلتي مايخلوني اطلع اجازة مثل الناس ..

وان طلعت سحبوني .. تعالي محتاجينج .. :eek3:

عشان جي نصيحه فيها قطع ارزاق :D.. لا تبدع ولا تجتهد ولا تواظب ولا تشتغل عدل ..

لان الاعتماد الكلي بيكون عليك .. وفالاخير بتتحسف :eek3:


:victory::victory::victory:

[فرحة الكواري]

خطأ بشري اختي .. والخطأ وارد .
اهم شي المتابعه من قبل الموظف .

الخطأ وارد ما اختلف معاك

لكن قبل لا اكتب الاجازة يوم يقولي عندج 10 ايام ويوم يقولي عندج 15

ويوم سجلت 12 يوم وطلعت وداومت قال لا عندج 10 :) يعني يومين بدون راتب

جايته مرتين اتأكد عن رصيدي قبل لا اطلع

عادي احنا في حكومة :nice:

[بو خليفه 123]

الخطأ وارد ما اختلف معاك

لكن قبل لا اكتب الاجازة يوم يقولي عندج 10 ايام ويوم يقولي عندج 15

ويوم سجلت 12 يوم وطلعت وداومت قال لا عندج 10 :) يعني يومين بدون راتب

جايته مرتين اتأكد عن رصيدي قبل لا اطلع

عادي احنا في حكومة :nice:

هنا نوجه السؤال الى مدير ال hr
كم كانت نسبة قواك العقليه عندما عيّنت هذا الموظف الذي لا يفقه عمله في حسبة ايام الاجازات .. ؟

و شنهو قصدج لما تقولين عادي احنا في حكومه ؟ بالعكس موظفين الحكومه لازم يكونون من اكفأ الموظفين و موظف يشغل منصب مثل هذا لازم يكون على قدر من المسؤوليه و يعرف يحسب 1+1 كم الناتج !!

[كازانوفا]

ما حبيت امر من غير ما ادعيلكم بالتوفيق بحياتكم العمليه
بدووووون مشاكل

[شيط ويط]

مشكلتي ما اعرف انام عدل في الدوام :p
طبعا من زود الشغل اللي علي :weeping:

[ثرية]

مشكلتي المكتب ضيق واحنا اربع بنات فيه وكلنا سمينات بصرااحه رعصه والنفس على النفسس

ونستانس لين غابت وحده او خذت اجازه ومافيه خصوصيه من باقول كلمه الكل سمعهاااااااا

ما اقدر اتكلم بالتلفون لو رن تلفوني كلهم سسألوني من اتصلج ومن كلمج وشيبي منج او حد سأل عنا او ما سأل وعلى كثر ما اشتكيناااااا محد مفتكر فينا

[ثرية]

المشكله الثانيه
الله يعزكم
مافيه الا حمام واحد للموظفات كلهم ووقت الصلااه شوفوا الزحمه نوقف بالدووووووور

[ثرية]

المشكله الثالثه

تأخر الترقيات

[روح الاطلس]

بيئة العمل ( المكتب لاتوجد خصوصية ابداً ) + لقافة الزملاء + المناحس بين الزملاء + الحسد + عقلية ماقبل صدور النفط يكرهون التطوير + ..
شكلي مصختها ^_^

[فرحة الكواري]

مشكلتي مايخلوني اطلع اجازة مثل الناس ..

وان طلعت سحبوني .. تعالي محتاجينج .. :eek3:

عشان جي نصيحه فيها قطع ارزاق :d.. لا تبدع ولا تجتهد ولا تواظب ولا تشتغل عدل ..

لان الاعتماد الكلي بيكون عليك .. وفالاخير بتتحسف :eek3:

اختي هذا حقج قانونيا انج تاخذين اجازتج وبإمكانج تشتكين عليهم في الامانه العامة اذا كانت جهة عملج تابعه لديوان الخدمة او بإرسال كتاب مباشر للوزير :)

[فرحة الكواري]

هنا نوجه السؤال الى مدير ال hr
كم كانت نسبة قواك العقليه عندما عيّنت هذا الموظف الذي لا يفقه عمله في حسبة ايام الاجازات .. ؟

و شنهو قصدج لما تقولين عادي احنا في حكومه ؟ بالعكس موظفين الحكومه لازم يكونون من اكفأ الموظفين و موظف يشغل منصب مثل هذا لازم يكون على قدر من المسؤوليه و يعرف يحسب 1+1 كم الناتج !!

اذا مدير الـ hr غير ملم بجميع قوانين الموارد البشرية كيف يمكن التصرف معاه

فعلا هناك قوانين انا اجبيها لهم من مجلس الوزراء واقولهم وانبههم وانا مجرد موظفة عادية :)

لكن افيدهم ومابي منهم شي غير انهم بس يلمون بالقوانين ويطبقونها


القصد يوم قلت حكومة بالعربي التفاعلات الكيميائية والفيزيائية في الوزارات بطيئة جداً مقارنة بالقطاعات الخاصة :secret:

من اكبرها الترقيات الى اصغرها طلب شهادة راتب

[فرحة الكواري]

ما حبيت امر من غير ما ادعيلكم بالتوفيق بحياتكم العمليه
بدووووون مشاكل

جزاج الله خير عزيزتي :shy:

[فرحة الكواري]

مشكلتي ما اعرف انام عدل في الدوام :p
طبعا من زود الشغل اللي علي :weeping:

:secret:

:secret:

[فرحة الكواري]

مشكلتي المكتب ضيق واحنا اربع بنات فيه وكلنا سمينات بصرااحه رعصه والنفس على النفسس

ونستانس لين غابت وحده او خذت اجازه ومافيه خصوصيه من باقول كلمه الكل سمعهاااااااا

ما اقدر اتكلم بالتلفون لو رن تلفوني كلهم سسألوني من اتصلج ومن كلمج وشيبي منج او حد سأل عنا او ما سأل وعلى كثر ما اشتكيناااااا محد مفتكر فينا

احتمال مافي اماكن ومكاتب فاضيه والموظفين عددهم كبير

او

حاولوا توصلون صوتكم للي اعلى من مسؤولكم اذا هو مانفعكم :)

[فيصل الشمري]

ههاااااااااه مشكلتي مشكله
انا فني بأحد الوزارات

مشكلتي يا اخوان ان عندي اثنين موظفين جدد واحد كان قبلي

الأثنين لما توظفوا او بالأحر قبل التوظيف ماكانوا يعرفون شي وكان سبب توظفهم بعد الله سبحانه وتعالى اني تزهلت بموضوع تدريبهم,, قلت انا ادربهم بس انتم وافقوا عليهم ثلاث شهور ونشوف

الحمد لله بعد التدريب صاروا ينجزون المهام اللي تطلب منهم بشكل دوري

لكن اكتشفت مشكله خطيره جداً بالنسبه للمجال انا اتكلم

انهم ماعندهم إمكانية ايجاد حلول للمشاكل الطارئه ولا حتى 2%

انا اتكلم من جد ياناس والمشكله في موظف قبلي.

هم كلهم من جنسيه وحد من احد الجنسيات العربيه
المهم البشر هذولا كأنهم مبرمجين على نمط محدد

يعني انا يضيق صدري لما اشوفهم مأخرين شغله اسبوع ولا اسبوعين لين ما ارجع من الاجازه عشان مايبي تعب نفسه ويبحث بالنت عن حل للمشكله هذي

او يقول نرسل القطعة مثلاً للشركه

طيب والدوله تدفع لنا رواتب يعني عبث؟؟

والله مشكله خطير جداً افرض لو انا مثلاً ماقدرت اكمل دوام مثلاً معقوله تتعطل نصف مصالح خلق الله؟؟

لاحد يقول المفروض تفرح لانهم يعتمدون عليك وهذا من صالحك

لا بالذات عملنا كله نحتسبه على الله في خدمة دينه يعني المفروض مايوقف مهما كان الأمر

خاصة الفنيين يعتبرون هم عصب الوزاره لو توقفوا 90% من عملهم توقف


المهم عشان افيدكم اكتشفت المشكله



تبون تعرفون وش المشكله؟؟؟؟


بكل بساطه هي الأساسيات


هذي المشكلة ,, لما تعلم احد كيف ينجز عمله بدون ماتعلمه احتراف هذا العمل, بدون ماتعلمه الأساسيات,, كل صغيره وكبيره وكيف بدت وكيف تطورت!! تطلع النتيجه مثل ماشفتوا

ناس مبرمجين على أداء مهام محدد اما تفادي المشاكل او حل المشاكل الطارئه "اغسل يدك"

المشكله تقوله تعال الحين اعلمك هذا وذاك يقول كبرنا على الكلام هذا ولا اعرف
طيب تعال طبق عملي يقول "وشلون"

الحمد لله على كل حال