الله لايخليني منكم

[Chanel]

السلام عليكم ورحمة الله وبركاته
اخواني اخواتي انا في اشد الحاجه للمرضه تعتني بأمرأه عجوز مقعده حاولت الكثير ولم اجد واتصلت في العجزه والرميله ولا حياة لمن تنادي طلبت لها وحده بتوصل بعد شهر تقريبا ولكن تفاجأت ان اليوم رخصوها من المستشفى فمن بيعتني بها
الله يجزاكم كل خير اللي عنده فكره يساعدني او حتى يدخلونها مره ثانيه المستشفى لين توصل ممرضتها لأن بجد صعبه في هالسن التعامل معاها لازم عنايه ورعايه الله يخليكم ساااااااااااااااعدوني

[alrheeb2020]

الله يوفقج اختي ويخليها لكم ويطول ب عمرها ..


وان شاء الله اتحصلين الممرضه باسرع وقت ..

والاخوان مابيقصرون

[متابع عن قرب]

هذي المرأة العجوز بحد ذاتها مشروع خيري لا يعلم بأجره الا الله


ابحثي عن الممرضة


وفي نفس الوقت لا تقلقين من صعوبة العناية بالعجوز



فما عند الله لا يضيع



أعلم كم هي صعبة العناية بها


لكن ما لم تعلموه ان الرسول صلى الله عليه وسلم قال


في ما معناه


ان من خدم كبيرا فالسن قيض الله له من يخدمه عند عجزه وكبره


هذا غير الاجر العظيم اللي اعده الله لك

لكن هنيئا لك الاجر ان احتسبتي ذلك

فأحتسبي ذلك


اعانك الله

وعجل بفرجك

[هذلان]

الي اقدر اقوله لج ... استأذني من اي شي لج في الحياه و اهتمي بالعجوز .

ان كان شغل قدمي اجازه و ان كان زوج استأذني منه و اكيد بيتفهم .. كل الاشغال الي عندج ممكن تطلعين منها لمده شهر ،، ابسط فائده ممكن تستفيدين منها في حال انتي اهتميتي بالعجوز الي اعتقد انها قريبه لج انه خلال هذا الشهر راح تكتسبين خبره و اذا جات الممرضه بتكونين تعرفين شلون الممرضه تعامل معاها هل صح ام خطاء .
هذا غير الاجر العظيم .. انتي بختصار قدام كنز من الخير

قال عليه الصلاة والسلام :
( تربت يداه ، تربت يداه ، تربت يداه ، قالوا من يارسول الله ، قال: من ادرك ابواه أو احدهما ولم يدخلاه الجنه)

[Chanel]

الله يجزاكم خير هذه المرأه لاتريد الا بناتها وانا مااقدر اتكشف عليها وعايلتهم كبيره ومحد يقصر يحبونها ويقعدون معاها لكن الحين في البيت صعبه وايد خايفين عليها لأن فيها كسور وصعب التعامل معاها علشان جذيه انا بغيت ممرضه متمرسه والله يمتعها بالعافيه ويحسن خاتمتها يارب وجزاكم الله كل خير

[كازانوفا]

ليتني اقدر اساعدك
بس ما عندي غير ربي يوقفلك اولاد الحلال
ان شالله عاجل غير آجل

[خليفة77]

الله يجزاج خير ويحسن خاتمتها ونسأل العلي القدير ان يأجرج على ماقدمتيه لها .. واعلمي(( كماتدين تدان )) وان شاء الله يقومون فيج اعيالج ويبرون فيج عقب عمر طويل .امين

[restricted_1]

أختي اول شي في ممرضات ابلاش من رميله يجون البيت يوميا ,,عاد انتي وواسطتج

واذا ماقدرتي في شركات اتوفر هالممرضات بدوام جزئي او كامل على حسب رغبتج وكل شي

بحسابه ,,يعني الدوام الجزئي الي هو 12 ساعه يوميا لمدة شهر بـ 5000 ريال

والله يشفي مرضاكم ويعطي عجوزكم طولة العمر والصحه

[خالي مشاعر]

شيكي الخاص

[Chanel]

[QUOTE=restricted_1;5573565]
أختي اول شي في ممرضات ابلاش من رميله يجون البيت يوميا ,,عاد انتي وواسطتج

واذا ماقدرتي في شركات اتوفر هالممرضات بدوام جزئي او كامل على حسب رغبتج وكل شي

بحسابه ,,يعني الدوام الجزئي الي هو 12 ساعه يوميا لمدة شهر بـ 5000 ريال

والله يشفي مرضاكم ويعطي عجوزكم طولة العمر والصحه[/
مرحبا انا دقيت عليهم والله وقالو لي ان موب متوفر الا في ابريل

[Chanel]

اخواني واخواتي مازال البحث جاري ومشكورين وماقصرتو
والله كريم ان شالله اشوف الارقام اللي عطيتوني واقولكم شصار معاي
لا خلى ولاعدم

[تغلبية]

قطر كير

تليفون : 009744477789


عندهم توفير ممرضات للمنازل

[ماريسا]

رفــــــــــــــــــــــــــــــــــــــع
الله يعينكم و تجدون الممرضة المناسبة

[Chanel]

السلام عليكم
حاولت في جميع الارقام اللي اخذتها منكم ولم اجد الا في ابريل
فلاتنسوني بليز (مازال البحث)

[قطر501]

للاسف قلتي المسشتفى رخصوها وهذا نفس الشي الي سوه مع أمي يقولون ودوها البيت احسن قلت لهم ياجماعه ماعندنا احد يرعى الوالده حنا رجاجيل مايصير لازم وحده تهتم فيها وكل شوي يطلعونها وبعد يومين تتعب ونرجعها المستشفى لين الله استخار لها حسبي الله على مستشفى حمد وكنا فعلا نبحث عن ممرضة لكن دون جدوه كان يجونها من المستشفى ممرضات كل اسبوع او اسبوعين مب كل يوم ناس وناس
الله يسر أمورج

[نور اعيوني]

اختي اتصلي على كذا مكتب واستفسري عن الممرضات اللي عندهم خبره وان شاء الله هم اللي بيفيدونج..والله يكتب لكم الخير وين ما كان..

[شبح الصمت]

السلام عليكم ورحمة الله وبركاته
اخواني اخواتي انا في اشد الحاجه للمرضه تعتني بأمرأه عجوز مقعده حاولت الكثير ولم اجد واتصلت في العجزه والرميله ولا حياة لمن تنادي طلبت لها وحده بتوصل بعد شهر تقريبا ولكن تفاجأت ان اليوم رخصوها من المستشفى فمن بيعتني بها
الله يجزاكم كل خير اللي عنده فكره يساعدني او حتى يدخلونها مره ثانيه المستشفى لين توصل ممرضتها لأن بجد صعبه في هالسن التعامل معاها لازم عنايه ورعايه الله يخليكم ساااااااااااااااعدوني



أخــتي أول شيء الله يحفظها لكـم ويطول بعمـرها وأجتهدي وقومي فيها ولج الأجر وأجر كبير بأذن الله تعالـى .. والله يوفقـكم وتحصلون الممرضة الي تساعدكم ..
بس أختي في خاطري نقطـه نسيت ما اقولها لا توقعون أنه الممرضة راح توفي معاها مثلكم لأنـكم أنتو من دمها ولحمها

[Chanel]

اخي الفاضل بناتها اكيد عندها بس هم كبار في السن ومرضى علشان جذيه محتاجين ممرضه بأشراف بناتها واحفادها يجون ويشوفونها ويأكلونها ويقرون عليها لكن احنا نبي رعايه خاصه لها

[meme~qatar]

الله يطول في عمرها ويشافيها ويعافيها
واننشالله الاخوان مابيقصرون