بعثات من جهات حكوميه

[MP3]

السلام عليكم





في كثير من الطلاب يدرسون سواء بجامعة قطر اوخارجها وعن طريق جهة تبتعثه او يسمونه

scholarship

واكثر شباب (قطر) الي مبتعثين برع عن طريق مجلس الاعلى الي راتبهم مايسوي شي ولايحرك ساكن>>>>موضوع مفروغ منه.


بس في جهات حكوميه وكثيره عندها هذا النظام وحتى القطاع الخاص

والجهات لها قواعد خاصه مثل تجيب المعدل الاول التراكمي مب اقل من 2.50 بعدها تاخذ الطاب وتتبناه لين مايكمل دراسته وبعدها يشتغل عند الجهه الي تبنته.

ولب الموضوع


وووووايد طلاب قطريين بجامعة قطر ومعدلهم التراكمي مب 2.50 فوق ال 3

وماخلو مكان ماقدموه ولاكن لاحياه لمن تنادي

بس اذا جينا حق اخونا العرب في ((جامعة قطر)) 75% متبنيتهم جهات حكوميه وخاصه

ومابي اذكر امثله ومنها بنوك


بس ابي اعرف


شنو الســــــــبب شلي صاير بقــطر!!

[Realistic]

هالكلام غير صحيح اخوي ..

في وايد جهات تعطي منحات لطلاب الجامعه القطريين اذا معدلهم فوق الـ 2.5 .. وفي جهات تشترط معدل اعلى

انا معدلي اقل من الـ2.5 .. لكنه فوق الـ 2.0 .. ولقيت لي اسبونسر

اذا تعرف حد من طلاب الجامعه ويدور له على سبونسر .. قول له يتوجه لمركز الخدمات المهنيه .. واهناك في واحد من السعدي ( اظن اسمه محمد السعدي ) يقدر يساعده .. وعند البنات .. ندى العمادي بتساعد وايد ..

و السموحه ..

[MP3]

في وايد طلاب
وراحوا عند السعدي
وماصار شي

وجهات قالوا احنا ماناخذ احين

متى؟؟ ماادري

[رائد قطر]

يعطيك العافيه على الموضوع المهم

والله الصراحه عن نفسي قدمة على رعايه في مكان معين اكثر من 5 مرات

ومعدلي اكثر من 3 ولكن على الفاضي

مادري ليش؟؟

[Realistic]

في وايد طلاب
وراحوا عند السعدي
وماصار شي

وجهات قالوا احنا ماناخذ احين

متى؟؟ ماادري


يعطيك العافيه على الموضوع المهم

والله الصراحه عن نفسي قدمة على رعايه في مكان معين اكثر من 5 مرات

ومعدلي اكثر من 3 ولكن على الفاضي

مادري ليش؟؟

غريبه .. تهقون عندي واسطه ؟ :)

[MP3]

لاياخوي مب قصدنا بشي

بس مب انها جات معاك تقول ان كلامي غلط وان الاجانب مب هم لهم الأولويه

[وحيد-الشوق]

هالكلام غير صحيح اخوي ..

في وايد جهات تعطي منحات لطلاب الجامعه القطريين اذا معدلهم فوق الـ 2.5 .. وفي جهات تشترط معدل اعلى

انا معدلي اقل من الـ2.5 .. لكنه فوق الـ 2.0 .. ولقيت لي اسبونسر

اذا تعرف حد من طلاب الجامعه ويدور له على سبونسر .. قول له يتوجه لمركز الخدمات المهنيه .. واهناك في واحد من السعدي ( اظن اسمه محمد السعدي ) يقدر يساعده .. وعند البنات .. ندى العمادي بتساعد وايد ..

و السموحه ..

سؤال والسموحة من صاحب الموضوع

وين هالمكان مركز الخدمات المهنية ؟؟؟

[Realistic]

لاياخوي مب قصدنا بشي

بس مب انها جات معاك تقول ان كلامي غلط وان الاجانب مب هم لهم الأولويه

لا اخوي محشوم .. انا ما اقول ان كلامك غلط .. انا بس ذكرت الي صار معاي .. وكيف ان السعدي ماقصر معاي .. وبعدها تواصلت مع الاخت ندى بالايميل وهي الي خلصت لي الموضوع ..

انا الي شفته من مركز الخدمات المهنيه كان التعاون الكامل .. وماقصروا معاي ابدا في اي شي ..

سالفة ان الاجانب لهم الاولويه .. معليش اخوي انا اختلف معاك ..
قد يحصل الاجانب على انترنشب ( تدريب صيفي) لكن حسب علمي ان محد ياخذهم سبونسرشب ..

مركز الخدمات المهنيه في كل فصل يقيم يوم الرعايه ( سبونسرشب داي) .. وحسب علمي ان وايد شباب حصلوا على سبونسر من خلال هاليوم :)

[Realistic]

سؤال والسموحة من صاحب الموضوع

وين هالمكان مركز الخدمات المهنية ؟؟؟

اخوي مكانه في البنين في النشاط الطلابي .. المكتب تحت .. جدام ستاربوكس .. عند الخزينه

اما عند البنات .. فللاسف ماعرف مكانه ..