مشورتكم يا اهل الخبره

[السكتون]

خلصت خرايطي ومساحة البيت 973 م
دورت على مقاولين وايد لبنيان عظم
كل مقاول عطاني سعر وارخص واحدسعره كان معقول بالنسبه حق مساحة البيت
بس حصلت مقاول عطاني سعر الي عطوني بعظم بس تشطيب اكثر منهم بشوي
انا شايفها فرصه بس خايف في نفس الوقت من الشركه لان السعر وايد تحت

لاتبخلون علي بالردود

[ahmed jasim]

الواحد يأخذ أسعار
مو علشان يروح حق الأرخص
لا علشان يشوف سعر السوق
إذا ماتعرف الشخص لا تروح حق الأرخص

[فضل]

يمكن ارخص لانة يبي يكسب زباين والعمالة اللي عندة رخيصة والمكتب مأجرة بسعر رخيص شوف مكانة و المهندسين اللي عندة إذا عجبك توكل على اللة

[هدوء العاصفة]

اذا ارخص من سعر السوق بشكل كبير يفضل الابتعاد عنه .. اذا ممكن تعطينا فكرة عن الاسعار اللي حصلتها يكون افضل

[شموخ دائم]

,

,


مرحبا اخوي

استبعد الغالي كثير

واستبعد الي رخيص كثير

وشوف الي بالوسط هذولا اسعارهم حقيقيه على السوق

بيتك مساحته كبيره ما شاء الله وطبيعي بيطلع السعر مرتفع

تذكر كل الناس الي طاحت في مشاكل

اما يغريهم السعر الرخيص

او المربحه العاليه

بيتك لازم يكون بحدود مليون و700 الى 2 مليون مشطب

هذا المتوسط ماله

والله يوفقك يارب

,

,


اخوك

شموخ دائم

[السد]

شوف اخوي
من واقع تجربة

العظم = لا توجد مشكلة

البلاستر = لا توجد مشكلة

الكهرباء = اما ان تكون الكهرباء مواصفات انجليزية صناعة عمانية او مواصفات انجليزية صناعة انجليزية وهذا الاغلى والافضل

التمديدات الصحية = اما ان تكون التمديدات مواصفات المانية صناعة المانية ppr
او مواصفات المانية صناعة بحرينية

نصيحتي
اتفق مع المقاول على عظم + بلاستر + كهرباء انجليزية + تمديدات المانية
السعر تقريبا 1400

والباقي انت شطب البيت من صبغ + حجر+ ابواب خشب + المنيوم + درابزين ...الخ
لان مش معقولة المقاول بيشطب لك البيت وما بيستفيد منك
على الاقل هو ربحان 100 الف ريال منك

و 100 انت اولى بها
والله يوفقك

[RAHA]

ما ادري عن الأسعار إلي عطوك
و لكن سعر العظم يكون بين
1000-1200 ريال على حسب الخرائط
و التشطيب يبتدي 1700 ريال للتشطيب العادي و انت طالع
و لكن هذه الأسعار تختلف على حسب كميات المواد و اسعارها

و في نفس الوقت جوف حجم الشركه من مشاريع
قديمه و مشاريع حديثه و حاول ان تتصل في الزبائن
و تسألهم عن المقاول و عن انجازه و طريقة التعامل

و في الأخير
استخير ربك فهو بيرشدك

[السكتون]

يعطيكم العافيه
على الردود
احمد جاسم
يعطيك العافيه
فضل
هو يقول انا عطيتك سعر حلو لانه يبي يسوي دعايه في المنطقه الي انا ابني فيها وهي الوكره
وتدري اهناك وايد بيوت قايمه
هدوء العاصفه
اغلبية الاسعار هي للعظم 1.400.00 - 1.100.000
وارخص واحد عطاني 983.000
وهو عطاني 1.175.000 تشطيب
شموخ دائم
ويوفقك انشاء الله
السد
شكله هذي الي بيصير
ويوفقك انشاء الله
راحه
كلامك صحيح
وباشوف شغله انشاء الله وباسأل