تبي تتعرف على بنات في قطر ؟ !

[بو خليفه 123]

استغرب يا جماعة الخير كل ما ادخل موقع مثل يو تيوب او بعض المواقع المشهوره القى في زاوية الصفحة تعرف على بنات في قطر او تعرف على قطريات "ما شابه ذلك" و عادةً يحطون صوره لـ بنت جنب الدعايه تكون نصف عاريه من جنسيه آسيويه لا تمت بصله الى قطر .

وين الرقابه ؟

[شبح الصمت]

استغرب يا جماعة الخير كل ما ادخل موقع مثل يو تيوب او بعض المواقع المشهوره القى في زاوية الصفحة تعرف على بنات في قطر او تعرف على قطريات "ما شابه ذلك" و عادةً يحطون صوره لـ بنت جنب الدعايه تكون نصف عاريه من جنسيه آسيويه لا تمت بصله الى قطر .

وين الرقابه ؟



هم كاتبين تبي تتعرف على بنات في قطر يعـني ما قالوا قطريات يابو خليفة شو بــلاك بويا يعني فلبينات تايلنديات صينيات شونق يونــق أفهــم يأخي خلـك ذيب :omg:

[كازانوفا]

اكيد في رقابه بس لسه نايمين

[جنوب الدوحه]

ههههه هذا شي عادي .. لن الموقع اتماتيكياً يعرف انك داخل من قطر عن طريق الايبي فيكتب لك "فتيات في قطر" ولو دخلت من امريكا بيطلع لك " فتيات من امريكا " واي دوله كذالك ..

هذا الشي صار عادي لأن الانترنت لا يحكمه شي بيئه مفتوحه لكل شي ..

وتقبل مروري يا الغالي ^_^

[بوحسن2009]

يبيلك تحرق موقعهم .. وكل من يرى دولتنا الحبيبة بسوء احرق يابوخليفه
ونحن معك .

[حـمـد قـطـر]

نفس ماقال اخوي جنوب...الموقع اتماتيكياً يعرف انك داخل من قطر عن طريق الايبي فيكتب لك "فتيات في قطر".....

[Sharshooooor]

ياخي استغرب من بعض التعليقات اللي يقولك عادي واللي يقول اصلا السالفة اوتوماتيكية دام انك داش من قطر يطلع لك بنات قطر والاخير اللي يقول ماقالوا بنات قطر قالوا بنات في قطر

استحوا على وجوهكم اذا ترضون على انفسكم هل ترضون على قطر؟

سبق واضفت هذا الموضوع في المنتدى ولكن التعليقات نفسها التي ليس لديها عقل ولا دين

[رذاذ]

مثل هالمواقع تبي تسحب من فيزتك ..

ويراسلونك رسائل وهميه ..

ومن بين كل 100 شخص الا يصيدون 5 نفوسهم ضعيفه ويركضون خلف هالامور ..

وطبعا بيكتب الجنسيات كلها والعقل الباطني للشخص المريض راح يخليه يدفع ويدفع الين ما ينكسر ظهره بالفيزا

[شبح الصمت]

ياخي استغرب من بعض التعليقات اللي يقولك عادي واللي يقول اصلا السالفة اوتوماتيكية دام انك داش من قطر يطلع لك بنات قطر والاخير اللي يقول ماقالوا بنات قطر قالوا بنات في قطر

استحوا على وجوهكم اذا ترضون على انفسكم هل ترضون على قطر؟

سبق واضفت هذا الموضوع في المنتدى ولكن التعليقات نفسها التي ليس لديها عقل ولا دين




يعــني الحين أحنا غلط وأنت صـح يأخوك إذا أنك تغار على قطر ترانا نغار عليـها وإذا في خاطرك شيء ليش ما تتكلم وتكون سيــف قاطع لمثل هذه الأشياء ترى ردود الأعضاء ما جاءت من فراغ .. ودامك راعي عقل ودين ياخوك خلاص لا تنتظر من الأخوان يردون على أسئلتك لأنك أنت كاتب الموضوع وتبي رد يبرد خاطرك واسمح لي مافي شيء يبرد خاطر الانسان غير الي في خاطره ويبيــه يصير ..
دام عندك غيره اطلق العنان للسانـك وتكلم بعالي الصوت وإن شاء الله بتحصل مؤيدين لمواضيـعك

[meme~qatar]

هدوا ياجماعة

حصل خير

كلكم خير وبركة


وكلكم تغارون على قطر وبناتها

واللي انكتب فعلا هو اتوماتيكي

واسم الله على بنات قطر

[Sharshooooor]

يعــني الحين أحنا غلط وأنت صـح يأخوك إذا أنك تغار على قطر ترانا نغار عليـها وإذا في خاطرك شيء ليش ما تتكلم وتكون سيــف قاطع لمثل هذه الأشياء ترى ردود الأعضاء ما جاءت من فراغ .. ودامك راعي عقل ودين ياخوك خلاص لا تنتظر من الأخوان يردون على أسئلتك لأنك أنت كاتب الموضوع وتبي رد يبرد خاطرك واسمح لي مافي شيء يبرد خاطر الانسان غير الي في خاطره ويبيــه يصير ..
دام عندك غيره اطلق العنان للسانـك وتكلم بعالي الصوت وإن شاء الله بتحصل مؤيدين لمواضيـعك

انا موصاحب هذا الموضوع
لكن كنت ضايفة من قبل
وانا ماقلل من قيمتكم لكن ما اتمنى اشوف نفس الردود اللي تطفي النار
واذا على الفعل الله قدرني وسويت اللي قدرت علية
لكن اللي وصلت له المشكلة يخاف يرفعها للي اعلى منه :nice:


هدوا ياجماعة

حصل خير

كلكم خير وبركة


وكلكم تغارون على قطر وبناتها

واللي انكتب فعلا هو اتوماتيكي

واسم الله على بنات قطر

حتى لو كان اوتوماتيكي وحتى قالوا بنات في قطر
هالشي يسئ لسمعة بلادنا والواجب محاسبة هذه الشركات لذكرها اسم دولة للدعاية وكسب المال الحرام

[ودي أكون]

انا مع شرشور ..

لان اضافه اسم قطر لمثل هالاشكال .. يخلي الواحد يفكر بافكار ويقول حتى قطر !!

مع ان كل الدول فيها هالامور .. لاكن وضع اسم قطر احنا مانرضاه .. وحتى لو كانت تتكلم عن اشكال موقطرية ..


انا عني مارضى اسم دولتي اتجي في هالامور ..

عافانا الله واياكم ..

[دلوليانوز]

يا حبيبي...صلوا ع النبي احسن

[unless]

اتفق مع شبح الصمت في كل ماقالت الصيغة واضحة
ان بنات في قطر واحياناً يحدد لك جنسية ويذكر في قطر
على سبيل المثال Indian girls in qatar فالقضية
ليست ضد قطر وإن كان يسؤنا ورود الاسم وشكراً
للجميع على الغيرة والحمية..

[شبح الصمت]

أخواني أعذروني بس ودي تدخــلون على الفــيس بوك وتشوف البنات الي يدخلون الفيـس بوك والصور الخلــيعه وتذكر وين مكانها قطــر ..
شنــو تعليــقاتكم على هالمــوضـه الجديدة وهالاشكــال مب لازم تنحـذف أو تسـتحي على وجها أو ما تذكر أسم الدولة المسلمـه الي أهي فيــها .. ومب كلمه مب حاشمين نفسهم الغلبيـه ..
اللهم استر علينا فوق الارض وتحت الأرض ويوم العــرض

[استغفرالله]

أخواني أعذروني بس ودي تدخــلون على الفــيس بوك وتشوف البنات الي يدخلون الفيـس بوك والصور الخلــيعه وتذكر وين مكانها قطــر ..
شنــو تعليــقاتكم على هالمــوضـه الجديدة وهالاشكــال مب لازم تنحـذف أو تسـتحي على وجها أو ما تذكر أسم الدولة المسلمـه الي أهي فيــها .. ومب كلمه مب حاشمين نفسهم الغلبيـه ..
اللهم استر علينا فوق الارض وتحت الأرض ويوم العــرض

وهذي اللي خلاني اكتب التالي:

الله يرحم ايام الحيا
والعفة والدين و المستحى
والبنت العذرا في خدرها
اليوم البنت كاسية مفصخة
في الفيس بوك هي عارضة
و الستيتس لها اغنية ماجنة
والفرند لها واحد امعه
مفنتك وظايف علة منفتكة
بشاتنج وجيمز قضى وقته
ودروسه في الدرج مكوده
ومأخر الصلاه ولا نسى
وعن الفجر مكبر الموسدة
قلبه رقيق و بالكوره معلقه
وعلى الوالدين قلبه حطبة
خاب الرجى خاب الرجى
يالله تهدي من ضل للهدى
وختامها صلاة على سيد الانبيا

[بن جعران]

اييييييه ماتدرون شي عن بنات قطر
والا تستغفلووون والا تغطووون والافضل
نستر على مابلانا

وبخصوص الموضوع ترى صج فشلة في حق قطر
والقطريين ولازم يكون في رقابة

[بو خليفه 123]

هم كاتبين تبي تتعرف على بنات في قطر يعـني ما قالوا قطريات يابو خليفة شو بــلاك بويا يعني فلبينات تايلنديات صينيات شونق يونــق أفهــم يأخي خلـك ذيب :omg:

شاكر لك ردك يا شبح الصمت .. يعني اي شيء يمس قطر عادي عندك ؟
لأني مافهمت كلامك بالضبط .. طالما فلبينيات في قطر مش مشكله خلي الجرّه تجر و احنا نغفل ؟

تحياتي لك يالذيب

[بو خليفه 123]

اكيد في رقابه بس لسه نايمين

ما اظن صاحيين على مواقع و مواقع او دعايات ثانيه نايمين عنها .. ولا شو ؟ :)

[شبح الصمت]

شاكر لك ردك يا شبح الصمت .. يعني اي شيء يمس قطر عادي عندك ؟
لأني مافهمت كلامك بالضبط .. طالما فلبينيات في قطر مش مشكله خلي الجرّه تجر و احنا نغفل ؟

تحياتي لك يالذيب



لا مهب عادي يأخــوك بس لاحدن يسوي نفسـه يالغالي ما يعرف شلي يشوفه ويدافع وهو شايف هالشيء بعيونـه ..
لا وألف لا ما أرضاها على أي دولة مسلـمة من قطر من شمالها لي جنوبها ومن غربها لي شرقها والدول المسلـمة بس شنسوي .. مشكلة الين الناس عرفت تدخل هالمواقع واستغلتها استغلال ما يحتاي اقولـك عنـه ..

[بو خليفه 123]

ههههه هذا شي عادي .. لن الموقع اتماتيكياً يعرف انك داخل من قطر عن طريق الايبي فيكتب لك "فتيات في قطر" ولو دخلت من امريكا بيطلع لك " فتيات من امريكا " واي دوله كذالك ..

هذا الشي صار عادي لأن الانترنت لا يحكمه شي بيئه مفتوحه لكل شي ..

وتقبل مروري يا الغالي ^_^

يالغالي يمكن شيء عادي بالنسبه لك .. لكن اذا شفت ولدك ولا اخوك الصغير قاعد على النت و اثاره الفضول انه يستكشف اكثر عن هالدعايات هل راح يكون عادي ايضاً .. ولا راح تثير الموضوع و توصله للمختصين ؟

تحياتي العطره لك عزيزي

[JN000N]

أنا يوم شفته استغربت شدخل تعرف على بنات في قطر شدعوه والا احنا ماعندنا الا دعايات على بنات شوارع واخرتها أجنبيات ؟؟ يعني تشويه لسمعة البلد

بس عقب اكتشفت انه اوتوماتيك ع حسب من وين داش

انت فقطر بيقولونلك بنات قطر
انت فالهند بيقولون بنات الهند

يعني كل واحد ومن وين داخل،،

بس شنسوي هالدعايات ماتخلص

الله يستر على بناتنا