المساعد الشخصي الرقمي

مشاهدة النسخة كاملة : بروة والمعرض المهني


العملة النادرة
10-03-2010, 01:57 PM
السلام عليكم

من قبل شهرين نزلت موضوع عن شركه بروة العقارية وانها قامت بانهاء عقود 200 موظف للاسف اني واحد منهم وحولت عدد كبير من القطريين لاعاده التاهيل والتدريب وبعضهم لديه خبره عمل تفوق ال 5 سنوات

واليوم اقرا خبر ان بروة مشاركه في الباقة اللؤلؤية في المعرض المهني الي راح يبدى يوم الاحد هل هذا يعني ان بروة تحتاج لموظفين بعد ماقامت بانهاء عقود موظفيها ؟؟؟؟ وتحويل عدد كبير من القطريين الي اعاده تاهيل وتدريب مع ان بعضهم لا يحتاج
بروة التي كان بها عدد جيد من القطريين حاليا عددهم في كل الاقسام ما يزيد عن عشرين طبعا ان اتكلم عن بروة العقارية الي في السد القريبه من كيوتل

و لما نزلت الموضوع واحد من الاعضاء ما اذكر اسمه لاني حاولت ابحث عن الموضوع وما حصلته قال ان بروة راح تعطي ثلاث رواتب لموظفيها الي انهت عقودهم بس الحقيقة ان عطوني راتب شهر واحد بعد ما طلعو عيني عشان يكملون الاجراءات .

والحمدلله اني املك شهاده جامعية وخبره عمل وعملت اكثر من مقابله بس انا احب اختار مكان اضمن فيه الامان الوظيفي بعد بروة ولكن للاسف ليس كل الشركات تعلم بانهاء خدماتنا من بروة اتمنى موضوعي يقرا من عدد كبير لان احنا مالنا ذنب بروة قامت بانهاء خدماتنا بدون اسباب لكن البعض خصوصا لما اسوي مقابله يسال ليه انهو خدماتك ؟؟؟؟
ساراام
10-03-2010, 02:12 PM
ايه والله حتى انا استغربت من الموضوع اللى انطرح من فتره ومن مشاركه بروه في المعرض رغم استغنائها عن موظفين

الظاهر انهم يوظفون الواحد ويخلونه 3 او 4 سنين وبعدها يبدلونه بواحد ثاني,,احلى شي انه كسب خبره

عموما بالنسبه لي وجودها كالعدم بالمعرض من بعد الكلام اللى سمعناه

والله يوفقناا جميع :)
s o s o
10-03-2010, 02:12 PM
اسباب انهاء عقودكم ؟؟
SASAS
10-03-2010, 02:48 PM
أخوي أنت في شركة من شركات بروة كنت شغال فيها !!؟
العملة النادرة
10-03-2010, 02:52 PM
انا كنت في بروة العقارية
meme~qatar
10-03-2010, 02:55 PM
الله يالزمن الحين حتى القطري ينهون خدماته؟؟
SASAS
10-03-2010, 02:57 PM
انا كنت في بروة العقارية

في اي قسم؟ او إدارة ؟؟
شنو كانت وظيفتك وطبيعة عملك ؟
SASAS
10-03-2010, 02:58 PM
الله يالزمن الحين حتى القطري ينهون خدماته؟؟

الاخ العزيز الذي انهيت خدماته غير قطري

لم يتم انهاء خدمات اي قطري بتاتاً....
Arab!an
10-03-2010, 03:00 PM
اعتقد ان بروة اتمر في مرحلة صعبة .. تحملوها
العملة النادرة
10-03-2010, 03:04 PM
اي انا مو قطري انا ماقلت اني قطري
اهمه ما فنشو القطريين القطريين يدربونهم ويعيدون تاهيلهم لانهم بعد ما اشتغلو في بروة اكتشو انهم غير مؤهلين ؟؟؟؟؟ وما اعرف حاليا شنو وضعهم بالضبط

اخوي sasas انا ما ابي احل مشكلتي مع بروة ان شاء الله انا بتوظف وفي مكان احسن من بروة لان شهادتي ولغتي وخبرتي تاهلني في العمل في اي مكان

انا لما طرحت الموضوع مستغربه ليش بروة تشارك في المعرض المهني هل هيه فعلا بحاجه موظفين ؟؟؟
SASAS
10-03-2010, 03:13 PM
اي انا مو قطري انا ماقلت اني قطري
اهمه ما فنشو القطريين القطريين يدربونهم ويعيدون تاهيلهم لانهم بعد ما اشتغلو في بروة اكتشو انهم غير مؤهلين ؟؟؟؟؟ وما اعرف حاليا شنو وضعهم بالضبط

اخوي sasas انا ما ابي احل مشكلتي مع بروة ان شاء الله انا بتوظف وفي مكان احسن من بروة لان شهادتي ولغتي وخبرتي تاهلني في العمل في اي مكان

انا لما طرحت الموضوع مستغربه ليش بروة تشارك في المعرض المهني هل هيه فعلا بحاجه موظفين ؟؟؟

أختي العزيزة

حسب معلوماتي المتواضعه ...
نعم بروة بحاجة الى موظفين أكفاء فنيين حسب احتياجات الشركات الشقيقة والذي يتجاوز عددها ال 30 شركة تقريبا ....
لماذا تم انهاء خدمات غير القطريين ؟
بسبب انه مع الادارة الجديدة تم اعتماد هيكل تنظيمي لشركة بروة العقارية الام .....وتم اختيار الاشخاص من المتوفرين حسب الافضلية ....مع اعطاء الولوية للقطريين ...
الهيكل السابق كان متكدس بالموظفين من غير عمل ولا تخصص ....
وتم تحويل الافراد القطريين الى الشركات الشقيقة بعيدا عن شكرة بروة الام ....

الله يوفقج انشالله في موقع افضل ....
ساراام
10-03-2010, 03:15 PM
اي انا مو قطري انا ماقلت اني قطري
اهمه ما فنشو القطريين القطريين يدربونهم ويعيدون تاهيلهم لانهم بعد ما اشتغلو في بروة اكتشو انهم غير مؤهلين ؟؟؟؟؟ وما اعرف حاليا شنو وضعهم بالضبط

اخوي sasas انا ما ابي احل مشكلتي مع بروة ان شاء الله انا بتوظف وفي مكان احسن من بروة لان شهادتي ولغتي وخبرتي تاهلني في العمل في اي مكان

انا لما طرحت الموضوع مستغربه ليش بروة تشارك في المعرض المهني هل هيه فعلا بحاجه موظفين ؟؟؟

مداام انهم مافنشوااا قطريين معناااهااا انهم قاعدين يتبعون سياسيه التقطير وهذا واجب عليهم

الله يهداك خليتني اخذ فكره غلط عن الشركه
روح الاطلس
10-03-2010, 04:48 PM
والله خطوة جيدة من الشركة !!

ماشاء الله عليك انت مو قطري وحصلت مقابلات ووظيفة رغم التفنيش !! يعني انت في نعمة عظيمة !

لو قطري اكاد اجزم حتى لو معك ماجستير ماراح تحصل وظيفة في قطر :)

محد مستفيد من البلد الا الجنسيات الاخرى وهذي كلمة حق تنقال

وياليت كل الشركات تحذو حذو بروة وتهتم بالتقطير وتدريب القطريين لأن هم اللي بيمسكون الشركة ولو خسرت الشركة على تدريبهم في الاخير هم عيال البلد واللي بيقعدون في الشركة ويخدمونها اما الاجنبي كل همه يجمع قرشين في جيبه ويعطي نص الاداء وعلى اقرب طيارة

محد بينفع قطر الا عيالها وبناتها ياليت المسؤلين ينتبهون لهالشيء
حتى لو القطري ماكان كفاءة بالتدريب والتمرين بيصير كفاءة وهذا هو الاستثمار الحقيقي


والعملة النادرة مرة ثانية اقول لك احمد ربك انك ماتحمل جواز عنابي :) لان لو عندك هالجواز كان شفت من التعقيدات اللي لها اول مالها اخر لا اعتراف بالشهادة الجامعية ولا توظيف بالساهل

سؤال شهادتك الجامعية من اي جامعه ؟^_^
العملة النادرة
10-03-2010, 06:18 PM
والله خطوة جيدة من الشركة !!

ماشاء الله عليك انت مو قطري وحصلت مقابلات ووظيفة رغم التفنيش !! يعني انت في نعمة عظيمة !

لو قطري اكاد اجزم حتى لو معك ماجستير ماراح تحصل وظيفة في قطر :)

محد مستفيد من البلد الا الجنسيات الاخرى وهذي كلمة حق تنقال

وياليت كل الشركات تحذو حذو بروة وتهتم بالتقطير وتدريب القطريين لأن هم اللي بيمسكون الشركة ولو خسرت الشركة على تدريبهم في الاخير هم عيال البلد واللي بيقعدون في الشركة ويخدمونها اما الاجنبي كل همه يجمع قرشين في جيبه ويعطي نص الاداء وعلى اقرب طيارة

محد بينفع قطر الا عيالها وبناتها ياليت المسؤلين ينتبهون لهالشيء
حتى لو القطري ماكان كفاءة بالتدريب والتمرين بيصير كفاءة وهذا هو الاستثمار الحقيقي


والعملة النادرة مرة ثانية اقول لك احمد ربك انك ماتحمل جواز عنابي :) لان لو عندك هالجواز كان شفت من التعقيدات اللي لها اول مالها اخر لا اعتراف بالشهادة الجامعية ولا توظيف بالساهل

سؤال شهادتك الجامعية من اي جامعه ؟^_^

الحمدلله روح الاطلس الف مره وكل مره سواء حصلت او ماحصلت شغل لان الارزاق كلها بيد الله مو بيد البشر والي الله كاتبه اهو الي يصير

بس انتو خذتو الموضوع من منحنى ثاني انا لما نزلت الموضوع كان هدفي غير هو مجرد طرح او استغراب ان شركه فنشت موظفينها وتشارك في المعرض المهني
ثانيا اخي الكريم بروة لا تتبع سياسة التقطير إلا بالكلام هاي انا اكدها لك وتبي تتاكد بنفسك مر بروة العقارية الي في السد وشوفلي كم قطري فيها
القطريين الي كانو فيها تم اعاده تدريبهم بطريقه غير مرضية لهم وانا اكد هالكلام ولي قال ان تم تحويلهم الي البروات الشقيقة الي تم تحويلهم عددهم قليل ونقلوهم بشكل اجباري لان الشركه خسرت وتسكر اكثر من مشروع فصارو الموظفين اكثر من الحاجه وامور ثانيه كثيرة لو تسمعها راح تمل
روح الاطلس
10-03-2010, 06:49 PM
الحمدلله روح الاطلس الف مره وكل مره سواء حصلت او ماحصلت شغل لان الارزاق كلها بيد الله مو بيد البشر والي الله كاتبه اهو الي يصير

بس انتو خذتو الموضوع من منحنى ثاني انا لما نزلت الموضوع كان هدفي غير هو مجرد طرح او استغراب ان شركه فنشت موظفينها وتشارك في المعرض المهني
ثانيا اخي الكريم بروة لا تتبع سياسة التقطير إلا بالكلام هاي انا اكدها لك وتبي تتاكد بنفسك مر بروة العقارية الي في السد وشوفلي كم قطري فيها
القطريين الي كانو فيها تم اعاده تدريبهم بطريقه غير مرضية لهم وانا اكد هالكلام ولي قال ان تم تحويلهم الي البروات الشقيقة الي تم تحويلهم عددهم قليل ونقلوهم بشكل اجباري لان الشركه خسرت وتسكر اكثر من مشروع فصارو الموظفين اكثر من الحاجه وامور ثانيه كثيرة لو تسمعها راح تمل


ماتدري بالعكس لعلها خيرة !! والحمدلله في هذي البلد الخير وافر ويزيد

والشركة احتمال تكون متبعه سياسة معينة ( بعد الخسائر .. رغم انها مدعومة من الدولة وبالاصح دلوعة الدولة :)

اما ان كان التقطير فيها ضعيف فهذي نقطة ما اعرف عنها وتفاجأت من كلامك !!

وبالنسبة انهم فنشوا موظفين وبيشاركون في المعرض المهني انا افسرها لك :)

الشركة انهت عقود بعض الاجانب
وتبي تعين قطريين ( لا تنسى ان المعرض المهني لتوظيف القطريين )

وبالتالي راح توفر الكثير في الرواتب لان كل 4 قطريين يساوون راتب واحد اجنبي !:) عرفت الحين السر ؟ سياسة توفير

القطري أرخص وأوفر على الشركة من الاجنبي
دلوليانوز
10-03-2010, 06:53 PM
انا غير قطري
وبدون شغل
وين كلامكم عني؟

وافهم قاعده بلادك لو جارت عليك عزيزه
احمد ربك عندك بلاد وجواز
القطري = المواليد ضد الاجانب الوافدين
لكن عند التوظيف ما يتساوون
وياخذون اي حد الا المواليد
يخرب بيت هالحاله
حروووب واحزاب وبلاوي في كل مكان
روح الاطلس
10-03-2010, 08:31 PM
انا غير قطري
وبدون شغل
وين كلامكم عني؟

وافهم قاعده بلادك لو جارت عليك عزيزه
احمد ربك عندك بلاد وجواز
القطري = المواليد ضد الاجانب الوافدين
لكن عند التوظيف ما يتساوون
وياخذون اي حد الا المواليد
يخرب بيت هالحاله
حروووب واحزاب وبلاوي في كل مكان

فيه فرق الله يسلمك

انت لو كنت وافد ماكنت من مواليد قطر كان حطوك على العين والراس .. اهنيه يموتون على شي اسمه وافد ( عندهم نظرية كل وافد يملك مخ اينشتاين وجينات دافنشي )

اما بما انك من قطر ( لانك مواليد قطر ) فيشملك ما يشمل القطري !

يبه طيعني وهاجر كندا خمس سنين واخذ الجواز الكندي وتعال هنا يحطونك مستشار ولا خبير براتب فلكي ..مايفرق عندهم من تكون المهم ان جوازك اجنبي ووافد

ولا تستصعب الموضوع كثير عملوها .. وهاجروا برا تعبوا في البداية لكن وصلوا مراتب مايحلم فيها احد

انا لو اقدر كان سويتها :( لكن تلفني قيود مجتمعية
خليفة77
12-03-2010, 12:28 AM
أختي العزيزة

حسب معلوماتي المتواضعه ...
نعم بروة بحاجة الى موظفين أكفاء فنيين حسب احتياجات الشركات الشقيقة والذي يتجاوز عددها ال 30 شركة تقريبا ....
لماذا تم انهاء خدمات غير القطريين ؟
بسبب انه مع الادارة الجديدة تم اعتماد هيكل تنظيمي لشركة بروة العقارية الام .....وتم اختيار الاشخاص من المتوفرين حسب الافضلية ....مع اعطاء الولوية للقطريين ...
الهيكل السابق كان متكدس بالموظفين من غير عمل ولا تخصص ....
وتم تحويل الافراد القطريين الى الشركات الشقيقة بعيدا عن شكرة بروة الام ....

الله يوفقج انشالله في موقع افضل ....

انا سمعت انهم محتاجين موظفين ورواتبهم خياليه افضل من رواتب الوزارات .
هبة ريح
12-03-2010, 01:09 AM
بسألكم سؤال هل في حد توظف عن طريق المعرض المهني؟؟
احس كله عرض لخدمات الشركاات وكل الناس ينطرون المعرض بفارغ الصبر
وانا اشوف صراحه مامنه اي فايده مع احترامي