طلب مشووووره [الأرشيف] - منتديات شبكة الأسهم القطرية

.. ام عبودي ..

11-03-2010, 07:57 AM

السلام عليكم

اعضاء المنتدى حابه اخذ رايكم

ودي انقل احسابي من الوطني الاسلامي الى الصفوه الاسلامي ولا مصرف الريان

ومحتاره بين هالبنكين

بصراحه ناويه اخذ قرض وهالبنكين اطلعو لي انزل في الفايده والاقساط الشهريه

يالله من ترشحون لي انقل احسابي فيه

ودي أكون

11-03-2010, 08:01 AM

تبين نصيحتي .. لا تاخذين قرض :)

وانقلي اي بنك تبينه :shy:

.. ام عبودي ..

11-03-2010, 08:03 AM

ودي اكون

مشكوره على المرور

وصدقيني لولا الحاجه مافكرت بالقرض

شيط ويط

11-03-2010, 08:22 AM

بما اني رياني .. أرشح لج (مصرف الريان) :p

ANONYMOUS

11-03-2010, 08:27 AM

بما اني رياني

ارشح مصرف قطر الاسلامي

برشلوني قطر

11-03-2010, 08:28 AM

اشوف ان لو بنك مثل الدولي او المصرف احسسن..بنوك لها باع طويل ومن اول البنوك الاسلاميه

وانتي وراحتج

ودي أكون

11-03-2010, 08:31 AM

ودي اكون

مشكوره على المرور

وصدقيني لولا الحاجه مافكرت بالقرض

بما انج محتاجه .. فالله يوفقج يالغاليه ومانقدر انقول شي ..

انا اشوف مصرف الريان افضل .. كونه توه جديد يعني ماله باع طويل .. واكيد فالمستقبل راح يعرض خدمات وتسهيلات عشان يجذب العديد من الاشخاص .. ويطلع فالصورة ..

فأنا ارشح مصرف الريان .. :shy:

كازانوفا

11-03-2010, 08:32 AM

خليك على البنوك الاسلاميه المعروفه مثل الدولي الاسلامي
وربي يساعدك ويقدملك اللى فيه الخير

Sharshooooor

11-03-2010, 08:51 AM

الصفوة الاسلامي اقدم من مصرف الريان بأكثر من 10 سنين
لاتنسين اختي ان الصفوة اصلا فرع من البنك التجاري ومقرة طريق سلوى

محمد سعيد

11-03-2010, 09:02 AM

الريان اسلامي 100%

موب نفس البنوك الاخرى فروع من بنوك ربوية

ولد المشرب

11-03-2010, 09:12 AM

اختي عليج باليسر بنك جديد فرع من بنك الوطني يمدحونه

او المصرف قطر الاسلامي من اقدم البنوك الاسلامية

ماريسا

11-03-2010, 09:41 AM

الله يوفقج
و ابتعدي عن القروض بما استطعتي :(

ساراام

11-03-2010, 10:16 AM

مصرف قطر الاسلامي :victory:

meme~qatar

11-03-2010, 10:19 AM

الدولي الاسلامي

مالك أمل

11-03-2010, 10:35 AM

أنصحج والنصيحة لله ولرسوله ولعامة المسلمين

أما مصرف قطر الإسلامي أو بنك قطر الدولي الإسلامي

وأحذرج من التعامل مع شركات التمويل التابعة لمصرف قطر الإسلامي

كـ ( الجزيرة لإسلامية ) و ( الأولى للتمويل ) لأن فوائدهم عالية نسبيا

أخذي تمويل شراء أسهم من الشركات التي ليس فيها شبهه واللتي تكون

اسعارها نوعا ما مستقرة كـ ( مصرف الريان )

حتى وأن خسرتي ريالاً واحداً في كل سهم بعد الشراء ، فأنتي فزتي براحة ورضا نفسي تام

eXpert*

11-03-2010, 10:47 AM

ليش ما جربتيّ بنك بروة !! أسلامي ومسوي عرض ممتاز 1% للسنة الاولى .

((اللهم أكفنا بـ حلالك عن حرامك و أغننا بـ فضلك عمن سواك)) .

http://www.barwabank.com/arabic/box2.jpg

ANONYMOUS

11-03-2010, 11:05 AM

ليش ما جربتيّ بنك بروة !! أسلامي ومسوي عرض ممتاز 1% للسنة الاولى .

((اللهم أكفنا بـ حلالك عن حرامك و أغننا بـ فضلك عمن سواك)) .

http://www.barwabank.com/arabic/box2.jpg

على طاري بروه..

ماذا لو .. مثلا شريت سياره.. وابي الاقساط لمدة سنه..

هل بيوافقون او لا..

وثانيا مش مذكوره الرسوم الاداريه.. اش موضوعها.. ولا بروه ماعنده رسوم اداريه..

والتأمين.. مانذكر ايضا..

مافي عضو من بروه يوضح هالامور.. !

eXpert*

11-03-2010, 11:24 AM

على طاري بروه..

ماذا لو .. مثلا شريت سياره.. وابي الاقساط لمدة سنه..

هل بيوافقون او لا..

وثانيا مش مذكوره الرسوم الاداريه.. اش موضوعها.. ولا بروه ماعنده رسوم اداريه..

والتأمين.. مانذكر ايضا..

مافي عضو من بروه يوضح هالامور.. !

أخوي اذا تبغي الأجابة على أسألتك أتصل على خدمة العملاء "لـهذا الغرض تم توظيفهم" .

ونصيحة لا تأخذ الكلام الأ من البنك نفسه .

.. ام عبودي ..

11-03-2010, 02:18 PM

مشكورين ع المرور

انا كان ودي بالمصرف او الدولي الاسلامي

بس فوايدهم كثيره

الله يعطيكم الف عافيه ع الرد

الكاسب

11-03-2010, 02:21 PM

حياة

11-03-2010, 03:26 PM

مصرف الريان ممتاز انا عندي حساب فيه ومرتاحه

وحيد-الشوق

11-03-2010, 05:19 PM

الصفاء ماانصح فيه احس تعامله مثل الربوي والله اعلم

اقترح عليج المصرف الأسلامي وعنج الريان بعد اسمع انه زين

ANONYMOUS

11-03-2010, 06:57 PM

مشكورين ع المرور

انا كان ودي بالمصرف او الدولي الاسلامي

بس فوايدهم كثيره

الله يعطيكم الف عافيه ع الرد

مايسمونها فوائد في البنوك الاسلاميه

يسمونها مرابحه

الفوائد فقط في البنوك الربويه

بعدين مرابحه زياده.. ولا سقوط حر في الربا وفي نار جهنم

عندج المصرف والدولي .. وان شالله الريان اوكي.. ماعرف عنه

ولاكن ارشح المصرف بقوه

وابعدي عن البنوك الربويه بفروعها جميعها

ANONYMOUS

11-03-2010, 07:02 PM

أخوي اذا تبغي الأجابة على أسألتك أتصل على خدمة العملاء "لـهذا الغرض تم توظيفهم" .

ونصيحة لا تأخذ الكلام الأ من البنك نفسه .

تبي الصج مب اكبر همي اعرف..

حاط الاستفسار عشان يكون للقارئ ثقافه بنكيه

ويعرف جميع الجوانب

القضيه مش 1% والسلام

والزياده في المعرفه

عادة الرسوم الاداريه مثلا تكون 2%

لو خذت قرض 100 الف ريال.. الرسوم الاداريه تكون 2000 ريال..

وتضاف على القرض اللي هو 100 الف

والفوائد وغيرها تؤخذ على المبلغ الجديد 102 الف.. وليس 100 الف..

عموما اشكرك ع الاهتمام

المعارضة

11-03-2010, 09:52 PM

أختي اسمعي كلام "ودي اكون" وحاولي باي طريقة ما تاخذين قرض والله يوفقج

wolf qtr

12-03-2010, 01:26 AM

اشرد من الصفا امحق البنوك كلها (التجاري الاسلامي)
طق منهم انا توهقت فيه
اول ما جيتهم كلن يرحب ويهلي والامور سهالات وكل ماتبي حاظر
بس عقب الربع ما وكدو اني نقلت حسابي لهم ,,, بدى مسلسل الضياع
لا فيه تاجيل وقروضهم تطول واجراءاتهم عسره
انا والله دخلت لاعطيك نصيحه لوجه الله

.. ام عبودي ..

12-03-2010, 01:39 AM

مشكورين اعضاء

شكلي بنقل احسابي مصرف الريان

والله يعيني على القرض

بوخليفة3

12-03-2010, 01:45 AM

ليش ما جربتيّ بنك بروة !! أسلامي ومسوي عرض ممتاز 1% للسنة الاولى .

((اللهم أكفنا بـ حلالك عن حرامك و أغننا بـ فضلك عمن سواك)) .

http://www.barwabank.com/arabic/box2.jpg

اخوي انا سالت عن هالعرض طلع كله لعبه ع الناس

الفايده في السنه الثانية اعلى بوايد والقرض يطلع جامد لو حسبت الفايده
ولازم تكون مدة القرض اقل شي خمس سنوات

انا سويت مقارنه بين مصرف قطر الاسلامي وبين مصرف الريان وبين بنك بروة على مبلغ 200 الف >>>> كان متملل :)

اقل فايده عند مصرف الريان واقل قسط بعد

حولي على مصرف الريان اختي

بـــــــنت النوخـّــــذه

12-03-2010, 01:47 AM

شوفي البنك الي فيه اقل ربا وماياخذ فوايد وايد 000

اتصلي فيهم الثلاثه وشوفي الاستعلامات وقولي لهم كميه الغرض والفوايد الي بياخذونها وجمعي الافكار وشوفي النتيجه منهو الاحسن والاقل فوايد 00000