إلى متى يافودافون ارسال النت بطيئ؟؟؟؟؟؟

[مستثمر مبتدئ]

السلام عليكم بصراحة ماقدر استفيد من نت فودافون بو 300 ميجا المجاني اول شي بطيئ جدا جدا ومب قادر اعرف الايميل على جوالي في بداية الاعدادات يمشي معاك اوكي بس لما تدخل الايميل والباسورد عشان اكمل الاعدادات يتم جاري الاتصال بالخادم معلق ومايخلص وماقدر اعرف الايميل والله يخلي كيوتل يوم حطيت كرتي وعلما اني مشترك بخدمة 50 ميجا وماشاء الله سريع وخلصت الاعدادات بسرعه المهم شلت كرتي وحطيت فودافون وتعال اشبك الايميل مايصير:anger2: تطلع لي كلمة لايمكن الاتصال بالخادم يرجى الاتصال لاحقا وانا مادري لاحقا متى بالضبط وشكرا وسوري على الاطالة واذا ارسالكم تعبان ليش تسوون عروض ؟؟؟؟

[جوال 11]

مع التحية لعشاق فودافون

[بوخالد911]

خذها كقاعده : أي شركة جديدة تبي تثبت نفسها
وبأي طريقة

فودافوون همها الأول والأخير كسب وجذب وسحب المشتركين من كيوتل

يهتمون بالكم وليس بالكيف

[رجل الجزيرة]

كوكو وبس.
:)

[ثري]

اناب شبك من جوالي فودافون وبيشبك بس المسنجر بيضل يفصل وما عملت اعدادات ولا شي بستخدم برنامج الاوبرا مني وتمام الامور بالتصفح بس المشكله بالمسنجر

وكبداية منيحه وعم تتحسن ان شاء الله وبتضل ارحم مية مرة من حرامية كيوتل

[ودي أكون]

والله انا اشوف نت فودافون جيد ..

يمكن انت ماعرفت طريقة استخدامه !!

او انا حظي حلو كان :rolleyes2:


خلاص طلع لك بي بي .. حق الملل :tease:

[ابو ضمير]

لا انا ما ايدك انا المسنجر شغال اخر تمام عندي واقدر اتصفح الرسائل من البريد الكتروني
تحيا فوفو تحيا فوفو فوفو وبس والباقي كوكو

[برزان1]

الرصيد المجاني 2010 دقيقة كذلك لم نستفيد منه
من بعد الساعة السادسة مساء الشبكة مشغولة

[قطر501]

غير كوكو مافيه

[lka]

بعد تجربة فودافون، صراحة كيوتل عاش عاش عاش(قديمك نديمك).

[ask_and_get]

فودافون لن تصبح ابدا افضل من كيوتل الا بعد عشر سنوات اقل شي !!

[عازف الاورج]

تحسيين كبير صار في شبكه فودافون

وتوهم حتى سنه ماصار لهم

[مستثمر مبتدئ]

المفروض شبكتهم يخلونها محصورة على عدد معين من الناس وخاصة المساهمين لين ماتتعدل امورهم وتصير شبكتهم ممتازه يسوون عروض حق الكل بدون استثناء اما عروض في مقابل شبكة تعبانه لازم بيصير ضغط يالله ننتظر ونشوف لين متى ومشكورين على الردود

[م. عبدالعزيز]

المفروض شبكتهم يخلونها محصورة على عدد معين من الناس وخاصة المساهمين لين ماتتعدل امرهم وتصير شبكتهم ممتازه يسوون عروض حق الكل بدون استثناء اما عروض في مقابل شبكة تعبانه لازم بيصير ضغط يالله ننتظر ونشوف لين متى ومشكورين على الردود
المفروض يسوون مثل السعوديه .. شركة زين (الشركه الثالثه) يوم دخلت السوق السعودي.. ما اعتمدت على شبكتها 100% ، استخدمت البنيه التحتيه لشبكه موبايلي( شركتهم الثانيه)

يعني لو عندك رقم تابع لشركه زين ، وتروح لمنطقه مافيها تغطيه زين ، علطول يشبك على موبايلي وتستخدم الشبكه عادي لين مايلاقي شبكه زين

وهالحركه يسمونها (التجوال الوطني) National roaming ... لو هني يطبقونها مبدئيا بيكون احسن ، طبعا بشرط انه فودافون ماتسوي عروض وتخرب كل الشبكات في قطر..

[مستثمر مبتدئ]

المفروض يسوون مثل السعوديه .. شركة زين (الشركه الثالثه) يوم دخلت السوق السعودي.. ما اعتمدت على شبكتها 100% ، استخدمت البنيه التحتيه لشبكه موبايلي( شركتهم الثانيه)

يعني لو عندك رقم تابع لشركه زين ، وتروح لمنطقه مافيها تغطيه زين ، علطول يشبك على موبايلي وتستخدم الشبكه عادي لين مايلاقي شبكه زين

وهالحركه يسمونها (التجوال الوطني) national roaming ... لو هني يطبقونها مبدئيا بيكون احسن ، طبعا بشرط انه فودافون ماتسوي عروض وتخرب كل الشبكات في قطر..

شي حلو والله بس مشكلة ربعنا كل واحد يحب نفسه

[راس عشيرج]

انا عندي الآيفون على خط فودافون نادر ما اشتكي من النت بالعكس اتصفح النت جيدا جدا لكن مب ممتاز.. غير البرامج المربوطة بعملية الـPush*ولا يفصل. المشكلة الوحيدة اللي اعانيها مكشلة الخط المغلق مع فودافون
وكيوتل يعني ارسالها ١٠٠٪ ممتاز طبعا لا.. واحيان يحصل الانقطاع المفاجئ اثناء المحادثه غير نت البلاك بيري احيانا ما يفتح الرابط ياخذ وقت.

[مستثمر مبتدئ]

انا عندي الآيفون على خط فودافون نادر ما اشتكي من النت بالعكس اتصفح النت جيدا جدا لكن مب ممتاز.. غير البرامج المربوطة بعملية الـpush*ولا يفصل. المشكلة الوحيدة اللي اعانيها مكشلة الخط المغلق مع فودافون
وكيوتل يعني ارسالها ١٠٠٪ ممتاز طبعا لا.. واحيان يحصل الانقطاع المفاجئ اثناء المحادثه غير نت البلاك بيري احيانا ما يفتح الرابط ياخذ وقت.

يمكن عشان ايفون وهو مخصص للنت بس انا عندي نوكيا مع كيوتل ماشي حلاوة ومع فودافون كما ذكرت في بداية موضوعي وشكرا لك