اجراءات"رفع قضيه"؟؟؟

[الدوحه1]

ممكن حد يفيدني عن الاجراءات المطلوبه لرفع قضيه ضد احد المحلات التجاريه..
السالفه اني اتفقت مع احد المحلات لعمل ديكور جبس للبيت ودفعت حوالي 40% مقدم ولكن عقب كمن يوم راعي المحل وقف الشغل في البيت وطلب مني ان ادفع دفعه ثانيه وهو ماكمل حتى 20% من الشغل ..انا رفضت ان ادفع اي دفعات اضافيه حتي يكمل على الاقل 40% من الشغل المتفق عليه..
عندي وصل بالمبلغ بس مافي عقد بيني وبينه.

[ودي أكون]

بدون عقد !!

عادي هو يشتكي عليك بعد .. :tease: بس زين ان معاك وصل :victory:

حالتين ..

يا ان هذا صج نصاب ويحتاج من يأدبه !!

أو ان الاغراض اللي محتاجه اللحين ماكانت فالحسبان .. يعني مثلا يجيك الريال يقولك .. للغرفه هاذي احتاج حق الاغراض مثلا هاا .. احتاج 20 الف .. وبعد مايشتغل فعلياً .. تطلع له مشاكل فالغرفه .. ان الطوفه مادري شو وهاي مادري شو .. او ان الاغراض سعرها ارتفع .. فيضطر يطلب منك انك تدفع من المبلغ ..

فهي حالتين مثل ماذكرتها لك .. واسمحلي في نقاط ماعرفت اشرحها عدل .. بس اسمعها من اخواني ان الاتفاق يكون شي ويوم العمال يسوون يطلع شي ثاني بسبت مادري شو وشو ..:rolleyes2:

اعتقد فهمت شوي من الشو ..:tease:

[دكتورة روح]

والله ماعرف اتمنى حد يفيدك

[جوال 11]

أشتكي عليه في أقرب مركز شرطة وتحصل حقك

[بوعمير]

أخوي الدوحة من واقع تجربة انصحك انك تحل الموضوع معاه بشكل ودي وخلة يكمل شغله في بيتك، و الشرطة ما راح تسويلك شيئ ولا هم طرف في الموضوع، وبيقلولك رح اشتكى علية في المحكمة، وفي المحكمة بيطلبون منك فتح ملف بـ (؟؟ ريال)، عقب بيحددون موعد للجلسة (يمكن خلال شهر او شهرين) انت وحضك، يوم الجلسة إذا ما حضر المدعي عليه(راعي الشركة) بيحددون موعد ثاني، وإذا ماجا بيحددون موعد ثالث.... في النهايه بيستدعونه عن طريق مركز الشرطة (حسب موقع المحل) وطبعاً الشرطة يومهم بالسنة راح يتصلون فيه انه يحضر المركز وبيطنش وهكذا ...... الخ.
يعني ممكن تاخذ القضية سنين وهي ما خلصت، يكون الرجال سافر ولا مات ولا ولا ....الخ.

فعندك حلين :
الاول: انك تخليه يخلص الشغل في بيتك بأي طريقة، وتعطيه الي يبي.
ثانياً: خذ حقك بيدك، وأنا آسف اني اقول هذا الشيء.

وموفق خير إن شاءالله.

[(الفيصل)]

عسى ماكتبه أخيك سوف يفيدك ، على أقل تقدير (بالمستقبل) بعد رفع الدعوى وهو أمر سهل ، وسوف تجد رابط به نماذج لصحف الدعاوي
تفضل

http://qatarshares.com/vb/showthread.php?t=113840

[نورالهدى]

خلص موضوعك ودي افضل
شغلك بيتعطل
والله ييسرلك امورك
بس خذ وصل

[مساهم عادي]

اعلان المتهم بحضور الجلسة يتم بتوجيه هذا الاعلان اليه بالبريد المسجل المصحوب بعلم الوصول على الأقل قبل 7 ايام من موعد انعقاد اول جلسة .... حضر ماحضر ... انت مالك خص ....
واذا كرر المتهم عدم حضوره لأكثر من جلستين ... يحجز القاضي ملف القضية للحكم ... ويحدد جلسة بذلك.. في هذه الحالة القاضي يحكم لصالحك....

[السياسي القطري]

أخوي الدوحة من واقع تجربة انصحك انك تحل الموضوع معاه بشكل ودي وخلة يكمل شغله في بيتك، و الشرطة ما راح تسويلك شيئ ولا هم طرف في الموضوع، وبيقلولك رح اشتكى علية في المحكمة، وفي المحكمة بيطلبون منك فتح ملف بـ (؟؟ ريال)، عقب بيحددون موعد للجلسة (يمكن خلال شهر او شهرين) انت وحضك، يوم الجلسة إذا ما حضر المدعي عليه(راعي الشركة) بيحددون موعد ثاني، وإذا ماجا بيحددون موعد ثالث.... في النهايه بيستدعونه عن طريق مركز الشرطة (حسب موقع المحل) وطبعاً الشرطة يومهم بالسنة راح يتصلون فيه انه يحضر المركز وبيطنش وهكذا ...... الخ.
يعني ممكن تاخذ القضية سنين وهي ما خلصت، يكون الرجال سافر ولا مات ولا ولا ....الخ.

فعندك حلين :
الاول: انك تخليه يخلص الشغل في بيتك بأي طريقة، وتعطيه الي يبي.
ثانياً: خذ حقك بيدك، وأنا آسف اني اقول هذا الشيء.

وموفق خير إن شاءالله.

أتفق مع الأخ بوعمير في إنه من الأفضل أن تتصالح معاه ،

لأن هذا خلاف تجاري من إختصاص المحكمة المدنية وليسَ من إختصاص الشرطة ،

والمحكمة المدنية ، سوف تصدر حكماً بتعين خبير في الدعوى لتقدير قيمة العمل ،

وهناك أتعاب للخبير ، ويجب ترك الشغل على حاله حتى يتم تعين الخبير ،

وهذه إجراءات سوف تستمر مدة طويلة جداً ، وسوف تتضرر من كل ذلك دون أن تضمن حتى أن يصدر الحكم لصالحك ، لأنه سيدعي بأن ما قام به يوازي الأربعين في المائة التي حصل عليها ،

ولا تضمن تقدير الخبير لقيمة العمل ،

يعني في النهاية ربما تخسر المزيد من المال لرسوم المحكمة والخبير ولا تربح الدعوى وتتضرر جداً من التأخير ، لذلك فالصلح هو أفضل الطرق لحل الموضوع من وجهة نظري الشخصية ،

ولكن لا أتفق مع قول الأخ بوعمير بقيامك بأخذك حقك بيدك ، فتلك سوفَ تحسب عليك ، وقد تتحول إلى إتهامك بجريمه جنائية لا سمح الله إذا أشتكى عليكَ لدى الشرطة ،

لذلك ليسَ لكَ إلا حلين ، أما الصلح وأما رفع دعوى مدنية ضد المحل ،

وتقبل خالص تحياتي وتقديري .

[مساهم عادي]

واضح منك اخوي انه ماعندك عقد عمل ... وهو امر قد يعسر من الحكم في القضية ويأخرها الى اجل غير مسمى... خاصة انك بتكون انت المدعي ... يعني يقع على كاهلك وحدك فقط تقديم الاثباتات للقاضي ... ومن ثم هل يأخذ بها القاضي او لا

الأيام هذي .. الكلمة لم تعد تكفي... لازم كل شي يكون مكتوب وموثق حتى الواحد يقدر يحفظ حقه..

[meme~qatar]

لاحول ولا قوة الا بالله العلي العظيم

اخوي هذي مشكلة والله يعينك عليها

والله الوالد قعد سنتين في قضية مشابهة وفي الاخير طلع الحق مع الخصم

والله يعينك

حلها بطريقة ودية معاه والله يكون بالعون

[دلوليانوز]

حبيبي..من واقع تجاربي..مع هالخمه..شركات الديكور..

لين وين وصل بالشغل..اذا نفسك طابت منه..

وين وصل في شغله..وشوف محل ثاني..وقوله بدفع باقي المبلغ المخصص..وكمل الشغل والديكور..وطنش هالحيوان...صدقني راح يتصل لك هو...لانه البلاد..شغل فيها مافي..ولانه اهبل..ومصدق..انه بيلوي اذراعك..طنشه..صدقني بيتصلك..
بس روح عند شركة ثانيه..وهم يكملون الشغل..من ومكان ما وقفوا..
واياك اتسوي شي بدون عقد..

[ريم المدينة]

نصاب حرامي