ابغي نصيحة للمطبخ احط مكيف سبلت ولا وندور

[ماضي]

متوهق في المبطخ الخارجي اللي عندي محتار احط مكيف سبلت ولا وندو ناس تقولي خلك ع الوندو والله يعينك على الصوت وناس تقلي السبلت الى ومافيه صوت الموضوع اللحين عندك وناطر ردودكم.

[خذاني الشوق]

والله من رااي والافضل الصراحه وعن تجربه افضل الوندوووو ونصييييييييييييييييييييييحه
الاسبلت لاا ثم لااااا ثم لااااااااا

وبعدين اي صوت بالوندوو يازينه ويازين صوته ولا خرررررررررررررراب الاسبلت الله يكرها
لاااا وافضله بالبيت كامل بعد مب بس المطبخ
طيعني وندووووووو

[شموخ دائم]

,

,


مرحبا اخوي

من ناحيه تكلفه ماديه الفرق شي بسيط

لكن خل ننظر لها من ناحيه شكل ومن ناحيه توزيع المطبخ

احيانا مكان المكيف يخرب شكل الالمنيوم الادراج العلويه

تلاقي المكيف جاي بمكان معترض ويجبرنا نقسم المطبخ الى قطعتين يمين المكيف ويسار المكيف

اذا حصل هذا معاك ركب سبلت وارفعه فوق الادراج

واذا مكان المكيف جاي في مكان مناسب وما يخرب الشكل العام للمطبخ

ركب مكيف وندوز

يعني انظر للموضوع من ناحيه جماليه يناسب او ما يناسب

بالنسبه لي انا افضل الاسبليت

لان مكيفات الوندوز ما عادت مثل قبل

ما شغلتنا الا نشتري وبعد سنه نبدله ولا يفيد تصليح معاه

كل الشركات صارت اي كلام للاسف

وخاصه المتعوس lg

:)

,

,

اخوك


شموخ دائم

[RAHA]

بالنسبة لي انا افضل مكيف الويندوز
للمطبخ الخارجي

المطبخ الخارجي مطبخ كرف و الويندوز يبيله اهتمام

باب المطبخ الخارجي يكون شبه مفتوح و المكيف شغال
و معرض لتجمع الأوساخ و الغبار و الزيوت بشكل كبير
فالويندوز سهل تنظيفه عن السبليت

عليك بمكيف طنين او طنين و نصف
او ركب مكيفين اذا المطبخ كبير
يشتغلون بالتناوب
عندك فوجي او جنرال

اما اذا تبي تحافظ على ديكور البيت الخارجي
و المطبخ مكلف عليك من ديكورات
فنصيحتي بنصيحة شموخ
استعمل سبلت و لكن حاول ان تضعه في زاوية المطبخ
في ركن بعيد عن الفرن

[السد]

مكيف ويندو
للزيوت

[QAT2020]

اخي الفاضل انا نصيحتي لك مبدأياً اعمل توصيل للمكيف سبلت لان الوندو ممكن تفتح في الطوفه عادي اما توصيلات السبلت صعبه لازم اتكون من البداية ..
وتقدر بعدين تقرر وش تبي هذا مبدأي ، وانا رأي من رأي اخوي شموخ السبلت افضل .

[القلم الصريح]

عندي لك حل
اذا في شفاط (على بره / خارجي)عدل فوق الفرن يشفط دخان الفرن ( نقطة مهمة جداً جدً )
واذا كان الفرن ( يمين ) المطبخ مثلا
حط سبيلت يونت في ( شمال ) المطبخ
يعني تحطه بعيد عن الفرن وبحيث ان الشفاط يشتغل وقت الطبيخ علشان يشفط كل الروايح والدخان ولا يأثر على السبيلت لانه بيكون اصلا بعيد عن الفرن بمسافة كافية
في هالحاله حط سبيلت
وهو الخيار الانسب في وجهة نظري

[العامرى2010]

اولا السلام عليكم وارجو اخذ هذه الملاحظة بجدية / اولا المطبخ لايوضع لها مكيف السبليت والسبب انها مكان متغير وسريع الاتساخ والزيوت تسد فتحات التبريد بمدة زمنية قصيرة ولا انصح الا فى المطابخ الكبيرة والذى بها نوع الرفاهية العالية ولا يحصل بها طبيخ مستمر وخاصة الاكلات الدسمة اما بالنسبة للتوفير طبعا الويندو ارخص وسهل وممكن استبداله ويعيش مدة اطول فى حالة المطابخ رغم الزيوت واما بالنسبة للصوت طبعا التكنولوجيا الحديثة جعلت حتى الويندو مقبول من ناحية الضوضاء وبالتوفيق الى مطابخ مرفهة . العامرى

[بوخالد2]

اخى العزيز اذا كان البيت جديد وته بالتشطيب اختار مكان مناسب للسبليت كشكل ومظهر ممتاز ويكون بعدين عن الحرار ويفضل اذا كانت شفاطة سحب الهواء مباشره من فوق الفرن علشان ماتخترب حراره و تبريد المكيف

اما الونيدز ماانصح فيه لاانه يكون حااار ويخترب بسرعه في مطبخ مكانه ومجاله وسيع ويعج بالحراره الدائمه من الطبخ

والله يوفقك

[وهم قطر]

مرحبا اخوي ماضي

انصحك تحط تصويت لانك ماراح تطلع بنتيجه لان المسأله يأي يا لا شي من اثنين

ولازم تقتنع وضعك للا سبلت اذا كنت مجبور من جهه معينه حتى ماتخرب على طقم المطبخ

ويكون المطبخ جدا راقي ومكلف

ومن ناحيه السيرفس كل يومين بتنظف اليفه لانها بسرعه تنسد من الاوساخ غير الغرف كل اسبوع

أما الويندو فهو عملي وعليك بمروحه الشفط القويه مش المدوره في الطوفه لا
الي تنحط فوق الفرن مباشره عشان تسحب ماتعطي فرصه للدهون ولك الاختيار

[The Watcher]

اذا مهتم فعلاً ان المطبخ يكون بارد .. عليك بالويندو

اذا السالفة شكل وكشخة .. ومايهمونك الخدم ينذبحون في الحر .. حط سبليت