يُرجى الافادة

[على قد حالها]

السلم عليكم

اخواني بغيت شوركم لأني محتارة في اتخاذ القرار الصائب :court:

من زمان وانا خاطري افتح لي مشروع تجاري صغيرون حتى لو يدخل علي صافي ربح 3000 ريال بالنسبة لي خير ونعمة :p ، والحين جات الفرصة لأني لقيت محل (مخبز ) :funny: في موقع ممتاز ومساحته بعد معقولة وسعره مع الأجهزة وكل شي 450 ألف
بغيت أسأل اللي عنده خبره هل سعره زين والا مرتفع ؟
والشي الثاني والأدهى أني أنا طبعاً ماعندي كاش حالي حال اللي دشوا البورصة وماقدروا يطلعون
يعني لازم ابيع عشان أقدر أوفر السيولة (طبعاً المحل شراكة يعني النص بالنص) واذا بعت الحين راح اخسر في اسهمي تقريباً 30% من راس المال .. :(
فشنو شوركم لي ابيع الاسهم واشتري المحل والا انتظر فرصة ثانية.

ولكم جزيل الشكر

[بويوسف]

450 الف وايد .. بس يمكن المحل يستاهل او الموقع يستاهل ..

اذا كان اول مشروع لج ليش ماتدخلين في مشروع بتكلفة اقل ؟؟ مجرد تسائل

[الرسام القطري]

السلام عليكم ورحمة الله وبركاته

أختي العزيزة شوفي تبين شيء انتي راح تستفيدين منه وايد
اولا شيء موضوع المخبز فاشل وبعطيج دراسة فيها أذا بغيتي بس عطيني اسم المنطقة
الشيء الثاني الأيجارات صارت نار الحين حتى في المحلات
انتي تقولين بطلع 3000 الاف ريال في الشهر
احسبي أيجار المحل قولي 2000 ريال
الكهرباء والماء الطحين أجور العمال
السجل التجاري
وغيره
الحـــــــــــــــــــــــــــــــــــــــــــــــ ــــــــــــل
الله يجزاه خير أبو مشعل طول الله عمره إن شاء الله
تدرين روحي اخذي محل في سوق واقف الأيجار للقطر يين على 500 أو 600 في الشهر مبلغ رمزي وتأجرين من البلدية والله أحسن من المخبز بمليون مره
وروحي دبي وجيبي أشياء شعبية برخص التراب وبيعي
شوفي المدخول مش أقل من 25 الف في الشهر

.................................................. ................................................
واي مساعده أنا حاضر
أنا عندي الحمد الله محلين
1- سوق آل أحمد
2- سوق الجبر محل
والحمد الله
والحين إن شاء الله بفتح في سوق واقف :deal:

[lwfabs]

اتفق مع اخوي الرسام القطري

[على قد حالها]

مشكور أخوي بو يوسف على الرد
وشكراً اخوي الرسام القطري على الإفادة ، بس يمكن أنا ماوضحت لك أكثر أنا ماقلت إن ربحي راح يكون 3000 أنا قلت لو كان ربحي 3000 فيه خير ونعمة ، في نقطة ثانية أخوي اعتمادي الاساسي من التوزيع على العمال اللي في الصناعية (يعني مثل عقود توريد ) وبصراحة أخوي انا اعرف ناس (خبر أكيد ) يدخل عليهم المخبز في اليوم 3000 يعني في الشهر 90000 ومع رواتب العمال والاجار والمواد الغذائية يطلع صافي الربح 25000 (على الاقل) .. على العموم عندي فرصة لمدة اسبوعين عشان اتخذ القرار والله يكتب اللي فيه الخير

بس تدري والله حلوة سالفة سوق واقف هاي بس تكفى قولي وين اروح بالضبط ؟وشنو الاشياء المطلوبة؟ ، وصج سالفة الاجار اللي بـ500 ، وهل ياترى اي واحد يعطونه محل هناك والا بعد السالفة يبيلها دز!!!!

[الرسام القطري]

بس عندهم شروط وزارة البلدية
انج تكونيين من أصحاب الدخل المحدود
وبشرط انتي تقعدين في المحل

والله سوق واقف روعة أوسواق الخليج والله وشيء يشكر عليه
بسرعه قبل لاتروح عليج المحلات
والله فرصة :shy:

[bo_hamad]

السعر مبالغ فيه حتى لو كان الموقع مناسب ، لو تشترين لج أرض أو عقار مع أي شخص ثاني شراكه اخير لج لانه الأرض ما تاكلها الدود وبالتوفيج

[على قد حالها]

الله يعطيك العافية يالرسام .. بس عاد انا أقعد في المحل !!!! شوي صعبة
على العموم مشكورين اخواني على الردود ، والله يوفقنا اجمعين (اللهم آمين)

[keep calm]

السلم عليكم

اخواني بغيت شوركم لأني محتارة في اتخاذ القرار الصائب :court:

من زمان وانا خاطري افتح لي مشروع تجاري صغيرون حتى لو يدخل علي صافي ربح 3000 ريال بالنسبة لي خير ونعمة :p ، والحين جات الفرصة لأني لقيت محل (مخبز ) :funny: في موقع ممتاز ومساحته بعد معقولة وسعره مع الأجهزة وكل شي 450 ألف
بغيت أسأل اللي عنده خبره هل سعره زين والا مرتفع ؟
والشي الثاني والأدهى أني أنا طبعاً ماعندي كاش حالي حال اللي دشوا البورصة وماقدروا يطلعون
يعني لازم ابيع عشان أقدر أوفر السيولة (طبعاً المحل شراكة يعني النص بالنص) واذا بعت الحين راح اخسر في اسهمي تقريباً 30% من راس المال .. :(
فشنو شوركم لي ابيع الاسهم واشتري المحل والا انتظر فرصة ثانية.

ولكم جزيل الشكر

تعتقدين 3000 صافي شهريا مقابل راس مال 450000 كفايه ودي اعرف وجهات نظر مختلفه

[بويوسف]

اخوي الرسام اذا ممكن بغيتك في موضوع

راسلني على هذا الايميل لاني حاولت ارسل لك رسالة وماقدرت aaf673@hotmail.com

[الرسام القطري]

هلا أخوي أحاول أرسلك ما يصير

عادي تكلم على العام ((((((( :con2:
جزاك الله خير
هذي تجارة ومافي شيء عيب
كلنا أخوان

[بويوسف]

اخوي انت عامل خاصية تعطيل ارسال الرسائل الخاصة

روح لوحة التحكم وغير هالخاصية ..

واذا ماصارت قول لي .. وبعدين الايميل اعتقد مافيه مشكلة