يوم البجامه يوم مدرسي جديد

[بوبندر]

تقرر على ولدي يوم !!! يكون يوم البجامه جميع الطلبه + المدر سات:sneaky: يعني يروحه الولد ابجامة النوم .....طبعن انا رافض الفكره وبغيبه يوم البجامه:anger1: بس شل الفكره من هذا اليوم !!!!!! يمكن يعلمونهم شلون ينامون هههههههه

[التيما]

ماعندهم سالفه .. عالاقل يوضحون الهدف منها حق الاهل .. او للياهل عالاقل .. قال ايش يوم البيجامة ؟؟ مالت

[meme~qatar]

اي اكيد ولدك في المدرسة الانجليزية الحديثة

العام.. قرروا اخر يوم من الفصل الاول انه يكون يوم يجون فيه الاطفال بالبجامة


هذا بالنسبة لولدي وبنتي


وبكل صراحة اقولك لبستهم بجامة وداوموا واحتفلوا

كان ذاك اليوم بدون دراسة احتفال بس

والعيال استانسوا وايد


ويوم جيت باخذهم كانوا مستانسين ومايبون يردون البيت

وماكان في شي موب طبيعي

وهم اطفال في الروضة وفي اول


مش كبار

ومن حقك انت انك ماتخليه يداوم



وتقبل مروري

[محمد سعيد]

عشان يصير خداي لاتودية علمة المرجلة وخل عنك امور المدارس المقززة

[بو الطيب]

اشهد انه صااااااااادق يابوسعيد

شنو بجامه الله يلعن اشكالهم بدال مايعلمونهم السنع يعلمونهم الا مبلااه
حسبي لله عليهم وعلى اللي يابهم وعلى اللي خلاهم يسرحون ويمرحون

[سداوي&مدريدي]

قوية

:happy:

[CH Engineer]

ههههههههههههههههههه
وانتو بكرامه ترقبوا يوم الحمام المدرسي
طبعا يدخلونهم كلهم بحمام عشان النظافه...

لاتنسون النظافه من الايمان << الاعذار موجوده وحدث ولا حرج

[القائــد]

الهدف من البيجامه :) ان يحسس الأطفال بان البيت والمدرسة واحد مافي فرق
لان في اطفال يروحون مدارس بدون نفس
تغيير جو، وعلاج نفسي للطفل، بس عن طريق
البيجامه
:)

[بلوتنيوم]

الي زعلان
ليش يدخل ولده هالمدرسة
ذات الافكار الامبريالية :omen2:

[tulepq]

يعني شكلهم بيقلدون أمريكا :) .. لما يحضرون السينما بعد 12 يخلونهم ياخذون راحتهم .. ويجون بالبيجامات

يمكن يبونهم يشوفون فلم ( أليس ) في بلاد العجائب ويعيشونهم الدور

[hemoud123]

يا اخي ليش مارفعت التيلفون واتصلت بالمدرسه واستفسرت عن سبب تخصيص يوم للدوام بالبيجامه ؟ بالتاكيد كان عرفت السبب ونقلته لنا لتعم الفائده

[بوبندر]

الي زعلان
ليش يدخل ولده هالمدرسة
ذات الافكار الامبريالية :omen2:

والله يخوي انا مو زعلان اني دخلته مدرسه انجليزيه الولد كان في مدرسه مستقله وكان ميعرف ح من ميم....احين هو في الصف الرابع...ومشاء الله عليك انا احطه مترجم انا رحت مكان فيه انجليزي....بس انا عاتب عليهم من هذا اليوم بس....

[Pro]

قبل لما كنا نطلع للمسجد
بجلابيه كانت الوالده تهزئنا
و كانت تفرض علينا لبس القحفيه
و بعد ما كبرنا بسنوات قليله
لبسنا الغتره و كنا نستحي نطلع بدون الغتره
هذا المثال
بهدف التوضيح فقط
توضيح ان التربيه هي الأساس
فإذا ربيت ابنائك على الكلام البذيء
فالعيال بيطلع منهم الكلام البذيء
و إذا علمت اعيالك على الستر
فالعيال بيحافظون على الستر
فالواجب هنا ان نعلم ابنائنا المبدىء الصحيح
فبداية المعصيه تكون بسيطه
البنت صغيره لين اللحين على الحجاب
و بعد ما كبرت خلها تستانس شوي
لين اللحين البنت غشيمه
و كبرت شوي ما تجوف بنات العالم
هذا جيلهم ماشي على هذا الوضع لا تصير جاهل
لين كبرت و وصلت سن المراهقه
من يقدر يكلم البنت كل الأمور ماشيه
بمزاجها اللحين تتحكم فيها
وفي مثل قديم يقول

القطو العود ما يتربى
°°
°°
°°
فأحسنوا تربيتهم فالصغر
حتى يحافظوا عليكم فالكبر
و عليكم بالدعاء و الطلب من الله
ان يصلح بال المسلمين

[الخفي]

(( وتستمر مهازل المدارس المستغله ويستمر تدمير الجيل القادم ))

[عقد اللآلي]

ماهذه الأيام العجيبة في مدارس هذه الأيام؟!!

[تلتوله]

هههههههههههههههه حلوه

[yousef545]

مالحقنا على هالسوالف ههههههههههه

<= معاكم الي مايعرف سوالف البجامات ( فنيله و صروال و جلابيه ههههههه )

[الصيـاد]

ما يبون اولياء الامور يحضرون بالبجامة بعد مع عيالهم بالمرة علشان تستوي المصخرة التعليمة

مهازل التعليم مستمرة يا جدعان وين الجدع اللي بنتشلنا من هذي السخافات وغيرها

[غزلان]

يعنى التعليم مابيكمل الا بيوم البجامه

سخافه مالها داعي

[عبدالمحسن]

الله يرحمك يا يبه


تذكرت سالفه بسيطه رح اذكرها

كنت في الجمباز في المدرسه ( ايام الابتدائيه )


وتعرفون لبس الجمباز ضاغط


شافه ابوي الله يرحمه وقال ( وش هاللبس؟؟ قلت : يبه هذا لبس الجمباز وانا لاعب ..
قال : ووشو الجمباز !! ماتستحي تلبس هاللبس !! عيب عليك انت رجال ، وانا درستك ابيك تتعلم وتنجح وتنفع نفسك ، وثاني مره لا اشوفك لابس مثل هاللبس اللي مش من لبس ترى ........ ( هددني ) الله يرحمه )

وعرفت الدرس من يومها بأنه يقصد بان هذا لبس لايليق بتربيتنا وتقاليدنا

والحمد لله بسبب تربية الوالدين خلصت الجامعه ، ويستحيل اطلع من باب البيت بدون ثوب وغتره ..


والعجيب في موضوعك وش فايدة لبس ( النوم ) !!؟؟


هل ليعتادوا الاطفال ويغرز في انفسهم من الصغر بأن لا يستغربوا اذا شاهدوا نساء عاريات بمثل هذا اللبس في الاماكن العامه مثل ( الشواطئ ) ؟؟

ام لأجل لا يستغربوا الاجيال القادمه من النظر لمن يلبس من بعض البنات الجينز و( نص ) تي شيرت في الجمعات!!؟؟




بصراحه يا اخوان هناك تعديات على قيمنا وعاداتنا وتقاليدنا ولابد من الحكومه لوقفه واعادة نظر



احترامي

[NOORA2008]

يقلدون المدارس الامريكيه يوم البجامه - يوم الجينز ... الخ

[الوعد2016]

المدارس المستغله اصبحت تبحث عن الماده والتوفير طبعا المعنين بذالك هم اصحاب الترخيص لتوفير اكبر قدر من المال وتوظيف ناس منهم وفيهم وبدون المرور على المدرسه وامور كثير تحدث في الخفاء ومنها واقلها الاجازه العارضيه ثلاث ايام لبعض المدارس واي تاخير يعتبر غياب وخصم راتب وتحويل المبلغ لمن لا نعلم
وكل يوم سوق خيري وهو سوق نصب ودجل عيني عينك
بعض المدارس تهتم في الاعلام فقط
والدعايه لهم كثيره ويتسابقون على وضع صورهم في الجريده او اخبار مدارسهم
وكل يوم لهم مسمى وهذا يدل على شي واحد وهو غياب الرقابه والمحاسبه والاهم تطنيشهم للمجلس الاعلى

[البعيد]

والله احسهم يستعبطوون وضحك ع الذقون !! والشرهه علينا مقبضين عيالنا لناس هم ماقدروا يربون عيالهم في الاساس .. بس عندنا عقدة اي شي غربي مقدس وهو الصح .

[هند88]

مادري ليش مكبرين السالفه..
عادي شنو يعني...

جات على يوم البجامه... تسير بلاوي في الدنيا..

انا مكان عندي مشكله لما قالولي في روضة بنتي انه فيه بيجامه بارتي

ماجوف فيه شي يخالف الدين ... ولو جفت ماراح اخليها تروح

[ذيبه مزاجيه]

المدارس المستغله اصبحت تبحث عن الماده والتوفير طبعا المعنين بذالك هم اصحاب الترخيص لتوفير اكبر قدر من المال وتوظيف ناس منهم وفيهم وبدون المرور على المدرسه وامور كثير تحدث في الخفاء ومنها واقلها الاجازه العارضيه ثلاث ايام لبعض المدارس واي تاخير يعتبر غياب وخصم راتب وتحويل المبلغ لمن لا نعلم
وكل يوم سوق خيري وهو سوق نصب ودجل عيني عينك
بعض المدارس تهتم في الاعلام فقط
والدعايه لهم كثيره ويتسابقون على وضع صورهم في الجريده او اخبار مدارسهم
وكل يوم لهم مسمى وهذا يدل على شي واحد وهو غياب الرقابه والمحاسبه والاهم تطنيشهم للمجلس الاعلى

صدقت بكل كلمة قلتها .. هالشي صاير عيني عينك
الله يعينهم على ما ابتلاهم !!!
يفكرون بحدود تفكيرهم ويضربون بالكل عرض الحائط
قمة الفشل ,,

[كـاسـر الـصـنـم]

فـوضـى + قـلـه أدب

[المضعد]

اللهم ارحمنا بما فعل السفهااااااااااء اللهم امين
على فكره في ناس تايد افكارهم وتشتط لهم
الله المستعان

[مشتاقة لقطر]

خخخخخخخ حلوة اليس في بلاد العجائب

[بعيد النظر]

يا سلاااااااااااااااااام ..
اليوم يوم البيجامة بكرة ما يندرى يسون يوم الـ ******* !

[ريمية قطر]

روضة ولدي مقررين ان يوم الثلاثاء من كل اسبوع يكون يوم الطبيعه :tease: حد يقوللي شنو يعني :omen2:ومقرري:weeping:ين لبس خاص لهذا اليوم

[البارح]

يا من شرى له من حلاله عله

[meme~qatar]

مادري ليش مكبرين السالفه..
عادي شنو يعني...

جات على يوم البجامه... تسير بلاوي في الدنيا..

انا مكان عندي مشكله لما قالولي في روضة بنتي انه فيه بيجامه بارتي

ماجوف فيه شي يخالف الدين ... ولو جفت ماراح اخليها تروح



سيم سيم

خليت عيالي يروحون وشفت الوضع وكان عادي

[حياة]

اااااااااااااااااااااخر مهزله والله العظيم
والمشكله اللي ينفذ لهم طلباتهم !!!
حد يقول لي ايش الفايده !!وماتحلى البيجامه الا قدام الناس !!والله عيب...
من انولدوا وهم يلبسون بيجامات في بيوتهم يعني بيستانسون زود اذا حد شافهم لابسينها
خلاص عجل يلبسون بيجامه للجمعيه وللمجمعات وللتسوق وللمطاعم دامه صار شي عاااادي
والمشكله هم يطلبون طلبات سخيفه والاهل ينفذون لهم
الله يهديهم ياااااااااااارب

[شيط ويط]

واللي ماعنده بجامه :eek5:

[Notepad]

وهذا احنـا يالعرب طول عمرنا نقلد متى يي اليوم اللي يقلدونا فيه !!

[mannoo66]

الهدف من البيجامه :) ان يحسس الأطفال بان البيت والمدرسة واحد مافي فرق
لان في اطفال يروحون مدارس بدون نفس
تغيير جو، وعلاج نفسي للطفل، بس عن طريق
البيجامه
:)

نعم هذا اللي فهمته من موضوع البيجامه والدبدوووب ..يغنون ويمثلون انهم ينامون كنوع من الشعور بالامان في المدرسه

[دكتورة روح]

حلووووووووووووووة
يوم البيجامة اي والله

[بوحارب]

عاد تخيل مدرسة دبه ومكرشة وتلبس بجامة

باااااااال صج صج شكلها بيكون مقرف ويمكن الطلاب يشردون منها هههههههههههههههههههههههههههههههههههههههههههههههههه ههههههههههههههههههههههه

[القلب المؤمن]

عاد تخيل مدرسة دبه ومكرشة وتلبس بجامة

باااااااال صج صج شكلها بيكون مقرف ويمكن الطلاب يشردون منها هههههههههههههههههههههههههههههههههههههههههههههههههه ههههههههههههههههههههههه

عادي بوحارب يسوون للأطفال علاج نفسي انهم ممكن يشوفون كوابيس وهذا شي طبيعي بفضل منظر المدرسة هههههههههه

[بوحارب]

عادي بوحارب يسوون للأطفال علاج نفسي انهم ممكن يشوفون كوابيس وهذا شي طبيعي بفضل منظر المدرسة هههههههههه

هههههههههههههههههههااا

بوبندر اذا ولدك مب رايح المدرسة ترى انه بروح عنه عشان ما يحسبونه غياب :(

بلبس لهم بجامة عليها صورة كرك وهلو كاتي هههههههههههههههههههههههه