مسلسل سرقة السيارات تتوالى

[عاشق البيئة]

عندي سيارة بيك اب موديل 2002 اللون ابيض رقمه 98168
انسرقت السيارة يوم الاحد الماضي واللحين ما في اي خبر عنها مع العلم بان مفتاح السيارة ماخوذ من غرفة الدريول
اللي يشوف السيارة يبلغ عني
وجزاكم الله خير

والله يحفظ بلادنا من هولاء الحراميه

[الواصـل]

الله المستعااان .. ان شاء الله تلقها بحالهااا .. ويتم ردع من تجرو نفسه للسرقه ..

[عاشق البيئة]

جزاك الله خير يا الواصل

[Mody]

لا حول ولا قوة الا بالله العلي العظيم

وشسالفة السرقات اللي زادت في البلاد هذي ؟؟ّّ

انشالله تحصل الموتر والله يبلغك عنه خير انشالله

[أسد الجزيرة]

اكيد حد يعرف الدريول اجل شلون عرف مكان المفتاح

[lord-qatar]

لا حول ولا قوه الا بالله

[على نياته]

إن شاء الله انك بتحصلها في اقرب وقت.

[Notepad]

لا حول ولا قوه الا بالله

اكيد السالفه فيها انه ولا ماتوصل انه واحد يدش غرفة دريول وياخذ مفتاح وسالفه واضحه تأكد اخوي من الدريول وان شاء الله تلقاها

[عاشق البيئة]

تسلمون يا الاخوان على التواصل
وجزاكم الله خير
ولا تنسوا من دعاتكم

[طاش]

والله مشكلةالسرقات زادت الله يحفظ قطر وشعبها الي ماتعودوا على هاذا المسلسل المرعب

[سهيمان]

شاللي صار في قطر ؟

قبل كم يوم سرقوا 4 رنجات لكزس بتوايرها من بيتنا

حسبنا الله ونعم الوكيل

وصدق الله حيث قال في كتابه

الَّذِينَ آمَنُوا وَلَمْ يَلْبِسُوا إِيمَانَهُمْ بِظُلْمٍ أُولَئِكَ لَهُمُ الْأَمْنُ وَهُمْ مُهْتَدُونَ

[أبو بكر سالم]

ولله لو مكانك وصارت السرقة بهل الطريقة خذا المفتاح من غرفة الدريول ببلغ الشرطة ان الدريول هو الى عطا احد من ربعه وهم بطريقتهم يخلونه يعترف

[oldqtr]

اخوي عاشق البيئه

ماينفع رقم السياره

سيارتك تلاقيها الحين تتمشى وتمر من جدامك بعد وماتعرفها لأنها برقم ثاني

مثل ماصار في سيارة واحد من الربع يمكن سمعتوا عنها
انسرقت ثاني يوم من عيد الفطر الماضي ( جي اكس ار 2007 )
وتغير رقمها وتركب عليها أريل موترولا وقام الحرامي يتمشى عليها

ولا انصاد مره - تدري اشلون صادوه!!!؟؟
صادوه في قضية سرقه ثانيه بعد كم شهر
وتكفّل من النيابه وطلع وواحد من الشرطه قال يمكن السياره اللي معاه تكون سيارة فلان
لأنه يعرف صاحب السياره المسروقه - فطلب المتهم مره اخرى وحقق معاه
وقال السياره مهديني اياها واحد من ربعي


الله المستعان

[قطر501]

والله السرقات زادت وعادي الي يسرق يغير رقم السيارة تدرون شلون للاسف وايد سيارات قديمة وقفه في امكان يسهل سرقة لوحتها وطبعا هالسيارة خلاص لا تصلح للستهلك الادامي ههههه انا استغرب المفروض المرور يسون حملة على هاي السيارات ويشلون ارقامها صج البلدية يحطون عليها ستكر اذا ماخذها راعيها بياخذونها لكن متى بياخذونها بعد 3 شهور او اكثر

[عاشق البيئة]

بخصوص السرقات اللي في منطقة الريان والسيلية ومعيذر اعتقد ان الحرامية شله واحدة لو قدرنا نوصل لواحد منهم بنطلع الباقي
ومطلوب التكاتف بين الشباب اللي فيهم خير والموجودين في هذه المناطق لرصد اي حركات غربية داخل منطقتهم وابلاغ السلطات المختصة بهذه الحركات الغير طبيعية

هذا مقترح لحل مشكلة السرقات

[بومحمد المطاوعه]

اللهم احفظنا

الصراحه انا عن نفسي قمت اخاف

انزل الدكان ابند الموتر واقفله وانزل

لانه خلاص مافي اي ثقه انك اتوقف وتخلي الموتر مفتوح

حتى لو داخل البيت نصيحه للكل

اقفل الموتر

ترى عادي الحراميه ماعندهم ضمير ولا يعرفون الله

ان شاءالله يا اخوي اتحصل موترك

ولاتسكت عن حقك في الحكم ولا تتنازل عن الشخص لو يطلع ولد من

تحياتي لك