المساعد الشخصي الرقمي

مشاهدة النسخة كاملة : :::ثقف عقلك.2...سؤال...وانتوا تجاوبون...عن البحر:::...احم


The Master
12-03-2010, 08:20 PM
احم احم...ثم احم...

مرحبا بكم من جديد...في ثقف عقلك...

سؤالنا الاول كان عن اختلاف فصول السنه بين النصف الشمالي و الجنوبي..
هنا الرابط...
:::ثقف عقلك...مسابقة...سؤال وانتوا تجاوبون...:::...احم (http://www.qatarshares.com/vb/showthread.php?t=347872)


واليوم انا كنت محضر سؤالين...على اساس انها تنحل خلال يومين...بس الاعضاء حارين...ويبغون كل شي سريع سريع...

فا اليوم باحط سؤال...وانتظر الحل لين بكره...
وطبعا القوانين نفسها...
هي انك تحط اول حرف من اول كلمه من الجواب...
مثلا اذا كان الجواب " البحر الميت"...تحط ب م


مانطول عليكم...

سؤالي اليوم...ان شاء الله بيفيدكم في حياتكم...
وبالنسبه لي اشوف اللي بتستفيدونه من هالسؤال شي مشوق وممتع..."خاصه بالنسبه لي"...
وطبعا منها نشوف عظمة وقدرة رب العالمين...



واحد من هل قطر...شرا له طرد...وهو عليمي في البحر...شاف الناس يروحون البحر قال يالله معاهم...وناسه...
المهم اخونا في الله...برز عدة الحداق...والاغراض...والثلاجه...وركب طراده...وطلع من فرضة الخور...رايح شرق...
كانت الساعه 10 الصبح...لما طلع من الفرضه...وتم ماشي ساعتين ونص بسرعة 6 عقدة...متجه شرق...
وصل المكان اللي يبغيه...جا بيقط البوره "anchor" عشان يثبت مكانه...شاف العمق كبييييير...ماينفع...فا قال خلاص انا باحدق وانا عارف مكاني...كان اتجاه الريح شمال شرق...
جا الليل...والرجال غفى...ونام...
صحى متخرع الساعه 1 بالليل...شاف نفسه بين سوااااااد...
وكان التاريخ عربي 1/ربيع الاول...الموافق 3/اغسطس...
البوصله عنده ماتشتغل...وماعندي اي اجهزه ثانيه...غير مكينة طراده...اللي فيها بترول يوصله مسافة 79 ميل بحري...


السؤال الحين...
ابغيكم تلقون لي حل...كيف اخونا في الله يقدر يرجع قطر...


انتظر منكم الحلول...
ب اول حرف من الاجوبه...والارقام تقدر تحطها مو مشكله...

وعندكم لين بكره...
يالله موفقين...
شدو الهمه...
حليتان*
12-03-2010, 08:38 PM
مادري شلون اكتب الجواب بس بطرش لك رساله

لاني توقعت شي ..
The Master
12-03-2010, 09:14 PM
وصلني جوابك اخوي اماف...لكن طلع غلط...

اشدعوه؟؟؟...لهالدرجه السؤال صعب؟؟...وين باقي الاعضاء...نبغي تفاعل...شغلوا امخوخكم...

احم...
لولوتي
12-03-2010, 09:51 PM
اشدراني :rolleyes2:
The Master
12-03-2010, 09:52 PM
احم...بخصوص يعني؟؟...
لهالدرجه صعب؟؟؟...
ترا الموضوع اسهل من ماتتصورون...

تخيلوا نفسكم مكانه...
وش بتسوون...
بدون
13-03-2010, 01:38 AM
ب 999
بـــــــنت النوخـّــــذه
13-03-2010, 02:00 AM
ماشاء الله عليكم وايد تكتبون كلام 000المهم لحظه بقرى لين اوصل للسؤال لحظه هاه :(

المهم الرياح شمال /شرق معناته بتمشي الرياح من شمال شرق وبتندفع لين تحت تمشي مكمله اتجاه عقارب الساعه شرق جنوب ون الجنوب الي الغرب وبيوصل الخور 0000مادري هل صح ولا لا اوانه يحرك البوصله اتجاه الشمس ^___^ اهههه جواب غبي صح


سؤال هل تبغي عمليات حسابيه يعني هل نستخدم الارقام الي انت حاطها ؟؟؟؟؟؟؟
meme~qatar
13-03-2010, 02:48 AM
افتر راسي

انطر الحل
سداوي&مدريدي
13-03-2010, 02:59 AM
هههههههههههههههههههههههههههههههههههه
هههههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههههههههه

أحم أحم :whistling:

مالك حل يا The Master

بخصوص القوانين يالذيب :anger1: :anger1:

ليش مصعبها علينا يالغالي .. يعني لازم أول حرف من الأجابه :rolleyes2:

الأجابه سهله ومايبيلها أي تفكير :shy:

أهم شي الواحد يركز في الشمال الشرقي وسرعه الرياح والساعتين النص

:tease: :secret:

Spare your self
The Master
13-03-2010, 07:33 AM
احم...

يالله نسهل لكم الحل...

بسطوا الموضوع...لانه اسهل من ما تتصورون...
طبعا هو في حلين...لكن انا ابغي واحد فيهم...
واذا جبتوا الثاني مافي اشكال...
لكن الاهم هو الاول...

الجواب الاول اللي انا ابغيه... يتكون من كلمتين
والجواب الثاني يتكون من كلمه...

فا باقي عليكم تعرفون هالكلمات....وبعدها تشرحون لي كيف...


يالله عجلوا...لاني بالمسا باقول الاجابه...
The Master
13-03-2010, 12:44 PM
العضو بدون...ممكن توضح جوابك اكثر...

بنت النواخذه...جوابك خطآ...

ميمي قطر...اسألي شيبانك وبيقولون لك الجواب...احم

مدريدي...يا عيييييييني على الفطين...تعجبني...اذا كنت تعرف الجواب...تفضل...قول...

ومن يعرف الجواب يتفضل...
The Master
13-03-2010, 03:43 PM
بخصوص...
شكل موضوع الاسأله مب عاجبكم...
او مالكم في الاسأله...
او الاسأله صعبه؟؟؟

ياريت اسمع منكم ارائكم...
لان في النهايه بدون مشاركاتكم...مالها داعي الاسأله...
ترا كل الاسأله مجهود شخصي مني وانا مألفها...
فا اذا مالكم بارض...قولوا لي...بدال لا اتعب عمري...

والموضوع سهالات...قولوا لي رايكم...
بـــــــنت النوخـّــــذه
13-03-2010, 03:52 PM
بخصوص...
شكل موضوع الاسأله مب عاجبكم...
او مالكم في الاسأله...
او الاسأله صعبه؟؟؟

ياريت اسمع منكم ارائكم...
لان في النهايه بدون مشاركاتكم...مالها داعي الاسأله...
ترا كل الاسأله مجهود شخصي مني وانا مألفها...
فا اذا مالكم بارض...قولوا لي...بدال لا اتعب عمري...

والموضوع سهالات...قولوا لي رايكم...

انزين طالما اهي اجتهاد شخصي هل الاجابه على اسس علميه وصحيحه 100% الي عندك 000 ولا تخمين !!!!

وبالعكس انا كل اشوي ادخل اشوف من توصل للاجابه ؟؟؟؟
يعني كمل 0000 انا قمت ارسم الاتجاهات على ورقه وتخيلت نفسي من الساعه 10 ومشى ساعتين يعني وقف العقرب عند 12 ونص تقريبا 0000بس افتر راسي 000

طيب شنهي الاجابه (لمح لها)
The Master
13-03-2010, 04:19 PM
انزين طالما اهي اجتهاد شخصي هل الاجابه على اسس علميه وصحيحه 100% الي عندك 000 ولا تخمين !!!!

وبالعكس انا كل اشوي ادخل اشوف من توصل للاجابه ؟؟؟؟
يعني كمل 0000 انا قمت ارسم الاتجاهات على ورقه وتخيلت نفسي من الساعه 10 ومشى ساعتين يعني وقف العقرب عند 12 ونص تقريبا 0000بس افتر راسي 000

طيب شنهي الاجابه (لمح لها)

مش مفوشر...لكن الحمدلله مستواي العلمي او تخصصي يحتم علي عمل بحوث واستنتاجات...وتقارير لكوارث تصير...واستنتاج اسبابها...

فا هل تتوقعين لما اسأل بيكون مجرد تخمين...
واني اشقي العالم عشان مجرد تخمين...

علي العموم هالكلام مش بس لج...وانما لاي شخص يعتقد بهالشي...

نرجع للسؤال...

بالمح للاجابه...لان بالليل باحط الاجابه...

اتركي عنج الارقام...انا حاطها تمويه...
فكري في التواريخ اللي انا حاطها...
وفكري وش نقدر نطلع من التاريخ؟؟؟

في الانتظار
The Master
13-03-2010, 08:09 PM
احم...

خلال نص ساعه باحط الحل...
هل في فطين عرف الحل؟؟

اذا موجود ياريت يدلي بدلوه قبل لا احط الجواب...
احم...
شعنونة قطر
13-03-2010, 08:43 PM
مافي فطين

شنو الحل ؟
بـــــــنت النوخـّــــذه
13-03-2010, 08:49 PM
امممممممممممممم ليكون السالفه فيها حساب التقويم الشمسي ؟؟؟

امممممممم بفكر لين اتنزل الحل يمكن اوصل لحل قبل لاتنزل ^_^ وياويلكم اذا طلع فك شفرات لغويه بالتاريخ : 1/ربيع الاول المصادف 3/اغسطس
شعنونة قطر
13-03-2010, 08:51 PM
ينتظر لين يجي الصبح ويشوف هو وين

ويشرب من ماي البحر ولا ياكل من السمك اللي صادهم


ماوكلي مب احسن منه
The Master
13-03-2010, 09:18 PM
الشكر لكل من شارك...وحاول الاجابه...الله يعطيكم العافيه...
طبعا محد قدر يتوصل للحل...
فا نجاوب عن السؤال...ونحلل الفكره وكيف انتوصل للجواب...


بالنسبه للمسافات والسرعه والاتجاه...واتجاه الريح...انا حاطهم مجرد تمويه...يعني لقياس مستوى الذكاء عند المتلقي... كيف؟؟؟

طبعا انت تقدر تعرف انت وين وصلت ب السرعه والاتجاه والزمن...
هنا في هالموضوع...ذكرت انا السرعه...وذكرت الفتره الزمنيه...كان ينقصنا الاتجاه...انا قلت شرق...لكن بمجرد كلمة شرق ماراح نقدر نعرف مكانا...فا لازم تحديد الاتجاه...وهي مثل البوصله...من 00 الى 360

هذا شي...
والشي الثاني كان بديهي اني حطيت الارقام لتمويه...لما ذكرت ان الطراد ماثبت في مكانه...فا كل الارقام اللي انذكرت مجرد تكملة حديث...

طبعا القشه اللي كان لازم تتعلقون فيها...ومنها بتعرفون الجواب...
هو الليل...والتاريخ...

التاريخ كان بداية الشهر القمري"العربي"...والانجليزي كان اغسطس "صيف"
يعني مافي قمر...والسما صافيه...

طيب اشدخل القمر في السالفه...وان السما صافيه؟؟؟

مافي الا شي واحد يكون واضح بالليل والسما صافيه وما من قمر...
النجووووووم..."STARS"

بتقولون اشدخل النجوم...

على ايام قبل...ايام شيبانا...واهل الغوص...والبدو...في البحر او في الصحرا...
كيف كانوا يعرفون اتجاهاتهم؟؟؟...
بالليل كان بالنجوم..."الجواب الاول"
وبالنهار عن طريق الشمس..."الجواب الثاني"

طيب الحين عرفنا الجواب...لكن كيف تستفيدون من هالموضوع؟؟...
انا باعلمكم كيف...
عن طريق كيف نوصل صاحبنا لقطر...


شوفوا هالصوره...وركزوا فيها...وش تشوفون...


http://ae7m.com/blog/wp-content/uploads/2010/03/ursamajor.jpg


يمكن منكم يشوف شي محدد...
ويمكن منكم من مايشوف شي...
طيب نوضحها لكم...بالرسم...
شوفوا الصوره مره ثانيه بالتحديد عليها...

http://ae7m.com/blog/wp-content/uploads/2010/03/ursamajor1.jpg

ها اوضحت؟؟...لو تركزون عليها...كنها رقم 7
وهذي المجموعه يسمونها ب الدب الاكبر..."اتوقع مر عليكم هالاسم"...
وتبين واضحه في السما...ويكون حجمها كبير وواضح...

طيب..وبعدين...

من هالمجموعه النجميه...بتقودنا لمجموعه ثانيه...
عن طريق نركز على هالنجمتين واتجاهم...كما هو موضح في االصوره وفي اتجاه السهم...


http://ae7m.com/blog/wp-content/uploads/2010/03/ursamajor11.jpg


بعدها...في هالاتجاه راح نشوف وين راح تقودنا اليه...من خلال هالصوره...

http://ae7m.com/blog/wp-content/uploads/2010/03/imsn030607_01_09-11.jpg


السهم الاصفر هو الدب الاكبر..."ursa major"
والسهم الاحمر هو الدب الاصغر..."ursa minor"
والسهم البنفسجي اللي هو يهمنا...يقودنا الى...نجم الشمال..."ploaris"

فا من نشوف نجم الشمال...بنقدر انعرف الاتجاهات...الشرق والغرب...الشمال والجنوب...

وبما ان صاحبنا كان متجه شرق...وقطر في الغرب...
كل ماعليه هو انه يتجه للغرب...وبيوصل قطر...والحمدلله عالسلامه...احم

وعن طريق الجواب الثاني...
انه ينتظر لحد الشروق...ومنها بيعرف اتجاه الشرق...وبيروح للغرب...وبس...

انا بغيت انكم تتعرفون على النجوم..خاصه نجم الشمال...اللي هو يفيدكم في تحديد الاتجاهات...

فا سبحان ربي...لما قال..."وَهُوَ الَّذِي جَعَلَ لَكُمُ النُّجُومَ لِتَهْتَدُواْ بِهَا فِي ظُلُمَاتِ الْبَرِّ وَالْبَحْرِ قَدْ فَصَّلْنَا الآيَاتِ لِقَوْمٍ يَعْلَمُونَ"

شوفوا عظمة خلق ربي...
وغيره من الايات تبهر الانسان...بعظمة ربي...
هنا الواحد يتدبر القرآن...ويقول سبحان ربي ماخلق هذا باطلا...


اتمنى استفدتوا من هالموضوع ولو قليل...

ويالله ما اوصيكم...اطلعوا السطوح...وشوفوا النجوم...ودوروا الدب الاكبر...ومنها بيقودكم لنجم الشمال...

وهذا هو...
واتمنى ان الموضوع نال رضاكم بعد الاجابه...وطلعتوا منه بشي...
وبس...
شعنونة قطر
13-03-2010, 09:24 PM
ابي الغاز ان هذا اللغز الذي وضعته مافهمت حله
بـــــــنت النوخـّــــذه
13-03-2010, 09:25 PM
اي يعني سالفه الحسابات القمريه والشمسيه 0000000

عموما الله يعطيك العافيه على هالمعلومات القيمه وصراحه انا استفدت من شي اني قمت وبحثت عن معنى عقده وتساوي كم ومعنى ميل بحري وكم بالمتر؟

^____________^ بس عاد سهل علينا المره الجايه
The Master
13-03-2010, 09:27 PM
بخصوص شعنونه يعني...اي والله ماوكلي مب احسن منه...احم

وبنت النوخذه...توقعت انك بتعرفين الحل...من اسمك...لكن مو مشكله...خيرها في غيرها...
حسابات شمسيه...لا لا وين...شرحت في ردي فوق السبب...

اي صح...ترا ب امكانكم طرح هالسؤال في منتديات اخرى...والجواب كذلك...ماعندي اي مشكله...
اهم شي الناس اتثقف...وتعرف عظمة ربي...
مثل ماقلت السؤال مجهود شخصي مني...والجواب كذلك...فا لكم كامل الحريه...لان صاحب الموضوع راضي...ومايحتاج ذكر اسمي حتى..."اهم شي لحد ينسبه لنفسه....احم"...

وب امكانكم البحث...والتأكد من الجواب...للي مب واثق من كلامي..مب غلط...من حقه...

"ياريت اسمع رايكم...فيه قبول ولا المعلومه عاديه عندكم...."
ننتظر
The Master
13-03-2010, 09:31 PM
ابي الغاز ان هذا اللغز الذي وضعته مافهمت حله

احم...
كل هالشرح ومافهمتي...احم
يقول لك...اللي يبغي يتعلم بيتعلم...واللي مايبغي...ماراح يتعلم...احم

بخصوص الالغاز...
عاد انا مب حووووووولك احل لغز...تنرفزني...وماعرف احلها...احم

فا مالك امل...
يا سؤال يفيدكم في حياتكم...ويبين عظمة الخالق...

ولا ماراح اطرح سؤال...
هذا مبدأي...يا افيد الناس...ولا ما اضيع وقتهم ووقتي...احم

وتشكرين على المرور اختي...
لاهنتي
The Master
13-03-2010, 09:35 PM
اي يعني سالفه الحسابات القمريه والشمسيه 0000000

عموما الله يعطيك العافيه على هالمعلومات القيمه وصراحه انا استفدت من شي اني قمت وبحثت عن معنى عقد وتساوي كم ومعنى ميل بحري وكم بالمتر؟

^____________^ بس عاد سهل علينا المره الجايه

هلا ومرحب اختي بنت النوخذه...
هذا المطلوب...والحمدلله انك طلعتي بشي...

لبغيتي الصدق...لما طرحت هالسؤال قلت ماراح يعوق...يعني الربع بيجاوبونه بسرعه...احم...
ماعلينا...سهالات...

بخصوص الحسابات القمريه والشمسيه...احم...
اذا تبغين عندي سؤال في بالي عنهم...اذا فيك حيل تحسبين...احم

وتشكرين على المشاركه والبحث...احييك صراحه...

ويامرحبا بك
ولاهنتي على المشاركه اختي...
بـــــــنت النوخـّــــذه
13-03-2010, 09:40 PM
هلا ومرحب اختي بنت النوخذه...
هذا المطلوب...والحمدلله انك طلعتي بشي...

لبغيتي الصدق...لما طرحت هالسؤال قلت ماراح يعوق...يعني الربع بيجاوبونه بسرعه...احم...
ماعلينا...سهالات...

بخصوص الحسابات القمريه والشمسيه...احم...
اذا تبغين عندي سؤال في بالي عنهم...اذا فيك حيل تحسبين...احم

وتشكرين على المشاركه والبحث...احييك صراحه...

ويامرحبا بك
ولاهنتي على المشاركه اختي...

عادي حط السؤال خلني اجرب !!!!!!!!!!!!!!!!!!!!!!
شعنونة قطر
13-03-2010, 09:44 PM
احم انا ابي اتعلم

احم
احم
احم

بس مالي خلق والله :(

يعطيك العافيه عموما وعلى قولة بننت النوخذه سهل علينا
The Master
13-03-2010, 10:11 PM
عادي حط السؤال خلني اجرب !!!!!!!!!!!!!!!!!!!!!!

حاضرين لك...

السؤال...
كم عدد ايام السنه..في الواقع...
وقبلها قولي لي كم ساعه تاخذ الكره الارضيه لفتها الكامله على نفسها...

انتظر الحل...
بـــــــنت النوخـّــــذه
13-03-2010, 10:26 PM
حاضرين لك...

السؤال...
كم عدد ايام السنه..في الواقع...
وقبلها قولي لي كم ساعه تاخذ الكره الارضيه لفتها الكامله على نفسها...

انتظر الحل...

سهل علي الله يسهل عليك ترى وايد ناس اهنيه يحبون يتشمتون فيني 000:shy:

المهم:
السنه البسيطه عدد ايامها=365 يوم

ووتدور الارض حول نفسها مده 23ساعه

ها صح ولا ؟؟؟؟؟؟؟؟

اكيد السؤال الي بتطرحه : كم ساعه تدور الارض حول نفسها في السنه ^_^
The Master
13-03-2010, 10:55 PM
سهل علي الله يسهل عليك ترى وايد ناس اهنيه يحبون يتشمتون فيني 000:shy:

المهم:
السنه البسيطه عدد ايامها=365 يوم

ووتدور الارض حول نفسها مده 23ساعه

ها صح ولا ؟؟؟؟؟؟؟؟

اكيد السؤال الي بتطرحه : كم ساعه تدور الارض حول نفسها في السنه ^_^

مب انا اللي يسأل عشان يشمت في حد الله يسلمك...اسال عشان افيدك...(اشفييييه...احم)

الله ينور معلومات طيبه...
لكنها خاطئه...احم

الارض تدور حول نفسها
24 ساعه

وعدد ايام السنه هو 365 يوم و 6 ساعات
فا كيف طلعتي ب 365!!!

المهم
النقطه اللي ابغي اوصلها
في هذي الحسابات تستخدم لحد الحين
لكن اكتشفوا العلماء ان هذا فيه خطأ
واللي اكتشفوه وتم توثيقه
هو ان الارض تدور حول نفسها خلال 23 ساعه و 54 دقيقه

وان عدد ايام السنه هو اقل من 365

طيب الفايده اللي نطلع ابها من هنا

ان عند المسيحيين في العالم
يوم مولد المسيح كان في الشتاء شهر 12

طيب في القرآن ذكر ان يامريم اخذي من الرطب نديا
والرطب مايطلع الا في الصيف...!!

فا بذلك يتحقق ان نظام حساب الميلادي فيه خطأ...وتوضيحه جا من القرآن...

واهم شي لحد يتعقد...احم

مجرد هذره عالسريع...
وابحثي في هالمعلومه للتاكيد...

لاني اجاوبك من الجوال...وقلت مايصير انام بدون لا اقول الجواب...احم

تمسون على خير...*
حليتان*
14-03-2010, 12:08 AM
وانت من هله


صج معلووومات حلووة وعجيبه يا علياان
بدون
14-03-2010, 12:20 AM
الشكر لكل من شارك...وحاول الاجابه...الله يعطيكم العافيه...
طبعا محد قدر يتوصل للحل...
فا نجاوب عن السؤال...ونحلل الفكره وكيف انتوصل للجواب...


بالنسبه للمسافات والسرعه والاتجاه...واتجاه الريح...انا حاطهم مجرد تمويه...يعني لقياس مستوى الذكاء عند المتلقي... كيف؟؟؟

طبعا انت تقدر تعرف انت وين وصلت ب السرعه والاتجاه والزمن...
هنا في هالموضوع...ذكرت انا السرعه...وذكرت الفتره الزمنيه...كان ينقصنا الاتجاه...انا قلت شرق...لكن بمجرد كلمة شرق ماراح نقدر نعرف مكانا...فا لازم تحديد الاتجاه...وهي مثل البوصله...من 00 الى 360

هذا شي...
والشي الثاني كان بديهي اني حطيت الارقام لتمويه...لما ذكرت ان الطراد ماثبت في مكانه...فا كل الارقام اللي انذكرت مجرد تكملة حديث...

طبعا القشه اللي كان لازم تتعلقون فيها...ومنها بتعرفون الجواب...
هو الليل...والتاريخ...

التاريخ كان بداية الشهر القمري"العربي"...والانجليزي كان اغسطس "صيف"
يعني مافي قمر...والسما صافيه...

طيب اشدخل القمر في السالفه...وان السما صافيه؟؟؟

مافي الا شي واحد يكون واضح بالليل والسما صافيه وما من قمر...
النجووووووم..."STARS"

بتقولون اشدخل النجوم...

على ايام قبل...ايام شيبانا...واهل الغوص...والبدو...في البحر او في الصحرا...
كيف كانوا يعرفون اتجاهاتهم؟؟؟...
بالليل كان بالنجوم..."الجواب الاول"
وبالنهار عن طريق الشمس..."الجواب الثاني"

طيب الحين عرفنا الجواب...لكن كيف تستفيدون من هالموضوع؟؟...
انا باعلمكم كيف...
عن طريق كيف نوصل صاحبنا لقطر...


شوفوا هالصوره...وركزوا فيها...وش تشوفون...


http://ae7m.com/blog/wp-content/uploads/2010/03/ursamajor.jpg


يمكن منكم يشوف شي محدد...
ويمكن منكم من مايشوف شي...
طيب نوضحها لكم...بالرسم...
شوفوا الصوره مره ثانيه بالتحديد عليها...

http://ae7m.com/blog/wp-content/uploads/2010/03/ursamajor1.jpg

ها اوضحت؟؟...لو تركزون عليها...كنها رقم 7
وهذي المجموعه يسمونها ب الدب الاكبر..."اتوقع مر عليكم هالاسم"...
وتبين واضحه في السما...ويكون حجمها كبير وواضح...

طيب..وبعدين...

من هالمجموعه النجميه...بتقودنا لمجموعه ثانيه...
عن طريق نركز على هالنجمتين واتجاهم...كما هو موضح في االصوره وفي اتجاه السهم...


http://ae7m.com/blog/wp-content/uploads/2010/03/ursamajor11.jpg


بعدها...في هالاتجاه راح نشوف وين راح تقودنا اليه...من خلال هالصوره...

http://ae7m.com/blog/wp-content/uploads/2010/03/imsn030607_01_09-11.jpg


السهم الاصفر هو الدب الاكبر..."ursa major"
والسهم الاحمر هو الدب الاصغر..."ursa minor"
والسهم البنفسجي اللي هو يهمنا...يقودنا الى...نجم الشمال..."ploaris"

فا من نشوف نجم الشمال...بنقدر انعرف الاتجاهات...الشرق والغرب...الشمال والجنوب...

وبما ان صاحبنا كان متجه شرق...وقطر في الغرب...
كل ماعليه هو انه يتجه للغرب...وبيوصل قطر...والحمدلله عالسلامه...احم

وعن طريق الجواب الثاني...
انه ينتظر لحد الشروق...ومنها بيعرف اتجاه الشرق...وبيروح للغرب...وبس...

انا بغيت انكم تتعرفون على النجوم..خاصه نجم الشمال...اللي هو يفيدكم في تحديد الاتجاهات...

فا سبحان ربي...لما قال..."وَهُوَ الَّذِي جَعَلَ لَكُمُ النُّجُومَ لِتَهْتَدُواْ بِهَا فِي ظُلُمَاتِ الْبَرِّ وَالْبَحْرِ قَدْ فَصَّلْنَا الآيَاتِ لِقَوْمٍ يَعْلَمُونَ"

شوفوا عظمة خلق ربي...
وغيره من الايات تبهر الانسان...بعظمة ربي...
هنا الواحد يتدبر القرآن...ويقول سبحان ربي ماخلق هذا باطلا...


اتمنى استفدتوا من هالموضوع ولو قليل...

ويالله ما اوصيكم...اطلعوا السطوح...وشوفوا النجوم...ودوروا الدب الاكبر...ومنها بيقودكم لنجم الشمال...

وهذا هو...
واتمنى ان الموضوع نال رضاكم بعد الاجابه...وطلعتوا منه بشي...
وبس...

ما شاء الله عليك
أنا مب راعي بحر و هذي المعلومات مفيدة
ان شاء الله نقرأ فيها أكثر في المستقبل علشان نستفيد
الله يعطيك العافية:nice::nice::nice:
ناطرين منك اللغز التالي :)
الرويـس
14-03-2010, 10:10 AM
هذا هو الجواب ؟
:(
لولوتي
14-03-2010, 07:46 PM
{وَسَخَّرَ لَكُمُ اللَّيْلَ وَالْنَّهَارَ وَالشَّمْسَ وَالْقَمَرَ وَالْنُّجُومُ مُسَخَّرَاتٌ بِأَمْرِهِ إِنَّ فِي ذَلِكَ لَآيَاتٍ لِّقَوْمٍ يَعْقِلُونَ }النحل12


اولا:-
بقول استمر في التثقيف :victory:

واعتقد حالي من حال البعض اللي كان عندهم التصور في الحل بإتباع النجوم بما ان حال صيادنا من حال اهل البحر الأوليين اللي كان اعتمادهم على الشمس والقمر والنجوم،،، ولكن للقصور عندي شخصياً في المعلومه اللي اتمكني من تقديم الحل بكل ثقه كان امتناعي :)

وما يعيبني جهلي كثر ما يعيبني وجود المعلومه وتجاهلها تعمداً،،، مع تيسّر كل اساليب اكتساب المعلومه في الوقت الحاضر.




طيب ليش سموه بالدب الكبير :rolleyes2:

من زمان اتسائل عن سر التسمية ولكني ما دورت،،، والحين دورت وما توصلت لنتيجه للأسف اللي كنت ابغيها،،، ولقيت هالشرح اللي ثبّت المعلومه اكثر بخصوص الإهتداء بالنجوم.


ان الارض تدور حول نفسها وبالتالي فلايوجد نجم له موقع ثابت
سوى نجم واحد يدعى الشمالي او القطبي
لانه يقع على محور الارض
وهذا النجم يشير الى القطب الشمالي وعليه يعتمد اهل البحر وكذلك اهل البر الا ان لاهل البر اكثر من دليل
وتستطيع الاهتداء اليه بواسطة مجموعتين من النجوم هما
ذات الكرسي والدب الكبير
انظر للصورة حيث تجد المجموعتين تشيران الى النجم القطبي بالصيغة التالية
حساب خمسة اضعاف المسافة مابين اخر نجمين للدب الكبير
واما الكرسي فوسطه يشير اليه مباشرة
والنجم القطبي نجم كبير ابيض لامع يظهر بوضوح في السماء
والله اعلم

http://www.m6lob.net/download.php?imgf=m6lob12685824381.gif (http://www.m6lob.net/download.php?imgf=m6lob12685824381.gif)

ثانياً:-
عطني معلومه جديده اللي تخص تسميات النجوم بأسمائها المتعارف عليها دولياً،،،
يعني اشمعنى الدب الكبير مب الفيل الكبير،،،
وليش النهر مب البحر،،،
وليش الكرسي مب الطاوله،،،
وليش سها مب لولوتي :shy:
مثل ما قالوا العرب في ضعاف النظر (( أريه السها ويريني القمر ))

أما الشمس لأنها احرقتني اليوم الظهر :rolleyes2: قلت اتم بعيده عنها إشوي ولو اني احبها اكثر من القمر والنجوم :)


فـ ختاماً،،، إحــــم :pardon:

جزاك الله خير على المعلومه المفيده اللي قدمتها لنا،،،
وبارك الله فيك اخوي :)
The Master
14-03-2010, 08:35 PM
احم انا ابي اتعلم

احم
احم
احم

بس مالي خلق والله :(

يعطيك العافيه عموما وعلى قولة بننت النوخذه سهل علينا

هلا ومرحب اختي...
اي صح صح...مبين تبغين تتعلمين...احم
بس خوش عذر مالي خلق...
هالعذر قالوه الاولين...وشوفي وين وصلوا الغرب واحنا وين وصلنا...
صحيح الارزاق بيد رب العالمين...لكن ربي قال اسعي ياعبدي وانا اسعى وراك...
فا بدون الاراده والتعب...مافي شي بتحصلينه...غير الترييح...والكرشه...احم

ويعافيك يارب...ماظنيت اني باسهل...لاني ماراح اسأل...عافت النفس...لا تشجيع ولا مشاركة...كني اهذر لحالي..."وجيف جان واحد يطل علي من بعيد يجاوب ولا يقط كلمتين يستعبط وهو رايح...ركزي على جيف جان...احم"

على العموم...اشكرك على تواجدك...وماعليك من هذرتي ترا اهذر واجد...احم

ويامرحبا بك...
The Master
14-03-2010, 08:39 PM
وانت من هله


صج معلووومات حلووة وعجيبه يا علياان

وانت من اهله خيو...
الحمدلله اعجبتك...والاهم جربها صوبكم...واحسن مكان صوب السيف...بعيد عن ليتات المدينه...
بتوضح لك اكثر...لان اضاءه الليتات ماتساعدك تشوف عدل...تخفي اضاءه النجوم في السما...

ويامرحبا بك
The Master
14-03-2010, 08:42 PM
ما شاء الله عليك
أنا مب راعي بحر و هذي المعلومات مفيدة
ان شاء الله نقرأ فيها أكثر في المستقبل علشان نستفيد
الله يعطيك العافية:nice::nice::nice:
ناطرين منك اللغز التالي :)

هلا ومرحب اخوي بدون...
كلك نظر الله يسلمك...ماعليك زود...
ان شاء الله تفيدك...جرب صوب العديد...بتطربك...خاصه قدام الشباب...انك فطين...احم
واذا بغيت تقدر تجرب هالحركه عشان تعرف وين القبله حق الصلاة...وهي الغرب...فا تفيدك كثير...
ويعافيك يارب...اكيد القرايه بترسخ المعلومات اكثر...وتزيدك كذلك...

عن اللغز التالي....امممم...تقدر تقرا ردي على شعنونه...ولا تهون...

ويامرحبا بك...
The Master
14-03-2010, 08:45 PM
هذا هو الجواب ؟
:(

احم...
The Master
14-03-2010, 09:08 PM
{وَسَخَّرَ لَكُمُ اللَّيْلَ وَالْنَّهَارَ وَالشَّمْسَ وَالْقَمَرَ وَالْنُّجُومُ مُسَخَّرَاتٌ بِأَمْرِهِ إِنَّ فِي ذَلِكَ لَآيَاتٍ لِّقَوْمٍ يَعْقِلُونَ }النحل12


اولا:-
بقول استمر في التثقيف :victory:

واعتقد حالي من حال البعض اللي كان عندهم التصور في الحل بإتباع النجوم بما ان حال صيادنا من حال اهل البحر الأوليين اللي كان اعتمادهم على الشمس والقمر والنجوم،،، ولكن للقصور عندي شخصياً في المعلومه اللي اتمكني من تقديم الحل بكل ثقه كان امتناعي :)

وما يعيبني جهلي كثر ما يعيبني وجود المعلومه وتجاهلها تعمداً،،، مع تيسّر كل اساليب اكتساب المعلومه في الوقت الحاضر.




طيب ليش سموه بالدب الكبير :rolleyes2:

من زمان اتسائل عن سر التسمية ولكني ما دورت،،، والحين دورت وما توصلت لنتيجه للأسف اللي كنت ابغيها،،، ولقيت هالشرح اللي ثبّت المعلومه اكثر بخصوص الإهتداء بالنجوم.



ثانياً:-
عطني معلومه جديده اللي تخص تسميات النجوم بأسمائها المتعارف عليها دولياً،،،
يعني اشمعنى الدب الكبير مب الفيل الكبير،،،
وليش النهر مب البحر،،،
وليش الكرسي مب الطاوله،،،
وليش سها مب لولوتي :shy:
مثل ما قالوا العرب في ضعاف النظر (( أريه السها ويريني القمر ))

أما الشمس لأنها احرقتني اليوم الظهر :rolleyes2: قلت اتم بعيده عنها إشوي ولو اني احبها اكثر من القمر والنجوم :)


فـ ختاماً،،، إحــــم :pardon:

جزاك الله خير على المعلومه المفيده اللي قدمتها لنا،،،
وبارك الله فيك اخوي :)

هلا ومرحب اختي لولوتي...
تشكرين على الكلام الطيب...والله يعافيك...من طيبك اختي...
مب مثل غيرك خذ المعلومه وراح...غير انه شكك في الحل...ومع ذلك طنش...ماعلينا...

هذا من اسباب اسألتي...وهو الحث على البحث والفرز...والتثقيف...وتحريك عضلات المخ...

عن اسألتك...افا عليك نجاوبك وجواب كافي ووافي بعد...وان شاء الله تستفيدين...

اولا عن التسميه...قبل كل شي...الدب الاكبر مش نجم...هو مجموعه نجوم وسموها ب الدب الاكبر كا مجموعه...يعني في التسميه تسمى مجموعه الدب الاكبر...

وبالنسبه للتسميات...في العصور القديمه...لما كانوا يكتشفون فائدة النجوم في تحديد الاتجاهات...وتحديد كذلك الاماكن اللي انت فيها ايضا...
كل مايكتشفون نجم يسمونه ي ب اسم اللي اكتشف النجم...او يسمونه اي اسم مثل علي،سلمان خالد، فتحيه"اشدخل...احم"....يعني مجرد اسماء...
وطبعا النجوم كثيره فا مب اي نجم يشوفونه يسمونه...لا لا...كانوا يسمون النجوم اللي تفيدهم في عملياتهم الحسابيه...او اللي تقودهم للنجم اللي يفيدهم...يعني النجوم اللي منها فايده وتكون واضحه هي اللي يسمونها...

طيب نجي حق الدب الاكبر...سبب التسميه...
هو قلت لج قبل انه مجموعه نجوم...فا لما تربطين النجوم ب بعضها وترسمين خطوط...راح تشوفين شكل معين...وهالشكل لو تركزين عليه بيكون نفس الدب...فا عشان كذا سموه الدب...
لكن في عندج اثنين...واحد اللي حجمه كبير سموه الدب الاكبر...
والثاني عشان ارتباطه بالدب الاكبر وبالمسائل...فا سموه الدب الاصغر...

هالصوره تبين لج اكثر...الدب الاكبر..."شغلي خيالج...احم"

http://www.physics.louisville.edu/astro/students/107-01/topics/constellations/UrsaMajorMessier_sm.jpg


وهالصوره كيف الرسم...والوضع...

http://www.gillatt.org/jungle/junglephotos/fullsize/ursamajor.jpg


طبعا هالمسميات كانت في العصور القديمه...ومنها مجموعه العقرب...الاسد...الحمل...وغيره...
وفي بعض من النجوم تحمل اسماء عربيه...منها الذنب...وهو في مجموعه الدب الاكبر اخر نجمه يمثل ذيل الدب اللي هو الذنب...وهالاسم يدل على انها مكتشفه عن طريق عالم عربي...وكذلك فم الحوت...سهيل...وغيره...من النجوم...

طبعا في بعضها مسمينها على آلهة...او انها تمثل لهم الاه...خذ وخل...


وبس هذا هو...

اتمنى اني عطيتك اجابه كافيه ووافيه...
وان بغيتي اي شي عن النجوم تراني اعجبك..."غرامي النجوم"...احم

اي صح...للمعلوميه...ترا تقدرون تشوفون الكواكب بعد...سهالت...
منها كوكب الزهره"دايما اشعاعه قوي ويكون عاده جهة الشرق مع صلاة الفجر"
ومنها كوكب عطارد..."غالبا يكون راسي ويكون فوق بالضبط"
ومنها كوكب المريخ"واضح ويبين لونه محمر شوي"...
ومنها كوكب المشتري..."اكبر الكواكب..."

طيب كيف الواحد يميز بين النجم والكوكب...
النجم تشوفه يشع ويخفت...
اما الكوكب تحس انه نقطه مولعه...بدون اشعاع.."نفس الليت"..ثابت الاضاءه...
"المعلومات اللي فوق ماظن بتلقونها في اي مكان...يعتبر جهدي الخاص...ماهو بمفوشر...لكن قدروا المعلومات شوي...احم"
مشكله فطين زمانه...احم
وقولوا واااااااااو...حسسوني اني قدمت شي...نمزح...احم


ويامرحبا بك اختي لولوتي...
واي شي ثاني حاضرين...
بدون
15-03-2010, 01:01 AM
أولا مشكور على المعلومات الوافية و اللي بصراحة مفيدة جدا :thumbup1:
ثانيا : ما عليك من اللي يحاول يخفف دمه ،، تراه محتر لأنه ما يعرف يجاوب :thumbdown:
ثالثا: انت لما تحط أسئلة تشجعنا على البحث و التعلم و هذا فيه أجر لك و لنا >> ليش تبي تحرمنا و تحرم نفسك من الأجر ؟؟؟ خلاص أنا زعلت و باطق راسي في الطوفة crazy

شد حيلك و طلع لنا سؤال جديد و لو يكون حقي و حق الأعضاء اللي جاوبوا معاي
ترى مب زين تنطرنا وايد ،،، و لا بيجيم المخ مرة ثانية

جزاك الله خير دنيا و آخرة
The Master
15-03-2010, 04:59 PM
أولا مشكور على المعلومات الوافية و اللي بصراحة مفيدة جدا :thumbup1:
ثانيا : ما عليك من اللي يحاول يخفف دمه ،، تراه محتر لأنه ما يعرف يجاوب :thumbdown:
ثالثا: انت لما تحط أسئلة تشجعنا على البحث و التعلم و هذا فيه أجر لك و لنا >> ليش تبي تحرمنا و تحرم نفسك من الأجر ؟؟؟ خلاص أنا زعلت و باطق راسي في الطوفة crazy

شد حيلك و طلع لنا سؤال جديد و لو يكون حقي و حق الأعضاء اللي جاوبوا معاي
ترى مب زين تنطرنا وايد ،،، و لا بيجيم المخ مرة ثانية

جزاك الله خير دنيا و آخرة

احم...
لاهنت اخوي بدون...وتشكر على الكلام الطيب...وان شاء الله ربي يجزانا خير...

ولا تزعل ياخوي ولا تشيل هم...افا عليك حاضرين خيو...

تفضل هاللنك...وننتظر اجابتك...

:::ثقف عقلك..3..سؤال...ومنكم الاجابه...سفينه:::...احم (http://www.qatarshares.com/vb/showthread.php?t=349168)
لولوتي
20-03-2010, 06:10 PM
هلا ومرحب اختي لولوتي...
تشكرين على الكلام الطيب...والله يعافيك...من طيبك اختي...
مب مثل غيرك خذ المعلومه وراح...غير انه شكك في الحل...ومع ذلك طنش...ماعلينا...

هذا من اسباب اسألتي...وهو الحث على البحث والفرز...والتثقيف...وتحريك عضلات المخ...

عن اسألتك...افا عليك نجاوبك وجواب كافي ووافي بعد...وان شاء الله تستفيدين...

اولا عن التسميه...قبل كل شي...الدب الاكبر مش نجم...هو مجموعه نجوم وسموها ب الدب الاكبر كا مجموعه...يعني في التسميه تسمى مجموعه الدب الاكبر...

وبالنسبه للتسميات...في العصور القديمه...لما كانوا يكتشفون فائدة النجوم في تحديد الاتجاهات...وتحديد كذلك الاماكن اللي انت فيها ايضا...
كل مايكتشفون نجم يسمونه ي ب اسم اللي اكتشف النجم...او يسمونه اي اسم مثل علي،سلمان خالد، فتحيه"اشدخل...احم"....يعني مجرد اسماء...
وطبعا النجوم كثيره فا مب اي نجم يشوفونه يسمونه...لا لا...كانوا يسمون النجوم اللي تفيدهم في عملياتهم الحسابيه...او اللي تقودهم للنجم اللي يفيدهم...يعني النجوم اللي منها فايده وتكون واضحه هي اللي يسمونها...

طيب نجي حق الدب الاكبر...سبب التسميه...
هو قلت لج قبل انه مجموعه نجوم...فا لما تربطين النجوم ب بعضها وترسمين خطوط...راح تشوفين شكل معين...وهالشكل لو تركزين عليه بيكون نفس الدب...فا عشان كذا سموه الدب...
لكن في عندج اثنين...واحد اللي حجمه كبير سموه الدب الاكبر...
والثاني عشان ارتباطه بالدب الاكبر وبالمسائل...فا سموه الدب الاصغر...

هالصوره تبين لج اكثر...الدب الاكبر..."شغلي خيالج...احم"

http://www.physics.louisville.edu/astro/students/107-01/topics/constellations/ursamajormessier_sm.jpg


وهالصوره كيف الرسم...والوضع...

http://www.gillatt.org/jungle/junglephotos/fullsize/ursamajor.jpg


طبعا هالمسميات كانت في العصور القديمه...ومنها مجموعه العقرب...الاسد...الحمل...وغيره...
وفي بعض من النجوم تحمل اسماء عربيه...منها الذنب...وهو في مجموعه الدب الاكبر اخر نجمه يمثل ذيل الدب اللي هو الذنب...وهالاسم يدل على انها مكتشفه عن طريق عالم عربي...وكذلك فم الحوت...سهيل...وغيره...من النجوم...

طبعا في بعضها مسمينها على آلهة...او انها تمثل لهم الاه...خذ وخل...


وبس هذا هو...

اتمنى اني عطيتك اجابه كافيه ووافيه...
وان بغيتي اي شي عن النجوم تراني اعجبك..."غرامي النجوم"...احم

اي صح...للمعلوميه...ترا تقدرون تشوفون الكواكب بعد...سهالت...
منها كوكب الزهره"دايما اشعاعه قوي ويكون عاده جهة الشرق مع صلاة الفجر"
ومنها كوكب عطارد..."غالبا يكون راسي ويكون فوق بالضبط"
ومنها كوكب المريخ"واضح ويبين لونه محمر شوي"...
ومنها كوكب المشتري..."اكبر الكواكب..."

طيب كيف الواحد يميز بين النجم والكوكب...
النجم تشوفه يشع ويخفت...
اما الكوكب تحس انه نقطه مولعه...بدون اشعاع.."نفس الليت"..ثابت الاضاءه...
"المعلومات اللي فوق ماظن بتلقونها في اي مكان...يعتبر جهدي الخاص...ماهو بمفوشر...لكن قدروا المعلومات شوي...احم"
مشكله فطين زمانه...احم
وقولوا واااااااااو...حسسوني اني قدمت شي...نمزح...احم


ويامرحبا بك اختي لولوتي...
واي شي ثاني حاضرين...


كل الشكر لك اخوي على المعلومات اللي ذكرتها،،،
و أجلت الرد لين ما نسيت الموضوع،،، لأني قرأت الرد على السريع بنية الرجعه له،،،

وبإذن الله بتكون لي قراءه جديه للمعلومات،،،
وجزاك الله خير :)