لجنة الزواج والحلال والحرام

[مساهم قديم]

لاحول ولا قوة الا بالله

واحد يطلع من فندق سكران وفي ذراعه وحده وسكرانه مثله ( عادي) الوضع حضاري ....

وواحد مقدم يبي يستر نفسه ويتاهل بالحلال الي أمر به ربنا ورسوله ... يتلته كم شهر واكثر ويقعد يدور واسطه تخلص له موضوعه ( الحلال) ...


يطري علي بيت شعر للمؤسس رحمه الله واحسن مثواه

( ياويل قاضي الارض من قاضي السما .... لاصار ميزانه عن الحق مايل)

[قطرية فذة]

الله يرحمنا برحمته

[ماريسا]

فعلاً مدري ايش سبب الاهمال من قبل هالجهات ليش ماتخلص أمور الناس بسرعة حسبي الله و نعم الوكيل هم مسؤولين بهالتأخير اللي ماله داعي قدام رب العالمين

[المحبووووب]

اي كم شهر الموضوع صار بالسنين انا ما ادري ليش هل الاجراءات التعسفية

الموافقة تطلع من لجنة الزواج خلال اربع او خمس اشهر وبعدين يحول وينقع في الداخلية الين يخيس طيب ليش

اذا اللجنة وافقة ليش التاخير من الداخلية كنت من فتره مع واحد من الربع يراجع موضوعة

بصراحة شي ما يصدق طلبات بالمئات معلقة من اكثر من سنة ونص سواي طلبات قطريين او قطريات

لاحول ولا قوة الا بالله

[ماريسا]

^^

أنا حتى مو فاهمة ليش طالبين هالموافقات كلها من كل هالجهات
وين حرية الانسان في الزواج اي وقت يناسبه

انا ماشوف دول ثانية تسوي نفس هالقوانين الغريبة يا ساتر يا رب

[عسولي قطري]

والله اني تعبت من اللجنه والحين صار لي سنه مادري شاسوي
فكرت اتصل في وطني الحبيب واخاف اتصل وياخروني اكثر
ناس ما تحس حسبي الله و نعم الوكيل

[ماريسا]

^

الله يسهل أموركم يا رب :(

[قطرية فذة]

لاتصفق باليدين

يالله ياعيال بلادي

الوقت والله تغير

والعمل لإصلاحه واجب

اللي المفروض يصير

نجتمع كلنا

كل منطقه لازم لها من تثق برأيه حكيم على دين واخلاق

يصير يتجمع المال عنده ثقه وبأوراق قانونيه لحفظ الحقوق

من اجل مشاريع الزواج ولا ان الحرام يصير

وكلن يساهم بالتيسير

مايصير الوضع بهذا الطريقه كل ماضاق تصير فتن

جهودكم ياعيال الخير

والنعم بها بلادي

والطيب ساسها

رايي اشوفه من الواقع والدين لازم الحفاظ عليه

يقول صلى الله عليه وسلم
ثلاثة حق على الله عونهم:
المجاهد في سبيل الله،
والمكاتب الذي يريد الأداء،
والناكح الذي يريد العفاف.

الله يجعلكم جنداً من جنوده تعينون على الحق

يحفظكم ربي جميع

[meme~qatar]

الله يسهل اموركم يارب

[بوعلي 78]

هذي شي فعلا متخلف

اشدخل الحكومه او البلد في زواج الرجل او المرأه، انا اتزوج بنت بلادي او خليجيه او عربيه او وحده من المريخ هم اشعليهم؟؟؟!!!
لجنة وموافقه وذل وحب خشوم وواسطات وهذا كله عشان يوافقون لي اتزوج وحده مب قطريه، والله انه شي يقهر اذا الحكومه تسمح لنفسها ان تدخل لهذي الدرجه في شؤون الناس الخاصه!!!


الله يعينكم ويسهل اموركم ويزوجكم بالحلال

[ســـهم]

اللجنه هذه تختص في ايش بالضبط ؟

اذا المقصود هو الموافقه على الزواج من اجنبيات في أنا مع التأخير في الموافقه

الا لذوي العاهات ..

والأسباب كثيره لتأييدي ..

[BIG-VEGA]

لاحول ولا قوة الا بالله

واحد يطلع من فندق سكران وفي ذراعه وحده وسكرانه مثله ( عادي) الوضع حضاري ....

وواحد مقدم يبي يستر نفسه ويتاهل بالحلال الي أمر به ربنا ورسوله ... يتلته كم شهر واكثر ويقعد يدور واسطه تخلص له موضوعه ( الحلال) ...


يطري علي بيت شعر للمؤسس رحمه الله واحسن مثواه

( ياويل قاضي الارض من قاضي السما .... لاصار ميزانه عن الحق مايل)

عن أبي هريرة (رضي الله عنه)
عن رسول الله صلى الله عليه و سلم قال :
لما خلق الله الجنة و النار أرسل جبريل الى الجنة فقال : أنظر اليها و ما أعددت لأهلها فيها.
قال : فجائها و نظر اليها و الى ما أعد الله لأهلها فيها .
قال : فرجع اليه , قال فوعزتك لا يسمع بها أحد الا دخلها.
فأمر بها فحفت بالمكاره
فقال : أرجع اليها فأنظر الى ما أعددت لأهلها فيها .
قال : فرجع اليها فاذا بها حفت بالمكاره .
فرجع اليه فقال : و عزتك لقد خفت أن لا يدخلها أحد .
قال : اذهب الى النار فانظر اليها و الى ما أعددت لأهلها فيها .
فاذا هي يركب بعضها بعضا , فرجع اليه
فقال : و عزتك لا يسمع بها أحد فيدخلها .
فأمر بها فحفت بالشهوات
فقال: ارجع اليها .
فرجع اليها فقال : و عزتك لقد خشيت أن لا ينجو منها أحد الا دخلها .
و في رواية أبي داود ( لقد خشيت أن لا يبقى أحد الا دخلها)
أخرجه الترمذي
وقال أبو عيسى حديث حسن صحيح

[ماريسا]

اللجنه هذه تختص في ايش بالضبط ؟

اذا المقصود هو الموافقه على الزواج من اجنبيات في أنا مع التأخير في الموافقه

الا لذوي العاهات ..

والأسباب كثيره لتأييدي ..

تظل حرية شخصية أخوي كل واحد حر يرتبط بمن أجانب أو من بنات البلد كلن ينام على الجنب اللي يريحه دامه مو مسوي شي يضر بدينه او نفسه او بالناس و بصراحة شي محزن كل واحد يبي يمارس أبسط حقوقه كـإنسان لازم ينتقل بين جهة لجهة عشان موافقة ليشششششش!!!

[قطرية فذة]

عن أبي هريرة (رضي الله عنه)
عن رسول الله صلى الله عليه و سلم قال :
لما خلق الله الجنة و النار أرسل جبريل الى الجنة فقال : أنظر اليها و ما أعددت لأهلها فيها.
قال : فجائها و نظر اليها و الى ما أعد الله لأهلها فيها .
قال : فرجع اليه , قال فوعزتك لا يسمع بها أحد الا دخلها.
فأمر بها فحفت بالمكاره
فقال : أرجع اليها فأنظر الى ما أعددت لأهلها فيها .
قال : فرجع اليها فاذا بها حفت بالمكاره .
فرجع اليه فقال : و عزتك لقد خفت أن لا يدخلها أحد .
قال : اذهب الى النار فانظر اليها و الى ما أعددت لأهلها فيها .
فاذا هي يركب بعضها بعضا , فرجع اليه
فقال : و عزتك لا يسمع بها أحد فيدخلها .
فأمر بها فحفت بالشهوات
فقال: ارجع اليها .
فرجع اليها فقال : و عزتك لقد خشيت أن لا ينجو منها أحد الا دخلها .
و في رواية أبي داود ( لقد خشيت أن لا يبقى أحد الا دخلها)
أخرجه الترمذي
وقال أبو عيسى حديث حسن صحيح





اخوي الله يبارك فيك

نعم هذا الحديث نعلم فيه

انها حفت بالشهوات وان الشهوات سهله ميسره

لكن اخي الكريم لاتغض الطرف عن الفتنه

اذا سد باب حلال مالذي يحدث؟

إذا جاءكم من ترضون دينه وخلقه
فأنكحوه إلا تفعلوه تكن فتنة في الأرض وفساد كبير

ماجاء الدين الا وموافق لفطره الانسان
ويعلمنا الله ان الانحراف عن التطبيق
يولد مساوء
وما الله بظلام للعبيد وهو اقرب من حبل الوريد

والدين مسؤليه الجميع

فواجبنا التكاتف

حفظنا الله واياكم

[هداف]

نحن معا قرار المنع وليس التأخير فقط نعم منع القطري من الزواج بأجنبيه والقطريه من اجنبي !
( غير خليجي ) مرات الحريه الشخصيه لها اثار وخيمه على المجتمع والاجيال ! اللي ماخذ فلبينيه
واللي متزوج هنديه واللي متزوج اوروبيه ؟ ! الخ خربتوا النسل والنشأ وعقدتوا عيالكم بحرياتكم
والله انك مسائل ايها الزوج بأختيار خوال عيالك!! وعيالكم كرهوا ابوانهم من سوء الاختيار


اذا جاك نصاب قطري لازم اتعين خواله من ديرة اللي صبغوا الهوى بويه وخرموا التعريفه


اللهم لاشماته واللي مافيه خير في ديرته وهل ديرته خله يهاجر

[ماريسا]

نحن معا قرار المنع وليس التأخير فقط نعم منع القطري من الزواج بأجنبيه والقطريه من اجنبي !
( غير خليجي ) مرات الحريه الشخصيه لها اثار وخيمه على المجتمع والاجيال ! اللي ماخذ فلبينيه
واللي متزوج هنديه واللي متزوج اوروبيه ؟ ! الخ خربتوا النسل والنشأ وعقدتوا عيالكم بحرياتكم
والله انك مسائل ايها الزوج بأختيار خوال عيالك!! وعيالكم كرهوا ابوانهم من سوء الاختيار


اذا جاك نصاب قطري لازم اتعين خواله من ديرة اللي صبغوا الهوى بويه وخرموا التعريفه


اللهم لاشماته واللي مافيه خير في ديرته وهل ديرته خله يهاجر

لا فرق بين عربي و عجمي إلا بالتقوى
و مو كل الناس تفكيرهم عنصري عشان تقول اللي قلته
الله يهديك

[waseet]

نحن معا قرار المنع وليس التأخير فقط نعم منع القطري من الزواج بأجنبيه والقطريه من اجنبي !
( غير خليجي ) مرات الحريه الشخصيه لها اثار وخيمه على المجتمع والاجيال ! اللي ماخذ فلبينيه
واللي متزوج هنديه واللي متزوج اوروبيه ؟ ! الخ خربتوا النسل والنشأ وعقدتوا عيالكم بحرياتكم
والله انك مسائل ايها الزوج بأختيار خوال عيالك!! وعيالكم كرهوا ابوانهم من سوء الاختيار


اذا جاك نصاب قطري لازم اتعين خواله من ديرة اللي صبغوا الهوى بويه وخرموا التعريفه


اللهم لاشماته واللي مافيه خير في ديرته وهل ديرته خله يهاجر


الله يهديك بس

كم واحد خواله من خيار اهل قطر وطايح بالبلاوي وخريج سجون وعاهه ع المجتمع وكم واحد خواله من الهند او من السند وتلقاه فعال بالمجتمع وخير وابن خير وبار باهله .... ليش التعميم .. لازم تثق ان الخير والشر بالكل والشي الثاني ترا القطري معزته من معزة الوطن ولا ترا مش منزل من السما بسلسله ولا منزه ولا معصوم من الخطا . يعني بشر

[(حوريه)]

اي والله

المفروض الحلال ما يعرقلون اتمامة

[N7eEeS]

ماعتقد انهم يمنعون الزواج!!!
هم يقولون لك تزوج براحتك، بس لاتجي بكره تناقز او تناقزين واطالب/ين بجنسيه حق زوجك/زوجتك والاولاد.
طبعا الواحد اللي مايعرف ايش المشاكل اللي تصير بيقول اشدخل الداخليه انتوا الحين من الاجانب ليل ونهار اتشكون فما بالكم بكره بالزواج من بيئات مختلفه .
اذكروا الله واعلموا ان الدولة لم تمنع الا لمصلحه أكبر.

[بـــــــنت النوخـّــــذه]

الله يعينك

اذا لك نصيب بتاخذها وين ماتكون والله بيسهل دربك 00000000000

وقوانين الدوله وضعت لضمان حقوق الشخص مهب ضده او قوانين تعسفيه 00ولكن لازم اتكون اهناك تسهيلات لفئه معينه 000

[صوت الضمير]

نحن معا قرار المنع وليس التأخير فقط نعم منع القطري من الزواج بأجنبيه والقطريه من اجنبي !
( غير خليجي ) مرات الحريه الشخصيه لها اثار وخيمه على المجتمع والاجيال ! اللي ماخذ فلبينيه
واللي متزوج هنديه واللي متزوج اوروبيه ؟ ! الخ خربتوا النسل والنشأ وعقدتوا عيالكم بحرياتكم
والله انك مسائل ايها الزوج بأختيار خوال عيالك!! وعيالكم كرهوا ابوانهم من سوء الاختيار


اذا جاك نصاب قطري لازم اتعين خواله من ديرة اللي صبغوا الهوى بويه وخرموا التعريفه


اللهم لاشماته واللي مافيه خير في ديرته وهل ديرته خله يهاجر

:nice::nice::nice:

[بواردي]

والله بعض الردود تحسها يبيلها شهر في الشفلح
واللي يقول يمنعون واللي يقول يشنقونه
في اي دين وفي اي مذهب وفي اي ملة
صار الزواج جنسية تخلف ما بعده تخلف
الحمد لله انه مافي هالعقليات في لجنة الزواج


ماعليه قلنا يدرسون الوضع ويشوفون الاسباب بعدها يقررون
في ناس ماعندها
ضروري يحط في رقبته 300 الف
ويقعد طول عمره يدفع

...........................................
يجيك واحد يتفلسف
وزوجته

قطرية بالزوووووووووووواج

والله حالة
.....................

ادري الاغلبية مايعجبهم كلامي
بس هذي وجهة نظر بواردي

[Charisma]

واللي متزوج هنديه واللي متزوج اوروبيه ؟ ! الخ خربتوا النسل والنشأ وعقدتوا عيالكم بحرياتكم


الهنود عباقره وعلماء ودكاتره ..

الاوروبيين تناقز لهم كل صيف عشان تكحل عيونك بحضارتهم ...

وانت شعندك !!؟؟

انا اكرة شي عندي لاشفت احد ينظر للناس بنظرة دونيه ياخي اصحى اصحى 2010 .. خل عنك افكار ابوجهل وربعه محد احسن من حد ولاحنا بالشعب المختار .. والشرع ماقال القطري ياخذ قطرية والقطرية تاخذ قطري؟ الا اذا انت عندك فتوى بهالموضوع كلنا اذان صاغيه

[هذلان]

السلام عليكم


تراها ورقه لاتقدم ولا تاخر . اخطبها من اهلها و لاوافقو ،، سو العرس (الاشهار) و الورقه تخلص متى ماخلصت ،،، العلاوات و غيرها تجيك باثر رجعي . و السعر عافانا الله من تبلغ البنت تقدر تسافر بدون محرم .

خربوطه :rolleyes2:

[محمد سعيد]

ياخوي عشان بكرة لو خذت عيالك وشردة لاتجلس تشتكي عندهم يردولك اعيالك

والعكس صحيح فالدولة موب ناقصة مشاكل

هي مسؤولة عنك احتسب اجر التأخير والله يعوضك

[~~ الدانـه ~~]

ياليت يمنع هالقرار لأنه سبب رئيسي لازدياد نسبة العنوسه عندنا

حرام عليكم بنات قطر من ارقى البنات من ناحية الجمال والدين والأصل والأخلاق ،

وكله كلام فاضي الي يتعذرون بعدم مقدرتهم ماديآ والله العظيم اغلب البنات الي تعدوا ال27

سنه يتمنون الزواج من قطري وبدون مصاريف حتى بدون مهر يعني الوحده فينا تفضل تحترق

بالعنوسه ولا تنظر لغير القطري بدون ثمن وانتوا تاخذون هنديات وسوريات ........ والله حرام

عليكم ، زواج فاشل لمجرد نزوه تندم عليها بعدين بالذات اذا اثمرت اطفال.

[هداف]

اختاروا خوال عيالكم بلا مثاليه غبيه بلا خرابيط !!!!!!!!!!!! والله وهذا يمين علي لين يوم الدين ان المسكين
اللي اخترت امه هنديه او اي جنسيه غير عن بيئتنا وعاداتنا وتقاليدنا لو خيرته يوم كبر انه يختار خواله بغيرهم !! ولا بفكر وبقول الهنود عباقره ودكاتره عسى ماشر لايكون علشان امه هنديه صار رئيس وزرارء
الهند خاله !! عقدتوا عيالكم شفنا وعرفنا طول عمرنا شلون ولد الاجنبيه عايش مكسور بين عيال عمه وربعه
ناقص عنهم ويستحي من طاري خواله !! الشياب قبل طاحوا في الزواج من الخارج لكن الان شبه انقرضت الامور هذي وصارت مشاكل كثيره في هذا الخصوص !! تالي صار الشاب يبي يتزوج اجنبيه !! ويخلي بنت ديرته مافكر في خواته قبل لا يفكر بنات ديرته ومن لهم !

ترى احنا عرب وقبايل لنا عادات وتقاليد وتاريخ وموروث نفتخر فيه ولا نخالف الاسلام في شي ونحسن اختيار
نطفنا لان العرق دساس وفيه حديث في هذا الخصوص

حرااااااااام عليكم ماعندكم خوات انتوا!!
تبي تاخذ اجنبيه روح زوج خواتك اجانب ماوصيك زوجهم هنود وبنغال
وحمر وعطر لا تصير اناني يابو المثاليه انتوا لو فيكم غيره على بنات ديرتكم وعيال ديرتكم ماكان هذا كلامكم

الا في حاله وحده انكم من خارج البيئه القطريه او الخليجيه بصوره عامه وهذا المتوقع

[ســـهم]

ياليت يمنع هالقرار لأنه سبب رئيسي لازدياد نسبة العنوسه عندنا

حرام عليكم بنات قطر من ارقى البنات من ناحية الجمال والدين والأصل والأخلاق ،

وكله كلام فاضي الي يتعذرون بعدم مقدرتهم ماديآ والله العظيم اغلب البنات الي تعدوا ال27

سنه يتمنون الزواج من قطري وبدون مصاريف حتى بدون مهر يعني الوحده فينا تفضل تحترق

بالعنوسه ولا تنظر لغير القطري بدون ثمن وانتوا تاخذون هنديات وسوريات ........ والله حرام

عليكم ، زواج فاشل لمجرد نزوه تندم عليها بعدين بالذات اذا اثمرت اطفال.


الله يوفقج

واحنا لازم ندعم المنتج الوطني مهما كان حتى لو خرفان

لان عاداتنا وعاداتهم تختلف

فرضا خطب مهند وحده قطريه وتزوجت راح تجلس وياه مع يحى ولميس

وسوالف واخذ وهات عادي واذا اعترضت قال لها هذي عوايدنا مافيه مشكله !

وفي الأخير يطلع ولدها قطري معلم شاورما في تركيا !!

[~~ الدانـه ~~]

الله يوفقج

واحنا لازم ندعم المنتج الوطني مهما كان حتى لو خرفان

لان عاداتنا وعاداتهم تختلف

فرضا خطب مهند وحده قطريه وتزوجت راح تجلس وياه مع يحى ولميس

وسوالف واخذ وهات عادي واذا اعترضت قال لها هذي عوايدنا مافيه مشكله !

وفي الأخير يطلع ولدها قطري معلم شاورما في تركيا !!



ههههههههههه شفيك اليوم سهم


خباز ومعلم شاورما :)


انا قصدي حنا القطريات مانبي غير قطري مهما كان لو نصبر العمر كله


والقطري مثل منت شايف يفضل الاجنبيه على بنت بلاده

[(الفيصل)]

اختاروا خوال عيالكم بلا مثاليه غبيه بلا خرابيط !!!!!!!!!!!! والله وهذا يمين علي لين يوم الدين ان المسكين
اللي اخترت امه هنديه او اي جنسيه غير عن بيئتنا وعاداتنا وتقاليدنا لو خيرته يوم كبر انه يختار خواله بغيرهم !! ولا بفكر وبقول الهنود عباقره ودكاتره عسى ماشر لايكون علشان امه هنديه صار رئيس وزرارء
الهند خاله !! عقدتوا عيالكم شفنا وعرفنا طول عمرنا شلون ولد الاجنبيه عايش مكسور بين عيال عمه وربعه
ناقص عنهم ويستحي من طاري خواله !! الشياب قبل طاحوا في الزواج من الخارج لكن الان شبه انقرضت الامور هذي وصارت مشاكل كثيره في هذا الخصوص !! تالي صار الشاب يبي يتزوج اجنبيه !! ويخلي بنت ديرته مافكر في خواته قبل لا يفكر بنات ديرته ومن لهم !

ترى احنا عرب وقبايل لنا عادات وتقاليد وتاريخ وموروث نفتخر فيه ولا نخالف الاسلام في شي ونحسن اختيار
نطفنا لان العرق دساس وفيه حديث في هذا الخصوص

حرااااااااام عليكم ماعندكم خوات انتوا!!
تبي تاخذ اجنبيه روح زوج خواتك اجانب ماوصيك زوجهم هنود وبنغال
وحمر وعطر لا تصير اناني يابو المثاليه انتوا لو فيكم غيره على بنات ديرتكم وعيال ديرتكم ماكان هذا كلامكم

الا في حاله وحده انكم من خارج البيئه القطريه او الخليجيه بصوره عامه وهذا المتوقع

طيب لو رديت عليك ياعزيزي هداف
وقلت لك أنك (خلطت الحابل بالنابل) وقلت خير ، وقلت شر .
ولاتورد الأبل هكذا!!
هل بتقول أن أخوك الفيصل(مضروب جنبه)!! ، ولاهو من (هل قطر ومن ظهر وبطن) :)

[ســـهم]

ههههههههههه شفيك اليوم سهم


خباز ومعلم شاورما :)


انا قصدي حنا القطريات مانبي غير قطري مهما كان لو نصبر العمر كله


والقطري مثل منت شايف يفضل الاجنبيه على بنت بلاده

لااااااا

بالعكس انا من داعمي المنتج الوطني

واعارض الزواج من الخارج سواء لشاب او لشابه

كلنا دويله وليست دوله يعيش بها تقريبا 300 الف قطري وقطريه

وبعد ماوصلوا هذه العماله الى قطر تغيرت اشياء في عاداتنا وتقالدينا

فكيف عندما تتزوج القطريه غير قطري واقصد هنا غير الخليجي !

مع العلم انني أعلم ان القطريه بنت الأصل لاتبحث سوى عن أبن جلدتها

لانها تعلم انه سيصونها او سيستر عليها اذا تم الفراق عكس الأجنبي

الذي ستكون له مطالب كثيره

انا عشت مع اجانب اعرف شخص عربي لم يسأل عنه والده من 15 عام

وبما ان صاحبي ملتزم دينيا فيقول انني اتصل به لانه والدي ولن اقطعه

ولكنه يغلق الخط في وجهي بعد سماع صوتي

شرايج ؟


اختصارا للحديث

لو ... كان عصــر الحجر على بنات العم مازال موجود لحجرت بنات قطر للقطريين فقط .

[(الفيصل)]

عموماً
لجنة الزواج هذه تم بحثها وإقرارها من زمن
وكانت تهدف إلى غايات (جليلة) من بينها عدم تشجيع الشباب القطري على الزواج من أجنبيات ، والتكافؤ الاجتماعي الخ الخ
وكان فيها التباحث مع شيوخ وعلماء افاضل من بينهم الشيخ القرضاوي
ولو علم مايحدث الان -مع تعطيل البعض وهو مستحق - لكان له رأى أخر في المسئلة
والله أعلم

[لاداعي]

الله يكون في عونك.

[هداف]

طيب لو رديت عليك ياعزيزي هداف
وقلت لك أنك (خلطت الحابل بالنابل) وقلت خير ، وقلت شر .
ولاتورد الأبل هكذا!!
هل بتقول أن أخوك الفيصل(مضروب جنبه)!! ، ولاهو من (هل قطر ومن ظهر وبطن) :)


محشوم اخوي الفيصل يشهددد الله اني ما قصدت الانتقاص من ابناء الاجنبيه هم اخوان لنا وقطريين لكن هذا الخطأ اللي اقترفه ابوهم الشايب ! اللي تزوج اخر عمره اجنبيه الان انشوف
الشباب يعزف عن الزواج من بنت بلاده ويريد الزواج بأجنبيه ؟ ! اذا كان هذا القطري يبي بنت خالته او من خواله الغير خليجين يمكن يكون فيه استثناء ودراسة حاله اما قطري يريد الزواج
بأجنبيه ويترك بنت بلاده هذا غلط واذا هو وغيره خذذوا اجنبيات خواتك من لهم يا شاب ياقطري
ياغيور يا وطني !!!

الموضوع اخذ اكبر من حجمه ووجهة نظري واللي هي ايضا وجهة نظر الدوله واضحه واتمنى السير قدما في هذا التوجه وعدم المناص عنه ابد الابدين

[(الفيصل)]

محشوم اخوي الفيصل يشهددد الله اني ما قصدت الانتقاص من ابناء الاجنبيه هم اخوان لنا وقطريين لكن هذا الخطأ اللي اقترفه ابوهم الشايب ! اللي تزوج اخر عمره اجنبيه الان انشوف
الشباب يعزف عن الزواج من بنت بلاده ويريد الزواج بأجنبيه ؟ ! اذا كان هذا القطري يبي بنت خالته او من خواله الغير خليجين يمكن يكون فيه استثناء ودراسة حاله اما قطري يريد الزواج
بأجنبيه ويترك بنت بلاده هذا غلط واذا هو وغيره خذذوا اجنبيات خواتك من لهم يا شاب ياقطري
ياغيور يا وطني !!!

الموضوع اخذ اكبر من حجمه ووجهة نظري واللي هي ايضا وجهة نظر الدوله واضحه واتمنى السير قدما في هذا التوجه وعدم المناص عنه ابد الابدين

تسلم لي ياغالي :)، وصدقني أنا فاهم تماماً ماتريد قوله
كما أريدك أن تصدقني أن غالبية (القطرين) يرغبون بالقطرية بالاساس والعكس صحيح
وليس (بالضرورة) أن يكون (الشايب) أخطأ بزواجه من أجنبية ، وقد شهدنا (أجنبيات) ربوا أبنائهم وبناتهم خير تربية . بل نستطيع أن نقول ربما (الشايب أخطا) لأنه تزوج من قطرية !! أو بنت القبيلة الفلانية !!

وحتى أكون صريح معك أنا أفضل أن القطري يتزوج قطرية (لإعتبارات كثيره) ولاحظ هذا (رأي شخصي)
ولكن لايجوز لي أن أقول هذا رأي الشرع والدين والقيم والاخلاق وأمدح ماراق لي وأذم مالم يرق .فيعجب قولي هذا ، ويجرح قولي ذلك!!!

أتمنى أن تكون الكرة دخلت المرمى ياعزيزي هداف:nice:
موقعه (قطري من أب وأم قطريين أصلاً وفصلاً)

[ممنوع اللمس]

لا تعليق والله جد لا تعليق
الواحد ينتظر سنيييييييييييين
واولهم اخوي والله يا جماعه ثــلاث سنــوات ينتظــــــــر لي ما نزلت الموافقه
ونزلت في آخر لحظه كان بيكنسل فيها موضوع الزواج نهائيا....
المفروظ لو تأخرت شهر والله شهر واجد بعد.....
بالحلال رـفض... خلو هالشاب يتزوج بالحلال علشان يبعد عن طريق الحرام وخلاص

[(الفيصل)]

لا تعليق والله جد لا تعليق
الواحد ينتظر سنيييييييييييين
واولهم اخوي والله يا جماعه ثــلاث سنــوات ينتظــــــــر لي ما نزلت الموافقه
ونزلت في آخر لحظه كان بيكنسل فيها موضوع الزواج نهائيا....
المفروظ لو تأخرت شهر والله شهر واجد بعد.....
بالحلال رـفض... خلو هالشاب يتزوج بالحلال علشان يبعد عن طريق الحرام وخلاص

ماأفضل الاسئلة (الشخصية)
ولكن بما أنك وضعت مشاركتك بالعام ، فبالتأكيد ماعندك مانع نسأل
هل تذكر لنا ماسبب رغبة أخيك بالزواج من أجنبية؟؟ وهل نجح زواجه الان؟؟ ولو كان السبب (غلاء المهور) هل سيقبل بقطرية لو تبرعت له بكامل المهر ولوازم العرس ؟؟

أتمنى الصدق والدقه
شكرا

[ممنوع اللمس]

ماأفضل الاسئلة (الشخصية)
ولكن بما أنك وضعت مشاركتك بالعام ، فبالتأكيد ماعندك مانع نسأل
هل تذكر لنا ماسبب رغبة أخيك بالزواج من أجنبية؟؟ وهل نجح زواجه الان؟؟ ولو كان السبب (غلاء المهور) هل سيقبل بقطرية لو تبرعت له بكامل المهر ولوازم العرس ؟؟

أتمنى الصدق والدقه
شكرا

كل انسان له رغبته.. ثانيا البنت جارتنا ومن قبيله كبيره ومعروفه والموضوع ماله خص بالقبيله طبعا ومواليد قطر وتعتبر من اهل قطر ومحتشمه والحمد لله وماهو عيب لو الانسان تزوج اجنبيه مو شرط من بنت بلده اهم شي البنت محتشمه ومحافظه على نفسها وعلى بيت زوجها خلاص يكفي... والمهر مو كل شي ... الحمد لله نقدر ندفع اضعااف اللي دفعناه عالمهر والعرس وبالنسبه لنجاح زواجه الحمد لله والله مرتاح ولا شفنا منهم الا الضحك والخير والحمد لله ولو كان عالمهر ياخوك يمكن تجيني وحده معطيتني مهره اومكتلفه بالعرس كامل بس البنت فيها مليون عيب وعيب ومو محتشمه... والله ماخذها لو تعطيني مليون فوقها
ومايهم اجنبيه او قطريه اهم شي البنت كفو... والله يعطيك العافيه يالغآلي

[(الفيصل)]

كل انسان له رغبته.. ثانيا البنت جارتنا ومن قبيله كبيره ومعروفه والموضوع ماله خص بالقبيله طبعا ومواليد قطر وتعتبر من اهل قطر ومحتشمه والحمد لله وماهو عيب لو الانسان تزوج اجنبيه مو شرط من بنت بلده اهم شي البنت محتشمه ومحافظه على نفسها وعلى بيت زوجها خلاص يكفي... والمهر مو كل شي ... الحمد لله نقدر ندفع اضعااف اللي دفعناه عالمهر والعرس وبالنسبه لنجاح زواجه الحمد لله والله مرتاح ولا شفنا منهم الا الضحك والخير والحمد لله ولو كان عالمهر ياخوك يمكن تجيني وحده معطيتني مهره اومكتلفه بالعرس كامل بس البنت فيها مليون عيب وعيب ومو محتشمه... والله ماخذها لو تعطيني مليون فوقها
ومايهم اجنبيه او قطريه اهم شي البنت كفو... والله يعطيك العافيه يالغآلي

الله يوفقهم ويبارك لهم ويجمع بينهم في الخير والصلاح
شكراً لسعة صدرك:)

[ممنوع اللمس]

جزاك الله خير وماقصرت بالعكس اسألتك حلوه واسلوبك حلو وماقصرت

[a.s]

يا جماعه لكل قاعده شواذ ... وبغض النظر لو كان الزواج من اجنبيه يضر او ما يضر .. او يحرج البعض احياانا .. الا ن الله خلـق الانسان بـرغبه .. واذا رغبـه الرجل او المرأه في الحلال كانت مع اجنبي فهي خير مليون مره من خوضها في الحرام ..

وخلنا نتكلم على ارض الواقع ... مثل ما قال واحد من الاخوان احنا ٢٠١٠ يعني في زمن انتشــار الفساد , والواقع يقول ان قمه الصبر والتحدي ان الواحد يمسك نفسه من الوقوع في المعصـيه ...ومب اي معصـيه !! فوين المشكله لو اختار اللي يختـأره في حدود الحلال ومن يدور على رضا الناس اصلا ورضا الرحمن موجود ؟!؟؟

بالنـــسبه لوجود قرار يقوم على دراسه وبحث حاله المتزوج من الاجنبي .. فهو يمكن شي مفيد ولكن اهملوه او بالغو فيه والله يهدي ويسامح الجهات المختصه .. بس لا ننسى ان الدراسه لها اكيد اسباب ودوافع ...
ومن اهمهــــا العنوسه ..؟؟؟

يعني الحين مثلا .. مع كل هالتحكير والملاغه في الموافقه .. وبعد بنات البلاد طايحين في كل بيت ٤ او ٥ ما بين الارامل والمطلقات ... فشلــون لو كانت الموافقه على أفا من يشيل مثل ما يقولون ...

وفي الاخير اخوي .. الزم الاستغفار واسال الله ان يجعل لك من كل هم فرجا.. ومن كل ضيق مخرجا :)

[يراعٌ فراتي]

من الافضل ان يرتبط الانسان بوحدة من جماعته
تفهمه ويفهمها
وعاداتهم وتقاليدهم متشابهة
وتفكيرهم متقارب

اما في حال سدت جميع الابواب فما المانع بان يرتبط ببنت من جنسية اخرى شرط ان لاتختلف معه في عاداته وتقاليده
يعني ما يبعد كثيرا
صعب الواحد ياخذ هندية او فلبينية
لكن اذا هي عربية وعايشة في الدوحة فاعتقد ان الموضوع بيكون اسهل

[جاسم 7200]

عيل مافي حل غير ان ناخذ الزوجة الي نبيها ونسافر برى ونعقد الزواج ونرجع قطر

[(الفيصل)]

عيل مافي حل غير ان ناخذ الزوجة الي نبيها ونسافر برى ونعقد الزواج ونرجع قطر

اياك وعمل هذا فهو مخالف قانوناً ، وبالقطري (سوف تتبهدل شر بهدله)
احذر من ذلك بارك الله فيك

خذ قطرية أحسن:)

[ال عمدهـ]

الله المستعان

عسا الله يسهل اموركم جميع

[برق لمع]

هذي شي فعلا متخلف

اشدخل الحكومه او البلد في زواج الرجل او المرأه، انا اتزوج بنت بلادي او خليجيه او عربيه او وحده من المريخ هم اشعليهم؟؟؟!!!
لجنة وموافقه وذل وحب خشوم وواسطات وهذا كله عشان يوافقون لي اتزوج وحده مب قطريه، والله انه شي يقهر اذا الحكومه تسمح لنفسها ان تدخل لهذي الدرجه في شؤون الناس الخاصه!!!


الله يعينكم ويسهل اموركم ويزوجكم بالحلال


بو علي امسيك بالخير اولا
وثانيا : اسألك وبسأل غيرك اذا الحكومة ما تتدخل في زواج الشاب القطري
عيل بعد الحكومة ما تتدخل في زواج البنات اللي ما يبون قطري يمكن خاطرها تتزوج افريقي ووحدة ثانية تبي امريكي ...
اللي ابي اوصله لك ولغيرك ان الدنيا مب فوضه ...كل من هب ودب الحكومة تعطيه جواز قطري سواء زوجة الرجل مهما كانت جنسيتها او زوج القطرية مهما كانت جنسيته
لا وناهيك عن الاشكال الغريبة والعجيبة اللي بيصيرون عليه اطفال المستقبل
قطري عيونه لونها زرقا وخضرا وطفل قطري اخر شكله صيني خوش والله
لا اخوي من حق الدولة انها تحافظ على عاداتنا وتقاليدنا ومستقبل واشكاااااااااااال اهل قطر
ولا خلاص كل من حب وحدة وتعلق فيها في المجمعات بتصير قطرية وبنت البلد احنا مب ناقصين
بسالك سؤال اخير ولا تضحك علي ...اعرف وحدة تحب الممثل الامريكي ليوناردو ديكابريو بطل تايتانيك وتقول خاطري اتزوجه ...هل من حقها ولا هذي حرية شخصية بعد والدولة تجيبه وتعطيه جواز ويصير قطري .......والقطري لا ياخذ بنت بلادة ولا القطرية تاخذ ولد بلادها
تكلم بعقل ومنطق

[برق لمع]

عيل مافي حل غير ان ناخذ الزوجة الي نبيها ونسافر برى ونعقد الزواج ونرجع قطر


والقطرية بعد تتزوج اللي تبيه برا الدوحة بعدين تدخل فيه البلد

مهزلة والله

[ماريسا]

والقطرية بعد تتزوج اللي تبيه برا الدوحة بعدين تدخل فيه البلد

مهزلة والله

ليش اختي مهزلة
الناس للناس
و بالاساس قطر ماكانت موجودة
كل الناس جاية من السعودية و ايران و العراق و الهند
على وشو نتكبر و نشوف نفسنا
و اذ ايعني شفنا قطريين بوجوه صينية
لا اعتراض على خلق الله و كلنا أبناء آدم و حواء

[برق لمع]

ليش اختي مهزلة
الناس للناس
و بالاساس قطر ماكانت موجودة
كل الناس جاية من السعودية و ايران و العراق و الهند
على وشو نتكبر و نشوف نفسنا
و اذ ايعني شفنا قطريين بوجوه صينية
لا اعتراض على خلق الله و كلنا أبناء آدم و حواء


دانتيل تكلمي بمنطق وعقل
والله القطرية اولى بالقطري والعكس ولد بلادها ومن ثوبها
ومافيه مشاكل امورهم ماشية
لكن دايما اللي ياخذ غير قطرية وحدث انفصال العيال يضيعون والام يبيلها خمس سنين تاخذ الجنسية (قانون الخارجيه) والزوجة تتسفر اذا ما عندها جواز ومن بيكد عليها تهيت في الشوارع بس لو كانت بنت البلد (قطرية) حتى لو تطلقت غالبا لها اهل والدولة تصرف لها بيت وغيره يعني في النهاية الاولاد في الدوحة والام كذلك ليش الواحد يبهدل عمرة ويضيع عياله
وهل برايج البنت القطرية عدله يعني تتزوج اي جنسية ؟
هذا ضد المصلحة العامة
دولة الامارات سنت قانون من كم سنة منعت فيها الشاب الاماراتي من الزواج بغير الاماراتية
تدرين ليش لان نسبة العنوسة في الامارات بلغت 70% وقاولوا اذا من حق الشاب الاماراتي الزواج بغير اماراتيه اذن يسمح للفتاه الاماراتية الزواج بغير الاماراتي .
هذا الصح :omen2:

[ماريسا]

دانتيل تكلمي بمنطق وعقل
والله القطرية اولى بالقطري والعكس ولد بلادها ومن ثوبها (معاج 100%)
ومافيه مشاكل امورهم ماشية
لكن دايما اللي ياخذ غير قطرية وحدث انفصال العيال يضيعون والام يبيلها خمس سنين تاخذ الجنسية (قانون الخارجيه) والزوجة تتسفر اذا ما عندها جواز ومن بيكد عليها تهيت في الشوارع (إذا صار انفصال يصير اللي بيصير مايصير نخليها قاعدة كل اللي بيتزوج بينفصل و نظلم البقية مايصير نقول لا الوحدة مايصير تتزوج لأن مصيرها ريلها يخونها و تنجرح أو مايصير الواحد يقدم إمتحان لأنه بيرسب) بس لو كانت بنت البلد (قطرية) حتى لو تطلقت غالبا لها اهل والدولة تصرف لها بيت وغيره يعني في النهاية الاولاد في الدوحة والام كذلك ليش الواحد يبهدل عمرة ويضيع عياله (أنا معاج الواحد مايبهدل عمره بس من فينا اللي قراراته 100% ناجحة الكل معرض أنه يخطئ الكل معرض للمشاكل هذي سنة الحياة اختي)وهل برايج البنت القطرية عدله يعني تتزوج اي جنسية ؟ (شلون يعني اختي مو عدلة ليش القطرية نازلة من السما و الغير قطري مش إنسان؟ هذي عنصرية يا قلبي و ماشوف فيها شي اذا الطرفين متفاهمين و عندهم رغبة بالارتباط و الاهل موافقين و على سنة الله و رسوله وين المشكلة)
هذا ضد المصلحة العامة (؟؟؟)
دولة الامارات سنت قانون من كم سنة منعت فيها الشاب الاماراتي من الزواج بغير الاماراتية
تدرين ليش لان نسبة العنوسة في الامارات بلغت 70% (نصيب أختي .. إذا الواحد يبي أجنبية بياخذها حتى لو اضطر يسافر لها لأخر الدنيا .. و اللي يبي وحدة من بلده بياخذها .. الموضوع إختياري مو ناخذ اللي موجود و خلاص .. اشدعوة صارت البنت سلعة بالسوق الي موجود بناخذه) وقاولوا اذا من حق الشاب الاماراتي الزواج بغير اماراتيه اذن يسمح للفتاه الاماراتية الزواج بغير الاماراتي "](ليش ماكان مسموح من الأساس) :omen2: :omen2:

ردي باللون الأسود
و تسلمين يالغلا[/color]

[برق لمع]

ردي باللون الأسود
و تسلمين يالغلا


مع احترامي لج لكن ردودج ما اقنعتني ابدا
يا حبيبتي انا كلامي مش الهدف منه عنصري وان القطري نازل من السما ...ابدا والله
انا رايي ان الشاب او الشابة قبل لا يتخذ اي قرار يشوف قوانين دولته هل تساعده في قراره او بتكون فيه عراقيل امام من اتخذته شريكا لي واب او ام لاولادي
وما هو مصير ابنائي في المستقبل
يجب اضع العاطفة على جنب والحب والتعلق بشخص هذا سوف يزول مع الايام
ومثل ما قلتي التوفيق من الله سواء تزوجنا من قطري او من غيره
اذن اشوف مصلحتي ومصلحة اولادي ثم افكر بنفسي ...لاني انا المسؤوله امام الله عنهم
وعن اختياري بمن سيكون ابوهم او امهم
الله يعلم ان هذفي ان الاسر تنلم والابناء ما يضيعون بين اب في بلاد والام في بلاد

[خـــــــــاص]

سؤالك يا اخ مساهم قديم في محله

لكن يبدو لي الكثير من الأعضاء انهم خرجوا عن محور سؤالك
بالنسبه للجنة الزواج ففعلا المواضيع فيها تتأخر في مرحلة اعتماد الموافقة من وزارة الداخليه لفترات تصل الى سنين من غير داعي خاصة وان اغلب الطلبات المرسلة من اللجنه عليها موافقات بالنسبة للمستحق على حسب تقييم اللجنة لوضع مقدم الطلب ومدى اقتناعهم بأسبابه، لكن في جميع الأحوال يجب على مقدم الطلب انتظار الموافقة مهما طالت وان يتحلى بالصبر حتى تتم اموره على خير ان شاء الله.

[Charisma]

اختاروا خوال عيالكم بلا مثاليه غبيه بلا خرابيط !!!!!!!!!!!! والله وهذا يمين علي لين يوم الدين ان المسكين
اللي اخترت امه هنديه او اي جنسيه غير عن بيئتنا وعاداتنا وتقاليدنا لو خيرته يوم كبر انه يختار خواله بغيرهم !! ولا بفكر وبقول الهنود عباقره ودكاتره عسى ماشر لايكون علشان امه هنديه صار رئيس وزرارء
الهند خاله !! عقدتوا عيالكم شفنا وعرفنا طول عمرنا شلون ولد الاجنبيه عايش مكسور بين عيال عمه وربعه
ناقص عنهم ويستحي من طاري خواله !! الشياب قبل طاحوا في الزواج من الخارج لكن الان شبه انقرضت الامور هذي وصارت مشاكل كثيره في هذا الخصوص !! تالي صار الشاب يبي يتزوج اجنبيه !! ويخلي بنت ديرته مافكر في خواته قبل لا يفكر بنات ديرته ومن لهم !

ترى احنا عرب وقبايل لنا عادات وتقاليد وتاريخ وموروث نفتخر فيه ولا نخالف الاسلام في شي ونحسن اختيار
نطفنا لان العرق دساس وفيه حديث في هذا الخصوص

حرااااااااام عليكم ماعندكم خوات انتوا!!
تبي تاخذ اجنبيه روح زوج خواتك اجانب ماوصيك زوجهم هنود وبنغال
وحمر وعطر لا تصير اناني يابو المثاليه انتوا لو فيكم غيره على بنات ديرتكم وعيال ديرتكم ماكان هذا كلامكم

الا في حاله وحده انكم من خارج البيئه القطريه او الخليجيه بصوره عامه وهذا المتوقع

الرسول صلى الله عليه وسلم يقول : ( إذا جاءكم من ترضون دينه وخلقه فزوجوه )

فلنفترض ان بنت جيرانكم "قطريه" تقدم لها واحد مب قطري ... ابوها وافق .. اخوانها موافقين .. وراضيين في اللي تقدم لها من ناحية اخلاقه ودينه وامورة المعيشيه الطيبه ..ألخ

بتنقز انت بتقول هااااااااااااا عسى ماشششششششر .. ليششششششششش والله ماعندددددددددددددكم ساااااااااااااااااااالفه .. بتعقدوووووووووووون اولااااااااادهاااااا .. مابيكوووووووون لهم ووووووووووووووية ...


نعطيك سيناريو ثاني :

رفيجك ناصر .. قرر يتزوج وحده مب قطرية ..تقدم للبنت واهلها موافقين واهله راضيين في البنت واخلاقها ودينها و..الخ

بتنقز انت بتقول : ناااااااااااصر ترى بتعقد اولااااااااااااااادك ..الخ !!؟؟




!!!! فكرت وياي !!؟ ياخي الناس حريااااااااااااااااااااااااااااااااااااااااااااات حريااااااااااااااااااات

ودام ان الزواج مب مقتصر على جنسيه او عرق بل على الدين والخلق .. فياخي ليش هالعنصريه في ردودك ؟؟ ترى ضعاف النفوس اللي يفكرون مثل تفكيرك "الولد لا كبر قال ياليت امي قطرية " شهالتفكير اللي تفكر فيه !!؟؟ ياخي امه شلون بيتمنى انها ماتكون من الديره الفلانيه ولا العلانيه الله يهديك بس ترى ردك صحيح في حاله وحده .. لو كنا عايشين قبل 1500 سنه

[nouar]

هذي شي فعلا متخلف

اشدخل الحكومه او البلد في زواج الرجل او المرأه، انا اتزوج بنت بلادي او خليجيه او عربيه او وحده من المريخ هم اشعليهم؟؟؟!!!
لجنة وموافقه وذل وحب خشوم وواسطات وهذا كله عشان يوافقون لي اتزوج وحده مب قطريه، والله انه شي يقهر اذا الحكومه تسمح لنفسها ان تدخل لهذي الدرجه في شؤون الناس الخاصه!!!


الله يعينكم ويسهل اموركم ويزوجكم بالحلال

المفروض يسهلوا امور الزواج ... للجنسين الشباب والبنات

أهم شي يكون مسلم وعربي مواليد قطر بكون افضل ... ليه هالتعقيد ..

يعني زمان ناس كثير اخدوا مصريات وسوريات من بره الدوحه والحين بنات وشباب البلد صار عمرهم فوق الثلاثين والاربعين بدون زواج ....

[BoFahed]

انا اعتقد من وجهة نظري بان العملية لازم تكون منظمة ولازم يكون فيه تقيييد اللي عنده ظروف وما يقدر ماديا على الزواج في الديرة ياخذ من برا لانه اذا فتح الباب ربعنا ما بيقصرون وايد يبون من برا المعسر والمقتدر لاسباب غير منطقية وكله يعممون مثلا القطريات رافعين خشومهم القطريات تافهات ما يفتحون بيوت القطريات مب حلوييين مثل العربيات القطريات كله مظاهر وزبو وسفاهه ولا يربون عيالهم كللله على خدم الخ الخ

للاسف وللمرة المليون يتكرر هذا السوال بناتنا وين بيروحون :omg::omg:اللي يبي الحلال ويسعى له اكيد بيلقاه ووايد من بنات الديرة يبون الستر مب مشرط تكون من نفس العائلة اوالقبيلة

والبعض للاسف يروح برا وما يتبع الشرع في حسن اختيار في ام لعياله يروح كمن يوم ويرجع بزوجة لا يعرفها لايعرف اخلاقها ولا دينها

[طلعة الروح]

القطريات الف من يتمناهم ونقطة عالسطر...
عن نفسي بتزوج امريكي :)

[nouar]

القطريات الف من يتمناهم ونقطة عالسطر...
عن نفسي بتزوج امريكي :)

بجد وجهة رأي ....

لكن الموضوع الرئيسي ليه اللجنه تصعب امر الزواج مع انه الزواج المفروض يكون من ساعة كتب العقد بس ...

[النهار]

الله يرحمنا برحمته

[hamoor4ever]

عن الهذره الزايده

والحكومه ابخص :nice:

ونقولها للبعض خاصه اللي مفروض مايبدي رايه لان احنا نتكلم عن شأن يخص المجمتع القطري ومانبغي اراء حد من الخارج لان هو ينظر من مصلحته الشخصيه وليزعل من يزعل

القطري غير :nice:
والقطريه غير :nice:

ودام للحين ممنوع على الجنسين الا للبعض اللي عنده ظروف خاصه اقول للجنه يعطيكم العافيه على جهودكم وقواكم الله :victory:
سموها عنصريه او مب عنصريه بس هاذي عادات العرب اللي متعارف عليها ولحد يظلم عياله وخل يتخير لهم ناس يفتخر فيهم ويكونون له عون على الدنيا في المستقبل مب ياخذ له ناس يبتلش فيهم الا بيجيبهم يشغلهم الا مطلع لهم سجل تجاري الا مدري ايش طبعا الكلام للقطريين اب عن جد اما المتجنسين براحتهم لان عاداتهم وافكارهم تختلف

[hamoor4ever]

بجد وجهة رأي ....

لكن الموضوع الرئيسي ليه اللجنه تصعب امر الزواج مع انه الزواج المفروض يكون من ساعة كتب العقد بس ...

مدري والله تقدرين تمرين عليهم تقولين لهم ابغي اتزوج قطري وانج من مواليد الدوحه شوفي يمكن يساعدونج اما يغيرون القانون علشان حاله وحده اللي هي انتي مااعتقد له داعي ، وان شاء الله مب بس يصعبونها الا يسكرونها بوجه اي حد ماله داعي انه يتزوج من برع لان بنات قطر من لهم اذا فلان وعلان بيتزوج من برع وخبرج 80% نسبه المقيمين ووايد يفكرون بالاستقرار والجواز القطري ، فالحكومه هي اللي تحرص على تماسك المجتمع القطري علشان باجر مايطلع لنا قطري اسمه طوني

[عسولي قطري]

مبروووووووووووووك اخيرا اجتمعوووو اليوووووووووم

والله لا يفوتكم شكثر قطريين والله مالك موقف برع واللي يقول مقدم من 5 سنيين واللي من 4 والي من 3 لين سمعت جي قلت الحمدلله اني سنه هههههههههههه

الحمدلله باقي موافقة الوزير

[لولو80]

حسبي الله ونعم الوكيل

جعل الله لا يوفقهم اللي يؤخرون الزواج

والله حررررررررررررررررام انا توقعت هذي الامور تاخذ فقط اسبوع اسبوعين مو سنة

الله يستر عليكم ويوفقكم بالحلال وييسر لكم الحلال ويغنيكم بالحلال عن الحرام

[ولد النواخذه]

أنا عتبي على من وضع هاللجنة وفي نفس الوقت ما وضع صندوق زواج للمواطنين وبالتالي صعب من شئ وفي نفس الوقت مايسر بشئ بديل من المفترض أن يكون الحل الأصلي للجميع وهو زواج القطري من القطرية فنحن بالنهاية بلد صغير شعبه عدده صغير لنا طابعنا وعاداتنا وتقاليدنا وهيئتنا التي يجب أن نحافظ عليها ليس عنصرية منا على الغير ولكن تعصبا لجذورنا واصولنا التي نفتخر بها جدا جدا جدا, أسمع بعض الآراء التي لن أحددها ولكن أشعر فيها أنانية وعدم غيرة على بنات الوطن.
لن أدخل في نطاق ما اتمنى سواء بالنسبة لهذه اللجنة ولا بالنسبة للطلبات المقدمة فليس من طباع أهل قطر أن يكرهوا لأحد التوفيق والفلاح ولكن اتمنى أن نفكر جميعا في بعضنا البعض وأن نكون أكثر موده وقلوبنا على بعض في كل شئ....

[طلعة الروح]

^
^
اتفق معاك

[برق لمع]

عن الهذره الزايده

والحكومه ابخص :nice:

ونقولها للبعض خاصه اللي مفروض مايبدي رايه لان احنا نتكلم عن شأن يخص المجمتع القطري ومانبغي اراء حد من الخارج لان هو ينظر من مصلحته الشخصيه وليزعل من يزعل

القطري غير :nice:
والقطريه غير :nice:

ودام للحين ممنوع على الجنسين الا للبعض اللي عنده ظروف خاصه اقول للجنه يعطيكم العافيه على جهودكم وقواكم الله :victory:
سموها عنصريه او مب عنصريه بس هاذي عادات العرب اللي متعارف عليها ولحد يظلم عياله وخل يتخير لهم ناس يفتخر فيهم ويكونون له عون على الدنيا في المستقبل مب ياخذ له ناس يبتلش فيهم الا بيجيبهم يشغلهم الا مطلع لهم سجل تجاري الا مدري ايش طبعا الكلام للقطريين اب عن جد اما المتجنسين براحتهم لان عاداتهم وافكارهم تختلف


هذا الكلام الصح
ونشد على يد الحكومة انها تتهاون في مثل هالامر ترااااااااه خطير

[al.qtry]

]أنا بكل صراااحه مالووم اللجنه على اللي تسويه لانكم كلكم بصراحه ماتشوفون اللي تشوفه اللجنه كل شوي ناط واحد الله يهديه وكاتب مادري شنو كاتب اللجنه واللجنه
لانه الله يسلمكم التعقيدات هاي كلها سببها هاي الشباب المراهقين اللي توهم في ربيع العمر
تيي وحده اجنبيه وتلعب عليه بكم كلمه ويصدق المسكين انها تحبه ويقدم على اللجنه وتنصدم اللجنه ان في واحد في نفس الوقت مقدم طلب على نفس البنت يعني شنو (البنت تبي الزواج من اي واحد عشان تستقر في هالبلد الطيب ) لو حبت صج كان حبت ابن بلدها وخصوصاً اهل الدول المغرب العربي اللي في السنوات الاخيره هلوا ع الدوحه بكثره همهم الجواز قبل الزواج
والله لوتشوفون اللي اشوفه كان مالمتوا اللجنه يي واحد وياه وحده من اصل عربي واهو متزوج ومرته كامله والكامل وجه الله يقدم ع طلب زوج من وحده عربيه والله اهو احلى منها واهي تدري انه مرة الريال تدري فيها انها بتأخذ ريلها بس صاكته
شنو شتبون اللجنه تسوي
بنات يقصون ع شبابنا عشان مصالحهم الله يخلف بس
اللجنه لو فيه صلت قرابه ماتعقد الامور ويكون فيها تأخير
ليش ماتخذون من دول الخليج اذا ماتبون تأخير ولا عقولكم انغسلت
اللجنه كل قرارتها صحيحه وانا اأيدها
تبي تحافظ على عيال بلدها وبنات البلد اولا من الغير ونسبت العنوسه زادت
والسبه الشباب اللي ينقص عليهم من قبل البنات الاجانب
تحياتي [/color]
(مجرد رأي ويمثل كاتبه )

[al.qtry]

]أنا بكل صراااحه مالووم اللجنه على اللي تسويه لانكم كلكم بصراحه ماتشوفون اللي تشوفه اللجنه كل شوي ناط واحد الله يهديه وكاتب مادري شنو كاتب اللجنه واللجنه
لانه الله يسلمكم التعقيدات هاي كلها سببها هاي الشباب المراهقين اللي توهم في ربيع العمر
تيي وحده اجنبيه وتلعب عليه بكم كلمه ويصدق المسكين انها تحبه ويقدم على اللجنه وتنصدم اللجنه ان في واحد في نفس الوقت مقدم طلب على نفس البنت يعني شنو (البنت تبي الزواج من اي واحد عشان تستقر في هالبلد الطيب ) لو حبت صج كان حبت ابن بلدها وخصوصاً اهل الدول العربيه اللي في السنوات الاخيره هلوا ع الدوحه بكثره همهم الجواز قبل الزواج
والله لوتشوفون اللي اشوفه كان مالمتوا اللجنه يي واحد وياه وحده من اصل عربي واهو متزوج ومرته كامله والكامل وجه الله يقدم ع طلب زوج من وحده عربيه والله اهو احلى منها واهي تدري انه مرة الريال تدري فيها انها بتأخذ ريلها بس صاكته
شنو شتبون اللجنه تسوي
بنات يقصون ع شبابنا عشان مصالحهم الله يخلف بس
اللجنه لو فيه صلت قرابه ماتعقد الامور ويكون فيها تأخير
ليش ماتخذون من دول الخليج اذا ماتبون تأخير ولا عقولكم انغسلت
اللجنه كل قرارتها صحيحه وانا اأيدها
تبي تحافظ على عيال بلدها وبنات البلد اولا من الغير ونسبت العنوسه زادت
والسبه الشباب اللي ينقص عليهم من قبل البنات الاجانب
تحياتي [/color]
(مجرد رأي ويمثل كاتبه )

[اميرة]

الزبده الي له نصيب راح ياخذه سواء قطريه او اجنبيه وخل عنكم الهدره الزايده والكلام الفاضي وقدف بنات الناس بدون وجه حق والاخ "al.qtry" لي تكلم عن بنات المغرب العربي على انهم عصابه (وخصوصاً اهل الدول المغرب العربي اللي في السنوات الاخيره هلوا ع الدوحه بكثره همهم الجواز قبل الزواج )
اتقي ربك اساسا منو انت عشان تحكم على بنات الناس وتعمم بعد ومنو عطاك الحق يا أخي اثقي ربك والكل عارف ان فكل مكان فالدنيا في الزين وفي الشين ومحد يقدر يدش عقول البشر ويعرف شفيه يفكرون غير رب العالمين
الله يستر على جميع بنات وشباب المسلمين ويوفقهم في الحلال ويغنيهم بالحلال عن الحرام

[jwar]

اذا فتحوا الموضوع سبيل بتصير مصخره من كل صوب
اللي بياخذ فلبينيه

واللي بياخذ سيلانيه

وفي بنات من بعــض الدول .. بيلعبون على عيالنا 100%

عاد بعدين تعال خذ المشاكل والقضايا
اللي مرته فلبينيه او تايلنديه ومتهاوشه مع الحبيب وماخذها عيالها ( القطريين) وشارده بلادها

او رايحه تزور اهلها وماترجـع

(وش بيكون مصير اليهال)

شوي قطري نص قطري ونص فلبيني

غير التربيه والاخلاق واللغه واللهجه

بروحنا لين الحين مب مترقعين بسبـة بعض الناس اللي لين الحين يقولون ( أيــش ) بدل عيش

غير مشاكل اللغه والدين والعادات والتقاليد الخ الخ الخ

احسن شئ هاللجنه الصراحه


شوي الا ولد اخوي اسمه مازن

او

مايعرف ينطق ويقول ماقــدونالد وتمستكا


اللي له نصيب بياخذه واللجنه لها نظامها واسباب للموافقه

وايد قطريين يقربون لهم ( غير قطريين) ويسمحون لهم بالزواج
او المريض
او اللي عنده ظروف خاصه
او الكبير في السن


لكن مايفتحووووووون الموضوع سبيل

والالويه للقطريات
:taunt:

[المبرمج صلاح]

الهنود عباقره وعلماء ودكاتره ..

الاوروبيين تناقز لهم كل صيف عشان تكحل عيونك بحضارتهم ...

وانت شعندك !!؟؟

انا اكرة شي عندي لاشفت احد ينظر للناس بنظرة دونيه ياخي اصحى اصحى 2010 .. خل عنك افكار ابوجهل وربعه محد احسن من حد ولاحنا بالشعب المختار .. والشرع ماقال القطري ياخذ قطرية والقطرية تاخذ قطري؟ الا اذا انت عندك فتوى بهالموضوع كلنا اذان صاغيه

معاك في الكلام اخوي انشاء الله تكون من المريخ او يكون من زحل المهم يكونو مسلمين

[بوحارب]

الله يعين :)