بداية السلم

[ستوب1]

السلام عليكم اخواتي واخواني

بنت بلادكم تبي فزعتكم ،، الصراحة حاطه في راسي مشروعين وما ادري شلون ابدي فيهم و الاثنين يبغيلهم راس مال و مكان ايجار و همي الاول والاخير هو الايجارات!!
وابي طبعا شوركم ورايكم اللي مالي غنى عنه ،، وانا لجأت لكم لان فهالامور لازم تسأل اهل خبره وناس مجربه او حتى ناس شايفه على ارض الواقع .

ما اطول عليكم ،، المشروع الاول (صالون للحنا ) فقط من غير اي خدمات اخرى
والثاني (تأجير فساتين افراح وبيع فساتين سهره)

الحين نبي الهمه ايش رايكم؟؟ يا طويلين العمر

بانتظار نصايحكم

[المليونير الفقير]

نصيحتي شوفي غير هالمشروعين لاني اتوقع مراح تمشي

هذي وجهة نظري وشكرا

[الجووهره]

يامرحبا اختي


اولا اشجعج على تفكيرج في خوض هالتجربه لكن ليش فكرتي في عالمشروعين بالذات!!!!؟
هل انتي حابه هالمجال او لا وهل انتي عندج خبره في هالاافكار... طيب قلنا انه انتي حابه الفكرتين...


صالون الحنا بيمشي بس تدرين متى؟؟ في المواسم اللي هي الاعياد والصيف وقت الاعراس وخلينا نقول رمضان...حلو؟
باقي الشهور راح يدخل عليج مبالغ رمزيه ويمكن تمر عليج اسابيع ومحد يدخل عليج
فرايي انج ترجعين تفكرين غي هالنقطه..


بالنسبه لتأجير الفساتين انا اشوف اكثرنا مايحب يلبس شي ملبوس الا اذا كان جديد وفارض نفسه وفي نقطه مهمه مافكرتي فيها اختي !!
كل فستان بتأجرينه راح ترجعين تودينه غسيل بخار والخياط اذا كان فيه شي يبيله تصليح بعد اللبس لأن موب كل وحده بتاخذ الفستان راح تحافظ عليه وانا مجربه هالنقطه
لدرجه ان بعض البنات الله يهداهم كانو يرجعون لي الفستان لي في كيسه زباله الله يعزكم بعد ماتلبسه زين ليش يبا... قأنا اشوف انج ترجعين تفكرين وتعيدين حساباتج...
ونصيحه

سوي مسح للمجتمع والناس اللي حولج وشوفي شنو اللي ناقصهم ويدورون عليه في السوق ومو متوفر..

وحاولي تبنين افكارج عليه وتبتكرين مشروعج الخاص بدون اي تكرار لمشاريع فاشله..


والله يوفقج ويوفق كل بنت راح تفكر مثلج وان شاءالله نشوف بناتنا وخواتنا من اكبر سيدات المجتمع العامل



موفقين

[ستوب1]

مشكورة إف جي قطر على المرور

الجوهره ماقصرتي وانا احترم الراي الذي يقدم اسبابه في حالة عدم الاتفاق فالرأي

الله لا يحرمني منكم

[Pro]

بالنسبه لمشروع الحنا
حلو التخصص و لكن لو يكون صالون
كامل و من ضمنها الحنايه يكون أفضل

بالنسبة للمشروع الثاني
فهو مشروع يعتمد على الإعلان
لا تفكرين انج تستقطبين القطريين
فمثل ما قالوا القطري ما يلبس مستعمل
و ممكن تحصلين من يلبس و لكن العدد قليل
و بما مجتمعنا نسبة الاجانب أكثر فأتوقع ان المشروع راح ينجح إذا ركزتي على الاجانب و متطلباتهم