شباب إلى متى وسوق قطر في انحدار

[الفهدي]

انا استغرب سكوت المسئولين في قطر على هذا الانهيار الحاصل في سوق قطر ..

ترى هل سنرى وقفة صادقه لحل هذه المشكلة

الفهدي

[كحيلان]

هذا تصحيح ومايصح الا الصحيح وتنظيف بالديتول لقتل الجراثيم........واكثر الجراثيم ماعادك بشايفهم يوطوطون عند البورصه..........

تذكر هذي السالف اللي هي:هذا واحد حاصله رعب من دجاجه,كل ماشاف الدجاجه يهرب ويرتجف....تجيه حاله غير طبيعيه....جلس هذا المسكين على هالحاله شهر كامل.....اذا شاف الدجاجه يهرب ويتخبى ويرتجف.....قالو له الناس يامجنون هذي دجاجه وانت رجال ليش اتخاف؟! قالهم المسكين انتم ماتدرون ليش انا اخاف!!!!! انا اخاف بسبب اني اتخيل نفسي حبة شعيره عشان كذا هذا سبب خوفي!!!!! المهم قالو له خلاص مالك الا تروح لطبيب نفساني.....المهم راح لطبيب النفساني وجلس الدكتور يقوله ويفهمه ويقنعه.....والمسكين يقول للدكتور انا حبة شعيره صدقني الدجاجه تبي تاكلني....طفش الدكتور وعطاه كف على وجه المسكين.....قال المسكين خلاص خلاص انا بقولك شي يادكتور بس لا عاد اتصفقني....انا مقتنع اني رجل مو حبة شعيره,,,,لكن من اللي راح يقنع الدجاجه اني مو حبة شعيره.

البورصه الدجاجه,,,,والجهلاء هم اللي راح يتخيلون نفسهم حبة الشعيره.

[البدر]

كلها 4 سنوات وتستقر البورصه

[حالي الذوق]

هذا تصحيح ومايصح الا الصحيح وتنظيف بالديتول لقتل الجراثيم........واكثر الجراثيم ماعادك بشايفهم يوطوطون عند البورصه..........

تذكر هذي السالف اللي هي:هذا واحد حاصله رعب من دجاجه,كل ماشاف الدجاجه يهرب ويرتجف....تجيه حاله غير طبيعيه....جلس هذا المسكين على هالحاله شهر كامل.....اذا شاف الدجاجه يهرب ويتخبى ويرتجف.....قالو له الناس يامجنون هذي دجاجه وانت رجال ليش اتخاف؟! قالهم المسكين انتم ماتدرون ليش انا اخاف!!!!! انا اخاف بسبب اني اتخيل نفسي حبة شعيره عشان كذا هذا سبب خوفي!!!!! المهم قالو له خلاص مالك الا تروح لطبيب نفساني.....المهم راح لطبيب النفساني وجلس الدكتور يقوله ويفهمه ويقنعه.....والمسكين يقول للدكتور انا حبة شعيره صدقني الدجاجه تبي تاكلني....طفش الدكتور وعطاه كف على وجه المسكين.....قال المسكين خلاص خلاص انا بقولك شي يادكتور بس لا عاد اتصفقني....انا مقتنع اني رجل مو حبة شعيره,,,,لكن من اللي راح يقنع الدجاجه اني مو حبة شعيره.

البورصه الدجاجه,,,,والجهلاء هم اللي راح يتخيلون نفسهم حبة الشعيره.

السوق نازل من شهر 11 تقريبا 4000 نقطه
وانت يا خوي تقول حبة شعيره ودجاجه

خلها على الله بس

الله يجيب العواقب سليمه
وترجع الثقه للسوق

[ضحاياالحب]

كلها 4 سنوات وتستقر البورصه
ول عليك شهذا الفال 4 سنوات ياالله الحياه:(
انا اتوقع يبيله لين بعد البنك التجاري والصناعات مثل ما انتو خايفين تشتغلون كذالك الناس خايفه
بمعني اصح الكل خايف ومتردد يبي افضل الاسعار بس تنتهي سالفة الاكتتابات بيرتفع السوق وهذا شىء اكيد


وخلو عنكم الي يقول بيدخل هامور وبيرفع السوق والي يقول اعرف هامور مسافر حق علاج بس يرجع ما بتقدر تشتري وكل هذي السوالف مع احترامي للجميع خرابيط في خرابيط
في النهايه ليش كل ماينزل السوق قلتو على قولتكم الهوامير؟؟؟؟
الجواب :انا ابي اسئل كل واحد يكتب انت تبيع وتشتري لو كنت مضارب هذي الايام؟؟ طبعا لا (ليش تعلق الركود او النزول على الغير ؟
وشكرا

[الرمز]

اخوي الفهدي

اعتقد لازم تشوف 8300 نقطه بعينك وبعدين اعتقد انشاء الله بيرتفع .