جٌـٌٌـــآمعــة قًـًـٌـٌهٍـٌــر , . , . , (( جامعة قهر ))

[شعنونة قطر]

كتب الله لي ان اخذ قراري


وان اقرر بالدخول لجامعة قهر :)
رغم لمحاولات لتكسير مجاديفي لاترك هذه الفكره :nice:

ورغم ترهيب الكل لي من كل جهه :secret:

الا ان




القرار تربع وسط النخاع



فجزاكم الله خير

اي حد عنده معلومات عن انظمة وقوانين الجامعه
تطرحها هنا لاستفيد ويستفيد غيري

قفد ذهبت لمنتدى الجامعه نفسه فشعرت انهم يتحدثون الاوردو :rolleyes2:


الايلس شلون اسجل فيه ؟

وشنو المقابله اللي لازم اسويها عشان ادخل الجامعه انا سمعت عنها :shy:


وشنو نظام التاسيسي

وشنو احسن التخصصات الحين

اللي يفيدني يارب ترزقه باللي يتمناه :)

[روح الاطلس]

معليش اقول لج انه اسوأ قرار ! لا تنصدمين

اسوأ قرار لو كنتي انسانه همتها وطاقتها على قدها ولغتها الانجليزية ضعيفة ( الله يعينج على مضمار الايلز والتوفل والسات والكمبيوتر والفاونديشن )

وأحسن قرار لو كنتي انسانه مجتهده ومتفرغة وحابة تتطورين وتدرسين واهم شي طبعا تحققين الدرجات المطلوبة في الايلز او التوفل ( على حسب مهاراتج )

الانظمة والبيروقراطية والاداريات من غير ما احبطج ( سيئة جداً ) .. في البداية بتنصدمين من ( جلافة الطبع ) بس بعدين بتتعودين عليهم

أول خطوة الحين تسألين عن اقرب موعد اختبار ايلز ( يفضل تاخذين له دورة ) وتشوفين كم بتجيبين .. الفاونديشن للأسف ماله خص في الايلز ولا يعلم الطالب شلون يجتازه يعني انتي لازم ( تسجلين في دورات مسائية تعلمج شلون تجتازين الامتحان )

[شعنونة قطر]

اول مره اسمع بالفاونديشن

ماهذا يااخت العرب

الله يجزاج خير والله رديتي على انا على اعصابي :(

[مساهم عادي]

بمجرد انك تجتازين امتحان اللغة الانجليزية ايلز او توفل .... انتهى الموضوع .. وماعليك سواى الاهتمام في الدراسة بعد ذلك وتجنب الحصول على الانذارات......

[البنـدري]

شيكي الخاص حبوبه ^.^

[روح الاطلس]

الفاونديشن = تأسيسي سنتين لو ماجبتي الايلز خلال هالسنتين للاسف ( طرد ) من الجامعه وسنتين من العمر هباءاً منثوراً

[شعنونة قطر]

:(

طيب اذا طردوني وانا ماجبت الفاوندشن



اقدر ارجع من اول وجديد كاني بنت بنوت خخخ ؟؟؟





البنـــدري يعطيج الف عافيه ماقصرتي حبوبه :)

[روح الاطلس]

هههههههه لا طبعا خلاص يطوى ملفج ويتشمع بالشمع الاحمر

والفاونديشن مو ضروري تكملينه كله اهم شي تجيبين الايلز

ومن الحين ليه اقول لج هالكلام؟؟ عشان تشدين حيلج عدل

لان العقليات اللي ماسكة جامعه قطر تعتقد يقينا اعتقادا جازما

ان اللي يرطن انجلش ( او بالاصح جايب التوفل او الايلز مو مهم يرطن ) هو انسان عبقري وقادر على اجتياز المواد كلها !!

ما يعترفون بأن حتى الانسان الاعمى والابكم يقدر يتخرج من الجامعه حتى لو ماجات التوفل او الايلز !! مايعترفون بالقدرات العقلية بقدر مايعترفون بورقة الايلز !! وكأنها السحر اللي بيطلع عباقرة من الجامعه


ما قلتي شنو التخصص اللي حابته ؟

[مساهم عادي]

:(

طيب اذا طردوني وانا ماجبت الفاوندشن



اقدر ارجع من اول وجديد كاني بنت بنوت خخخ ؟؟؟





البنـــدري يعطيج الف عافيه ماقصرتي حبوبه :)


يصير ترجعين بس بشهادة ثانوية جديدة .....يعني تعيدين ثالث ثانوي مرة ثانية


شوفي .... لازم تبتدين بداية قوية بالجامعة ... تجنبا للمشاكل في المستقبل .... والعكس صحيح

[Dissney]

مرحبا الغاليه
اول شي لازم تجتازين الايلز بيختصر عليج مشوار طويل طوله سنتين
الفاونديشن معناه البرنامج التاسيسي اللي يتكون من 3 مواد انقلش حاسب وكمبيوتر
الحاسب والكمبيوتر امرهم هين ممكن تخلصينهم في سنه حسب تخصصج الاهم الايلز لان خلاص ماعاد يبون التوفل
وعلى فكره اختبار الايلز مال جامعة قطر وايد ممتاز روحي مبنى تاسيسي او الفاونديشن بلندنج كلهم واحد الدور الثاني اسالي عن مكتب وحده اسمها ماري عندها تقدرين تسجلين للايلز او تقدرين في اي مكان مثل البرتش كانسل كا اسبوعين عندهم اختبار المهم اتجيبين 5.5 اذا ماجبتي هالعلامه تدخلين البرنامج التاسيسي عباره عن اربع لفلات كل لفلين في سنه يعني بتدرسين سنتين تقريبا يوميا في اليوم 3 ساعات ونص وفي الاخير ماينحسب لج ولا ساعه واذا فهالسنتين ماقدرتي اتجيبين الايلز يتجمد قيدج لين اتجيبينه يعني فهالسنتين بتدرسين حاسب عباره عن حصتين في الاسبوع والحاسب حصه وحده فالاسبوع والانقلش يوميا بس نصيحه مهمه لاتسالين البنات عن شي ما راح يفيدونج اي شي تبينه او تستفسؤين عنه روحي القبول والتسجل او المرشد الاكاديمي محد بينفعج غيرهم لان الجامعه ماعندها كلمه وحده تعطيج كلام وتعطي غيرج كلام ثاني
اتمنى اني افتدج بهالمعلومات اي شي تبين تسألين عنه انا حاضره

[Dissney]

سوري الرياضات هو اللي عباره عن حصتين في الاسبوع وممكن تجتازينه هو والحاسب في اختبارات خاصه فيهم طبعا تسالين عنهم في مبنى تاسيسي الدور الثاني بس ناسيه وين بالظبط

[شعنونة قطر]

جزاكم الله خير :(


خايفه موت بس اعقلها وتوكل على قولتهم ويا أنا ياهل الجامعه :(

[مساهم عادي]

جزاكم الله خير :(


خايفه موت بس اعقلها وتوكل على قولتهم ويا أنا ياهل الجامعه :(

ارى ان الخوف محمود ومطلوب .. خاصة في البداية ... لأنه سوف يجبرك على الاهتمام بكل صغيرة وكبيرة بالنسبة للدراسة في الجامعة .... بعدها سوف تكون الأمور سهلة وسلسة

بالتوفيق.........

[راية الفخر]

بتتحسفين وربي .. جامعه قوانينها ظالمه وتعجيزيه وهذا ويهي ان قدرتي تجتازين شروطهم وامتحانات قبولهم وتخرجتي .. دوري لج شغل ابرك لج واشتغلي بالشهاده الثانويه لاتضيعين سنين من عمرج على الفاضي .. هم اصلا مايبون عيال قطر ياخذون شهادات عليا يبونها للاجانب واللي يرطنون انجليزي ..

[قطريه ماركه]

بالعكس جامعة قطر من أحسن الجامعات اللي خرجت اجيال و أجيال .. و أنا منهم ولله الحمد ...

متى تحمدون ربكم كله شكااااااااااااوي !!!!!!!!!!!!

[ANONYMOUS]

وما نيل المطالب بالتمني.. ولكن تؤخذ الدنيا غلابا

ألف

[صوت الضمير]

أنا ماعندي زايده على كلام اخواني واخواتي

وأنا بصراحه مالحقت على التأسيسي لان تخصصي لغه عربية

ولله الحمد أتمنى أيام الجامعه ماتخلص..

كلمة حق أقولها لك صحيح السنه الأولى بتكون متعبه واجد لك
لكن بعدها بتحسين أنك فهمتي الجامعه .. فهمتي شلون تدرسين..

أغلب الطالبات اللي يشتكون ويقولون الدراسه صعبه
هم أغلب وقتهم في مجمع المطاعم .. ولايحضرون مجاضرات
لذلك كل شي صعب عندهم..

لكن تحضرين المحاضرات .. بتشوفين كل شي سهل باذن الله

ولله الحمد علاقتي طيبه مع الدكاتره ويحترموني كثيراً
للأنني أقعد بالمحاضره محترمه نفسي.. وبصراحه
هم اللي خلوني أحب الدراسه .. وأحط في بالي طموح

الله يوفقك إن شاء الله
أي خدمات بالجامعه أنا حاضره لك

وثقي أنه مافيه شي صعب بالحياة ..
والله يوفقك

أي أستفسار أرسليه على الخاص

تصبحين على خير لازم ننام بكره دوام بالجامعه
علشان نشغل المخ :)



أبداع

[ابو مشعل]

باختصار اختي ..
جيبي الايلتز
5.5
وموضوعج خالص
ومب لازم تجيبينه من اول مره
ناس جابوه من المره الخامسه
والسادسه

واحد الاصدقاء عاد الامتحان 14 مره
ومسجل للاعاده ال 15

:)

شدي حيلج ..
و توكلي على الله


موفقة

[بواردي]

اكنت اظن بس انا وربعي نقول
جامعة قهر
طلعت السالفة على مستوى عالمي

[JN000N]

بتتحسفين وربي .. جامعه قوانينها ظالمه وتعجيزيه وهذا ويهي ان قدرتي تجتازين شروطهم وامتحانات قبولهم وتخرجتي .. دوري لج شغل ابرك لج واشتغلي بالشهاده الثانويه لاتضيعين سنين من عمرج على الفاضي .. هم اصلا مايبون عيال قطر ياخذون شهادات عليا يبونها للاجانب واللي يرطنون انجليزي ..

ليش هالتحطيم


في كل مكان لازم نلاقي صعوبات .. والشاطر هو اللي بيجتازها..
هاي هو الفرق بين الطموح وبين اللي يبي يقعد مكانه في اسفل الدرجات

ليش تقولين لها تشتغل بثانويه بس؟ والشهاده الثانويه شبتنفعها فيه؟ الحين مامنها فايده كلش



وليش تحطين في ذمتج هالكلام.. ليش ما تقولين يبون يرفعون من مستوى التعليم..

انا طالبه جامعه قهر وشفت بلاوي وليحين اشتكي منها وياما ارتفع ضغطي من دكاتره ومن قرارات ومظلومين فيها

بس بعد نكافح ونستمر عشان نوصل احسن الدرجات لكن لو بقعد في مكاني وبقول اتم بالثانوي ابرك لي من عوار الراس!! عز الله كدينا عيل

شعنونه..

نصيحه مني ادخلي الجامعه قدمي على توفل خذي دورات وقدمي فالبرتش ايلز لان اسهل ولا تخلين الخوف يسيطر عليج .. يعطونج مهله حق التوفل سنتين ولو ما جبتيه يجمدون قيدج كورس واحد وعقبها صج بيقولون لج بيباي.. بس انتي قدها وقدود .. والتوفل ما يبيلها غير انج تاخذين دورات انجلش وصدقيني حتى لو دوره وحده بتنتفعين منها.. خلصي التوفل وبيكون عليج الحاسب والرياضيات.. واكيد انتي شاطره فالكمبيوتر.. واما الرياضيات لو ما عديتيه سجلي عند احسن الدكاتره واذا تبين انا بييب لج اساميهم..

اما بالنسبة للتخصصات.. في تخصصات وايد سهله وحلوه.. وانصحج بالتخصص خدمة اجتماعيه فتحوه فتره من قبل وسكروه.. الحين فتحوه مره ثانيه.. ودكاترتهم قسم العلوم الاجتماعيه كلهم ما عليهم قصور واذا تبين قائمه بالدكاتره انا بعطيج اياها

صار لي 4 سنين فالجامعه واعرف 3 ارباع اللي يصير فيها واشوف بنات انطردو ومعروفه الاسباب واشوف بنات ليحين مثابرين وفي بنات درجاتهم عاليه

الدليل شوفي قائمه الخريجات سنه عن سنه تلاقين البنات اللي درجاتهم مرتفعه يكثرون :)