أم العروس تطلب توزيع الكابتشينو على الضيوف بدل الشاي ....

[سوق واقف]

السلام عليكم ورحمة الله وبركاته


أخواني أخواتي الأعزاء اليوم أطرح عليكم موضوع غريب .. أحد أصدقائي قرب عرسه وأمس طالبين منه (( أم العروس طالبه منه توزيع كبتشينو بدل الشاي )) (( وعصاير فرش))



مسكين والله يشكي لي الحال يقول ايش أقولهم قلت لا تنفذ طلبها ... وتعرفون كم سعر الكابتشينو في صالات الأفراح اقل شيء 10 ريال الكوب الواحد....

هل أنتم مع المعرس أو الأم ...

نريد أرائكم بدون تجريح لأي طرف وجزاكم الله خير

[فارس الكلمة]

الكباتشينو يغث .. خل يقولها : خطر على الصحة ..

[ودي أكون]

ههه انا مابضحك لا على ام العروس ولا العروس !!



الا بضحك على المعرس !!



اللي ماعرف يقولهم لاء !!



وجا يطلب رايك !!


ما أقلل من قيمتك ورايك أخوي سوق واقف .. لكني اقلل من قيمة وشخصية الاخ المعرس !!



اذا هو كرجل ماعرف يقول لاء .. يطلب رايك وراينااا ليش !!! :)


هذا رايي .. ومبروك مقدما للمعاريس :)

[La Bella]

١٠‏ ريال * ٤٠٠ شخص
٤٠٠٠‏ ريال
ولازعل ام العروس.
ولايمشي الموضوع ويقول لها نسيت

[الأغر]

طبعا ماله اي داعي الكبتشينو واذا مصره على الكابتشينو خليها هي اللي تدفع

[اهل قطر]

السلام عليكم ورحمة الله
الصراحه زودوها النسوان من الطلبات في الاعراس
لو هم بيدفعون ما سووها
وكل من يزيد
يقول لهم صراحه انه محدد ميزانيه محدده للعرس ما يبغي يتجاوزها ولو عنده حرام الاسراف
" لا تسرف لو من البحر تغرف "
لابد من البدايه توضع كل الخطوط العريضه لكل المصاريف
من بيدفع العشاء هو مسؤل عن القاعه وكل الي فيها
ويحدد المهر , العشاء والقاعه ,,
ولا يزيد ولا شيء
لو حبوا هم يقرون يزيدون
ولو اكتشفوا انه مستعد يدفع كل يوم بيطلبون طلب , لو الام ولدها الي بيعرس ما طلبت

[العابد]

ههه انا مابضحك لا على ام العروس ولا العروس !!



الا بضحك على المعرس !!



اللي ماعرف يقولهم لاء !!



وجا يطلب رايك !!


ما أقلل من قيمتك ورايك أخوي سوق واقف .. لكني اقلل من قيمة وشخصية الاخ المعرس !!



اذا هو كرجل ماعرف يقول لاء .. يطلب رايك وراينااا ليش !!! :)


هذا رايي .. ومبروك مقدما للمعاريس :)

أتفق معك لابد يقول لهم لا وبحزم

وبعدين أم العروس ما لها علاقة بالموضوع

أشربهم ماي من الحنفية وإلا عسل ما لها دخل

[meme~qatar]

عادي يقول لها ماقدر الميزانية ماتسمح

والكبتشينو غالي

والعصير الفرش اغلى بعد


الله يعينه على ام زوجته

[بـــــــنت النوخـّــــذه]

السلام عليكم ورحمة الله وبركاته


أخواني أخواتي الأعزاء اليوم أطرح عليكم موضوع غريب .. أحد أصدقائي قرب عرسه وأمس طالبين منه (( أم العروس طالبه منه توزيع كبتشينو بدل الشاي )) (( وعصاير فرش))



مسكين والله يشكي لي الحال يقول ايش أقولهم قلت لا تنفذ طلبها ... وتعرفون كم سعر الكابتشينو في صالات الأفراح اقل شيء 10 ريال الكوب الواحد....

هل أنتم مع المعرس أو الأم ...

نريد أرائكم بدون تجريح لأي طرف وجزاكم الله خير




ايوااااااااااااااااااااا شفتو اشلون كلامي صح والله دوم اقول لاتحطون عرقلات العرس على العروس وتتهمونها بالسبب والله السبب من المعرس نفسه ليش مايفرض شخصيته عليهم ليش كل واحد يسوي نفسه الوليد بن طلال حزه مايطلبون منه 0000
خلاص يقولها عادي يمه جيبيه الا عرس بنتج ومعازيمكم الي بيشربونه00ويخليها اهي تتكفل بالكابتشينو 000 بس ترى للعلم اغلبه مايشربونه المعازيم يعني خساير علىالفاضي اسمحلي :nice:

دوم اقول المعرس عليه المهر كامل + حجز الفندق000واي اضافات منيه ومناك الله لايهينهم اهل العروس يتأمرون ومخابيهم فاضيه:nice: مايصير حلاتها والله يكسرون عين المعرس من جيبهم ولا يجلس يتشكى عند فلان وعلان انهم اكسرو ظهره 000000

[CH Engineer]

كابتشينو قبل العشى بل بل !!
شنووو زحمه على الحمامات!!

بعدين شلون حسبتوا 10*400= 4000 يعني كل واحد قلاص بس
يمكن واحد يبي يشرب قلاصين ولا ثلاثه.. ازمة الكابتشينو

ع العموم الله يعينه

[وطن]

أخبره موجود من ضمن قائمة الطعام اللي يختارون منها
سواء كان بوفيه أو تقديم ع الطاولات

يعني المفروض ما يفرق معاه السعر
لو هذي هي مشكلته بس !!!

[كازانوفا]

ان شالله ما حد شربه
ليش شايل الدنيا على راسه كل هذا عشان كابتشينو
بعدين معروف ان الكابتشنو يصد الشهيه عن الاكل والشرب
والبرستيج المتبع بالافراح لازم المشروبات السخنه تتوزع
يعني اللى عايز يتزوج يتحمل كل اللى جاييه
هذا كيف لو ام العروس طلبت منه تروح هي زوجها معاهم شهر العسل ويحضرو كله
ههههه بجد ضحكتني
اسفه بس بالفعل شي مستفز

[غزلان]

يشترى غرشه نسكافيه وياخذ الخلطه من النت وكم ترمس حليب مابيكلفه 100 رياال

[شغموم]

سوق واقف...
السلام عليكم..
والله ما تفرق كابتشينو وإلا كرك وإلا شاي أحمر هي ليلة والله يعينه لا يوقفها والسبة طلب صغير
توكل على الله وبتفرج إن شاء الله

وبالتوفيق إن شاء الله،،

[s o s o]

الحل سهل جد اخوي سوق واقف

يستخدم محل ضيافه يوفرله الشاي والقهوه والنسكافيه والحليب بلزعفران والحليب بالهيل وشاي مغربي بعد بالسعر اللي يشوفه مناسب له
اما العصير فهو اساسا يكون مع العشا من قاعه العرس
والله يتمم له على خير ان شاء الله

[موضي قطر]

تصدقون كان عندي فكرة من كثر ما أسمع قائمة الطلبات وخاصة أن اغلبها تقليد لعرس آل بوفلان وكله كلام فاضي وتكليف على المعرس وصرف فلوس والفكرة هي

( دورات لذوي العروسين في كيفية إدارة ميزانية الزواج بدون تكلفه مبالغ فيها وبهرجة كذابة تنطفئ بمغادرة العروسين والمعازيم وليتبدأ رحلة تسديد الديون من الراحة والأعصاب والاستقرار قبل تسديدها من الراتب والذي قد لايبقى منه شئ )

[شيط ويط]

الله يعينه .. انا لو منه اطنش لها :p

[بو خليفه 123]

السالفه سالفة مبدأ ما جات على 10 ريال للقلاص الواحد ..

و بعدين مع أمهات العروس ... ؟ :anger3:

[STAR]

مب مشكلة يخلي خدامتهم تسوي كابتشينو وصبوه في الدلال ‏‏^‏.‏^‏

اما العصير الفرش خل يرووح المعصرة ويطلب كمية
من الغراش الكبار وعقب خل يصبونه في قلاسات ‏‏(‏‏=‏

[دكتورة روح]

من الاساس المفروض يقولهم لا من البداية
لان باجر هالاسلوب بيدش في حياتهم الشخصية
واكثر الاسباب الطلاق من الاهل حول المعرس والعروس
الله يكوون بعونهم

[سردال]

السلام عليكم ورحمة الله وبركاته


أخواني أخواتي الأعزاء اليوم أطرح عليكم موضوع غريب .. أحد أصدقائي قرب عرسه وأمس طالبين منه (( أم العروس طالبه منه توزيع كبتشينو بدل الشاي )) (( وعصاير فرش))



مسكين والله يشكي لي الحال يقول ايش أقولهم قلت لا تنفذ طلبها ... وتعرفون كم سعر الكابتشينو في صالات الأفراح اقل شيء 10 ريال الكوب الواحد....

هل أنتم مع المعرس أو الأم ...

نريد أرائكم بدون تجريح لأي طرف وجزاكم الله خير

اذا المعرس ما يقدر يلبي طلبهم .... عادي يقول لهم ما اقدر ......... وبعدين لازم يقوي شخصيته عليهم ويثبت على موقفه لأن اذا وافق راح يفتح عليه ابواب كثيرة وتستمر الطلبات الى ما لا نهاية وهو بكيفه فرض الشخصيه في بداية الأمر مهم جدا والله يوفقهم

[qatari911]

اذا هذا اولها ينعاف تاليها
جااااااات على الكبتشينو بس قول لا وريح راسك
واذا شفتها كاني ماني تبي تفرض نفسها عليك طلقها وارتاح
اكثر ما كثر الله البنات نمل مشاء الله
طب واختار المصليه والي تذكر ربها وماتبي الا الستر

[طلعة الروح]

^
^
افا شهالحجي بتطلق المرة من ريلها بسبة كبتشينو ما هقيتها منك اخوي؟؟

[C'est La Vie]

يالله معليه لاجل عين تكرم مدينة
بسيطة المرة خاطرها بكابتشينوووووووو
حطو لها

[FHN]

الحين مانوزع كابتشينو بس الا نوزع ست مشروبات ساخنه هذا غير العصاير ..
ارضاء الناس غاية لاتدرك .. الله يغفر لنا

[التيما]

الله يكون بعونه صراحة .. من رايي اذا حريص على عمته انه يطلب عدد بسيط من الكابتشينو مع الشاي مب حق الكل لان مب كل الناس تشرب كابتشينو .. وعصير فريش ؟؟؟ الله يكون بعونه على عمته والله .. من رايي يطنش ويقولها نسيت وكان الله غفور رحيم ..
أو يخلي امه تتفاهم معاهم على هالشي .. وهو يسمع ويطنش اللي مايقدر عليه .. الطلبات للحين ما خلصت الله يكون بعونه كل مره بيطلعون له شي ..

[صوت الضمير]

أخوي تعرف مطاطير العصير المراعي

يأخذ له منها .. وبس

وعن الكابتشينو يأخذ شوي تقريبا 200 وإلا 150 قلاص

وبعدين ترا العالم ماتشرب ..

بس نصيحه قبل لايحجز يسئل الصاله خصوصاً اذا كانت صالة الدوحة للاحتفالات (الدفنه)

هاذي ممنوع تجيب اي شي من برا ...احتكار

أبداع

[بنت^البحرين1]

الله يعينه مسكين

بس لازم يقوي شخصيته من البداية من يقول اي ، بس خلاص بيقولون نبي ونبي ونبي

لو ولدهم اللي بيتزوج والله مايسوون كل ذي

[دلوليانوز]

اذا البنت..تستاهل..يتحمل

عقب لا صارت في بيت العدل..

بيرتاح من امها..

[قطر دزاين]

اللي يبغي الدح ما يقول اح

المفروض هو الرجل يفرض شروطه مثل مالهم شروط

[ثرية]

خل ايقولهم ان شاءالله ولا يسوي يعني مب يستحي منهم خل ايبلت الوووووووووووويه
بس ويوم العرس بيسكتون ومب قايلييين برررررررررررررررررم
شنو غالي الكابتشينووو

وام المعرسس بدل ماتقعد تفااشر على حساب غيرها ترووح برووحها فشوووووووووون وتدفع لهم وتجيب وووتشيخ بفلووووووووووووسها

[بـــــــنت النوخـّــــذه]

اهي السالفه مهب سالفه ماده ولا نوع الكابتشينو السالفه ومافيها ليش هل يعني لو ماسوو كابتشينو بيبطل العرس ؟؟؟؟؟؟؟؟؟ ولا بتحرم عليه العروس ؟؟؟؟؟؟؟؟؟؟؟؟؟؟؟؟

والي قال يطلقها لا حرام مايجوز هاي زواج مهب لعبه ماتوصل لذي الدرجه 000

عموما الكلمه الاولى والاخيره بيد المعرس 00000000000000

[مرتبش]

شدعوة
اللي يقول طلقها واللي يقول افرض نفسك..داخلين حرب
اذا يقدر خلاص اوكي
واذا مايقدر يكلمهم بالطيب وبعدين يصير خير

هذا زواج ..ومافي شي كامل في الدنيا..

[الخير كله]

عادي خلها تتدلع..
الا كبتشينو
حسره اللي يقول بيوزع الماس
صج ولد فقر

[رنج سبورت]

خل يجيب لهم كرك :)

[دلوليانوز]

خل يجيب لهم كرك :)

:nice::nice::nice:

[@ بوفيصل@]

والله حاله

يقولها الكبتشينو ممنوع فيه مواد مسرطنه ويطيح الشعر

صدقني بتهون من نفسها

[بوطويشم]

السلام عليكم

يقول لا

واذا مانفع يقولهم مع السلامة

بس

[الجووري]

هي وقفت على الكابتشينو اذا الفرقه النسوان 30000 الف وفوق وحق ليله وحده الله يعين المعاااااريس

ادخااااااااار سنيييييين يروح في يووووم

[mannoo66]

كابتشينووو ووراهم عشى؟؟؟

هي متخرعه توها تعرف الكابتشينو الظاهر..خل يقول لها ان شاء الله ويطننش...
الله يذكر ايامنا بالخير ....ايام ما ابهاتنا يرجعون جزء من المهر للمعرس ..وهذا ربي مبارك في زواجات جيلنا...هالجيل يحط ماوراه ودونه بالعرررس واخرتها مايتمون شهرين الا منفصلين ...

الله يوفق المعاريس ويصلح ام العروس

[mannoo66]

عادي خلها تتدلع..
الا كبتشينو
حسره اللي يقول بيوزع الماس
صج ولد فقر
يوزع الماس؟ ليش؟ لايكون هالعالم بيدرون عنه عقب العرس اووووول مابيسوون بيحشون فيه وفي عروسته وفي العرررس..وزعي انتي الماس في عرسج ولا عرس ولدج وعزميني يا بنت العز :)

[واحد ثقة]

بئس الأم هذه ،،

بعض النساء عقولهن ضئيلة جداً وتضمحل أكثر مع مرور العمر ،،

[فتى الجود]

ذكرني بسيارة الكرك اللى كانت بالكورنيش

كان عندها ذاك الكبتشينوا

( كابتشينوا كابشينوا)

المهم المره تقر

[ANONYMOUS]

طالما مادخل عليها لحد الآن

خل رفيجك يرخصها

وخل امها تطلب كبتشينو من الخيام وتبرد على كبدها

[حليتان*]

والله اذا هذا اولها ينعرف تاليها ..

قول خل ينفذ الي يبيه ولا باجر بيلعبون عليه

[" روح قطر "]

ياجماعه أستهدو بالله

الحل طال عمرك

المسكين دفع مئات الالوف لتجهيز العرس والمهر والقاعه وخيام الرجال

ماراح يكلفه الكبتشيو كثر مادفع

مدام المعازيم 400 شخص يوزع المشرويات بطريقه متساويه

150 كبتشينو و150 عصير فرش و100 مشروبات غازيه

وكان الله غفور رحيم

ولا يخرب ليلته علشان كبتشينو

الله يوفق له ويهديهم لبعض

[مساهم فنان]

ههه نسوان آخر زمن .... ايتطرون ...يبون يسون في العرس شي ما سواه أحد من مستواهم .....
ناقصات عقل ودين .....
لو عندهم عقل جان ما خسروا فلوسهم على التوافه ... وهذا منافي للدين الذي يدعوا إلى عدم التبذير ..

[حليتان*]

خل يسايسها .. ويقول لها في ناس ماتحب هالاشياء << مشكله لو راسها يابس

[ضوى]

الصراحة كل مالي واسمع اشياء عجب سبحان الله صج الناس تغيرت وتبي تقلد بعضها لو على حساب ميزانيتها ، يازين اعراس اول ودلال الرسلان اللي تدور عالمعازيم يا زينها زيناه والشاي الاحمر في البيالات القديمة ياحلوها والله ، وكم صينية عيش ولحم بوسط الحوش والمعرس تهنى بعروسه ولا همهم فلان ولا علان ، شنقول بس في عيال هالوقت اذا الام جذي وهاي طلباتها ، ماننكر انه الزمن يتغير والاشياء تتطور بس بعد مب حلو اقلد الناس بكل شئ يسوونه ليش مايكون العرس مميز بتمييز العريس والعروسة بس؟؟ ليش لازم يكون مميز بالمظاهر الكذابة اللي اغلبها بالدين الا من رحم ربي ؟؟

[ANONYMOUS]

ياجماعه أستهدو بالله

الحل طال عمرك

المسكين دفع مئات الالوف لتجهيز العرس والمهر والقاعه وخيام الرجال

ماراح يكلفه الكبتشيو كثر مادفع

مدام المعازيم 400 شخص يوزع المشرويات بطريقه متساويه

150 كبتشينو و150 عصير فرش و100 مشروبات غازيه

وكان الله غفور رحيم

ولا يخرب ليلته علشان كبتشينو

الله يوفق له ويهديهم لبعض



ليش 100 ببسي

60 قوطي اعتقد كافي وخصوصا ان الببسي صار بريال ونصف

[mannoo66]

اللي يقهر في الموضوع مب سالفه الكبتشينو..اللي يضايق ان ام العروس تتشررط ..

[محمد عبدالرحمن]

أخي الكريم،

انصح صاحبك بأن يجادل شؤون زواجه مع أهله و أهلها بدل أن يكون همه الشخصي، موضوعاً يطرح على الملأ في هذا المنتدى العام الذي أتمنى أن تعود إليه مواضيع الشأن العام التي تهدف للارتقاء بالإنسان في بلدي الغالي قطر.

تحياتي،
محمد (الديان سابقاً)

[بدون]

أخي الكريم
نصيحة أن المعرس يخلي حد من هله (امه أو اخته ) تكلم العروس إذا هو ما يقدر يكلمها، و تشرح لها الوضع و ما يخلي المسألة تتطور للأسوأ بزيادة المصاريف. إذا البنت شاريته بتكون عاقلة و بتعرف شلون تغير رأي أمها، لكن إذا كانت من النوعية الثانية اللي تبغي تفوشر على حساب مستقبلهم فهذي يبي لها حل ثاني. بس المهم انه ما يتسرع في اتخاذ القرار بالطلاق على سبة طلب من الأم. ممكن جدا تكون العروس ذات عقل و دين و تقدر تتحكم في هذي المسألة. هذا نوع من الاختبار لهم الأثنين قبل لا تبدأ حياتهم الفعلية مع بعض و بيعرف على أساسها شلون بتكون حياته معاها في المستقبل. و نسأل الله لهم التوفيق و السداد .

[ANONYMOUS]

ولا خله يكلم المدام وتسوي له ديسكاونت على المهر..

تشيل 4 الف على جمب حق الكبدشينو

[@ بوفيصل@]

أخي الكريم
نصيحة أن المعرس يخلي حد من هله (امه أو اخته ) تكلم العروس إذا هو ما يقدر يكلمها، و تشرح لها الوضع و ما يخلي المسألة تتطور للأسوأ بزيادة المصاريف. إذا البنت شاريته بتكون عاقلة و بتعرف شلون تغير رأي أمها، لكن إذا كانت من النوعية الثانية اللي تبغي تفوشر على حساب مستقبلهم فهذي يبي لها حل ثاني. بس المهم انه ما يتسرع في اتخاذ القرار بالطلاق على سبة طلب من الأم. ممكن جدا تكون العروس ذات عقل و دين و تقدر تتحكم في هذي المسألة. هذا نوع من الاختبار لهم الأثنين قبل لا تبدأ حياتهم الفعلية مع بعض و بيعرف على أساسها شلون بتكون حياته معاها في المستقبل. و نسأل الله لهم التوفيق و السداد .

صح السانك :nice:

[VIP-QATAR]

ولا خله يكلم المدام وتسوي له ديسكاونت على المهر..

تشيل 4 الف على جمب حق الكبدشينو

هههههههه احسن حل :nice:

[شجرة الدر]

السلام عليكم

يقول لا

واذا مانفع يقولهم مع السلامة

بس


:nice::nice:

[عذايب قطر]

والله حاله
طالعينلنا طلعه هالايام .. وايد عليهم شاي وقهوه
يعني شو بيصير اذا ماشربوا كابتشينوا

الصراحة الله يكون في عوون المعرس والمفروض يفرض رايه اشوي على الاقل يكلم العروس.
والله يهنيهم.

تحيايت لكم
عذايب قطر

[برق لمع]

انا اشوف يوزع عشرج احسن وافيد للصحة
يعني وقفت على كاباتشينو (اللي هذا اوله....)

[شذى الورد]

مسكينه العروس ماطلبت إلا كابتشينو والمعرس عفس عمره :telephone:
أجل لو طلبت العشا ع الطاولات يتهيألي معرسكم راح يشق جيبه :)
ألحين التوزيعات أشكال وأنواع منها الشاي المغربي والنسكافيه والكابتشينو والحريروه
طبعاً غير الشاي والقهوه
هي جات ع الكابتشينو بس ؟؟؟
ومش معنى أن المعازيم 400 أروح أجيب 400 كوب
يكفي 100 كوب كابتشينو لأن مش الكل راح يشربه
وأعتقد سعره 5 ريال مش 10 مثل ما قلتو :victory:
بس والله بعض الردود عجيبه اللي يقول خلها بيت أهلها واللي قاعد يتطنز :secret:
المفرض هو كمعرس يكون جادم على كل شي
مش من أول مشكله يتوهق
وين أمه وين رضيعاته ما يدبرونه ؟؟؟؟
سوق واقف
أخوي قول حق صديقك يسوي الكابتشينو ويفرح ويفرح عروسته
ولا يسوي مشكله من لاشيء
(( ألا يا ليت لي قلبين وأحبك بكل قلبيني ))


http://www12.0zz0.com/2010/03/15/06/151673718.jpg


وإ ذا تبي وحده تسوي الكابتشينو والشاي والقهوه وأسعارها حلوة قولي
وبطرش لك رقمها ع الخاص
ومبروووك مقدماً :nice:

[قطر501]

والله لو تقط بنتها فجبدها احسن علشان مره ثانية تطلب كبتشينو علشان مره ثانية بتطلب كرك من النعيمي

[ام السعف]

والله لو تقط بنتها فجبدها احسن علشان مره ثانية تطلب كبتشينو علشان مره ثانية بتطلب كرك من النعيمي


أما انتوا عليكم تعابير ،، اتخرب بلدان مب بيوت ،،

من غير مبالغات او مظاهرات او مظاهر كذابة ،،

ما اذبحتنا الا المجاملة و دزة الويه وان الأمور سهالات ،،

بكل أدب و احترام يرفع سماعة التلفون و يكلم أم العروس
ويقول لها ،، بنتج في عيوني وكل فلوسي لها و مستعد استلف
والبسها ذهب ،، بس ظروفي المادية ما تسمح لي اني استلف علشان
كابتشينو ،،

[ام السعف]

مسكينه العروس ماطلبت إلا كابتشينو والمعرس عفس عمره :telephone:
أجل لو طلبت العشا ع الطاولات يتهيألي معرسكم راح يشق جيبه :)
ألحين التوزيعات أشكال وأنواع منها الشاي المغربي والنسكافيه والكابتشينو والحريروه
طبعاً غير الشاي والقهوه
هي جات ع الكابتشينو بس ؟؟؟
ومش معنى أن المعازيم 400 أروح أجيب 400 كوب
يكفي 100 كوب كابتشينو لأن مش الكل راح يشربه
وأعتقد سعره 5 ريال مش 10 مثل ما قلتو :victory:
بس والله بعض الردود عجيبه اللي يقول خلها بيت أهلها واللي قاعد يتطنز :secret:
المفرض هو كمعرس يكون جادم على كل شي
مش من أول مشكله يتوهق
وين أمه وين رضيعاته ما يدبرونه ؟؟؟؟
سوق واقف
أخوي قول حق صديقك يسوي الكابتشينو ويفرح ويفرح عروسته
ولا يسوي مشكله من لاشيء
(( ألا يا ليت لي قلبين وأحبك بكل قلبيني ))


http://www12.0zz0.com/2010/03/15/06/151673718.jpg


وإ ذا تبي وحده تسوي الكابتشينو والشاي والقهوه وأسعارها حلوة قولي
وبطرش لك رقمها ع الخاص
ومبروووك مقدماً :nice:

طيب اشرايج تدفعين ال 4000 هذي و انحل المشكلة ؟

[bu abdulla]

و الله انا اشوف الموضوع عادى 400 فى 10 يطلع الحساب 4000 اتوقع الى بيتزوج مهب عيزان عن دفع 4000 الاف ريال و ما يستاهل يزعلهم اذا هم ناس شايرينه و فى خير و اتوقع الى طق باب الناس لازم يدرس الموضوع من جميع النواحى و لازم يحط باله موضيع اكبر من الكابشينوا الصرحه و مبرووووووووووووووو ك مقدما

[BIG-VEGA]

السلام عليكم ورحمة الله وبركاته

أخواني أخواتي الأعزاء اليوم أطرح عليكم موضوع غريب .. أحد أصدقائي قرب عرسه وأمس طالبين منه (( أم العروس طالبه منه توزيع كبتشينو بدل الشاي )) (( وعصاير فرش))




بدون تجريح ... بس ام العروس هذي ماتفكر

نفرض


مجرد فرضيه

لو وحده من المعازيم اطلبت اسبرسو :omg:

او لاسمح الله كافيه لاتيه :eek:

شنو بيكون موقفها من المعازيم

المفروض تفتح ستاربكس كشك على جنب علشان محد يتكلم على عرسهم :)


وسلامتكم

[غلا أبوووي]

اخوووي ممكن ياخذة من مكان ثاني
ويكون ارخص اذا هو مايقدر يقول لا

[saranay1]

يتفق مع الصاله نفسها اللي ستقام عليها الحفلة
ويسالهم اذا اضافوا الكبتشينو كم بيكون السعر
يمكن يحسبونها فري
اما العصاير فصعبة
اذا ابلاش بتشوف كل حرمه اتجرب لها كل انواع العصاير
بس خل يجرب ويسألهم قبل لا يجاوب عليهم
واذا كان السعر غالي فماله داعي ..و يقول لهم انشالله ..

[ام الحنايا65]

الله لايهينها ام العروس اتحط من جيبها اذا اهيه تحب المفوشر والفشخره اقول والله عيب عليكم ياالامهات اللى مثل هاذى والله اعرف ناس مشو زواج بناتهم في امور اهم من هذى الامور التافه وانا اقول لك قوله
خل يقولها ماعندي حق مثل هالامور وعيونه قويه لانه مش عيب والاحرام
الله يوفقه ويتمم زواجه على خير انشاالله

[ام الحنايا65]

اخوووي ممكن ياخذة من مكان ثاني
ويكون ارخص اذا هو مايقدر يقول لا

المشكله اختى مش وين او بكم او ارخص المشكله المبداء عيب على ام العروس اتوقف في وجه المعرس وتتطلب والله لو بنص اريال عييييييييييييييب والله عيب مهمت ام العروس في هذا اليوم توقف مع بنتها وتعلمها وتنصحها اشلون تحترم زوجها واهله وتكون مسئوله عنه وعن بيته 0 والله وين امهاتنا وامهات لاول اللى ماشوف زوج بنتها الا في المناسبات من كثر الحي

[حبر سري]

تدرون شاللي جا على بالي؟
ان العروس او ام العروس ويانا في المنتدى وقروا الموضوع , وشافوا تعليقات الاعضاء , سواء المؤيدة او المعارضة

وشبتكون ردة فعلهم؟ هل الزعل ؟ هل بياخذون فكرة عن المعرس انه بخيل مثلا؟ هل بيتهاوشون وياه؟الله اعلم طبعا

لكن انا اشوف :
1- بصراحة مااعتقد انه من الذوق تقعد تتشرط , لان اللي اتدور الستر والعفاف حق بنتها , والله مااعتقد بتطلب مثل هالطلبات , ولا حتى غيرها , اوكيه البنت لها كل حشيمة وتقدير ومكانة , لكن هالسوالف ترى ماتزيد من قيمة حد بصراحة

2-في جميع الاحوال الكابتشينو بكم بيطلع مثلا؟ 4000 ؟ 5000 ؟ ماراح تتاثر ميزانية المعرس , لاني اعتقد ان حط في باله زود عن هالمبلغ بشكل عام , طبعا انا اتكلم في حالة ان خلاص مافي فايدة يغيرون كلامهم مثلا و وشكله هو وافق على طول

3-بدون الدخول في تفاصيل المشاكل وان فرض الراي يمكن يسبب مشكلة , الزوج لازم تكون له كلمة حاسمة في الموضوع , مايعني هذا يقعد يتهاوش وياهم ولا يطول صوته مثلا او يتجاوز حده ويسكتهم , لكن كل شي بالتفاهم ان شا الله والمنطق يمشي

4-اللي يشوف ان البنت اللي حاط عينه عليها , اتدور الزبو , والمفوشر , والحركات اللي ماله معنى , او يشوف ان اهل العروس يبون يشفطونه شفاط فبصراحة من البداية بلاها , الواحد بياخذ وحدة يعيش وياها كل عمره , تقعد اتنتف فيه من اولها؟

5-استغرب من بعض الامهات او الاباء اللي يتشرطون شروط غريبة , او تعجيزية, مهو كله بيجي على راس بنتهم في الاخير , لان المعرس بيتسلف على عدد شعر راسه علشان يرضيهم , وبيعيش في ديون يمكن طول عمره علشان العرس , يعني بيتلته وبيلتتها وياه.

6-ارجع واكرر ان التفاهم امر مطلوب , وان الزوج لازم تكون له كلمة , ولا بيكون خيخة بصراحة , والنسا اللي يشوفون قدامهم خيخة المفروض مايعطون بنتهم حقه من الاساس.

7-يمكن المعرس يكون موافق عالطلب هذا , بس يعني شوي مستغرب منه , يعني من ناحية المبدأ مب مسبب له اي مشكلة , هنيه نرجع حق النقطة رقم 2.

8-اذا المعرس شايف انهم يستاهلون كل خير , وناس ينشرون بالعيون , ولو انحطوا عالجرح يبرا , فبصراحة انا لو مكانه راح انفذ هالطلب لاني باكون حاط في بالي انهم ماطلبوه علشان يرهقوني مثلا , او يزابون , يمكن حابين الحركة.



وعسى الله يهنيهم ويوفقهم ان شا الله

[حدالكلمه]

يقول ماحصلت حد يسوي الكابتشينو في ذي اليوم بس عقب ما يخلص العرس خخخ

و صاروا يوزعون ايس كريم --

[حدالكلمه]

وبعدين استغرب من اللي يتشرطون على المعرس ؟؟ وبأشياء صراحة تافهه يعني خاطركم تغيرون وتوزعون كابتشينو او ماشابه دفعوا من جيبكم ما أشوف فيها شي

[المغروره]

يتصرف بنفسه مايااخذ شور الحريم اذا بيسمع كلامها مو خالصه الطلبات
صج الحريم عوار رااس
مو كفايه الصاله عليه ويتشرطون
اساسا عيب عليهااااا تقول هالكلام للرجال خليه يسوي الي يسويه
لكن النسوان اعوذ بالله

[النهار]

لوانا منه اوافق من غير تردد واحط مسهل في العصاير والكباتشنيو

[الدمعه]

كبرتو السالفه صراحه .. مافيها شي اذا طلبت كبتشينو وايد اعراس وعزايم يوزعون فيها كبتشينو مب

غريب هالشي اما انهم يشوفون هالحريم اللي يسوون الكبتشينو ويشترونها منهم وبعدين بنات الضيافه

يسونه او من المحلات بس بيكون اعتقد اغلى ..

والمره تبي تفرح بعرس بنتها يعني كم مره بنتها بتعرس .. مب خساره فيها ماقصرت ربت البنت لين طلبوها ..

وليش دايما حاطين على ام العروس .. رفيجتي يوم عرسها ام ريلها فرضت عليها طبالات لا وغيرت الزفه

على كيفها .. وحجزت عشر طاولات خمس من يمين وخمس من يسار واهله العروس ورعها اللي راحو

العرس بدري قعدوا ورا الطاولات المحجوزه ..وغيرهم وغيرهم

[ولد البدع]

من أولها كابتشينو وعصاير فرش .. كان لازم يسألها اشوزعوا في عرسج أكيد عصير بونص ولبن بونص
الله يعين المعرس بس آنا رايي يفاجئهم ويوزع راني حبيبات صج مفاجأه بتكون ...

[أخت الغالي]

اعتقد هآآذي سوالف حريم تكلم احد منهم موب تقولة هووو ولاياخذة من القاعة غوالي على وشو !!

من الخيام الكوب ب5 ريال يعني بـ 100 ريال يطلع 20 كوب خل يسوي لهم 20 كوب بس عن الخاطر ههههههه

كان دفعت هي زين مابيضرها شي احراج التشرط بزيادة

[فهد111]

شر البليه مايضحك

سوق واقف اخاف ام العروس تعرف حق النت وتدش هالمنتدى بالصدفه وتقرى موضوعك << وهقه

وبتطلب بدال الكبتشينو ملك شيك و عصير رمان

[نورالهدى]

انا اقول المشروب مب فرض
يعني يخليه ضمن المنيو
واللي تبغي تشرب
ومافي داعي لخلق مشكلة من لاشيء
ماجات على كباتشينو
خلي الامور سهالات
والله ييسر الامور

[heavy duty q]

اللي يبغي يتجمل بالناس يتجمل بفلوسه مب يقعد يتشرط ويهايط بفلوس غيره

قول حق خويك الكابتشينو مب من سنعنا احنا من استوينا شاي وقهوه

[ام سلطون]

والله طرطره:omen2::omen2::omen2:
خل يقولها العيايز مايحبون الكبتشينو
يحبو الشاي الحمر:victory:

[هند88]

مسكين الله يعنية والله حسيت فيه
لان شكله يستحي..

اذا ماعنده خل يتفاهم مع زوجته ويقولها ماعندي..

[%حورية قطر%]

:omg:

ام العروس مالها حلللللل :nice:

والعياييز شعرفهم بالكابتشينو

الله يهديها بس

[qatar600]

يقول لها ماراح اشتري ولا اجيب لج كابتشينو يعلج تغثينه

وبعدين صالات الاعراس حر موت بغه يعني اللي بتشربه بتفح وبتطبخ جبدها

وبعدين ملابس الاعراس نوعية قماشها عادة حارة يعني الناس مايرغبون في المشروبات الحارة

[شذى الورد]

هههههههههه
وإنتو لين ألحين قاعدين مع هالسالفه :eek5:
والله مايسوى عليهم الكابتشينو اللي طلبوه ههههههههه
بل والله كأنهم طالبين لبن العصفور خخخخخخخخخخ

[MaRuKoO]

مسكينه العروس ماطلبت إلا كابتشينو والمعرس عفس عمره :telephone:
أجل لو طلبت العشا ع الطاولات يتهيألي معرسكم راح يشق جيبه :)
ألحين التوزيعات أشكال وأنواع منها الشاي المغربي والنسكافيه والكابتشينو والحريروه
طبعاً غير الشاي والقهوه
هي جات ع الكابتشينو بس ؟؟؟
ومش معنى أن المعازيم 400 أروح أجيب 400 كوب
يكفي 100 كوب كابتشينو لأن مش الكل راح يشربه
وأعتقد سعره 5 ريال مش 10 مثل ما قلتو :victory:
بس والله بعض الردود عجيبه اللي يقول خلها بيت أهلها واللي قاعد يتطنز :secret:
المفرض هو كمعرس يكون جادم على كل شي
مش من أول مشكله يتوهق
وين أمه وين رضيعاته ما يدبرونه ؟؟؟؟
سوق واقف
أخوي قول حق صديقك يسوي الكابتشينو ويفرح ويفرح عروسته
ولا يسوي مشكله من لاشيء
(( ألا يا ليت لي قلبين وأحبك بكل قلبيني ))


http://www12.0zz0.com/2010/03/15/06/151673718.jpg


وإ ذا تبي وحده تسوي الكابتشينو والشاي والقهوه وأسعارها حلوة قولي
وبطرش لك رقمها ع الخاص
ومبروووك مقدماً :nice:

الله عليج اول رد عاقل اشوفه اللهم لك الحمد عجبي موب عالموضوع على بعض الاعضاء

والله الواحد في هالزمن حتى لين راح يخطب لاحد من اهله يركز على ام العروس اكثر من البنت :rolleyes2:

[ANONYMOUS]

مسكين الله يعنية والله حسيت فيه
لان شكله يستحي..

اذا ماعنده خل يتفاهم مع زوجته ويقولها ماعندي..



انا متأكد ان عنده

بس القهر حركات الاستهبال مالها داعي..


بكون جاد في اقتراحي هالمره..

خل يطفحها كبتشينو هي ومعازيمها..

بس خل ياخذ اقل بوفيه تكلفه

مادري عن الاسعار..

بس بدال مايطلب مثلا.. بو 150 للشخص

خله يختار بو 85 حق الشخص

وباقي الكبتشينو اللي مانشرب..

خل يلفونه لها بجريده

وتوديه تيك اوي معاها

وخلها تدغ فيه لمدة اسبوع مع الغدا والعشا والفطور

[حياة]

يازين اعراس اول والله
لاصالات ولاخرابيط
كلن فبيته وقهوه وشاي وحليب كرك ولقيمات تدور وبيتي فور وبعده العشاء وفارشين الزل على كبر البيت وحاطين الكراسي ومرتبينها سبحان الله والله احس بركتها اكثر من الحين

[ماريسا]

إذا أولها جذي ................................ينعاف تاليها :omen2:

[هبة ريح]

:rolleyes2:

[بومحمد المطاوعه]

انا اقول ماله داعي الكابتشينو

الشاي زين

ومنه انواع

شاي اخضر والاحمر والزعتر والحليب والزنجبيل

احلى بألف مره من الكابتشينو

لانه مب مرغوب عند الكل

والصراحه يكفي انه مسوي عرس ومخسر

المفروض مايتطلبون عليه مثل هالطلبات الي مالها داعي

الانسان يبي يسوي كل شي

بس المشكله في المستقبل لو قالت له عطني فلوس ابي اشتري

فستان حق حفله بنت اخوي ولا اي حفله من اهلها وقلت لها لا

بتنسى الي سويته ف العرس كله ولا بتقدر خسايرك الي خسرتها

بدال لا ادفع 5000 على الكابتشينو

بخلي هالمبلغ عندي وبصرفه عقب

ويعطيكم العافيه

[بومحمد المطاوعه]

المشكله الحين هالزمن ماشي على الافلوس والمظاهر

في بعض المعاريس يكفي بينهم الحب والقلب الصافي

وفي بعضهم الافلوس اهي الي تخليهم مستمرين مع بعض

وطلبات البنت على الرجل عنده مب عنده مب شغلها

اهم شي تشتري وتتدلع جدام ربعها واهلها ومسكين الزوج متلته لين اخر الشهر

وفي بعضهم بالعكس اتقدر موقفه وتقدر الضغط الي عليه وترضى بالواقع

تحياتي لكم

[صوت الضمير]

طالما مادخل عليها لحد الآن

خل رفيجك يرخصها

وخل امها تطلب كبتشينو من الخيام وتبرد على كبدها

هههههههههههههههههههههههه

ردك عجيب

بس صعبه يكون التطبيق

أكره ماعندي التشرط...وياليته على حله

حنا كانوا بيتشرطون اهل العروس بس ماعطاينهم وجهه

[بوخليفة3]

والله انا اشوف ان انتوا مكبرين الموضوع

يعني اللي دفع حق العرس كامل جت ع 4000 فدى ثراها وانتهى الموضوع

[auto body]

اقول راحت علية ومن خله نفسه سبوس العبت به الدجاج

[moonبنتnight]

ههههههههه
رفيج مكبر سالفه 00 عصير فرش يمكن قصدها المعلب 000 والله 100 ريال يغرقهم فيه ياخذه من الجمعية أي نوع مراعي وندي وغيره 00 ويعطيهم الصالة يوزعونه خدمة مجانيه 000

والقهوة والشاي ومشروبات الساخنه ( زعتر و حليب زنجبيل 000 ) على صاحب المحل تجهيز الطاولات وكوشه اغلبها يكون هدية من المحل 00 لا أذا رح محل خدمات متخصص أكيد ياكل عليه مبلغ 00

[ريماس الغلا]

اممممممم


تطورات الحياة الحديثه

[مسلمة]

سبحان الله الإنسان ما يعرف ايش مكتوب له بالغيب
لو درت أم العروس بأن طلبها هاي سيتم مناقشته في منتدى الأسهم كمثال لطلبات الأهل جان لا طلبت ولا اشترطت .. يا جابت بنفسها أو سكتت عن هالطلب

[ام السعف]

سبحان الله الإنسان ما يعرف ايش مكتوب له بالغيب
لو درت أم العروس بأن طلبها هاي سيتم مناقشته في منتدى الأسهم كمثال لطلبات الأهل جان لا طلبت ولا اشترطت .. يا جابت بنفسها أو سكتت عن هالطلب


يعني صرنا انخاف كلام الناس ،، وما قمنا نخاف حساب ربنا يوم
انسكر على الشباب بطلبات ماصخة مايعة مالها معنى ،،

صبابات الشاي 4000 ريال
كابتشينو 4000 ريال
نقوط المعرس 1000 او 2000 او حسب المكانة جدام الناس
مالات التفتيش
التصوير من 10 الاف لين فوق
وغيره وغيره وغيره
كلها أمور ممكن تصير من غير مبالغات ونقول للمعاريس
مباركين عرس الأثنين ليلة ربيع عين وقمرا ،،

[بوحارب]

اذا يبون كرك انه بوفره لهم وبدون مقابل بس قوله يعزمني على العرس<<< يبي يتعشا ههههههههههه

الله يعينه على طلبات الحريم السخيفة !!

[Al- noor]

اقتراح بسيط
100 كوب كبتشينو
100 كوب عصير فريش
300 كوب شاي بانواااعه
يعني حل وسط ويكون تجمل في اهل العروس وامها والمعازيم واهم شي عروسته
وخل المعازيم يشربون ليما يقولون بس.. يعني الاشياء الغاليه حط منها شوي مب شرط كل المعازيم يشربون كبتشينو .. فهمتوا قصدي
.. والله يبارك لهم :nice:

[بوخالد2]

اذا الرجال من الحين مايقدر يقوول لا

الله يعينه بعدين :)

والمفروض ان العروس اتفكر في رجلها مب في شكل العرس شلون بيطلع مظهره قدام الناس

هذا رجل مقدم على زواج من على شكل الصاله والمعازيم !!

الله يهدي بعض الامهات يهدمون بيت بناتهم بأسباب تافه جداا

[بوخالد2]

بعض ردود بعض البنات مؤدين للفكره هذه

ويقولون ليش البنات يعنسوون

هاذي هي مشكله الزبو (( الخارق ))

[Northman]

خلنا واقعيين ,, الامهات في البدايه دوم جذي ,,

خل رفيجك يمشي لها الطلب ,, و يقول لها شتامر عليه بعد زود..

ايام و بتعدي ,, و كل الامور بتكون طيبه

لاتخليه يعاند ,, تراه هو الخسران ,,

بتحمس عليه الام و العروس و يمكن تترس راس اخوانها و ابوها عليه بعد هههه

[Northman]

اقتراح بسيط
100 كوب كبتشينو
100 كوب عصير فريش
300 كوب شاي بانواااعه
يعني حل وسط ويكون تجمل في اهل العروس وامها والمعازيم واهم شي عروسته
وخل المعازيم يشربون ليما يقولون بس.. يعني الاشياء الغاليه حط منها شوي مب شرط كل المعازيم يشربون كبتشينو .. فهمتوا قصدي
.. والله يبارك لهم :nice:

هذا رد عيبني

[بوخالد2]

هذا رد عيبني

شنو اللى اعجبج فيه يابنت !

هل هو حل وسط ام ارضى حق ام العرووس

وبعدين بتمشي كلامها على البنت والرجل من بداية حياتهم الزوجيه

ام ان الرجال رجال وهو اللى يمشي كلامه من بداية الزواج لين اخر الزواج

نفذت لها طلباتها بعد شنو الطلب البايخ هذا (( كبتشينو )) كوفي شوب ولا عرس هذا

[سوق واقف]

خلنا واقعيين ,, الامهات في البدايه دوم جذي ,,

خل رفيجك يمشي لها الطلب ,, و يقول لها شتامر عليه بعد زود..

ايام و بتعدي ,, و كل الامور بتكون طيبه

لاتخليه يعاند ,, تراه هو الخسران ,,؟

بتحمس عليه الام و العروس و يمكن تترس راس اخوانها و ابوها عليه بعد هههه


أهو الخسران ليش

[Al- noor]

شنو اللى اعجبج فيه يابنت !

هل هو حل وسط ام ارضى حق ام العرووس

وبعدين بتمشي كلامها على البنت والرجل من بداية حياتهم الزوجيه

ام ان الرجال رجال وهو اللى يمشي كلامه من بداية الزواج لين اخر الزواج

نفذت لها طلباتها بعد شنو الطلب البايخ هذا (( كبتشينو )) كوفي شوب ولا عرس هذا

اسمح لي بو خالد ارد عليك
مع احترامي الشديد هل جات الكلمه على الكبتشينو .. يعني يثبت رجولته على كبتشينو ؟؟ لا والله الرجوله اللي انا اعرفها انه يحفظ بنت الناس ويصونها ويعرف متى يقول لاء ماجات على كبتشينو هو قدر وجماله قدام الناس ..وفي الاخير بيقولون فلان ولد فلان عرسه مب قاصره شي .. مب مشكله اذا دارى خاطر ام العروس اللي هي امه بعد بمبلغ بسيط 1000 ريال ولاشي .. مب هنا تبين الرجوله الله يسلمك الرجوله تبين في المواقف اللي فعلا تحتاج فعل رجووولي ..
وبعدين الدنيا تغيرت ياخوي .. وبالعكس انا معاك انه كلن واستطاعته وقلت لك الحل الوسط في ردي فووق ترى زين .. ولا له داعي انه التفاهات تخرب فرحتهم .. الرجاجيل عقلهم كبير ويعرفون يحسبون الامور صح .. تخيل لو انه قال لام العروس لاء وماتمشون كلمتكم علي وهالكلام شنو بيصير ؟؟؟ وف النهايه على طلب بسيط وتافه .. انا اقول يتجمل فيهم على قد امكانياته ولا يضغط على روحه 100 كوب مب ضارته

[بوحارب]

بعض ردود بعض البنات مؤدين للفكره هذه

ويقولون ليش البنات يعنسوون

هاذي هي مشكله الزبو (( الخارق ))

المسكينه ماتبي الناس يطلعون من العرس ويتكلمون عن عرسها انه ناصق كذا وكذا

والغبية ما فكرت في زوجها انه بيقط فلوسة على اشيا تافهة ما منها اي فايدة :omen2:

بعضهم غبيات شنقولهم بس :)

[Al- noor]

انا اللي اعرفه ان الرجل تفكيره منطقي .. بس فيه ردود مب منطقيه كلـــــــــــــــــــــــــــــش:eek5:

[طارق]

بعض ردود بعض البنات مؤدين للفكره هذه

ويقولون ليش البنات يعنسوون

هاذي هي مشكله الزبو (( الخارق ))


:)ضحكتني والله كلمه (( الزبو الخارق )) :)

[ام السعف]

المسكينه ماتبي الناس يطلعون من العرس ويتكلمون عن عرسها انه ناصق كذا وكذا

والغبية ما فمرت في زوجها انه بيقط فلوسة على اشيا تافهة ما منها اي فايدة :omen2:

بعضهم غبيات شنقولهم بس :)

صدقت والله ،، وفوق كل ذيه لازم بيلقون عيب في العرس

الا المعرس اشبلاه ماد بوز ؟

الا هي اشبلاها تضحك ( ما جافت خير )

ويييه الورد حلو بس ذبلان حسافة هالشي خرب العرس

العرس كل شي فيه حلو بس المضيفات لو ملابسهم ارتب كان احسن :omen2:

وفي الأخير ليلة علشان خاطر عيون الناس ،، وفي اللستة
عروس ثانية جاهزة للقيل و القال ،،

والمعرص ( من مفعول المرعوص ) عليه انه يشتري البنت بكباتشينو :omen2:
والعروس وامها ما يتقدر الريال عندهم الا اذا نفذ طلباتهم الماصخة :secret:

[ام السعف]

اذا الرجال من الحين مايقدر يقوول لا

الله يعينه بعدين :)



ما عليك منه يتمسكن لما يتمكن و بتجوفه بعدين اشلون بيستلمها معاير :telephone:

[المتضرعه لله]

يمدحون الزعتر والله مامثله بالعكس عليه طلب

الكبتشينوا زبده وسكر تلوع الكبد

العصاير ياخذها بدون غسيل بكل قشرها وقذوراتها بدون تنظيف ويعصرها كانها مرض وهن يشربن على بالهن شئ


شفيه الشاي المزعفر والزعتر والقهوه ماعليه كرك


الله يوفقه لا يوافق ويقول تبين انتي ادفعي

[eXpert*]

اذا مقتنع ويقدر يتوكل على الله ويلبي الطلب

واذا ما يقدر مافيه مانع يعترض بـ دبلوماسية

أنا وجهة نظريّ : ((من يخطب الحسناء لم يغليه المهر))

[ولدالمنتدي]

زبو الناس اتحب اتزبي

[هند88]

من كثر ماسولفتوا في هالسالفه وقطعتوام العروس انا متاكده ان الخبر وصل لها وحست على دمها وقالته خلاص مانبي كابتشينو :tease:

[ام السعف]

من كثر ماسولفتوا في هالسالفه وقطعتوام العروس انا متاكده ان الخبر وصل لها وحست على دمها وقالته خلاص مانبي كابتشينو :tease:

انا متأكدة انها اطلبت توزيع لبن العصفور ،، تبي تثبت ان المعرس ما يرد
لها طلب و حب يغيض اللي تكلموا عنها و عن امها :(

[هند88]

انا متأكدة انها اطلبت توزيع لبن العصفور ،، تبي تثبت ان المعرس ما يرد
لها طلب و حب يغيض اللي تكلموا عنها و عن امها :(


ههههههههههههههههههههههههههههه

يختج اخاف عرسوا واحنا لحين نسولف :omen2:

[بوخالد911]

والله فسق وبطرة


يقووول : لا

[ام السعف]

ههههههههههههههههههههههههههههه

يختج اخاف عرسوا واحنا لحين نسولف :omen2:

اتهقين ؟

بتأكد صبري اشويات كثار :telephone:

[بوخالد911]

من كثر ماسولفتوا في هالسالفه وقطعتوام العروس انا متاكده ان الخبر وصل لها وحست على دمها وقالته خلاص مانبي كابتشينو :tease:

هههههههههههه
ههههههههههههههههههههههههههه
هههههههههههههههههههههههههههههههه


حلووووة

:victory:

[w.qatar]

هههههههههههههههههههههه عجيب هالموضوع ضحكت على ردود البعض

بصراحه المفروض الرجال يتفاهم مع العروس على امور العرس ولايخلون مجال لحد يتدخل الا اذا هم طلبوا المساعده
اغلب الامهات يتشرطون و العروس اصلا ولا هامها شي تحاتي الفستان والكوشة و الميك اب و الشعر وامور التجهيز الخاصه فيها اكثر من القاعه و شبياكلون ولا يشربون المعازيم ؟؟