الاجازه العارضه للمدرسات والمدرسين؟؟؟؟

[مــــلاك]

عندي استفسار للمدرسات بخصوص الاجازه العارضه
يقولون خلصوها قبل نهايه هالشهر ...

لان من تاريخ 1/4 تبدا السنه الماليه الجديده ومنها تبدأ الاجازه العارضه
للسنه الجايه ....

حابه اتأكد من الاخوان والاخوات في المجلس الاعلى

[سحر الليالي]

اي والله ننطر الاجابه عشان نطير اللي بقى من الاجازة

[Toomy]

لا إن شاء الله,انا ما غبت ولا يوم ,عندي العارضه كاملة.

[ريماس الغلا]

الاجازة العارضه للمدرسات والاداريات في المدارس تنتهي مع نهاية العام الدراسي

هذا ما سمعته وسايرين عليه من ايام الديناصورات

[NOORA2008]

اي والله بعد انا سمعت بس مو متاكده من الخبر

[تحداني]

.. كل من يتبع لائحه الموارد البشريه الجديد ..

سواء المجلس الاعلى للتعليم
او الوزارات كلها ..
او اي قطاع يتبع الحكومه بشكل كامل ..

ويتبع الدوله في ذلك


.
.

عليه أن يصفر كل الاجازات ..
سواء كانت اجازات العارضه ..
او الاجازات السنويه ..
قبل شهر 4 ..


.
.

جملكم الله برضى الرحمن

[kitmat]

ياريت في بعد عارضة من 1/4 نحتاج الصراحة الى راحة

[مــــلاك]

جزاج الله خير اختي تحداني الزمن ...

الكلام كثر حول هالموضوع خاصه بين المدرسات بس محد جاب لنا الخبر الاكيــد

لان البعض قال الاجازه لموظفين المجلس الاعلى بس مب للمدرسات والمدرسين

[السد]

اتوقع المدرسين والمدرسات وضعهم غير
لان من الغير معقول ترك الطلاب بدون دراسة خصوصا اذا اجمع كل المدرسين والمدرسات على اخذ اجازات عارضة

[مــــلاك]

اتوقع المدرسين والمدرسات وضعهم غير
لان من الغير معقول ترك الطلاب بدون دراسة خصوصا اذا اجمع كل المدرسين والمدرسات على اخذ اجازات عارضة



ومن قالك ان المدرسات ماخذوها .. اغلبيتهم خلصوها خاصه الي عندها يهال صغار
وطبعا الي مديرتها ماتقدر ولاتراعي تضطر تغيب لاي سبب من الاسباب

[قناص قطر]

الخبر الاكيد للمدرسين والمدرسات

الاجازه 7 ايام بالسنه

7 ايام مع كل بداية شهر 4 حسب قانون الموارد البشريه

وراح يكون هناك اجتماع لتوضيح ذلك

يعني اللي عنده رصيد اجازة لازم ياخذه قبل نهاية شهر 3

لان بتنزل اجازة عارضه جديده بداية شهر 4

[الغلا81]

كلها اشاعات نفس سالفة الزياده الي بأثر رجعي يوم جا شهر 4 الي لازم تنزل فيه زيادة قانون الموارد البشريه باثر رجعي لمدرسات المستقله قالو لا بس حق المعارات فقط اما الي تعيين مباشر في المستقله مالهم شي بس بنزلون لائحه جديده بتعديل رواتبهم وانه الكلام الي كان ينكتب فالجرايد كلام في كلام وهذا الكلام بلسان عيسى الحر لانه الي تعيين مباشر ماينطبق عليهم القانون على قولته

[مــــلاك]

ماعرفنا من نصدق ؟؟؟ ليش دايما يخلونا في حيره ليش مايطلع مسؤول ويقول لنا الخبر الصحيح
لان مايمديهم الي ماخذوا كل العارضه ياخذونها الحين خاصه المدرسات

[الغلا81]

حتى اذا كان الخبر صحيح مب قايلين لكم الا اذا خلص شهر 4 علشان مايسوون ربشه فالمدارس والمدرسات كلهم بيغيبون

[moonبنتnight]

الخبر الاكيد للمدرسين والمدرسات

الاجازه 7 ايام بالسنه

7 ايام مع كل بداية شهر 4 حسب قانون الموارد البشريه

وراح يكون هناك اجتماع لتوضيح ذلك

يعني اللي عنده رصيد اجازة لازم ياخذه قبل نهاية شهر 3

لان بتنزل اجازة عارضه جديده بداية شهر 4


كلام صحيح 00 لان سألوا الموارد البشرية وقالوا لي يطبق عليه القانون الموارد تجدد العارضة في 1/4/2010م

[مــــلاك]

لين الحين ماجانا خبر اكيد عن هالاجازه ....

[بوعلي2]

لين الحين ماجانا خبر اكيد عن هالاجازه ....



اختي صفري بإجازتج قبل نهاية شهر 3

عندي اهل بالمدرسه وقالوا لي هالخبر الحين سألتهم على شانج

واتمنى اني افدتج ولو بشي بسيط

وشكرا

[غابت الشمس~]

لعوووووووووزونا هالمجلس الأعلى
ماعمرهم صدقوا بقراراتهم

شاطرين يحكووون المعلمين والمعلمات كأنهم مكاين مب اوادم <<< وحده توها جايه من المدرسه ومنبطه كبدي ):

[الغلا81]

اليوم صايره ربشه فالمدارس الشبه المستقله بخصوص هالموضوع ومحذرينهم انه الي بتغيب من عارضتها بيخصمون من راتبها شكل الخبر صج ومايبونهم يغيبون (حسبي الله على المجلس الاعلى للتعليم ) ملتهينا في كل شي

[ذيبه مزاجيه]

بل بلحق اغيب الكم يوم اللي بقوا لووووووووووووووووووووووول