ممكن مساعده من اصحاب الخبره

[المستحيله]

السلام عليكم



أخواني وأخواتي أعضاء منتدي الاسهم القطريه ارجو من حضرتكم ايفادتي بي ايهم افضل للفتره القادمه سواء كان للاستثمار او المضاربه حيث لدي مايقارب ربع مليون سيوله وافكر ادش السوق هاليومين ومتردده بين الناقلات وبروه وابي اعرف رايكم وافضلهم للمضاربه في الوقت الحالي وابي معلومات عن المتحده وانا ماابي اوزع رس المال ابي طريقي واحد ابي تنصحوني بشركه وحده ومن خلال ارايكم يقدر الواحد ان شاء الله يتخذ قرار مع ماعنده من معلومات واكون شاكره لكم

[أحزان قطر]

ناقــــــــــــــــــــــــــــــــــلات ناقــــــــــــــــــــــلات ناقــــــــــــــــــــــــــــــــــــــــــــلات وبس وبسعر بين 40 ريال و 37 ريال السهم الذهبي للي أيعرفون قيمتة اذا الخليجين يتهافتون لامتلاكة بس للاسف القطرين هم الي ايفرطون فية ولولا الاكتتابات في الفترة السابقة ولا والله كنت متوقعة بيضاعف مرتين أوثلاث سعرة

[بورصة نت]

الانتظار في هذا الوقت اختي افضل شي حتى يعكس السوق اتجاهه صعودا

[ذيب البورصه]

لو دخلتي السوق حطي في بالك الخساره الربح انسيه

نصيحه لوجه الله الابتعاد عن السوق في الوقت الحالي

[الشرقاوى1]

الانتظار في هذا الوقت اختي افضل شي حتى يعكس السوق اتجاهه صعودا
أوافقك تماما السوق مازال غير مستقر

أعتقد إن نظريه 30% مناسبه أيضا لأن الأسعار مغرية جدا مع التذبذب البسيط

فى تقديرى الإستثمار متوسط المدى يكون فى البنوك
الطويلة المدى الشركات الجديده لأنها متدنيه جدا

المضارب ..... بختك يابو بخيت .... يمشى مع الهوامير .... أركم فى مستشفى الأمراض النفسيه قريبا :)

[المستحيله]

اشكر اخواني واخواتي اللي ردو بس ليش الخساره ياذيب البورصه انا لوشريت اليوم ماراح ابيع قبل سنه لاني ابي استثمار ويمكن اخلي جزء من الميلغ للمضاربات اخوي بورصه نت اشكرك على الرد بس اخوي انا ابي ادخل هالوقت لان الاسعار مغريه مغريه مغريه جدا يعني السيوله لها اكثر من شهرين عندي بس كنت انتظر توقيت مناسب واسعار مناسبه اختي احزان قطر اشكرك على ردك ومرورك وصدقيني انا بين الناقلات وبروه وانشوف شالله يكتب

[ابو الاسهم]

السلام عليكم



أخواني وأخواتي أعضاء منتدي الاسهم القطريه ارجو من حضرتكم ايفادتي بي ايهم افضل للفتره القادمه سواء كان للاستثمار او المضاربه حيث لدي مايقارب ربع مليون سيوله وافكر ادش السوق هاليومين ومتردده بين الناقلات وبروه وابي اعرف رايكم وافضلهم للمضاربه في الوقت الحالي وابي معلومات عن المتحده وانا ماابي اوزع رس المال ابي طريقي واحد ابي تنصحوني بشركه وحده ومن خلال ارايكم يقدر الواحد ان شاء الله يتخذ قرار مع ماعنده من معلومات واكون شاكره لكم
راجعي اختي هذا الموضوع

http://www.qatarshares.com/vb/showthread.php?t=34498&page=1&pp=20

[امير الاسهم]

نصيحه مني لج ادخلي بقلب قوي وتوكلي على الله وانتي ماعليج خوف بتشترين وتنسينها سنه

[أحزان قطر]

اشكر اخواني واخواتي اللي ردو بس ليش الخساره ياذيب البورصه انا لوشريت اليوم ماراح ابيع قبل سنه لاني ابي استثمار ويمكن اخلي جزء من الميلغ للمضاربات اخوي بورصه نت اشكرك على الرد بس اخوي انا ابي ادخل هالوقت لان الاسعار مغريه مغريه مغريه جدا يعني السيوله لها اكثر من شهرين عندي بس كنت انتظر توقيت مناسب واسعار مناسبه اختي احزان قطر اشكرك على ردك ومرورك وصدقيني انا بين الناقلات وبروه وانشوف شالله يكتب


نصيحتي لج بما انج مستثمرة لمدة سنة عليج بالناقلات وراح تدعين لي طول حياتج واذا خايفة أنا أقولج راقبيها هالفترة مو سنة أقل من شهر بس وجوفي وين بتروح أنشالله أبتعدي عن بروة لانها لازالت في التعويم حسب رايي بس ناقلات أنشالله ماعليج خووووووف لانها أسعارها معروفة جيداُ واالله أنا اليوم أموصية صديقة لي مقربة جدا مني بعد نفس ماقلتج وهي عندها مبلغ وتبي تستثمرة وانشالله تفرحون يارب تم تعديل المشاركة أختي بس بقولج أهم شي أتصيدينه بأقل من 40 ريال لاتقولين ماقلت لج لان كل كلمة أمحاسبين عليها تحياتي لج :nice: