المساعد الشخصي الرقمي

مشاهدة النسخة كاملة : النساء القطريات كبار السن طلقو القطريات بال 3


طارق
14-03-2010, 09:57 PM
النساء القطريات كبار السن أعترفو بتشجيعهم الزواج من غير القطريات , لأن الزواج من قطريه يعتبر عبئ مادي للزوج الشاب وعائلته , وأصبح من الشائع الآن مداوله أرقام الخاطبات البحرينيات والحساويات بين النساء كبيرات السن القطريات’ للبحث عن زوجات لأولادهم في فتره الويكند الأسبوعي . و عندما سألت احد نساء عائلتنا عن السبب قالت القطريه يبيلها خرده وولدنا توه بادي حياته .
مع حزني وألمي لسماع تلك الكلمات , خاصه بعد انتشار زواج القطريات بالسر من العرب والهنود بأسلوب المسيار
لأشباع احتياجاتهم الفطريه .
فلا أعرف من المخطئ هل هي العائله او الفتاه او غلاء المعيشه ؟
بوطويشم
14-03-2010, 10:04 PM
السلام عليكم

غلاء تكاليف العرس مب المهر

لان المهر بيروح حق زوجته لكن العرس مظاهر وفلوس تطير على الفاضي
فارس الكلمة
14-03-2010, 10:14 PM
مع حزني وألمي لسماع تلك الكلمات , خاصه بعد انتشار زواج القطريات بالسر من العرب والهنود بأسلوب المسيارلأشباع احتياجاتهم الفطريه .
فلا أعرف من المخطئ هل هي العائله او الفتاه او غلاء المعيشه ؟

كلام غير صحيح .. إذا لم يدعم باحصائيات موثقة .. ثم ان زواج الأجنبي بالقطرية ليس من

السهولة بمكان .. لأنه يتطلب موافقة لجنة الزواج من اجانب .
@ بوفيصل@
14-03-2010, 10:15 PM
سؤال النساء القطريات الي يدورون لعيالهم من برع

ماعندهم بنات للزواج ؟؟؟؟؟؟؟؟؟

اذا كل وحده دورت لولدها من برع من بياخذ بنتها ؟؟؟؟

وهل بتطلب مهر وتكاليف عرس معقوله لبنتها؟؟؟؟؟؟
طارق
14-03-2010, 10:19 PM
كلام غير صحيح .. إذا لم يدعم باحصائيات موثقة .. ثم ان زواج الأجنبي بالقطرية ليس من

السهولة بمكان .. لأنه يتطلب موافقة لجنة الزواج من اجانب .


زواج السر مايبيله توثيق الحكومه ( لأن التوثيق الحكومي مش سبب لعدم الأعتراف بالزواج ) , ايجاب وقبول وشهود ودجاجتين ماكينه .
ساراام
14-03-2010, 10:20 PM
وانااا مااااالي :omen2:
طارق
14-03-2010, 10:21 PM
سؤال النساء القطريات الي يدورون لعيالهم من برع

ماعندهم بنات للزواج ؟؟؟؟؟؟؟؟؟

اذا كل وحده دورت لولدها من برع من بياخذ بنتها ؟؟؟؟

وهل بتطلب مهر وتكاليف عرس معقوله لبنتها؟؟؟؟؟؟


انا استغربت سماع المقوله , لذلك كتبت الموضوع
فتى الجود
14-03-2010, 10:24 PM
أخوى من وين جايب هالكلام

ومنهى العينة من كبار السن اللى قالوا هالكلام

هل هي أحصائية ؟؟
أو دراسة أو أستطلاع ؟؟؟
طارق
14-03-2010, 10:27 PM
أخوى من وين جايب هالكلام

ومنهى العينة من كبار السن اللى قالوا هالكلام

هل هي أحصائية ؟؟
أو دراسة أو أستطلاع ؟؟؟


قعده مجلس:)
ANONYMOUS
14-03-2010, 10:30 PM
زواج السر مايبيله توثيق الحكومه ( لأن التوثيق الحكومي مش سبب لعدم الأعتراف بالزواج ) , ايجاب وقبول وشهود ودجاجتين ماكينه .




هههههههههههههههههههههههههههههههههههههههههههههه حلاتها مسحب



وبخصوص الموضوع..

صحيح مافي احصائيات على ماذكر اخونا فارس الكلمه.. على اساس يكون الموضوع fact


مع اتفاقي معاك ان الزواج مكلف هاليومين..

الله يزينها
الأغر
14-03-2010, 10:31 PM
لا تخلطوا بين زواج المتعه وزواج المسيار لان المسيار حلال حلال حلال ولو في مسيار اول المتقدمين وين المشكله
بوخالد911
14-03-2010, 10:35 PM
حلاة الثوب رقعته منه وفييه
طلعة الروح
14-03-2010, 10:38 PM
كل واحد عقله براسه بس تبقى ظاهره مشينه
خصوصا انه بنات البلد موجودات ما اخلصوا...
وبعدين ابعرف شمصير القطريه لو القطري تم
يتزوج من برع طول الوقت وشنو تأثير هالشي
ع المجتمع والدولة عامة..؟
حليتان*
14-03-2010, 10:39 PM
والله لو على بناتنا بارك الله فيهم ما يطلبون شي ..

بس العيب من الاماهات الي بلفيت ماتبي تبيع بنتها برخيص او الاباء الي بعضهم صارو اخس من الحريم وقامو يتجارون ببناتهم ....




وعلى فكره مافيها شي لو واحد سو له حفله صغيرة في البيت مب لازم في قاعات

اذا الحين الريايل الي قبل كان يحط خيمه او بيت شعر ولا يسويبيته في نادي

الحين في الدبلوماسي والؤتمرات وقاعة المعارض.. قسم بالله محد مضيع العالم الا زبوو البعض منهم



العالم عندهم بيزات ما يفكرون بالناس ذو الدخل المحدود ...



الحمد لله والشكر .. ناس ماتفكر ولا تقدر
دكتورة روح
14-03-2010, 10:47 PM
معقووووله في قطريات
متزوجات هنود ؟؟
وين صارت وعرب سمعنا وشفنا
لكنهم ناس محدده
فتى الجود
14-03-2010, 10:52 PM
قعده مجلس:)



ماسمعته عند عجايزنا ولا في مجالسنا

عموماً لو صار

لو انه كل شاب
قام ياخذ من برع هل بترضى ( كبيرة السن ) ان بنتها ياخذونهم أجانب

وهل بيتقبل المجتمع القطرى هذا ازواج
بـــــــنت النوخـّــــذه
14-03-2010, 10:53 PM
ماظنتي ياخوي كبار السن يسوونها 000000000000

مستحييييييييييييييييييييييييييييييل كل شي يتغير الا تفكيرهم انهم يشجعون على الزواج من خارج البلد 0000000

صج الشخص حر نفسه بالاختيار قطريه ولا غيرها ولكن ماضن العجايز والشياب يرغمونهم على الزواج من بره مستحيل 0000
وعلى طاري ان بنات قطر يتزوجون هنود وعرب مسيّار والله ياريتك شفرت هالجمله اتعور القلب 000000 وصعبه على الواحد يقراها :weeping:

عموما" اشوف سالفه الزواج من اجنبي واجنبيه صارت علج بحلوج البعض بحجه (تكاليف العرس والمهر) مادري احس هاي مؤامره 00000000000 اشدعوه سويتو بنات قطر كلش عاد محد براضي يسهل بالعرس اشدعوه عااااااااااااااد اعتقد لازم نوقف وقفه صدق مع انفسنا وايد اعراس انروحها بنات اشزينهم ومعرسين على قد الحال واعرسهم راقيه والله ساتر عليهم وااااااااااااااايد انا شفت مادري الي يتعذرون بالمهور والتكاليف ذولي شيبون 000 وشنهو وراء القصد

الا القطري كخ ولازم القطريه تاخذ اجنبي ولا القطريه كخ لازم ياخذ اجنبيه اشفيكم مهب لهاي الدرجه شصاير بعقول البعض والكلام الي بدى يتداولونه من تجربه فلان وعلانه ترى هاي فئات ماتمثل المجتمع (ككل)وفي الاول والاخير يبقى النصيب اهو الفاصل لاتكبرونها واتمطونها واهي قصيره 0000000واتحطون بعقول الشباب والشابات افكار وتقنعونهم بها 000مع احترامي لكل بني آدم وبنات حواء باختلاف اجناسهم
بوحارب
14-03-2010, 10:57 PM
والله ربعي مساكين خاطرهم يتزوجون بس كله يشتكون من غلاء تكاليف العرس والمهور

والخسران البنات بيتمون عوانس في بيوت ابهاتهم !!
حليتان*
14-03-2010, 11:13 PM
معقووووله في قطريات
متزوجات هنود ؟؟
وين صارت وعرب سمعنا وشفنا
لكنهم ناس محدده

نعم في وعلى لسان رجال في الاستشارات العائليه


لا وحده دارسه وعندها دكتورة وفي فترة دراستها كل ماجاها معرس ردته

في الاخير لما عنست تقول والله الي يتزوجني اعطيه الي يبيه فلوس عقارات اي شي يبيه بس تتزوج .. والعهده على الراوي

ونسيت اقول ..

اكيد انكم سامعين عن الاتراك والسورين الي يوصلون طلبات المطاعم .. واذا ماسمعتو <<الحين سمعتو .. وبس
BURBERRY
14-03-2010, 11:28 PM
المشكله ان تكاليف العرس مبالغ فيها و بنات قطر يحبووون الزبو

انا هونت عن الزواج لان مجموع تكاليف العرس ( المهر و القاعه و تزيين القاعه و السفر ) طلع 750 الف :(

الشاب من وين يجيب هالمبلغ يا بنات؟ تبووون المعرس ياخذ اقساط و ديووون و يقعد نص عمره يسدد حق البنوك
بدون
15-03-2010, 12:12 AM
بالنسبة حق زواج المسيار من الدول المجاورة : هذي مب حل لأن تكاليف السفر رايح جاي،، و الأبناء و مصاريفهم رايحين معودين معاه بتغطي في المستقبل على مصاريف الزواج في قطر. يعني الأخ صارف صارف.
أما بالنسبة للقطريات اللي يتزوجون من غير القطريين >> سمعت عن عدد قليل جدا ،، فما أعتقد انها وصلت لحد الظاهرة. إذا الشباب كل واحد قاعد يتحجج بالفلوس و المهر و المصاريف، هذا لأنه قاعد يتشرط و يبي مواصفات وحدة ما فوقها فوق،، فيحصل هذي طبعا بعد تتشرط،،، هي و أهلها بعد. يا اخواني اللي يبي يتزوج خله طبيعي يصلي استخارة و يتوكل على الله سبحانه و يدور على بنت الحلال و ان شاء الله ما راح يتعطل. التوفيق من الله في هذي الأمور و الزواج قسمة و نصيب.
ولد النواخذه
15-03-2010, 12:21 AM
سالفتكم ماتسر وخلونا في سبحانيتنا احسن من هالبلاوي الموجوده هاليومين
قطرية فذة
15-03-2010, 12:32 AM
انها الفتنه وكوارثها

وبعيد عن موضوع المهر

هل هنالك فعلاً رجال؟ ام اشباه رجال؟؟؟؟

وهل هنالك رجل فعلاً يحقق الاستقرار؟
almaha19999
15-03-2010, 12:40 AM
ماسمعنا به ولااظن امهاتنا بدور لولدها بنت ماتعرف عنها شي ونعم

في جيرانا لكن تلجا للخطابه صعب

واغلب اللي تزوجوا من هناك على زوجاتهم
يعني هي الزوجه الثانيه ومن تجارب شخصيه اعرفها
خليفة77
15-03-2010, 02:22 AM
كلام غير صحيح .. إذا لم يدعم باحصائيات موثقة .. ثم ان زواج الأجنبي بالقطرية ليس من

السهولة بمكان .. لأنه يتطلب موافقة لجنة الزواج من اجانب .

:nice::nice::nice:
بوحارب
15-03-2010, 02:50 AM
المشكله ان تكاليف العرس مبالغ فيها و بنات قطر يحبووون الزبو

انا هونت عن الزواج لان مجموع تكاليف العرس ( المهر و القاعه و تزيين القاعه و السفر ) طلع 750 الف :(

الشاب من وين يجيب هالمبلغ يا بنات؟ تبووون المعرس ياخذ اقساط و ديووون و يقعد نص عمره يسدد حق البنوك

الله يعينك ويزوجك اخوي :(
امـ حمد
15-03-2010, 02:55 AM
قال الرسول صلى الله عليه وسلم

أقلكم مهراّ اكثركم بركه

هذا غير المظاهر من صالة أعراس تبي 80 الف ريال وغير الخرده

الله المستعان
ام الحنايا65
15-03-2010, 04:01 AM
والله يااخوني الى قاله صاحب الموضوع ترى صحيح وانا من واقع تجربه راح اقولكم وبكل صراحه الى فعلا صاير وجدام اعيون ووسمعته باذونى اولا خطبت السيدات الاكبار في العمر يخطبون حق اعياله صح وهذى جارتنا زوجت ابنا الكبير من خارج قطر والحين توها جايه وخاطبه حق ابنه الثاني من خارج قطر وتمت الموافقه عليه واحنا بنفسنا باركنا لها في هذا الموضوع وصديقتى مش كبيره في السن وايد يعنى مش عجوز بعد قاعده تبى اتزوج ابنها من خارج قطر وغيرهم وغيرهم وانا حاولت اقنعهم انا هذا الشى غلط بنات قطر اولا قالوا والله الزواج فى قطر مكلف واحنا اعيالنا توهم مبتدين حياتهم ومانقدر ندخل في زحمت الديون قلت اوكي 0
انا رحت اخطب حق ولدى كلامناهم كلمونا قالوا حياكم الله رحت قابلت الام المهم توقعون الام اسئلتنى ولدج ايصلى ولدج يشرب ولدج احيشش 0 طبعا لا ولدج وين يشتغل وكم معاشه ودخلت لى في تفاصيل العرس والتكاليف يعنى بالعربي نبى ونبى ونبى تطلع تكاليف العرس لايقل عن (700000 ) ويمكن اكثر طلعت والله والله منصدمه دارت في راسى افكار جاراتى الى يبون يزوجون عيالهم من الخارج والكلام اللى اقراه في المنتدا عن غلاء المهور وتكاليف الزواج وماكنت مصدقه كنت اقول شدعوه هالمبالغه في المهور الصراحه دار الكلام كله في راسى في ثوانى 0 يعنى ماهمهم الولد شنهو همهم المظاهر والفشخره اوكي العرس ليله وبيخلص بس يقولك راعي الطبع مايوز عن طبعه نفذا كل طلباتهم حق العرس وبعدين يعنى راح يطلعون لنا بعد في طلعات ثانيه وسالفه جر سالفه 0 انقهرت يعنى مايبون الستر كل الى همهم المظاهر شوفو الى بياخذ اوالى خذ بنتى سوا لها ياخى قدرو مشاعر اهل الوالد يعنى هذى الام ماعندها احساس تحس من خلال كلامك ان والدها ماله اهميه وماهمك غير المبلغ الى بيدفعه لكم ويحقق راغباتكم يعنى بنتكم غاليه وهو الولد عند اهله رخيص 0 طبعا الى مايبى ولدى ما يالزمنا 0 وين العادات والتقاليد اللى تربينا عليها على يد اهلينا الى اتخلى اهل العروس يستحون يطلبون ويتشرطون على المعرس او اهله ويقولون عيب نطلب على الريال ويمكن ماعنده ويكفي انه رجال 0
وسامحونى جنى طولت عليكم بس والله الى قلته صج وياريته مهب صج
JN000N
15-03-2010, 04:04 AM
كلام غير صحيح .. إذا لم يدعم باحصائيات موثقة .. ثم ان زواج الأجنبي بالقطرية ليس من

السهولة بمكان .. لأنه يتطلب موافقة لجنة الزواج من اجانب .

لا كلامه اللي قاله صحيح

وفي صارت قطريات تزوجو من الدول العربيه الاخرى وطاحو في مشاكل الحين لا تعد ولا تحصى
JN000N
15-03-2010, 04:10 AM
المشكله ان تكاليف العرس مبالغ فيها و بنات قطر يحبووون الزبو

انا هونت عن الزواج لان مجموع تكاليف العرس ( المهر و القاعه و تزيين القاعه و السفر ) طلع 750 الف :(

الشاب من وين يجيب هالمبلغ يا بنات؟ تبووون المعرس ياخذ اقساط و ديووون و يقعد نص عمره يسدد حق البنوك

الله يعينك والله

بس يا جماعه ترى في بنات وايد يبون الستر وقطريات واصيلات.. يمكن الاغلبيه يبون الزبو ومعروفين هذول اللي اصلا متعودين على الدين يحطون الدين على ظهورهم عشان سفر والا عشان ساعه والا طقم والا غيره

وبعدين البنت العدله هي اللي تعرف ان لازم هاللي بيخطبها ماتخليه يكسر ظهره بالدين.. لان هي باجر بتعيش معاه.. فمب معقوله بتتزوج واحد بدايه حياته مبنيه على ديون


الله يوفقكم جميعا
طارق
15-03-2010, 04:10 AM
حلاة الثوب رقعته منه وفييه




اي والله , بس الرقعه صارت اغلى من الطاقه هالأيام
JN000N
15-03-2010, 04:15 AM
اي والله , بس الرقعه صارت اغلى من الطاقه هالأيام


مب الكل اخ طارق

وف نفس الوثت العله مب من المهر نفسه.. البنت تبي تسوي عرس تفرح فيه تعزم اهلها وربعها والكل بس شتسوي لو ان القاعات غاليه؟ شذنبها؟؟؟؟؟

السبب الاول والاخير ترى تحت غلاء القاعات اللي وصلو على 120 الف فالليله .. لو هذي بس تكون مثل الدول المجاوره ببلاش وعليها تامين ويرجع عقب بنعين خير والفستان والطق والشبكه وهاي كله ماراح يكلف ذاك الزود بالعكس بيكون طاح الثقيل
وحتى تنظيم القاعات وترتيبها صحيح في امور مبالغ فيها وايد لكن هذول لقولهم من همهم الزبو بس قدام الناس
طارق
15-03-2010, 04:16 AM
كل واحد عقله براسه بس تبقى ظاهره مشينه
خصوصا انه بنات البلد موجودات ما اخلصوا...
وبعدين ابعرف شمصير القطريه لو القطري تم
يتزوج من برع طول الوقت وشنو تأثير هالشي
ع المجتمع والدولة عامة..؟


تأثير مدمر والله , خاصه عالأمد البعيد
نيتشه
15-03-2010, 04:17 AM
الزواج من غير القطريات له فوائد كثيرة، سيكون هناك تنوع في الأجيال القادمة كأن ترى أبناء السورية والمصرية والمغربية والهندية وغيرها من الجنسيات والتي سوف تثري الثقافة القطرية بدلاً من أن تستمر ثقافتنا تدور في دائرة ضيقة جداً ولا تطور نفسها، ثانياً أعتقد أن مشكلة غلاء المهور والطلبات الكثيرة من أهل العروس سوف تقل لأن عزوف الشباب عن الزواج من قطريات سوف يجعل الناس تعيد النظر في طلباتها الكثيرة ويجبرهم على التنازل عن الكثير من هذه الطلبات في مقابل أن تتزوج إبنتهم وتتوفق.
طارق
15-03-2010, 04:18 AM
والله لو على بناتنا بارك الله فيهم ما يطلبون شي ..

بس العيب من الاماهات الي بلفيت ماتبي تبيع بنتها برخيص او الاباء الي بعضهم صارو اخس من الحريم وقامو يتجارون ببناتهم ....




وعلى فكره مافيها شي لو واحد سو له حفله صغيرة في البيت مب لازم في قاعات

اذا الحين الريايل الي قبل كان يحط خيمه او بيت شعر ولا يسويبيته في نادي

الحين في الدبلوماسي والؤتمرات وقاعة المعارض.. قسم بالله محد مضيع العالم الا زبوو البعض منهم



العالم عندهم بيزات ما يفكرون بالناس ذو الدخل المحدود ...



الحمد لله والشكر .. ناس ماتفكر ولا تقدر


احس بعض الآباء مايبي بناته يتزوجون , كأنه يبي بناته يخدمونه ويصرفون عليه لين يموت
طارق
15-03-2010, 04:30 AM
الله يعينك والله

بس يا جماعه ترى في بنات وايد يبون الستر وقطريات واصيلات.. يمكن الاغلبيه يبون الزبو ومعروفين هذول اللي اصلا متعودين على الدين يحطون الدين على ظهورهم عشان سفر والا عشان ساعه والا طقم والا غيره

وبعدين البنت العدله هي اللي تعرف ان لازم هاللي بيخطبها ماتخليه يكسر ظهره بالدين.. لان هي باجر بتعيش معاه.. فمب معقوله بتتزوج واحد بدايه حياته مبنيه على ديون


الله يوفقكم جميعا


رسبت الأغلبيه في اختبار الزواج لأن اول شيئ لازم تتعلمه الزوجه عدم انهاك زوجها بالديون وحفظ ماله وعرضه
والواحد أشلون يعرف ان فلانه مب راعيه زبو , في زمن يدعي الرجل والمرأه على الناس انهم اصحاب دين على الناس , لكسب المكاسب الدنيويه , الواحد يزعل اذا شاف اقطري راز فلبينيه في الؤلؤه وملبسها عبايه , بس شسون شبابنا يا يدفع ال 300 الف وهو مديون , يا ييدفع ال 50 الف وهو نايم من غير هم الدين
طارق
15-03-2010, 04:32 AM
بالنسبة حق زواج المسيار من الدول المجاورة : هذي مب حل لأن تكاليف السفر رايح جاي،، و الأبناء و مصاريفهم رايحين معودين معاه بتغطي في المستقبل على مصاريف الزواج في قطر. يعني الأخ صارف صارف.
أما بالنسبة للقطريات اللي يتزوجون من غير القطريين >> سمعت عن عدد قليل جدا ،، فما أعتقد انها وصلت لحد الظاهرة. إذا الشباب كل واحد قاعد يتحجج بالفلوس و المهر و المصاريف، هذا لأنه قاعد يتشرط و يبي مواصفات وحدة ما فوقها فوق،، فيحصل هذي طبعا بعد تتشرط،،، هي و أهلها بعد. يا اخواني اللي يبي يتزوج خله طبيعي يصلي استخارة و يتوكل على الله سبحانه و يدور على بنت الحلال و ان شاء الله ما راح يتعطل. التوفيق من الله في هذي الأمور و الزواج قسمة و نصيب.


زواج دوام كامل 24/7 مش مسيار من الدول المجاوره
طارق
15-03-2010, 04:33 AM
سالفتكم ماتسر وخلونا في سبحانيتنا احسن من هالبلاوي الموجوده هاليومين


ارقد وآمن بس المشكله موجوده ماتقدر تتجاهلها
طارق
15-03-2010, 04:37 AM
انها الفتنه وكوارثها

وبعيد عن موضوع المهر

هل هنالك فعلاً رجال؟ ام اشباه رجال؟؟؟؟

وهل هنالك رجل فعلاً يحقق الاستقرار؟

سالفتج طويله
سمعت شبيه هذا الكلام من مرأه من فتره طويله

والحين حالتها ماتسر لاعدو ولا حبيب
طارق
15-03-2010, 04:42 AM
ماسمعته عند عجايزنا ولا في مجالسنا

عموماً لو صار

لو انه كل شاب
قام ياخذ من برع هل بترضى ( كبيرة السن ) ان بنتها ياخذونهم أجانب

وهل بيتقبل المجتمع القطرى هذا ازواج


ياحبيب الشعب , بدون ذكر أمثله , العائله ماصارلها ذاك التحكم في بناتها العاملات مثل أيام زمان
و بعض كبيرات السن , مادام الفتاه تعطيها 2000 ريال من معاشها, بترقد من الساعه 7
وأترك لك الخيال
طارق
15-03-2010, 04:49 AM
الزواج من غير القطريات له فوائد كثيرة، سيكون هناك تنوع في الأجيال القادمة كأن ترى أبناء السورية والمصرية والمغربية والهندية وغيرها من الجنسيات والتي سوف تثري الثقافة القطرية بدلاً من أن تستمر ثقافتنا تدور في دائرة ضيقة جداً ولا تطور نفسها، ثانياً أعتقد أن مشكلة غلاء المهور والطلبات الكثيرة من أهل العروس سوف تقل لأن عزوف الشباب عن الزواج من قطريات سوف يجعل الناس تعيد النظر في طلباتها الكثيرة ويجبرهم على التنازل عن الكثير من هذه الطلبات في مقابل أن تتزوج إبنتهم وتتوفق.


بناتنا الجامعيات , افهم وأعقل من بنت قريه سورية والمصرية والمغربية والهندية
بس ما ادري هو الغرور بالجمال الدائم اذا كان عندها جمال , الحين انا فهمت ليش رب العالمين خلي للمرأه ساعه بيلوجيه , يمكن عشان اذا مخها مافهمها جسمها يفهمها
بنات ضاربهم الغرور , الي تبي شبيه مهند , والي تبي شبيه طارق سويدان , والي تبي الوليد بن طلال , وبعضهم مايبي الى من العائله الحاكمه وهي بنت فراشه
الله المستعان
طارق
15-03-2010, 04:52 AM
ماسمعنا به ولااظن امهاتنا بدور لولدها بنت ماتعرف عنها شي ونعم

في جيرانا لكن تلجا للخطابه صعب

واغلب اللي تزوجوا من هناك على زوجاتهم
يعني هي الزوجه الثانيه ومن تجارب شخصيه اعرفها


ليش الثانيه من الخارج ؟ هل هو عدم اقتناع بالقطريه الأولى لماذ الثانيه ليست قطريه
سمعتو عن بحريني او سعودي او عماني سافر قطر يبحث عن الزوجه الثانيه وأترك لج الخيال
للأسف حتى الواحد اذا طلب من رضيعاته يدورون على مرأه . يقترحون الرضيعات الزواج من غير القطريه , حتى يستبعدون في بعض الحالات الخليجيه
طارق
15-03-2010, 04:57 AM
الله يعينك ويزوجك اخوي :(


يابو حارب
شبابنا المساكين , بين مطرقه الديون والحلال

ي
تزوجو نفس أول , عشاء حق 40 شخص في البيت حق الرجاجيل
و حق 40 مره في بيت المره
وخلاص
والمهر 20 الف وخلو المؤخر 100 الف

مانبي انصير نفس اووربا العجوزه من كثر الشياب
طارق
15-03-2010, 05:06 AM
ام الحنايا65;5599393]والله يااخوني الى قاله صاحب الموضوع ترى صحيح وانا من واقع تجربه راح اقولكم وبكل صراحه الى فعلا صاير وجدام اعيون ووسمعته باذونى اولا خطبت السيدات الاكبار في العمر يخطبون حق اعياله صح وهذى جارتنا زوجت ابنا الكبير من خارج قطر والحين توها جايه وخاطبه حق ابنه الثاني من خارج قطر وتمت الموافقه عليه واحنا بنفسنا باركنا لها في هذا الموضوع وصديقتى مش كبيره في السن وايد يعنى مش عجوز بعد قاعده تبى اتزوج ابنها من خارج قطر وغيرهم وغيرهم وانا حاولت اقنعهم انا هذا الشى غلط بنات قطر اولا قالوا والله الزواج فى قطر مكلف واحنا اعيالنا توهم مبتدين حياتهم ومانقدر ندخل في زحمت الديون قلت اوكي 0
انا رحت اخطب حق ولدى كلامناهم كلمونا قالوا حياكم الله رحت قابلت الام المهم توقعون الام اسئلتنى ولدج ايصلى ولدج يشرب ولدج احيشش 0 طبعا لا ولدج وين يشتغل وكم معاشه ودخلت لى في تفاصيل العرس والتكاليف يعنى بالعربي نبى ونبى ونبى تطلع تكاليف العرس لايقل عن (700000 ) ويمكن اكثر طلعت والله والله منصدمه دارت في راسى افكار جاراتى الى يبون يزوجون عيالهم من الخارج والكلام اللى اقراه في المنتدا عن غلاء المهور وتكاليف الزواج وماكنت مصدقه كنت اقول شدعوه هالمبالغه في المهور الصراحه دار الكلام كله في راسى في ثوانى 0 يعنى ماهمهم الولد شنهو همهم المظاهر والفشخره اوكي العرس ليله وبيخلص بس يقولك راعي الطبع مايوز عن طبعه نفذا كل طلباتهم حق العرس وبعدين يعنى راح يطلعون لنا بعد في طلعات ثانيه وسالفه جر سالفه 0 انقهرت يعنى مايبون الستر كل الى همهم المظاهر شوفو الى بياخذ اوالى خذ بنتى سوا لها ياخى قدرو مشاعر اهل الوالد يعنى هذى الام ماعندها احساس تحس من خلال كلامك ان والدها ماله اهميه وماهمك غير المبلغ الى بيدفعه لكم ويحقق راغباتكم يعنى بنتكم غاليه وهو الولد عند اهله رخيص 0 طبعا الى مايبى ولدى ما يالزمنا 0 وين العادات والتقاليد اللى تربينا عليها على يد اهلينا الى اتخلى اهل العروس يستحون يطلبون ويتشرطون على المعرس او اهله ويقولون عيب نطلب على الريال ويمكن ماعنده ويكفي انه رجال 0
وسامحونى جنى طولت عليكم بس والله الى قلته صج وياريته مهب صج[/b]

اشكرج على مساهمتج لأن البعض متحودب من الشات الى درجه عدم اختلاطه بالعالم الخارجي , بكبر مساهمتج لأنها أثراء كبير للموضوع
انا حره
15-03-2010, 06:25 AM
لنسوان الكبار بهالجيل اصلا غير ذابحهم الحسد

تلقى الولد يبي بنت خاته ولا عمه

اتقول لا حسد وغيره اتقول ازوجك من بره عشان يحتروون ههههههههه

صدقوني هاذا السبب

لان صارت وسمعتها بمجتمعنا وبمجتمع غيرنا
طارق
15-03-2010, 11:59 AM
لنسوان الكبار بهالجيل اصلا غير ذابحهم الحسد

تلقى الولد يبي بنت خاته ولا عمه

اتقول لا حسد وغيره اتقول ازوجك من بره عشان يحتروون ههههههههه

صدقوني هاذا السبب

لان صارت وسمعتها بمجتمعنا وبمجتمع غيرنا



الرجاجيل مخهم مش خفيف عشان يتزوج عشان يحرون ذوي القربى ,
واذا بنت العم والخال تبي الرجال وشاريته , تترك الزبو وتشتري الرجال
مرتبش
15-03-2010, 02:05 PM
الذهب يبقى ذهب
وما اعتقد ان الحريم يقولون القطريات يكلفون.. يعني بالعقل ..الام تدور لولدها اجنبية وبنتها من لها؟ اجنبي ولا تبقى من دون زواج
بوعلي2
15-03-2010, 02:23 PM
الله كريم
N.QTR
15-03-2010, 02:49 PM
لماذا هذا التهجم على القطريـــــــات؟؟؟؟؟:(

حرام عليكم،، اصابع اليد مش ســـــــــــــــــــوا..

الكثير من بنات قطر يريدون الزواج والستر،، ليه الواحد يروح برع؟؟ والقطريه حق منو؟ :rolleyes2:

واتفق مع اختي بنت النوخذه بكل كلمه:shy:

تحيتي واحترامي لك اخي الكريم..
انا حره
15-03-2010, 04:00 PM
الرجاجيل مخهم مش خفيف عشان يتزوج عشان يحرون ذوي القربى ,
واذا بنت العم والخال تبي الرجال وشاريته , تترك الزبو وتشتري الرجال

بس الام والاهل يقدرون يقنعونه بهالشي خذللك وحده من برى احسن ولا خذلك خليجيه :victory:

في قطريات مستورات ويبون الستر ويبون الزواج ولايطلبون مثل الاعجاز الي نسمعه

وفي عوايل مايطلبون شي من المعرس
qtrose
15-03-2010, 04:12 PM
مع حزني وألمي لسماع تلك الكلمات , خاصه بعد انتشار زواج القطريات بالسر من العرب والهنود بأسلوب المسيار
لأشباع احتياجاتهم الفطريه .



شهالكلام ؟؟؟ يعني تبينا نصدق؟؟؟ شنو الدليل ؟؟ يلا هات اثبات

رسمي على كلامك !!!
qtrose
15-03-2010, 04:15 PM
انا استغربت سماع المقوله , لذلك كتبت الموضوع


ها؟ يعني سمعت ؟؟؟ ترى كل شي نسمع ،،،

مب معناته الي نسمعه ممكن يكون حقيقة !!!

وما أعتقد القطرية تقبل على نفسها تتزوج

مسيار ولا من هندي بعد !!!
فرانسـ كوفي
15-03-2010, 04:23 PM
انا اعرف واحد من اقاربي يبحث عن زوجه سعوديه والسبب البنات اللي خطبهم يبون بيت مستقل بروحهم لذلك قرر البحث عن سعوديه والله على ماقول شهيييييييييد

الشاب عمره 22 موظف وسيم يتيم الاب عايش مع امه واخته في بيت ملك يعني بيتهم شبه فاضي بس بناتنا الله يهديهم فيهم دلع زااااااااااااااااااايد عن حده وشحقه بيت مستقل دام بيت اهله فاضي وعنده جناح مستقل

الله يرزقه بنت الحلال
ام الحنايا65
15-03-2010, 04:48 PM
شهالكلام ؟؟؟ يعني تبينا نصدق؟؟؟ شنو الدليل ؟؟ يلا هات اثبات

رسمي على كلامك !!!
اسمحى اختى على المداخله لتوضيح لك وللغير اللى مبمب امصدقين ويبون اثبات يعنى اختى ماقريتى المواضيع اللى في المنتدا عن ابناء القطريات المتزوجات من خوارج قطر والمطالبه بحقوقهم لانه الام قطريه والاب اجنبى اختى السالفه قديمه ومازالت بذا من البنات اللى فاتهم القطار بسبت المعناه الى يعانى منها المجتمع حليا فيه وايد بعد
طارق
15-03-2010, 04:49 PM
ها؟ يعني سمعت ؟؟؟ ترى كل شي نسمع ،،،

مب معناته الي نسمعه ممكن يكون حقيقة !!!

وما أعتقد القطرية تقبل على نفسها تتزوج

مسيار ولا من هندي بعد !!!


:omg: ليش ماصارت :eek5:
بطل الفريج
15-03-2010, 04:59 PM
زواج دوام كامل 24/7 مش مسيار من الدول المجاوره

يا أخي المشاكل موجودة و أعتقد لين الحين ما بردت سالفة الجد اللي قبضوا عليه يوم هرب مع حفيده من البحرين و جابه الدوحة.
على الأقل لما القطرية تتطلق يكونون العيال في الدوحة و أهلهم يشوفونهم مب تتشتت العائلة كل واحد في بلد. رحمة بعيالكم لا أحد يكبر السالفة في مخ الشباب.
qtrose
15-03-2010, 08:14 PM
اسمحى اختى على المداخله لتوضيح لك وللغير اللى مبمب امصدقين ويبون اثبات يعنى اختى ماقريتى المواضيع اللى في المنتدا عن ابناء القطريات المتزوجات من خوارج قطر والمطالبه بحقوقهم لانه الام قطريه والاب اجنبى اختى السالفه قديمه ومازالت بذا من البنات اللى فاتهم القطار بسبت المعناه الى يعانى منها المجتمع حليا فيه وايد بعد


أتوقع أغلب القطريات الي متزوجين أجانب ، يا إما يكونون أزواجهم

بدون ، وانت تعرفين من هم البدون ، أو من مواطنين دول

مجلس التعاون أو من دول عربية وغالبا يكون قريب من طرف

الأم ، وأنا أتكلم من الواقع وقاعدة أجيب أمثلة من ناس اعرفهم ،،،

أما انها تتزوج من غير عربي سمعنا بكم قصة وكان أغلبها هروب

مع صبي البيت أو الدريول ،،، لكن هالشي نااااادر ، ما أظن قطرية

ترضى زوجها يكون هندي أو انجليزي أو فلبيني !!!!
cristal
15-03-2010, 09:03 PM
بصراااحه دوشتونا مع هالمواضيع الماصخه
اللى بياخذ من برا محد بيوده الله يوفقه

اما كل يووم ناط لنا واحد
الا العيووز مسولفه فالميلس
والا فلان جاي يتشكى من متطلبات هالوقت
ماصاااارت
وين مسؤلين المنتدي


بنات قطر ماعليهم قاااصر
الحمد الله من دين ومن اخلاق ومن جمال ومن ذوووق


وياليت هالمواضيع التااافه تتسكر لان ماعتقد منتدى مثل الاسهم القطرية بحاجه حق
سوووالف باااااااااااااااااايخه


:anger1::anger1:
بـــــــنت النوخـّــــذه
15-03-2010, 09:33 PM
بصراااحه دوشتونا مع هالمواضيع الماصخه
اللى بياخذ من برا محد بيوده الله يوفقه

اما كل يووم ناط لنا واحد
الا العيووز مسولفه فالميلس
والا فلان جاي يتشكى من متطلبات هالوقت
ماصاااارت
وين مسؤلين المنتدي


بنات قطر ماعليهم قاااصر
الحمد الله من دين ومن اخلاق ومن جمال ومن ذوووق


وياليت هالمواضيع التااافه تتسكر لان ماعتقد منتدى مثل الاسهم القطرية بحاجه حق
سوووالف باااااااااااااااااايخه


:anger1::anger1:

http://www.aroosqatar.net/vb/images/smilies/Ta_clap.gif

هاي مؤامره وانا اختج الهدف واضح منها000 وشنهويبغون يوصلون من وراه:weeping:

كن الله ماخلق بالدنيا الا القطريه وهات ياعذاريب فيهم 00 اذا فيه 5% مطابق عليهم الكلام ترى بالمقابل فيه 97% يرفعون الراس ومايصير نفتح عين على 5% ونقمض عيونا على ال 95%


وانا سمعت ان في كل ديرة مقبره مادري هل الخبر صحيح ولا غلط
حبة خال
16-03-2010, 11:06 AM
الصج ينقال سمعت بوحدة تزوجت من الدريول الهندي غصب عن اهلها وربي رزقها بمعاقين وانذكرت بالاسم
والثانية متزوجة من لبناني واعرفها شخصيا
وبنت وحده دارسه برع وتزوجت زميلها المصري ايضا معرفة شخصية
ما فيه داعي نكابر وهذي مشكلة واقعية


اختي نتشه اذا الزواج من غير قطرية من وجهة نظرج بيثري المجتمع القطري فاعتقد بيكون اسمه مجتمع الجاليات والدول المجاورة وبيفقد الهوية اللي تميزه

وبيطلع ولدي (كومار)يقول لولد الجيران ( سامي)كيساهي يرد سامي منيح تقبرني

في هالحاله يشترط في عقد الزواج مترجم عند الحاجة

دول مجلس التعاون كلهم اهل ومنهم صلة رحم لكن الزواج اللي من خارج هالنطاق انحط تحته خطوط حمراء
qatar600
16-03-2010, 12:18 PM
بالنسبة لموضوع الطلبات والتشرط من قبل بعض العوائل فهذا واقع وصحيح

بس اللي استغرب منه مايستحي ابو أو أم البنت وهي تقول نبغي عليكم 100 أو 200 الف والله من صجي ماتنكسر عينها وهي محوله الموضوع الى تجارة وصفقة بيع وشراء

وبين المشتري والبايع يفتح الله

والله عيب

وأهلنا قبل يقولون

الله يفنون ( يتشرطون ) بياسر

اذن النتيجة النهائية لمعادلة المنطق

بما أنك تتشرط وتفن المهر أذن انت بيسري ومالك اصل
كازانوفا
16-03-2010, 12:51 PM
كل الاسباب اللى ذكرت هي الواقعه
بن محمود
16-03-2010, 01:39 PM
ارجو من كل قلبي ان تتحول ظاهرة الزواج من الخليجيات الى عادة منتشرة في مجتمعنا
لان بناتنا هني بصراحة وايد كبر راسهم وصاروا يتشرطون بشكل سخيف
ودواهم الوحيد هو المقاطعة التامة...
لابد من الاتجاه الى الزواج من الخليجيات والتركيز على ذلك وتشجيعه
والله ان هذا التوجه له فوائد كثيرة منها فوائد مالية وفوائد سياسية وفوائد اجتماعية ..
ومن ناحية اخرى هي طريقة فعالة جدا >للقضاء على ( آفة ) البنات المغرورات في البلاد
فالتجلس القطرية في بيت اهلها حتى تبلغ ال٣٠ وال٤٠ من عمرها
عندها يأتي دور الندم و الحسرة على الغرور الذي اصابها في شبابها
:victory:
MP3
16-03-2010, 02:21 PM
لومهـر القطريه بنت الأخلاق بيكلفني مليون لاخذها

ولااخذ من برع
طارق
16-03-2010, 02:37 PM
كم شاب قطري مسكين , طاح في مطب بعد ان صرف فوق ال 300 الف على الزواج والعرس , بعد العرس بشهر واحد , عنفصت العروس وطلبت الطلاق
وغرق في الدين والحسره


ا
Mishari
16-03-2010, 02:39 PM
بالنسبة لموضوع الطلبات والتشرط من قبل بعض العوائل فهذا واقع وصحيح

بس اللي استغرب منه مايستحي ابو أو أم البنت وهي تقول نبغي عليكم 100 أو 200 الف والله من صجي ماتنكسر عينها وهي محوله الموضوع الى تجارة وصفقة بيع وشراء

وبين المشتري والبايع يفتح الله

والله عيب

وأهلنا قبل يقولون

الله يفنون ( يتشرطون ) بياسر

اذن النتيجة النهائية لمعادلة المنطق

بما أنك تتشرط وتفن المهر أذن انت بيسري ومالك اصل



على قولتك 100 ألف 200 ألف المهور هذا المبلغ اتزوج فيه خليجيه شامل المصاريف وشهر العسل
طارق
16-03-2010, 06:43 PM
لومهـر القطريه بنت الأخلاق بيكلفني مليون لاخذها

ولااخذ من برع
عليك بالعافيه ياملك الملايين , بس نحن نتكلم عن طبقه اغلبيه الشعب محدودين الدخل
طارق
16-03-2010, 06:54 PM
بالنسبة لموضوع الطلبات والتشرط من قبل بعض العوائل فهذا واقع وصحيح

بس اللي استغرب منه مايستحي ابو أو أم البنت وهي تقول نبغي عليكم 100 أو 200 الف والله من صجي ماتنكسر عينها وهي محوله الموضوع الى تجارة وصفقة بيع وشراء

وبين المشتري والبايع يفتح الله

والله عيب

وأهلنا قبل يقولون

الله يفنون ( يتشرطون ) بياسر

اذن النتيجة النهائية لمعادلة المنطق

بما أنك تتشرط وتفن المهر أذن انت بيسري ومالك اصل


تبي تضحك يا قطر 600, هالسالفه صجيه من كم يوم
قطري خطب من الحسى . ودفع المهر 25 الف , قالت اخت المعرس للأب خذ 20 الف و سوي عرس للبنت في السعوديه وحنا بنسوي واحد في قطر , خذ الاب الفلوس وقالهم خذو البنت ومافي داعي للفشخره الأسراف مب زين . ردو ربعنا قطر وسو عرس ب 150 الف
عشان يستعرضون العروس الجميله حق الناس :secret:
تعتقد من الغلطان الأب الحساوي او اخوانا القطريين
طارق
16-03-2010, 07:04 PM
ارجو من كل قلبي ان تتحول ظاهرة الزواج من الخليجيات الى عادة منتشرة في مجتمعنا
لان بناتنا هني بصراحة وايد كبر راسهم وصاروا يتشرطون بشكل سخيف
ودواهم الوحيد هو المقاطعة التامة...
لابد من الاتجاه الى الزواج من الخليجيات والتركيز على ذلك وتشجيعه
والله ان هذا التوجه له فوائد كثيرة منها فوائد مالية وفوائد سياسية وفوائد اجتماعية ..
ومن ناحية اخرى هي طريقة فعالة جدا >للقضاء على ( آفة ) البنات المغرورات في البلاد
فالتجلس القطرية في بيت اهلها حتى تبلغ ال٣٠ وال٤٠ من عمرها
عندها يأتي دور الندم و الحسرة على الغرور الذي اصابها في شبابها
:victory:


كلامك يابن محمود . هو ما يدور في تفكير معضم الشباب القطري المقبل للزواج , الى من رحم ربي من بعض القبائل الى عندها ولد العم او القبيله ينشرى ماينباع , مش ربعنا المرأه صكت ال 40 وبمخ مراهقه في ال 14
ع.م
16-03-2010, 07:11 PM
القطرية موجودة والبحرينية موجودة والحساوية موجودة.. والنصيب موجود قبلهم كلهم..

الزواج نصيب..

واللي يتقي الله بيتيسر له العرس ومصاريفه..
طارق
16-03-2010, 08:55 PM
القطرية موجودة والبحرينية موجودة والحساوية موجودة.. والنصيب موجود قبلهم كلهم..

الزواج نصيب..

واللي يتقي الله بيتيسر له العرس ومصاريفه..



الله بيسر مصاريف العرس اذا كانت بما ترضيه من تيسير وتسهيل الزواج , لكن رب العالمين ماراح يسير زواج فيه فسق وتبذير , الشيطان بيسر هالزواجات بالديون الربويه
شاكر مرورك
العضو الماسي
16-03-2010, 09:08 PM
الله وأكبر عليكم

الحين كل واحد مرتز لي في سياره ب 250 و 300 الف ويقولى تكاليف العرس غاليه وعيالنا ماعندهم

والعرس كم بيكلف خل نحسبها على السريع

80 - 100 الف مهر

40 الف قاعه رجال

70 الف قاعه حريم

40 شهر عسل

هذي (( 250 )) الف

وين التكاليف غاليه ووين ووين الكلام الي يخترقونه

يعني احين

ماعندك

مرتز لي في سياره ب 250 الف و لي حد حاججك فالزواج تقولي ماعندي ويبيله مصاريف وتكاليف وانت هالتكاليف والمصاريف شاري بها سياره

كل واحد يحكم عقله قبل لايقول مصاريف وغيره ويراجع حساباته وكل شئ وبيدي اني صادق في كلامي .
nouar
16-03-2010, 11:17 PM
النساء القطريات كبار السن أعترفو بتشجيعهم الزواج من غير القطريات , لأن الزواج من قطريه يعتبر عبئ مادي للزوج الشاب وعائلته , وأصبح من الشائع الآن مداوله أرقام الخاطبات البحرينيات والحساويات بين النساء كبيرات السن القطريات’ للبحث عن زوجات لأولادهم في فتره الويكند الأسبوعي . و عندما سألت احد نساء عائلتنا عن السبب قالت القطريه يبيلها خرده وولدنا توه بادي حياته .
مع حزني وألمي لسماع تلك الكلمات , خاصه بعد انتشار زواج القطريات بالسر من العرب والهنود بأسلوب المسيار
لأشباع احتياجاتهم الفطريه .
فلا أعرف من المخطئ هل هي العائله او الفتاه او غلاء المعيشه ؟

يمكن الحكمه عنهم انه نوع من التغيير ....
مب مشاكل من الزواج من القطريات ....
حبة خال
17-03-2010, 08:06 AM
مع احترامي للجميع ما دري ليش صار الموضوع اشبه باستقدام خدامات
النائب
17-03-2010, 08:41 AM
خوش مانشيت

(القطريات يتزوجووووون من تجارهنود وذلك لعدم وجود رجال قطريين يملكون المهر اللازم لإتمام زواجهم *)
طارق
17-03-2010, 11:39 AM
المرأه الفلسطينيه تكافح الأحتلال الفلسطيني بكثره النسل في ظل الحرب ونقص العنايه الطبيه

وعندنا سينقرض القطريون بسبه الزبو الزايد
طارق
17-03-2010, 11:41 AM
مع احترامي للجميع ما دري ليش صار الموضوع اشبه باستقدام خدامات


ليش الي تزوجو هنديات و مصريات أستقدمو خادمات او بناتهم خادمات ؟؟؟

اضنج اخطأتي التعبير ياحبه الفول
المتضرعه لله
17-03-2010, 12:19 PM
للاسف اللي عنده خرب على اللي ماعنده

ومشكله الزواج من غير قطريه اذا انفصلوا ضاعوا لعيال وتشتتوا ويمكن اصبحوا اولاد شوارع للاسف
طبـ الود ـعي
17-03-2010, 12:44 PM
السلام عليكم ورحمة لله
الصرااحة موضوع جميل ومهم وحلو النقااش فية بس يجماعة الخير ليش كل هل سوالف والتضخيم
بختصااااااار مثل ماقال وحسبها اخوي الوو لو كل انسااان متوسط الدخل حط حق عمرة من الراتب مبلغ 5 الالف ريال ووفرهااا فى حسابة الخااص لمدة سنتين فقط وترك عنة الكشخة والفسقة الزايدة وترك عنة السفرات اللى مال اختينها داعي انشاء لله ان ربي بيسهلها علية وبيفرجها وفى ناس وايد تبي الستر اهم شي النية والدعاء ... تحــــــياتي والله يوفق الجميع
Bo Khalid
17-03-2010, 12:51 PM
زواج السر مايبيله توثيق الحكومه ( لأن التوثيق الحكومي مش سبب لعدم الأعتراف بالزواج ) , ايجاب وقبول وشهود ودجاجتين ماكينه .

أخوي وياه مخلل ولا بدون :tease:
لـبـيـه
17-03-2010, 03:07 PM
شباب قطر ماخلصوا
والدليل هالمغازلجيين آلي بالمجمعات ههههههههه


وقدر وجها الي بتاخذ لها دريول ولا بتاع شوارما يازلمه
Navigator 85
17-03-2010, 05:54 PM
الله وأكبر عليكم

الحين كل واحد مرتز لي في سياره ب 250 و 300 الف ويقولى تكاليف العرس غاليه وعيالنا ماعندهم

والعرس كم بيكلف خل نحسبها على السريع

80 - 100 الف مهر

40 الف قاعه رجال

70 الف قاعه حريم

40 شهر عسل

هذي (( 250 )) الف

وين التكاليف غاليه ووين ووين الكلام الي يخترقونه

يعني احين

ماعندك

مرتز لي في سياره ب 250 الف و لي حد حاججك فالزواج تقولي ماعندي ويبيله مصاريف وتكاليف وانت هالتكاليف والمصاريف شاري بها سياره

كل واحد يحكم عقله قبل لايقول مصاريف وغيره ويراجع حساباته وكل شئ وبيدي اني صادق في كلامي .

اخوي او اختي الكريمة

اسعار السيارات ارتفعت وحتى لو اشترى سيارة بـ250 الف حلال علية

لانه راح يستخدم السيارة لسنوات ماراح يدفع 250 الف ريال في يوم واحد

واليوم الثاني يدور له سيارة ثانية وحتى السيارة اللي بـ250 الف ريال اقساط
طارق
17-03-2010, 06:33 PM
مال البخيل ياكله العيار
شقردي
17-03-2010, 06:56 PM
النساء القطريات كبار السن أعترفو بتشجيعهم الزواج من غير القطريات , لأن الزواج من قطريه يعتبر عبئ مادي للزوج الشاب وعائلته , وأصبح من الشائع الآن مداوله أرقام الخاطبات البحرينيات والحساويات بين النساء كبيرات السن القطريات’ للبحث عن زوجات لأولادهم في فتره الويكند الأسبوعي . و عندما سألت احد نساء عائلتنا عن السبب قالت القطريه يبيلها خرده وولدنا توه بادي حياته .
مع حزني وألمي لسماع تلك الكلمات , خاصه بعد انتشار زواج القطريات بالسر من العرب والهنود بأسلوب المسيار
لأشباع احتياجاتهم الفطريه .
فلا أعرف من المخطئ هل هي العائله او الفتاه او غلاء المعيشه ؟

اخوي طارق الزواج قسمه ونصيب ومو محصور على الواحد يتزوج من اجنبيه او من بنت ديرته ولا محصور على البنت تتزوج من ولد ديرتها او من اي دوله ثانيه والكل حر نفسه اما مسألة غلاء المهور اصبحة الان قليله والكل يتمنى توفيق بنته لكن اللي يؤسفني اخوي طارق ان دائما ارى في مواضيعك هدف معين لتشويه سمعة اهل قطر مثل زواج القطريات من هنود وغيره وزواج بالسر هل في مخيلتك ان اهل قطر ناس منحطه وتبيع بناتها بزواج من هندي او بالسر
طارق
17-03-2010, 07:23 PM
اخوي طارق الزواج قسمه ونصيب ومو محصور على الواحد يتزوج من اجنبيه او من بنت ديرته ولا محصور على البنت تتزوج من ولد ديرتها او من اي دوله ثانيه والكل حر نفسه اما مسألة غلاء المهور اصبحة الان قليله والكل يتمنى توفيق بنته لكن اللي يؤسفني اخوي طارق ان دائما ارى في مواضيعك هدف معين لتشويه سمعة اهل قطر مثل زواج القطريات من هنود وغيره وزواج بالسر هل في مخيلتك ان اهل قطر ناس منحطه وتبيع بناتها بزواج من هندي او بالسر


أسفك وصل ,وانا سامحتك
المها قطر
17-03-2010, 08:17 PM
ما ادري وشو الشبة بين مواضيعك ومواضيع الانصاري مذيع ( قناة المجتمع)

ومواضيع دائما تهجم على المراة واحتقارها وتقليل من شأنها
ما ادري رجعنا شيئا فشيئا لعصر الجاهلية من عدم احترام وتقدير للمراة واهانتها وهذا ليس من اخلاق المسلمين

ثانيا يا اخي البنات ترى فيهم خير وراعيات دين واخلاق وهناك الكثير من البنات اللي ما يطلبون الا الستر
والمثال الحي اللي عطاك صورة سيئة على البنات شي اخر و مالك حق تعمم تجربتك على بنات خلق الله كلهم

_ الرجال اللي فية خير المحترم ينشرى وترى الاباء يعرفون ولهم نظرة في الخاطب واذا عرفوا عنة شي تحججوا بمهر وغيرة واذا رجل صالح تلاقيهم يفرحون بة ولا يكثرون علية

_ الرجل الصالح الطيب الدين عملة نادرة واللي يتزوجون من برا اكيد ماحد قبل بهم لسبب ما وبالاول والاخير كل شي قسمة ونصيب
والله اعلم
مروج قطر
17-03-2010, 08:55 PM
النساء القطريات كبار السن أعترفو بتشجيعهم الزواج من غير القطريات , لأن الزواج من قطريه يعتبر عبئ مادي للزوج الشاب وعائلته , وأصبح من الشائع الآن مداوله أرقام الخاطبات البحرينيات والحساويات بين النساء كبيرات السن القطريات’ للبحث عن زوجات لأولادهم في فتره الويكند الأسبوعي . و عندما سألت احد نساء عائلتنا عن السبب قالت القطريه يبيلها خرده وولدنا توه بادي حياته .
مع حزني وألمي لسماع تلك الكلمات , خاصه بعد انتشار زواج القطريات بالسر من العرب والهنود بأسلوب المسيار
لأشباع احتياجاتهم الفطريه .
فلا أعرف من المخطئ هل هي العائله او الفتاه او غلاء المعيشه ؟

الله يهديك كلمة انتشار هاي نحط تحتها الف خط و بعد هنود؟!!!!!!!

مانقدر نقول عن بعض الحالات الشاذه ان هذا الشئ منتشر بالمجتمع القطري و لله الحمد

للحين مجتمعنا ما زال بألف خير و الكثير من القطريات اللي لا تربيتهم و لا اصلهم يسمحون لهم

انهم يحطون نفسهم بهالوضع
سالوته
17-03-2010, 09:11 PM
.
.

ياخوي الكلام اللي تقوله كنت بوعيك أو بدون وعيي أهل قطر مستحيل يزوجون من الشعب الخارجي سوى كان هندي أو غيره ويكون بعلمك ترى عندنا بقطر ما يرضون يزوجون الخليج
شف وهم الخليج يرحون يزوجون أخوانا من الهند .. واللي ما يبغي من بنات قطر يتوكل على الله ما طاح من النجوم أخف للسماء :nice:


على فكرة رجال الهند وصل للي ما وصل له الرجل القطري وغيره وبيتعبون في العلم والاختراعات لين يوصلون له ..
أم علي 2010
17-03-2010, 10:21 PM
كلامك صحيح لكنها عينات بسيطة في المجتمع ما تقدر تعم الكل وتصير قاعده

يعني حطيت اللوم على كله على البنات !!

ما يصير يا اخوي ..

عمري ما سمعت عن بنت صغيرة في سن الزواج خذت اجنبي , اغلبهم يكونون كبار في السن وفاتهم القطار وطبعا شباب قطر يبي وحده على مزاجه وصغيرة وحلوه وهذا اهم شي الشكل .. وهذا مب غلط لان هي الانسانة الي بعيش معاها العمر ..

وبعدين وايد شباب لما يطلبون العرس يقول حق هله ابي وحده قطعه من الجمال ومب مهم من منه وايش اصلها ..

ولا يجيك متزوج و عنده بيت و مره كافه وعافه وعيال و مرته تعونه في كل مصاريف البيت و اخر شي ياخذ حلالها ويحط على راسها شريكة وجان زين بيت البلاد وحده من برع ..
واذا ماجت هذي اللي من برع على مزاجه طلقها و خذ غيرها .. وصارت و قدام عيني لا ويكون عنده عيال من الثانية ..

يعني هذي مب لعبة !! ولا يبلفيت ان بالحلال ..

و اللي يكلم له وحده مالها اصل .. حتى جواز ما عندها .. ويزعل هله بس عشان ياخذها ..

يعني بالله هذي كفو بنت ناس واصل وفصل تاخذه ..

وبعدين انا اقدر ظروف الشباب و اللي الغلاء اللي يعيشونه .. لكن انت كرجال تسلف علشان تشتري سيارة ب 500 الف ولا اكثر عشان تزابي قدام الكل وبالذات البنات وكاهم شكثرهم عند المجمعات ما شوف حد تكلم وقال لهم شي !
وغير جي يحطون لهم صديقات .. وماعتقد ان ما بيصرف على هالصديقة و بيتسلف وبيحط على نفسه علشان بنت حرام .. و بنت الحلال حرام عليها ..

و وايد ازواج يتزوجون وعليهم ديون غير ديون الزواج و يعينونهم حريمهم .. يعني ماظن مافي مره ما تشتغل الحين لا وتصرف على البيت والعيال .. وراعي البيت مع الربع و خيره حق ربعه واهل بيته لا !!

ولا انا غلطانه !!

وللحين في ناس فيهم خير ترى و في ناس ماتشرط .. لكن تدري وين المشكلة .. المشكلة في اهل الزوج يحسبونه ضعف و خوف وهالعايلة تبي تفتك من بنتها .. ما تحطه ان والله هذا سلكنا وعادتنا وتقاليدنا و هذا اقوله عن تجربة شخصية !!

فلا تقول ليش يطلبون علشان الرجال يقدر المراه بقيمتها وكم دفع هالايام .. مب عشان اخلاقها ولا هي من بنته و من اهلها .. ياما خذوا بنات من رؤوس القبايل وناس لهم صيت ولا اطلبوا ولا تشرطوا والنتيجة وشو ما حشمها الرجال

وهذا كلام واقعي و صار بعد ..

والرجال بطبيعته يحب المراه المتحكمه واللي تشرط و اللي تشوف نفسها عليه .. اما الطيبة والحليوه وكل ان شالله يجعمها ويسكتها ..

صدقني ان كانوا البنات طلعوا وخذوا برع .. اكيد هذا من شي صار مب من فراغ !!

والبنت الكفو ما تاخذ الا واحد من مقامها وانا اايد هالشي لكن احيانا الغريب او اللي اقل في الاصل يطلع احسن بوايد من ولد الاصل ..

وبعدين تقول الحريم الكبار ترى وايد حريم تغار من نسوان العيال .. فلو خذت بنت ناس ما تقدر تقول ولا تسوي شي لكن لين خذت وحده من برع مالها لا اهل ولا سند اهني تقدر تحكم وتمشيها على كيفها ..

وكل اللي قلته كلام صحيح .. فا ياريت كلن يفج جيبه و يشوف عيبه

والمفروض الكل يراجع نفسه .. يعني لا نعلق اخطائنا وعلى البنت واهلها ولا المهور والزبو

لان حتى فئة كبيرة من الشباب يحبون الزبو



واسمحو لي على الاطالة .. ادري كلام وايد بس انقهرت من كلام صاحب الموضوع ما احترامي حق رايه

وفي الاخير كلن ينام على الجنب اللي يريحه
الدمعه
17-03-2010, 10:48 PM
كلامك صحيح لكنها عينات بسيطة في المجتمع ما تقدر تعم الكل وتصير قاعده

يعني حطيت اللوم على كله على البنات !!

ما يصير يا اخوي ..

عمري ما سمعت عن بنت صغيرة في سن الزواج خذت اجنبي , اغلبهم يكونون كبار في السن وفاتهم القطار وطبعا شباب قطر يبي وحده على مزاجه وصغيرة وحلوه وهذا اهم شي الشكل .. وهذا مب غلط لان هي الانسانة الي بعيش معاها العمر ..

وبعدين وايد شباب لما يطلبون العرس يقول حق هله ابي وحده قطعه من الجمال ومب مهم من منه وايش اصلها ..

ولا يجيك متزوج و عنده بيت و مره كافه وعافه وعيال و مرته تعونه في كل مصاريف البيت و اخر شي ياخذ حلالها ويحط على راسها شريكة وجان زين بيت البلاد وحده من برع ..
واذا ماجت هذي اللي من برع على مزاجه طلقها و خذ غيرها .. وصارت و قدام عيني لا ويكون عنده عيال من الثانية ..

يعني هذي مب لعبة !! ولا يبلفيت ان بالحلال ..

و اللي يكلم له وحده مالها اصل .. حتى جواز ما عندها .. ويزعل هله بس عشان ياخذها ..

يعني بالله هذي كفو بنت ناس واصل وفصل تاخذه ..

وبعدين انا اقدر ظروف الشباب و اللي الغلاء اللي يعيشونه .. لكن انت كرجال تسلف علشان تشتري سيارة ب 500 الف ولا اكثر عشان تزابي قدام الكل وبالذات البنات وكاهم شكثرهم عند المجمعات ما شوف حد تكلم وقال لهم شي !
وغير جي يحطون لهم صديقات .. وماعتقد ان ما بيصرف على هالصديقة و بيتسلف وبيحط على نفسه علشان بنت حرام .. و بنت الحلال حرام عليها ..

و وايد ازواج يتزوجون وعليهم ديون غير ديون الزواج و يعينونهم حريمهم .. يعني ماظن مافي مره ما تشتغل الحين لا وتصرف على البيت والعيال .. وراعي البيت مع الربع و خيره حق ربعه واهل بيته لا !!

ولا انا غلطانه !!

وللحين في ناس فيهم خير ترى و في ناس ماتشرط .. لكن تدري وين المشكلة .. المشكلة في اهل الزوج يحسبونه ضعف و خوف وهالعايلة تبي تفتك من بنتها .. ما تحطه ان والله هذا سلكنا وعادتنا وتقاليدنا و هذا اقوله عن تجربة شخصية !!

فلا تقول ليش يطلبون علشان الرجال يقدر المراه بقيمتها وكم دفع هالايام .. مب عشان اخلاقها ولا هي من بنته و من اهلها .. ياما خذوا بنات من رؤوس القبايل وناس لهم صيت ولا اطلبوا ولا تشرطوا والنتيجة وشو ما حشمها الرجال

وهذا كلام واقعي و صار بعد ..

والرجال بطبيعته يحب المراه المتحكمه واللي تشرط و اللي تشوف نفسها عليه .. اما الطيبة والحليوه وكل ان شالله يجعمها ويسكتها ..

صدقني ان كانوا البنات طلعوا وخذوا برع .. اكيد هذا من شي صار مب من فراغ !!

والبنت الكفو ما تاخذ الا واحد من مقامها وانا اايد هالشي لكن احيانا الغريب او اللي اقل في الاصل يطلع احسن بوايد من ولد الاصل ..

وبعدين تقول الحريم الكبار ترى وايد حريم تغار من نسوان العيال .. فلو خذت بنت ناس ما تقدر تقول ولا تسوي شي لكن لين خذت وحده من برع مالها لا اهل ولا سند اهني تقدر تحكم وتمشيها على كيفها ..

وكل اللي قلته كلام صحيح .. فا ياريت كلن يفج جيبه و يشوف عيبه

والمفروض الكل يراجع نفسه .. يعني لا نعلق اخطائنا وعلى البنت واهلها ولا المهور والزبو

لان حتى فئة كبيرة من الشباب يحبون الزبو



واسمحو لي على الاطالة .. ادري كلام وايد بس انقهرت من كلام صاحب الموضوع ما احترامي حق رايه

وفي الاخير كلن ينام على الجنب اللي يريحه


يعطيج العافيه على هالكلام السليم ..

يمكن يبون البنات ببلاش ..
هند88
17-03-2010, 11:10 PM
الله وأكبر عليكم

الحين كل واحد مرتز لي في سياره ب 250 و 300 الف ويقولى تكاليف العرس غاليه وعيالنا ماعندهم

والعرس كم بيكلف خل نحسبها على السريع

80 - 100 الف مهر

40 الف قاعه رجال

70 الف قاعه حريم

40 شهر عسل

هذي (( 250 )) الف

وين التكاليف غاليه ووين ووين الكلام الي يخترقونه

يعني احين

ماعندك

مرتز لي في سياره ب 250 الف و لي حد حاججك فالزواج تقولي ماعندي ويبيله مصاريف وتكاليف وانت هالتكاليف والمصاريف شاري بها سياره

كل واحد يحكم عقله قبل لايقول مصاريف وغيره ويراجع حساباته وكل شئ وبيدي اني صادق في كلامي .



هذا اللي كنت بقوله واختصرت علي السالفه
اذا سيارة يقطون عليها مئات الالاف
وعشان الزواج ماعدنا ونتزوج من برى

ترى احنا بعد قطريات وتزوجنا وماعلينا قاصر ...

انا لما تزوجت والله زوجي كان راتبه 7000 ريال مع علاوة الزواج ومكان مكمل سنه في شغل والحمدلله عطاني مهر مقول وسوالي عرس احسن من المقول وسارفرت شهر عسل ... وامورنا ماشية ... :nice:

مثل مافي ناس يطلبون مهور وايد في اكثر يطلبون مهور معقوله...

والا بعد تبون تتزوجون ابلاش ....:omen2:

والله شكله كاتب المقال (جمال القطريات على المحك) كبر راسكم..:nice:


اختصروا السالفه وقولوا نبي نتزوج من برى وبس...
ريمية قطر
18-03-2010, 01:40 AM
سؤال النساء القطريات الي يدورون لعيالهم من برع

ماعندهم بنات للزواج ؟؟؟؟؟؟؟؟؟

اذا كل وحده دورت لولدها من برع من بياخذ بنتها ؟؟؟؟

وهل بتطلب مهر وتكاليف عرس معقوله لبنتها؟؟؟؟؟؟:nice:

:nice:
" روح قطر "
18-03-2010, 02:22 AM
مايتزوج من بري

الا كبير السن أو المعاق أو المطلق

لان القطرى العاقل الصاحى اللى واثق من نفسه ماراح ياخذ أجنيبه ويضيع نفسه وعياله

والحكومه ماتوافق الا على الرجل المعاق أو كبير السن أو المطلق أو المختل عقليا

وعن تجربه لواحد من الأهل ماوافقت الحكومه على زواجه الا بسبب مقنع ومن الاسباب المقنعه

اللى ذكرتها وهو ماتنطبق عليه هالمواصفات ورفضو الموافقه


يعنى طرتو ولا وقعتو دهنا في مكبتنا ( وحلات الثوب رقعته منه وفيه )
العضو الماسي
18-03-2010, 03:28 AM
فديت بلادي والله

لاقالو

فلان بن فلان الفلاني - خطب فلانه بنت فلان الفلاني

ماهب
اسم الزوج

محمد سعد احمد

اسم الزوجه

نيرمين رامي ابو شكوكليته

اسماء الاولاد والبنات

1- رامي - على اسم ابو المره
2- صفيه
3- مازن
4- نسرين
فتى الجود
18-03-2010, 08:10 AM
يقول المثل

مب من خذ المره : من عابل المره

يعنى المرة مب بس مهر
هناك تفاصيل كثيرة ورا العرس

لكن الله يعطي كل انسان على قد نيته
وطن
18-03-2010, 08:27 AM
سؤال النساء القطريات الي يدورون لعيالهم من برع

ماعندهم بنات للزواج ؟؟؟؟؟؟؟؟؟

اذا كل وحده دورت لولدها من برع من بياخذ بنتها ؟؟؟؟

وهل بتطلب مهر وتكاليف عرس معقوله لبنتها؟؟؟؟؟؟

:victory:
شعنونة قطر
18-03-2010, 08:36 AM
الشكوى لله

اللي يبي يتزوج حريم اصل فصل وفنعمه ماشاء الله عليهم وقطريات وطلباتهم مب تهويليه وجميلات

يجيني عندي كذا وحده ودي يكون زواجهم على ايدي :p
الجزوع
18-03-2010, 10:24 AM
الله يهني سعيد بسعيده سواء من قطر والا من بنغلاديش ،
واذا القطريات الكبار طلقوا بنات قطر مايشوفون شر الله يستر عليهم ، وبنآت قطر لهم الله اللي ماينسى عبيده
مرتبش
18-03-2010, 10:26 AM
شعنونة قطر
بتفتحين على نفسج باب صعب يتسكر..هههه

بالتوفيق لكل العزاب
eXpert*
18-03-2010, 11:14 AM
مافي أجمل من مهر80 ألف ريال
+
شهر عسل مميز جداً جداً جداً

لا عرس ولا غيره وشوفوا الحياة ان شاء الله كيف تكون :)
بوخالد2
18-03-2010, 11:25 AM
سؤال النساء القطريات الي يدورون لعيالهم من برع

ماعندهم بنات للزواج ؟؟؟؟؟؟؟؟؟

اذا كل وحده دورت لولدها من برع من بياخذ بنتها ؟؟؟؟

وهل بتطلب مهر وتكاليف عرس معقوله لبنتها؟؟؟؟؟؟

:nice::nice::nice::nice:
cristal
18-03-2010, 09:03 PM
لومهـر القطريه بنت الأخلاق بيكلفني مليون لاخذها

ولااخذ من برع

الله يرزقك القطرية بنت الاخلاق

ما بعد كلامك كلااااام
بـــــــنت النوخـّــــذه
18-03-2010, 11:26 PM
سألت كمن عجيّز عندنا هل انتو قلتو جذيه او سمعتو بجذيه او تأيدون هالكلام ؟؟؟؟
الا هبت فيني اههههههههههههههههه احتفظ بالكلام الي قالته 000:shy:

عموما تكفون كل من له عجيّز ولا شايب يطرح عليه هالكلام وشوفو الردود ؟؟؟:nice:


والله مكشله هالزمن كل من حب له وحده اجنبيه ولا تزوج اجنبيه (مع احترامي للاجانب ماقلت عنهم شي كلهم فيهم الخير والبركه) بس عاد لايجي يحلي الموضوع بعيون البعض بان يفبرك السالفه على انها قضيه العجايز وانهم موافقين كلهم على هذا الشي 0000

مادري ليش هالظاهر منتشره كل من مشى على تصرف معين شاء القدر ان ينحط فيه قام يبغي الكل يشمي بطريجه 0000 ترىيقولون كلن والنصيب الي الله كاتبه 00قطريه ولا بنغاليه ترى قطر لحد الحين في بناتهم وشبابهم وشيابهم وعجايزهم الخير والبركه ولا تغترون ورى سوالف المنتديات 000اخذو وقطو 0وكلن حسب بيئته الي اهو عايش فيها ومدى فهمها للوضع الاجتماعي00
شعنونة قطر
20-03-2010, 09:27 PM
شعنونة قطر
بتفتحين على نفسج باب صعب يتسكر..هههه

بالتوفيق لكل العزاب


وانا جاده :nice:


مازال العرض ساري :rolleyes2:

سألت كمن عجيّز عندنا هل انتو قلتو جذيه او سمعتو بجذيه او تأيدون هالكلام ؟؟؟؟
الا هبت فيني اههههههههههههههههه احتفظ بالكلام الي قالته 000:shy:

عموما تكفون كل من له عجيّز ولا شايب يطرح عليه هالكلام وشوفو الردود ؟؟؟:nice:


والله مكشله هالزمن كل من حب له وحده اجنبيه ولا تزوج اجنبيه (مع احترامي للاجانب ماقلت عنهم شي كلهم فيهم الخير والبركه) بس عاد لايجي يحلي الموضوع بعيون البعض بان يفبرك السالفه على انها قضيه العجايز وانهم موافقين كلهم على هذا الشي 0000

مادري ليش هالظاهر منتشره كل من مشى على تصرف معين شاء القدر ان ينحط فيه قام يبغي الكل يشمي بطريجه 0000 ترىيقولون كلن والنصيب الي الله كاتبه 00قطريه ولا بنغاليه ترى قطر لحد الحين في بناتهم وشبابهم وشيابهم وعجايزهم الخير والبركه ولا تغترون ورى سوالف المنتديات 000اخذو وقطو 0وكلن حسب بيئته الي اهو عايش فيها ومدى فهمها للوضع الاجتماعي00


درر
القلب المؤمن
21-03-2010, 12:56 AM
وانا جاده :nice:


مازال العرض ساري :rolleyes2:



درر


لو قلتي عندج اجنبيات للزواج يا شعنونة كان لقيتي خمسمية رسالة في بريدج :nice:
غلطة الشاطر ...بألف
العثماني
21-03-2010, 08:22 AM
أعتقد الكاتب يقصد الخليجية:con2::con2:

لكن

راح فكركم بعيد ماوراء الخليج

وكل واحد مكتوب له من راح يتزوج وهو في بطن أمه :nice:

ولاحظة موضوع الزواج زاد في المنتدى هذه الأيام
:whistling::whistling::whistling:
Mishari
21-03-2010, 09:42 AM
آخر الا خبار الزواج

فتاه تقدم 60 ألف ريال للجنة تكافل بحثاً عن عريس

احمد العدواني – الدمام

في سابقة هي الاولى من نوعها، قدمت فتاة مبلغ 60 ألف ريال للجنة التكافل الاسرية بإمارة المنطقة الشرقية صباح امس تطلب من خلاله تزويجها لعريس ذي دين وخلق بعد أن رفض والدها تزويجها. أوضح ذلك رئيس اللجنة الدكتور غازي الشمري وقال: إن الفتاه أوضحت انها من قبيلة معروفة وتتمتع بمواصفات الزوجة المثالية ولا ينقصها الا العريس، مشيراً إلى أن هذا دليل عفة وطهارة الفتاة في طلب الستر في تقديم مهرها محذرا الآباء من التحجير وعضل بناتهن وأخذ العبرة من الخليفة الراشد عمر بن الخطاب رضي الله عنه عندما عرض ابنته على بعض صحابته. مبيناً أن اللجنة ستتعامل بشكل سريع مع طلب الفتاة.
طارق
21-03-2010, 10:18 AM
مايتزوج من بري

الا كبير السن أو المعاق أو المطلق

لان القطرى العاقل الصاحى اللى واثق من نفسه ماراح ياخذ أجنيبه ويضيع نفسه وعياله

والحكومه ماتوافق الا على الرجل المعاق أو كبير السن أو المطلق أو المختل عقليا

وعن تجربه لواحد من الأهل ماوافقت الحكومه على زواجه الا بسبب مقنع ومن الاسباب المقنعه

اللى ذكرتها وهو ماتنطبق عليه هالمواصفات ورفضو الموافقه


يعنى طرتو ولا وقعتو دهنا في مكبتنا ( وحلات الثوب رقعته منه وفيه )


الحين الرجل المطلق أصبح في خانه المعاق وكبير السن
كذلك المرأه المطلقه في نظرج , نضعها كذلك في خانه العجايز والمعاقات
طارق
21-03-2010, 10:20 AM
مايتزوج من بري

الا كبير السن أو المعاق أو المطلق

لان القطرى العاقل الصاحى اللى واثق من نفسه ماراح ياخذ أجنيبه ويضيع نفسه وعياله

والحكومه ماتوافق الا على الرجل المعاق أو كبير السن أو المطلق أو المختل عقليا

وعن تجربه لواحد من الأهل ماوافقت الحكومه على زواجه الا بسبب مقنع ومن الاسباب المقنعه

اللى ذكرتها وهو ماتنطبق عليه هالمواصفات ورفضو الموافقه


يعنى طرتو ولا وقعتو دهنا في مكبتنا ( وحلات الثوب رقعته منه وفيه )




[B][RIGHT][SIZE="5"]الحين الرجل المطلق أصبح في خانه المعاق وكبير السن
[COLOR="Red"]كذلك المرأه المطلقه في نظرج , نضعها كذلك في خانه العجايز والمعاقات
طارق
21-03-2010, 01:07 PM
أخوي وياه مخلل ولا بدون :tease:

حسب ياخوي
اذا كان المعرس سوري : يبي مايونيز وثوم
واذا مصري : يبي مخلل وطحينه
والهندي : يبي علوب فلفل
والقائمه كبيره
البعد الخامس
21-03-2010, 04:05 PM
موضوع يؤيد زواج القطري من الأجنبيه

أذا ما الفرق من زواج القطريه ((الدره المكنونه ))

من الأجنبي الذي سيصونها ويحفظها من هذه المهاترات

شوفو حال القطريات مساكين الي راحت تسأل العجايز والي تكتب وبتموت

الأ توضح وتفهم وتقنع الشباب بترك الأجنبيه والزواج

بالقطريه

يالقطريات لماذا ترضون بالذل والأهانه

أنتم أرقى من ذلك
بوخليفة3
21-03-2010, 05:32 PM
والله انا اشوف في مبالغه في طرح موضوع الزواج

انا اعرف شباب تزوجوا ب 120 الف و ب150 الف مع الشبكه بعد
وعرس الريايل كيفه الريال بيسوي عرس مهب مسوي براحته

لكن انا اشوف ان هالشي موجود وانا اقولكم والشباب ربعي يعني معاي فالمجلس
وناسبوا قطريين وعيال ناس

فااااا ليش المبالغه الزايده ولا الواحد يبي يتزوج ب 50 الف مااايصييييير عاد لاتمصخونها انتوا
مب لازم اذا رحت بيت وطلبوا فوق طاقتك يعني خلاص اتروح تاخذ اجنبيه دور فبيوت ثانيه البنات على افى من يشيييل

وبعدين اي قطري يقدر يحصل 100 الف من دوامه والقسط الف ريال وعلى اربع سنين وبدون فوايد
يعني الحمدلله
25 سلفه اعباء حياه+50 الف سلفة زواج +30 الف بدل اثاث
الصراحه اشوفكم وايد مبالغين حرام عليكم ترى مب عدله عليكم خواتكم مقطعينهم تقطع هاليومين فالمنتدى مافي مواضيع الا تكاليف الزواج؟؟

ياخي جمع ووفر عقب تزوج مايصير تشتغل سنه عقب تنقز حق امك اتقولها ابي اتزوج

وبعدين الاهل يساعدون الام الاب الاخ العم الخال تنهد عليك الخمسميات من كل صوب...
بس في شي غلط هاليومين اشوف هاالموضوع وايد ينطرح
البعد الخامس
21-03-2010, 05:47 PM
كثرت الكتابات التي تبين ما وصلت إليه مكانة المرأة في المجتمع القطري

كثرت عندنا المواضيع اللي تكون على أساسها الأهانة للقطرية (( الدره المصونه ))

كل هالمواضيع لها دلالات سلبية ومهينه للمرأة

أهكذا وصل الحال بالقطريه تهان وتذل من قبل القطري

وآحسرتاه على الشاب القطري

بدل ما تصون القطريه تقوم بإهانتها

القطريه لها بأذن الله من يقدرها ويصونها ويحفظها من هذه المهازل والأهانات

القطريه تشترى بالذهب

القطريه ألمااسه

لها من يحفظها ويقدرها
طارق
21-03-2010, 07:49 PM
موضوع يؤيد زواج القطري من الأجنبيه

أذا ما الفرق من زواج القطريه ((الدره المكنونه ))

من الأجنبي الذي سيصونها ويحفظها من هذه المهاترات

شوفو حال القطريات مساكين الي راحت تسأل العجايز والي تكتب وبتموت

الأ توضح وتفهم وتقنع الشباب بترك الأجنبيه والزواج

بالقطريه

يالقطريات لماذا ترضون بالذل والأهانه

أنتم أرقى من ذلك


ياساتر حد ذل القطريات , القطري يناشد القطريه انها ترجع للمنطق , وتبتعد عن حفلات الزواج المسرفه , لكي تساعد القطري يتزوجها من غير ديون ربويه

أو
تعامله معامله الأجنبي حين يتزوجها وتأخذه محمول مكفول كما هو حال 99.99% من حالات زواج القطريه بأجنبي

ملاحظه : الرجل القطري معروف برقيه وأخلاقه وثقافته
طارق
21-03-2010, 07:52 PM
والله انا اشوف في مبالغه في طرح موضوع الزواج

انا اعرف شباب تزوجوا ب 120 الف و ب150 الف مع الشبكه بعد
وعرس الريايل كيفه الريال بيسوي عرس مهب مسوي براحته

لكن انا اشوف ان هالشي موجود وانا اقولكم والشباب ربعي يعني معاي فالمجلس
وناسبوا قطريين وعيال ناس

فااااا ليش المبالغه الزايده ولا الواحد يبي يتزوج ب 50 الف مااايصييييير عاد لاتمصخونها انتوا
مب لازم اذا رحت بيت وطلبوا فوق طاقتك يعني خلاص اتروح تاخذ اجنبيه دور فبيوت ثانيه البنات على افى من يشيييل

وبعدين اي قطري يقدر يحصل 100 الف من دوامه والقسط الف ريال وعلى اربع سنين وبدون فوايد
يعني الحمدلله
25 سلفه اعباء حياه+50 الف سلفة زواج +30 الف بدل اثاث
الصراحه اشوفكم وايد مبالغين حرام عليكم ترى مب عدله عليكم خواتكم مقطعينهم تقطع هاليومين فالمنتدى مافي مواضيع الا تكاليف الزواج؟؟

ياخي جمع ووفر عقب تزوج مايصير تشتغل سنه عقب تنقز حق امك اتقولها ابي اتزوج

وبعدين الاهل يساعدون الام الاب الاخ العم الخال تنهد عليك الخمسميات من كل صوب...
بس في شي غلط هاليومين اشوف هاالموضوع وايد ينطرح


الدعوه ديموقراطيه برو تحت مظله الأحترام المتبادل
طارق
21-03-2010, 07:53 PM
كثرت الكتابات التي تبين ما وصلت إليه مكانة المرأة في المجتمع القطري

كثرت عندنا المواضيع اللي تكون على أساسها الأهانة للقطرية (( الدره المصونه ))

كل هالمواضيع لها دلالات سلبية ومهينه للمرأة

أهكذا وصل الحال بالقطريه تهان وتذل من قبل القطري

وآحسرتاه على الشاب القطري

بدل ما تصون القطريه تقوم بإهانتها

القطريه لها بأذن الله من يقدرها ويصونها ويحفظها من هذه المهازل والأهانات

القطريه تشترى بالذهب

القطريه ألمااسه

لها من يحفظها ويقدرها


القطريه ألمااسه من يحفظها في نظرج القطري أم الأجنبي ؟؟
البعد الخامس
21-03-2010, 09:01 PM
القطريه ألمااسه من يحفظها في نظرج القطري أم الأجنبي ؟؟


لعلمك أنا رجل
أنا نصير المرأه القطريه المظلووووومه
بـــــــنت النوخـّــــذه
21-03-2010, 09:24 PM
كثرت الكتابات التي تبين ما وصلت إليه مكانة المرأة في المجتمع القطري

كثرت عندنا المواضيع اللي تكون على أساسها الأهانة للقطرية (( الدره المصونه ))

كل هالمواضيع لها دلالات سلبية ومهينه للمرأة

أهكذا وصل الحال بالقطريه تهان وتذل من قبل القطري

وآحسرتاه على الشاب القطري

بدل ما تصون القطريه تقوم بإهانتها

القطريه لها بأذن الله من يقدرها ويصونها ويحفظها من هذه المهازل والأهانات

القطريه تشترى بالذهب

القطريه ألمااسه

لها من يحفظها ويقدرها


هذي مؤامره 0000000 اعرفو اشلون يشتتون التفكير للاسف 000انا لاحظت هذا الشي مادري ليش الشباب يصفقون ويأيدون هالنظريه من قال العجايز موافقين 000ليش النظره السوداويه للقطريه 0000خلصنا من كاتب من كمن شهر كاتب مقاله يستهزء بالقطريه جونا ذولي في المنتديات وهات ياعذاريب 000 ترى الشباب والبنات والشياب والعجايز لحد الحين فيهم الخير والبركه 0000ورجاء اي حد يعاني من تفكك اسري او حاله نفسيه معينه000او سوء التدبير في حياته وصله لطريج مسدود لايجي ويعمم النظريه على الجميع اذا انت يافلان ماحالفك النصيب غيرك حالفه النصيب واذا انتي يافلانه ما حالفج النصيب غيرج حالفهم النصيب 000بس مانجي نهمش بنات الديره بالمره ونترك الاجانب يطلعون الاكاذيب لجل تحلى السالفه وتسهل لهم 00وللاسف الي يحز في الخاطر الشباب يصفقون لهم 00000
من ايام واحد نزل موضوع انصدمت منه يقول استانسو يابنات قطر بتتخلصون من عبوديه الزوج القطري والضرب والاهانه وبتعيشون السعاده مع الاجنبي000هذا كلام ينقال لهاي الدرجه وصل بنا الحال ان نسمح بهذي الاقوال000000 صراحه ترى في قطر ريايل اسمحولي:shy: 000000 قدرو معنى المرأه الي اهي امهم/اختهم/بنتهم/زوجه/عمه/خاله 000الخ مهب هات ياعذاريب 0الي بيتزوج الله معاه والي بتزوج الله معاها بس لاتجون اتعممون على الكل واطلعون عيوب 000عيب والله
البعد الخامس
21-03-2010, 11:59 PM
هذي مؤامره 0000000 اعرفو اشلون يشتتون التفكير للاسف 000انا لاحظت هذا الشي مادري ليش الشباب يصفقون ويأيدون هالنظريه من قال العجايز موافقين 000ليش النظره السوداويه للقطريه 0000خلصنا من كاتب من كمن شهر كاتب مقاله يستهزء بالقطريه جونا ذولي في المنتديات وهات ياعذاريب 000 ترى الشباب والبنات والشياب والعجايز لحد الحين فيهم الخير والبركه 0000ورجاء اي حد يعاني من تفكك اسري او حاله نفسيه معينه000او سوء التدبير في حياته وصله لطريج مسدود لايجي ويعمم النظريه على الجميع اذا انت يافلان ماحالفك النصيب غيرك حالفه النصيب واذا انتي يافلانه ما حالفج النصيب غيرج حالفهم النصيب 000بس مانجي نهمش بنات الديره بالمره ونترك الاجانب يطلعون الاكاذيب لجل تحلى السالفه وتسهل لهم 00وللاسف الي يحز في الخاطر الشباب يصفقون لهم 00000
من ايام واحد نزل موضوع انصدمت منه يقول استانسو يابنات قطر بتتخلصون من عبوديه الزوج القطري والضرب والاهانه وبتعيشون السعاده مع الاجنبي000هذا كلام ينقال لهاي الدرجه وصل بنا الحال ان نسمح بهذي الاقوال000000 صراحه انا احييك اخوي صراحه كلامك يثلج الصدر ويبين ان في قطر ريايل اسمحولي:shy: 000000 قدرو معنى المرأه الي اهي امهم/اختهم/بنتهم/زوجه/عمه/خاله 000الخ مهب هات ياعذاريب 0الي بيتزوج الله معاه والي بتزوج الله معاها بس لاتجون اتعممون على الكل واطلعون عيوب 000عيب والله




للعلم أختي الكريمة : أنا صاحب الموضوع الذي يشجع زواج القطريه من الأجنبي

لأن - البعض - من القطريين

للأسف من خلال أكثر من موضوع بالمنتدى

يستهزء بالقطريه ويفضل عليها حتى الخادمه

القطريه أكبر من ذلك وأشرف من أغلب الخادمات

ولا أرضى على أي قطريه بمقارنتها بالأجنبيه

القطريه الماسه وجوهره مكنونه لا يقدرها الأ الذي بمستواها الفكري والأخلاقي
بـــــــنت النوخـّــــذه
22-03-2010, 12:21 AM
للعلم أختي الكريمة : أنا صاحب الموضوع الذي يشجع زواج القطريه من الأجنبي

لأن - البعض - من القطريين

للأسف من خلال أكثر من موضوع بالمنتدى

يستهزء بالقطريه ويفضل عليها حتى الخادمه

القطريه أكبر من ذلك وأشرف من أغلب الخادمات

ولا أرضى على أي قطريه بمقارنتها بالأجنبيه

القطريه الماسه وجوهره مكنونه لا يقدرها الأ الذي بمستواها الفكري والأخلاقي

انزيت انت على اي اساس اتشجع وهل انت تعلم جميع صفات رجال قطر؟؟؟
اذا انت عممت القاعده من حاله او حالتين هذا مهب معناته ان الكل مضطهد0000

والي بمستواها الفكري والاخلاقي حلاته من ثوبها 0000الا في حالات مستعصيه عاد كيفهم 000لكن اتمنى ماتكون لغه التعميم الي اهي لغه الجهلاء اهي اللغه الغالبه على البعض 00000 الي حاب يتزوج اجنبيه عليه بالعافيه والي حابه تتزوج اجنبي عليها بالعافيه بس لما يوصل الامر لتشويه الرجل القطري والمرأه القطريه اهنيه stop لان السالفه امصخت 00ولاحد يتكلم باللسان النساء ولا الرجال الي يبغي يتكلم عن نفسه مهب يجي يعمم 00وعلى طاري ان بعض ارجال الي يستهزء بالقطريه هاي يعاني من مرض نفسي اكيد مليون بالميه مار بتجربه وعطته طابع التشائم000 والباقي فيهم الخير والبركه 000لحين الدنيا بخير وصراحه ماسمعت بالرجل الي يعامل زوجته مثل الخدامه 000ولا شفت بعيني لكن اذا فيه قلت لك فئه تعاني من مرض نفسي وتحتاج علاج فقط0000 والكثير فيهم لخير والبركه00
طارق
22-03-2010, 09:33 AM
:)


للعلم أختي الكريمة : أنا صاحب الموضوع الذي يشجع زواج القطريه من الأجنبي

لأن - البعض - من القطريين

للأسف من خلال أكثر من موضوع بالمنتدى

يستهزء بالقطريه ويفضل عليها حتى الخادمه

القطريه أكبر من ذلك وأشرف من أغلب الخادمات

ولا أرضى على أي قطريه بمقارنتها بالأجنبيه

القطريه الماسه وجوهره مكنونه لا يقدرها الأ الذي بمستواها الفكري والأخلاقي


زين , برو وش جنسيات الأجانب الي راح تسعد القطريه أكثر من القطري بما انك كنت منزل موضوع سابق وعندك خلفيه كبيره بألموضوع :) فياريت اتنورنا بمن هم نظرائها بنظرتك العميقه المستبحره . وياريت اتكون الجنسيات من غير مجلس التعاون الخليجي لأن الخليجي مايعتبر أجنبي بنظر القطري
طارق
22-03-2010, 09:38 AM
هذي مؤامره 0000000 اعرفو اشلون يشتتون التفكير للاسف 000انا لاحظت هذا الشي مادري ليش الشباب يصفقون ويأيدون هالنظريه من قال العجايز موافقين 000ليش النظره السوداويه للقطريه 0000خلصنا من كاتب من كمن شهر كاتب مقاله يستهزء بالقطريه جونا ذولي في المنتديات وهات ياعذاريب 000 ترى الشباب والبنات والشياب والعجايز لحد الحين فيهم الخير والبركه 0000ورجاء اي حد يعاني من تفكك اسري او حاله نفسيه معينه000او سوء التدبير في حياته وصله لطريج مسدود لايجي ويعمم النظريه على الجميع اذا انت يافلان ماحالفك النصيب غيرك حالفه النصيب واذا انتي يافلانه ما حالفج النصيب غيرج حالفهم النصيب 000بس مانجي نهمش بنات الديره بالمره ونترك الاجانب يطلعون الاكاذيب لجل تحلى السالفه وتسهل لهم 00وللاسف الي يحز في الخاطر الشباب يصفقون لهم 00000
من ايام واحد نزل موضوع انصدمت منه يقول استانسو يابنات قطر بتتخلصون من عبوديه الزوج القطري والضرب والاهانه وبتعيشون السعاده مع الاجنبي000هذا كلام ينقال لهاي الدرجه وصل بنا الحال ان نسمح بهذي الاقوال000000 صراحه ترى في قطر ريايل اسمحولي:shy: 000000 قدرو معنى المرأه الي اهي امهم/اختهم/بنتهم/زوجه/عمه/خاله 000الخ مهب هات ياعذاريب 0الي بيتزوج الله معاه والي بتزوج الله معاها بس لاتجون اتعممون على الكل واطلعون عيوب 000عيب والله


لأن يا أختي الي كتب الموضوع , اجنبي مش قطري بكل بساطه
asadfg
22-03-2010, 12:34 PM
انا قطري ومابي اتزوج قطريه صراحه افضل اتزوج من برع بدل وجع الراس وكسر الظهر ولا هو عيب ولا هو حرام لاني مجبور اخذ قطريه ومافيها شي لو حد بغى ياخذ غير قطريه ليش العصبيه والعنصريه الجنسيه ماتحدد معدن الزوجه لكن هني الزواج بصوره عامه بقطر من بنت البلد يكسر ظهر الواحد غير الله يستر عقب اذا ماصار نصيب تعال وطلق ولا تعالي وخلعي مشاكل وعوار راس وكسر ظهر ووهقه انا انسان افضل الزواج من اجنبيه بكل بساطه
طارق
22-03-2010, 01:37 PM
انا قطري ومابي اتزوج قطريه صراحه افضل اتزوج من برع بدل وجع الراس وكسر الظهر ولا هو عيب ولا هو حرام لاني مجبور اخذ قطريه ومافيها شي لو حد بغى ياخذ غير قطريه ليش العصبيه والعنصريه الجنسيه ماتحدد معدن الزوجه لكن هني الزواج بصوره عامه بقطر من بنت البلد يكسر ظهر الواحد غير الله يستر عقب اذا ماصار نصيب تعال وطلق ولا تعالي وخلعي مشاكل وعوار راس وكسر ظهر ووهقه انا انسان افضل الزواج من اجنبيه بكل بساطه


الله يوفقك , والزواج من الخليجيه لايعتبر زواج من اجنبيه , لأن الخليجي ولد عم وقرابه وعوايدهم نفس عوايدنا
العليا
22-03-2010, 09:44 PM
يمكن اللي سمعتها مخرفه



و الا مهما كان حلاة الثوب رقعته منه و فيه
d522
23-03-2010, 03:27 PM
أســــــــــــــــــــــــــــــــــــــــــــــــ ـــــــــــــتغفرالله العظيم على هالكلام الفضيــــــــــــــــــع
qtrose
23-03-2010, 07:45 PM
انا قطري ومابي اتزوج قطريه صراحه افضل اتزوج من برع بدل وجع الراس وكسر الظهر ولا هو عيب ولا هو حرام لاني مجبور اخذ قطريه ومافيها شي لو حد بغى ياخذ غير قطريه ليش العصبيه والعنصريه الجنسيه ماتحدد معدن الزوجه لكن هني الزواج بصوره عامه بقطر من بنت البلد يكسر ظهر الواحد غير الله يستر عقب اذا ماصار نصيب تعال وطلق ولا تعالي وخلعي مشاكل وعوار راس وكسر ظهر ووهقه انا انسان افضل الزواج من اجنبيه بكل بساطه


خلاص ان شاء الله لين تزوجت والله رزقك ببنات،

شبتسوي فيهم ؟؟

هذا انت تقول انهم وجع راس وتحرض غيرك على

أن القطرية وجع راس !!! ذيك الحزة لا تزعل لو عنسوا !!
fatima88
23-03-2010, 08:47 PM
اسنغفر الله العظيم ..
الموضوع ومافيه
القطريه: مهرها عالي + عرس باسراف وخوفي يدش بالتبذير ( وليس الاغلبيه)
الغيرقطريه: مهرها معقول و الباقي مقدور عليه (وليس الاغلبيه)

اما التعليقات اللي فيها نوع من العصبيه باسلوب يوحي أنه الاجنبيه قادمه من طبقه متدنيه والقطريه انسانه راقيه فهذا عيب!!
JN000N
24-03-2010, 03:21 AM
ارجو من كل قلبي ان تتحول ظاهرة الزواج من الخليجيات الى عادة منتشرة في مجتمعنا
لان بناتنا هني بصراحة وايد كبر راسهم وصاروا يتشرطون بشكل سخيف
ودواهم الوحيد هو المقاطعة التامة...لابد من الاتجاه الى الزواج من الخليجيات والتركيز على ذلك وتشجيعه
والله ان هذا التوجه له فوائد كثيرة منها فوائد مالية وفوائد سياسية وفوائد اجتماعية ..
ومن ناحية اخرى هي طريقة فعالة جدا >للقضاء على ( آفة ) البنات المغرورات في البلاد
فالتجلس القطرية في بيت اهلها حتى تبلغ ال٣٠ وال٤٠ من عمرها
عندها يأتي دور الندم و الحسرة على الغرور الذي اصابها في شبابها
:victory:


شدعوه مقاطعه منتج دنماركي ؟؟

اقول عندكم بنات او لا؟؟ خل يقاطعونهم عيال هل قطر وخل عقب يروحون يدورون على اجنبي ياخذهم :nice:
JN000N
24-03-2010, 03:32 AM
رسبت الأغلبيه في اختبار الزواج لأن اول شيئ لازم تتعلمه الزوجه عدم انهاك زوجها بالديون وحفظ ماله وعرضه
والواحد أشلون يعرف ان فلانه مب راعيه زبو , في زمن يدعي الرجل والمرأه على الناس انهم اصحاب دين على الناس , لكسب المكاسب الدنيويه , الواحد يزعل اذا شاف اقطري راز فلبينيه في الؤلؤه وملبسها عبايه , بس شسون شبابنا يا يدفع ال 300 الف وهو مديون , يا ييدفع ال 50 الف وهو نايم من غير هم الدين

ليش وعقب ييب عيال فلبن؟؟

بعدين لا يقعد يحسبها عالمهر ان يات عالصج الصج
القطريه صج بتدفعه مهر وتكاليف لكن عقب الزواج يبين معدن الاصيله وثلاث ارباع بنات قطر اصيلات وبتوقف مع ريلها هي ما خذتها حق لعبه يومين وتقطه هي خذته عشان بتعيش معاه وتكون معاه فالحلوه والمره

اما الاجنبيه صحيح ان مهرها قليل لكن تعال عقب الزواج وشوف مصاريفها وشوفها وهي تشفط من ريلها وتودي فلوسه حق اهلها جنها ماخذته بنك ولا اصلا مافي بنت ترضى على نفسها ياخذها غريب من برا البلاد الا وهي طايح حظها او ناويتها على خيره

وياكثرهم اللي شفناهم ياو من بيوت قراقير وقفاصه اللهم لا شماته ويوم خذت لها القطري صارت حليوه شهر وعقبها بدا الشفط لين صارت لها قصور في بلادها وريلها هني مديون ؟؟ ليش لان قلبها مب على قلبه ولا هو بولد بلادها ولا هم يحزنون

لا تيلسون تتكلمون بمثاليه الزواج من الاجانب اللي يقول قاطعو القطريات واللي يقول القطريات مهرهم غالي واللي يقول اجنبيه احسن

شوفو من الاخير وخلصنا والموضوع ماله داعي اللي بياخذر قطريه كاهم القطريات موجودين وفيهم خير وبركه واللي يبي الاجنبيه كاهو الباب يوسع جمل يروح يدور له والله يوفقه معاها
لكن مب عقب يقعد يتشكى لو عياله ضيعو اصلهم ولا يتشكى لو الاجنبيه شفطت حله وحلاله ولا يقعد يتشكى لو خلته وراحت بلادها وتعال دور عيالك اللي اما بينقطون عندك لو انك انفقرت او انهم بينشالون ويا امهم وتعال كد عليهم نفقه بعد
هدى ورحمه
24-03-2010, 03:55 AM
بصراااحه دوشتونا مع هالمواضيع الماصخه
اللى بياخذ من برا محد بيوده الله يوفقه

اما كل يووم ناط لنا واحد
الا العيووز مسولفه فالميلس
والا فلان جاي يتشكى من متطلبات هالوقت
ماصاااارت
وين مسؤلين المنتدي


بنات قطر ماعليهم قاااصر
الحمد الله من دين ومن اخلاق ومن جمال ومن ذوووق


وياليت هالمواضيع التااافه تتسكر لان ماعتقد منتدى مثل الاسهم القطرية بحاجه حق
سوووالف باااااااااااااااااايخه


:anger1::anger1:


اعتقد ان الاخ طارق عميل لمجالس العجايز :tease:
او بالاصح مراسل عشان نكون اكثر شفافيه يقوم بالاستماع لسبوجه ولزليخهورصد احدث التطورات لديهم .. واترك لك الخيال ايها الاخ طارق
طارق
24-03-2010, 10:59 AM
ليش وعقب ييب عيال فلبن؟؟

بعدين لا يقعد يحسبها عالمهر ان يات عالصج الصج
القطريه صج بتدفعه مهر وتكاليف لكن عقب الزواج يبين معدن الاصيله وثلاث ارباع بنات قطر اصيلات وبتوقف مع ريلها هي ما خذتها حق لعبه يومين وتقطه هي خذته عشان بتعيش معاه وتكون معاه فالحلوه والمره

اما الاجنبيه صحيح ان مهرها قليل لكن تعال عقب الزواج وشوف مصاريفها وشوفها وهي تشفط من ريلها وتودي فلوسه حق اهلها جنها ماخذته بنك ولا اصلا مافي بنت ترضى على نفسها ياخذها غريب من برا البلاد الا وهي طايح حظها او ناويتها على خيره

وياكثرهم اللي شفناهم ياو من بيوت قراقير وقفاصه اللهم لا شماته ويوم خذت لها القطري صارت حليوه شهر وعقبها بدا الشفط لين صارت لها قصور في بلادها وريلها هني مديون ؟؟ ليش لان قلبها مب على قلبه ولا هو بولد بلادها ولا هم يحزنون

لا تيلسون تتكلمون بمثاليه الزواج من الاجانب اللي يقول قاطعو القطريات واللي يقول القطريات مهرهم غالي واللي يقول اجنبيه احسن

شوفو من الاخير وخلصنا والموضوع ماله داعي اللي بياخذر قطريه كاهم القطريات موجودين وفيهم خير وبركه واللي يبي الاجنبيه كاهو الباب يوسع جمل يروح يدور له والله يوفقه معاها
لكن مب عقب يقعد يتشكى لو عياله ضيعو اصلهم ولا يتشكى لو الاجنبيه شفطت حله وحلاله ولا يقعد يتشكى لو خلته وراحت بلادها وتعال دور عيالك اللي اما بينقطون عندك لو انك انفقرت او انهم بينشالون ويا امهم وتعال كد عليهم نفقه بعد


ليش القطريه ماتترك الزبو الى خلى الأمهات يخرجون برع الدوله يدورون على زوجات لأبنائهم ؟؟
ثاني شيئ : ماضن القطريه بتستحمل المر لى جات دين العرس الى كلف من 300 - 700 الف

خنكون واقعيين لأن ألكل ملاحظ نفور القطريين من القطريات بسبب هم الديون ...
طارق
24-03-2010, 11:00 AM
اعتقد ان الاخ طارق عميل لمجالس العجايز :tease:
او بالاصح مراسل عشان نكون اكثر شفافيه يقوم بالاستماع لسبوجه ولزليخهورصد احدث التطورات لديهم .. واترك لك الخيال ايها الاخ طارق

ممكن ترجمه الكلام بالأحمر فوق لو سمحتي ؟؟
طارق
24-03-2010, 11:03 AM
شدعوه مقاطعه منتج دنماركي ؟؟

اقول عندكم بنات او لا؟؟ خل يقاطعونهم عيال هل قطر وخل عقب يروحون يدورون على اجنبي ياخذهم :nice:


اذا جاء القطري وبنتي قامت تتشرط , بجيها ذاك الكف الي يرجع مخها , اما الي ماعندها مخ ماعليها عتب , تتزوج انشاء الله ضفدع , تجيب منه نسل الضفادع لأن الضفادع مايبيلها مخ
طارق
24-03-2010, 11:04 AM
اسنغفر الله العظيم ..
الموضوع ومافيه
القطريه: مهرها عالي + عرس باسراف وخوفي يدش بالتبذير ( وليس الاغلبيه)
الغيرقطريه: مهرها معقول و الباقي مقدور عليه (وليس الاغلبيه)

اما التعليقات اللي فيها نوع من العصبيه باسلوب يوحي أنه الاجنبيه قادمه من طبقه متدنيه والقطريه انسانه راقيه فهذا عيب!!


كلام طيب
ضوى
24-03-2010, 11:08 AM
اخ طارق

ماظن بعده في عجايز مازوجوا عيالهم :)
طارق
24-03-2010, 11:12 AM
اخ طارق

ماظن بعده في عجايز مازوجوا عيالهم :)


حسب عمر العجوز - في عجايز من عمر ال 40 سنه :)
ضوى
24-03-2010, 11:17 AM
اخوي طارق

ماننكر في قطريين ييتزجون من برع بس مانقول وايد ونعمل منها ظاهرة ، ومانقول مافيه قطريات مايبالغون في مهورهم وطلباتهم بس بعد مهب ظاهرة ، اللي يبي قطرية ماتدور الا الستر بيحصل ، واللي يبي قطرية تبي المفوشر والزبو بيحصل ، كل شئ موجو بقطر بس يبي له صبر ودوارة في الفرجان والبيوت طبعا بالخش والدس عن طريق حريم كبار فيهم خير طبعا ، بس مانجي نقول النساء الكبار طلقوا القطريات فيه ظلم وتجني كبير على بناتنا

الله يزوج بناتنا رجال كفو وفيهم خير ويرزوج ابنائنا بنات حلال مستورات اولا واخيرا قطريات من اهل البلد يعرفون لبعض ويعرفون اطباع بعض وفي الاخير يقولون حلاة الثوب رقعته منه وفيه

وفي نكتة حلوة جاتني على الجوال بهالخصوص

قطري يقول لرفيجه خاطري اتزوج لبنانية لانها مثل التفاحة ولا سورية لانها مثل الخوخة ، رد عليه رفيجه الخوخ والتفاح يومين ويعفنون خذ لك قطرية مثل التمرة 50 سنة ماتخترب :)

وانا اشهد والله القطرية والقطري ماعليهم اي كلام وماشاء الله عليهم عز وفخر وطيب ، والواحد وش يبي لعياله غير هذا الشئ؟؟
قطرية7
24-03-2010, 11:18 AM
مو كل القطريات ولا كل العوايل تبي تبالغ في واااااجد ناس تبي الستر بس لبناتها الله يستر عالجميع واشوف مشاكل الاجانب اكثر القطريه
ضوى
24-03-2010, 11:18 AM
حسب عمر العجوز - في عجايز من عمر ال 40 سنه :)

انا بهالسن لكن ولا افكر ادور لولدي بنت من برع بلاده الا اذا هو اصر ويبي على كيفه بس عن نفسي ماراح ادور له الا بنت بلاده :)
بوجاسم 75
24-03-2010, 11:42 AM
أتفق معاك أخوي طارق بشدة

وبيض الله وجهك
الجزوع
24-03-2010, 11:47 AM
انتوا للحين مع سوالف العجايز ؟!
JN000N
24-03-2010, 01:18 PM
ليش القطريه ماتترك الزبو الى خلى الأمهات يخرجون برع الدوله يدورون على زوجات لأبنائهم ؟؟
ثاني شيئ : ماضن القطريه بتستحمل المر لى جات دين العرس الى كلف من 300 - 700 الف

خنكون واقعيين لأن ألكل ملاحظ نفور القطريين من القطريات بسبب هم الديون ...

انت اللي صحصح وخلك واقعي هالناس اللي انت تقول عنهم همهم الزبو بس !! ه مالاقليه ولا تقول الاغلبيه لانكم قاعدين تخلطون الحابل بالنابل
في اللي اسرفو وبزياده في اعراسهم وفي اللي مشو صح ومافي شي رخيص فهالزمن والا الرياييل يبون ارخص شي وخلاص
يحليلكم صرتو تتكلمون عنهم جنهم منتجات من يبي الصيني الرخيص ومن يبي الماركه الاصليه
وفالاخير اصليييه اما هذي مالت يلا ارخص وخلاص ارد واكرر بدايتها حلوه ونهايتها مره

ولاتقول القطريه مب قلبها على اللي بياخذها لو انها دفعته هي ما دفعته مهر هي دفعته تكاليف عرس بدل ما يروحون يتحلطمون عليها ويقولون انتي تتزبين وتفوشرين روحو تحلطمو عاللي رفعو اسعار تجهيز العرس والقاعات




اذا جاء القطري وبنتي قامت تتشرط , بجيها ذاك الكف الي يرجع مخها , اما الي ماعندها مخ ماعليها عتب , تتزوج انشاء الله ضفدع , تجيب منه نسل الضفادع لأن الضفادع مايبيلها مخ

واذا طلع القطري اللي ماخذها ولد البارحه؟ من فوق الله الله ومن تحت يعلم الله.. اخرتها معيشها في قرقور مع هله ومشاكلهم ما تخلص ويطالعونهها فالداخله والطالعه ولا تحس انها متزوجه واحد الا متزوجه هله كلهم؟؟ ما تشترط بيت يعني. والا ما يحق لها؟
اقول كاهم القطريات موجودين ونصيبهم على الله.. اللي بياخذ بنت بلاده حياه الله واللي بياخذ من برا الله يحفظه لكن لا يقعد يسوي روحه اللي قلبه على ربعه ويقول لهم خلو بنات ديرتكم واكما بنات العالم محذفين بارخص الاسعار :)
طارق
24-03-2010, 01:35 PM
انت اللي صحصح وخلك واقعي هالناس اللي انت تقول عنهم همهم الزبو بس !! ه مالاقليه ولا تقول الاغلبيه لانكم قاعدين تخلطون الحابل بالنابل
في اللي اسرفو وبزياده في اعراسهم وفي اللي مشو صح ومافي شي رخيص فهالزمن والا الرياييل يبون ارخص شي وخلاص
يحليلكم صرتو تتكلمون عنهم جنهم منتجات من يبي الصيني الرخيص ومن يبي الماركه الاصليه
وفالاخير اصليييه اما هذي مالت يلا ارخص وخلاص ارد واكرر بدايتها حلوه ونهايتها مره

ولاتقول القطريه مب قلبها على اللي بياخذها لو انها دفعته هي ما دفعته مهر هي دفعته تكاليف عرس بدل ما يروحون يتحلطمون عليها ويقولون انتي تتزبين وتفوشرين روحو تحلطمو عاللي رفعو اسعار تجهيز العرس والقاعات




واذا طلع القطري اللي ماخذها ولد البارحه؟ من فوق الله الله ومن تحت يعلم الله.. اخرتها معيشها في قرقور مع هله ومشاكلهم ما تخلص ويطالعونهها فالداخله والطالعه ولا تحس انها متزوجه واحد الا متزوجه هله كلهم؟؟ ما تشترط بيت يعني. والا ما يحق لها؟
اقول كاهم القطريات موجودين ونصيبهم على الله.. اللي بياخذ بنت بلاده حياه الله واللي بياخذ من برا الله يحفظه لكن لا يقعد يسوي روحه اللي قلبه على ربعه ويقول لهم خلو بنات ديرتكم واكما بنات العالم محذفين بارخص الاسعار :)


القطري بيقعد في بين هله 2 -3 سنين , لين يطلعله الأرض والقرض ويجمع فلوس, بدال مايقعد في ايجار والي بجمعه في بيته يصرفه عالأيجار
لو في بعض القطريات وأهل البنت الخير , مايطلبون من الرجال يستقل عن هله في بدايه حياته بل يشجعونه يقعد مع هله ,
بس القطريات يكرهون يقعدون تحت مجهر النقد في بيت الزوج , ويستفعلون الأفلام الهنديه والمصريه عشان الرجال يزهق ويطلع - هي الي بتدفع الأيجار ولا بتكون سنعه راعيه بيت - متحودبه عالنت وأرقاد 15 ساعه في اليوم - ويمكن اتجيب عيال اذا ماكانت اتعاني من فقر الدم او البدانه المفرطه (على قوله المثل المصري زغرتي يالي مش غرمانه ) لو ماخذه مرسي أو شونبيه بتقعد معاه في الياخور , بس القطري لازم يدفع ثمن شيمته