المساعد الشخصي الرقمي

مشاهدة النسخة كاملة : الي يدلني على افضل المستشفيات لهذا المصاب


زمان الصمت
15-03-2010, 12:20 AM
ثلاث فقرات في الديسك +فقرة الرقبه ابي مستشفى زين اعالج فيه وحده من هلي بعيد الشر

عنكم ابي الي عنده تجربه او نصيحه يدلني على افضل مكان وسعرهم يكون معقول خصوصا

وان احنا بنتعالج على حسابنا

وشكرا
هبوب الشمال
15-03-2010, 12:25 AM
دكتور رسلان في ابوظبي عن تجربه واااااااااااااااايد شاطر وعملياته بسيطه وبالمنظار
هذلان
15-03-2010, 12:26 AM
ماعليها شر ان شاءالله

يفيدونج ذوي الخبره
النهار
15-03-2010, 12:29 AM
انصحك تروح كيلرا في الهند عندهم خبره في العمود الفقري والدسك يجونهم المرضى من جميع ارجاء العالم
ريان
15-03-2010, 12:32 AM
بالنسبه لي عندي دسك بالفقرات 3و4 و7و8 في الرقبه .

و سويت العمليه في الفقرات 8و7..لان الدكتور قال هذه اهم في الوقت الحالي ..

والحمدلله ارتحت بفضل من الله بنسبة 80%.

والعمليه عباره عن منظار وفتحه صغيره جدا.

تكلفه العمليه كامله 35000 ريال تقريبا ..وثاني يوم انا طلع وراد الدوحه

والدكتور في ابوظبي .

وخطاكم الشر
ام الحنايا65
15-03-2010, 04:45 AM
ماتشوف شر انشالله بنجلور احسن شى حق العظام واحنا تونا جاين من عند الدكتور اللى في بنجلور والاهل نفس الشى الفقرات والرقبه والركبه واا حاب التفاصيل ادخل موضوعي قسم السفر والسياحه الرحله العلاجيه في بنجلور بتلقى كل التفاصيل مع الصور الدكاتره والاسعار
كازانوفا
15-03-2010, 09:42 AM
عندي زميلتي بالشغل هنديه تقولي خلها تروح على بومباي هناك في دكاتره كتيره متخصصه بعلاج العمود الفقري بس ما حددت دكتور معين
ربي يشفيكم
الغانم 533
15-03-2010, 01:41 PM
الله يشفي مريضكم ومرضى المسلمين
سمعت واحد اقوال عن المستشفى الامريكي في
بنكوك انه واجد زين في ظهر والله اعلم
بوتين
15-03-2010, 02:07 PM
اختي الله يشفي مريضكم ان شاء الله
انا ولله الحمد توني جاي من تايلاند من مستشفى Bumrungrad Hospital اللي نسميه احنا العرب المستشفى الامريكي .
ولله الحمد علاجهم زين ورخيص واجد
وتو من فترة واحد من جماعتنا رايح المستشفى على سرير مايقدر يمشي ولا يوقف ورد بعد شهرين على رجله ولله الحمد واللي يبي ايميل الدكتور يستشيرة قبل لايروح يرسلي على الخاص
غلا أبوووي
15-03-2010, 02:30 PM
عندك المانيا شاطرين بس كم يكلف ما ادري
واعرف ناس وااايد سووها ووحدة من اهلي موعدها بشهر 4
بتسويها
وحيد-الشوق
15-03-2010, 03:13 PM
اخوي الهند ممتازة عندك في كيرلا وبنغلور وبومباي وتايلاند ايضا عندك المسشتفى الملكي والامريكي ممتازين وويشتاني بعد والاخير تخصص عظام

ايضا ألمانيا خبره في العظام

نصيحتي لك لاتحرك وتروح مكان قبل ماتراسل المستشفى او الطبيب ويفضل لو ترسله تقرير بالحاله يكون احسن واحسن عشان يفيدك عدل

واي خدمة اذا اقدر اساعدك فيها من ارقام او سكن خصوصا في تايلاند انا حاضر :)