المساعد الشخصي الرقمي

مشاهدة النسخة كاملة : :::ثقف عقلك..3..سؤال...ومنكم الاجابه...سفينه:::...احم


The Master
15-03-2010, 01:48 PM
عشان بعض الاعضاء اللي يبغون يفكرون ويشغلون امخوخهم...
نعطيهم هالسؤال...

ماراح اطول اليوم...خاصه في هالسؤال...
اتوقع انه سهل...
وعارفين القوانين...لكن بنغيرها اليوم...
يعني مايحتاج تحطون اول حرف...قولوا جوابكم...

سؤالنا اليوم...

في سفينة تواجه مشكله...
انها تبغي تدخل الميناء...بسرعه...لان عندها مريض حالته الصحيه تعبانه...وجاته سكته قلبيه...

لكن اذا تبغي تروح على المسار المعتاد...بتاخذ 15 ساعه...
واذا خذت المسار المختصر...بتاخذ 5 ساعات ونص...عشان توصل الميناء...

المشاكل...

المسار العادي طويل...
المسار المختصر...فيه مياه ضحله..."يعني قاع البحر بينه وبين قاع السفينه نص متر..."

المخاطر...
المسار العادي المريض احتمال كبير اتدهور صحته...وبيموت...

المسار المختصر...خلال هال ٥ ساعات ونص المريض بيعيش اذا اوصلوا الميناء...لكن...السفينه بتلصق في القاع وماراح تقدر اتحرك..."بتطبع اكيد"


اللي ابغيه منكم...
وش الحل للسفينه في مشكلتها...
يعني اي مسار...وليه..."شرح"


وانتظر اجاباتكم...
فكروا...واكتبوا اجاباتكم...


طبعا كالعاده هالسؤال من تأليفي...
وحاولت اشوف مثال ثاني غير السفينه...بس مالقيت شي يوصل الفكره افضل من السفينه...


ويامرحبا بكم...
انا في الانتظار...
عاشق الشهادة
15-03-2010, 02:28 PM
ماعاد فيه تفكير وخاصه بهذا الوقت :rolleyes2: ان شاء الله برجع بعد ما ارتاح من يوم شاق .
غزلان
15-03-2010, 02:30 PM
وش الحل للسفينه في مشكلتها...
يعني اي مسار...وليه..."شرح"


شوف بجاوبك من مخي لأني ماعرف لأمور السفن لكن فيني شوي ذكاء:shy:

تروح المسار المختصر وعلشان ما تلصق في القاع تخفف من الحموله الى على السفينه حتى ماتكون ثقيله وتهبط في القاع
حليتان*
15-03-2010, 02:38 PM
تقط المريض في البحر .. لانه مات (سكته قلبيه) ...

صح او لا؟
بـــــــنت النوخـّــــذه
15-03-2010, 02:42 PM
يمشي بالمياه الضحله وبسرعه عاليه 00000

تخمين اههههه نفس السياره لما تغرز في الطين لازم قبلها يبدل ويسوق بسرعه

ولكن مادري هل السفينه من تحت لها شي بتركيبتها يستخدم في مواجهة المياه الضحله ؟؟؟؟
حليتان*
15-03-2010, 02:50 PM
يمشي بالمياه الضحله وبسرعه عاليه 00000

تخمين اههههه نفس السياره لما تغرز في الطين لازم قبلها يبدل ويسوق بسرعه

ولكن مادري هل السفينه من تحت لها شي بتركيبتها يستخدم في مواجهة المياه الضحله ؟؟؟؟


ههههههههه

اي الله يسلمج السفينه فوريل هاهاهاهاهاا


لا وبوالين بعد :tease:
The Master
15-03-2010, 03:12 PM
احم...
الله ينور على اللي جاوبوا...
طبعا الجواب لازم يكون منطقي...
وسبب الشرح عشان تبين لي انت فاهم ولا لا...وكذلك عشان تقنع الباقي ان جوابك صح...

فا ماراح اقول اذا حد جاوب صح ولا غلط
عشان نخلي فرصه للباقي يحاولون...

واللي يبغي يسأل عن معلومه...خله يدور...لان اساس سؤالنا البحث والتثقيف...فا دوروا عشان تفهمون السالفه

يالله شدوا الهمه...بس بصراحه اعجبتني محاولاتكم...ترتيب
The Master
15-03-2010, 05:03 PM
احم...بخصوص الفورويل بس...احم

فكروا عدل...
ودوروا...وابحثوا...
مافي شي يجي بالساهل...احم
"هذا اللي بيعقدهم..."
شيط ويط
15-03-2010, 05:27 PM
تاخذ السفينه المسار العادي .. وماله خص الوقت اللي بتوصل فيه .. لان السكته القلبيه حدها 5 دقايق اذا لم يتم انعاش المريض (بالتنفس الصناعي) راح يموت :rolleyes2:

مدري صح اجابتي والا أنا قاعد أألف :rolleyes2:
The Master
15-03-2010, 05:48 PM
اخوي شيط ويط ردك لاباس فيه
لكن في حبوب تهدي وتفتح الشرايين...لكن ماتعالج...
الزبده...احم
The Master
15-03-2010, 06:45 PM
وينكم يالربع...
هذا الشباب على البلاك بيري حلوه خلال نص ساعه...
يالله شدوا الهمه...
بـــــــنت النوخـّــــذه
15-03-2010, 08:54 PM
انزين اممممممممممم انا مصره على الاجابه الي 5 ساعات ونص مادري ليش المهم

يمكن يخلون السفينه تمشي ببطئ جدا" بحيث ال 5 ساعات ونص اتكون دبل 11 ساعه اعتقد بيوصلون الميناء وبالمقارنه بمسار الخيار الاول العادي الي اهو 15 ساعه بيكون 11 ساعه ممكن المريض يعيش :rolleyes2: ها صح ولا لا:secret:

[ترى اذا الحل غلط خلاص خلهم يستخدمون الطوافات الاحتياطيه ويوصلون الريال للميناء بها وخلصنا
JN000N
15-03-2010, 09:07 PM
احم

احم

يكت صابون فالبحر عشان تتمزلق السفينه وما تغرس < احم احم
لولوتي
15-03-2010, 09:33 PM
ينزلون المريض في الطراد وعلى الطريج السريع
بس عساه مب زحمه :rolleyes2:



الحين بطلع وطول طريجي روحه ورده بفككككككككككر

الى اللقاء :nice:
لولوتي
15-03-2010, 09:35 PM
ولا هليكوبتر مستشفى حمد الخضر يروح له :nice:
بدوور
15-03-2010, 09:59 PM
اقول يتصلون بالاسعاف احسن .... وبعدين ياخذون الطريق القصير ((( واذا وصلوا الاسعاف ينقذون الجميع
بدون
15-03-2010, 10:25 PM
ممكن السفينة تاخذ المسار القصير و لما توصل للمياه الضحلة ينزلون المريض في طراد الإغاثة يوصلونه للميناء. أو متابعة المسار بحذر للمرور بين البويات الحمراء و الخضراء(هذي قريتها اليوم و أول مرة أعرفها) و طلب طراد إنقاذ بحيث يقابل السفينة في منتصف الطريق و أخذ المريض لنقله إلى اليابسة.

أو طلب سفن القطر أو السحب اللي تسحب السفن في القنوات العميقة في المياه الضحلة
و بس هاي الحلول اللي عندي (عصرت مخي عصار و يا خوفي يطلع العصير ماي)
The Master
16-03-2010, 01:18 AM
احييكم على المحاولات الطيبه...وهذا شي طيب
لكن
ولا جواب صح

بس عشان اشجعكم...في حد منكم ذكر الاجابه الصحيحه...
لكن تعليله لها غير منطقي...
فا عشان كذا قلت مع الشرح...
الجواب منطقي جدا...وعلمي...يعني معلومه علميه...
وفيها (trick) يعني فكرة وخدعه...

وللتسهيل...
شيلوا سوالف الانقاذ...ابغي السفينه هي اللي توصله...
وللتسهيل عليكم...
السفينه مكينتها داخل...اللهم المروحه والدفه طالعين منها...ومايقدرون يتحكمون ب مستواها...وسفينتنا هذي مستوى الدفه والمروحه مع مستوى قاع السفينه...

وعشان اسهل اكثر...
اختاروا جواب واحد بس...من الخيارين اللي عطيتكم اياه...
مابغي جواب ثاني...
لكن اللي يهمني ليه اخترتوا هالجواب...اشرحوا لي اياه...

وايضا نقرب لكم...(لان اليوم باحط الجواب وابغي حد يجاوب)

الخدعه اللي بتكتشفونها في الجواب...تسوونها يوميا في حياتكم...وكذلك نفسها يسوونها هل البحر...

اتوقع وان شاء الله فهمتوا...
وحد فيكم بيجاوب...
اهم شي العصير...احم

موفقين(احتمال كبير تعرفون الخدعه لكن دوروا عن التعليل...هو بسيط جدا...)
شيط ويط
16-03-2010, 01:54 AM
احييكم على المحاولات الطيبه...وهذا شي طيب
لكن
ولا جواب صح

بس عشان اشجعكم...في حد منكم ذكر الاجابه الصحيحه...
لكن تعليله لها غير منطقي...
فا عشان كذا قلت مع الشرح...
الجواب منطقي جدا...وعلمي...يعني معلومه علميه...
وفيها (trick) يعني فكرة وخدعه...

وللتسهيل...
شيلوا سوالف الانقاذ...ابغي السفينه هي اللي توصله...
وللتسهيل عليكم...
السفينه مكينتها داخل...اللهم المروحه والدفه طالعين منها...ومايقدرون يتحكمون ب مستواها...وسفينتنا هذي مستوى الدفه والمروحه مع مستوى قاع السفينه...

وعشان اسهل اكثر...
اختاروا جواب واحد بس...من الخيارين اللي عطيتكم اياه...
مابغي جواب ثاني...
لكن اللي يهمني ليه اخترتوا هالجواب...اشرحوا لي اياه...

وايضا نقرب لكم...(لان اليوم باحط الجواب وابغي حد يجاوب)

الخدعه اللي بتكتشفونها في الجواب...تسوونها يوميا في حياتكم...وكذلك نفسها يسوونها هل البحر...

اتوقع وان شاء الله فهمتوا...
وحد فيكم بيجاوب...
اهم شي العصير...احم

موفقين(احتمال كبير تعرفون الخدعه لكن دوروا عن التعليل...هو بسيط جدا...)

مادري احس السالفه فيها قانون ارشميدس مال الطفو :rolleyes2:
The Master
16-03-2010, 02:48 AM
لا لا وين...ماله شغل ارخميدس...
لكن شي طيب انك تعرف عنه...الله ينور
لولوتي
16-03-2010, 04:11 AM
اممممممممم :con2: احـــــم

الطريج الاقصر و يمكن سالفة مركز الثقل في الاجسام هو اللي يساعد السفينه انها تمر في هالطريج بدون ما تتعرض للخطر :eek5:
Me&OnLy
16-03-2010, 05:27 AM
ينتظرون الماء لين يسقي في المياه الضحله ويمرون ؟؟
The Master
16-03-2010, 05:42 AM
محاوله طيبه اختي لولوتي واحييج عليها...وتبين انج فكرتي وبحثتي...او معلومات سابقه...
وانتي تقصدين centre of gravity
بس يفداك الكذب...ماله شغل في الموضوع...احم
فا شوفي شي ثاني...صحيح الطريق المختصر...لكن شوفي حيله...

اخوي ماي اونلي...
احييك على جوابك الذكي والعملي...لكن كذا بنتأخر واجد لان المد عشان يصير جزر تقريبا ياخذ ٦ ساعات...فا شوف لك حل ثاني...
شذى الورد
16-03-2010, 07:40 AM
وسفينتنا هذي مستوى الدفه والمروحه مع مستوى قاع السفينه
الجواب هو الطريق المختصر اللي ياخذ 5 ساعات ونص وبدل ما يستخدمون المكينه يستخدمون المجداف
لأن المياه ضحله مثل ما قلت :)
The Master
16-03-2010, 08:12 AM
تفكيرك جميل...شذى الورد
لكن هالشي بيأخرهم...غير ان السفن مافيها مجاديف...سفينه تمشي بالمكاين...ومافيها اشرعه...

شوفوا طرق ثانيه
لولوتي
16-03-2010, 04:08 PM
محاوله طيبه اختي لولوتي واحييج عليها...وتبين انج فكرتي وبحثتي...او معلومات سابقه...
وانتي تقصدين centre of gravity
بس يفداك الكذب...ماله شغل في الموضوع...احم
فا شوفي شي ثاني...صحيح الطريق المختصر...لكن شوفي حيله...

اخوي ماي اونلي...
احييك على جوابك الذكي والعملي...لكن كذا بنتأخر واجد لان المد عشان يصير جزر تقريبا ياخذ ٦ ساعات...فا شوف لك حل ثاني...


يعطيك العافيه
ومب مشكله انحاول مرة اخرى :nice:

زين سالفة الغراب وغرشة الماي ياترى فيها الحل :eek5:

:omg: جنه من امس وانا على نفس الصفحه :omg:
The Master
16-03-2010, 04:13 PM
احم...
اختي لولوتي...عشانك اجتهدتي وتعبتي...باقرب لك...وباسهل لك...طبعا للجميع...

لما تكون عندنا سياره...ونازله...يعني قريبه من الشارع...
في المطبات وش نسوي؟؟؟

احم...اتوقع اوصلت الفكره...

لكن...ابغي تذكرون لي وش نسوي بالسفينه...وش الحل...وليه هالحل بينجح..."السبب...علل"

احم

يالله في الانتظار...
لولوتي
16-03-2010, 04:21 PM
لااااااااااا ابشرك اخوي في قطر ما شاء الله خببببببره في المطبات :nice:

نمشي حبه حبه ومن على جنب التاير اولا انصعد الموتر على المطب وعقب باقي السياره،،، وأحياناً أنسى ويعورني قلبي من الطااااااخ اللي يصيد السياره :weeping:
حليتان*
16-03-2010, 04:28 PM
اماايل يسار يمين


بس مع البوالين مافي مطب مستحيل ...
The Master
16-03-2010, 04:34 PM
اقول حلوا مشكلة السفينه ابرك...
وطبقوا خبراتكم على السفينه...وعطوني الحل...
اي والله طاخ وبوالين...ياعيني عليكم...احم
لولوتي
16-03-2010, 04:40 PM
مايكل جاكسون سد نفسي :rolleyes2:

بسوي لي كرك وافكر :)
JN000N
16-03-2010, 04:42 PM
اذا وصل عند الماي الضحل يسرع خخخخ وعقب يلف يمين ويسار ولو يبي يشل يشل بس مافي تواير خخخ

ويمين ويسار يميل السفينه مادري الطراد
لييييين يوصل
The Master
16-03-2010, 04:50 PM
في الانتظار اختي لولوتي..

جنون...اجابتك غلط...
دوري..واسالي...قلنا الجواب علمي...يعني بتفكير...اهم شي يشيل...احم
حليتان*
16-03-2010, 04:59 PM
مايكل جاكسون سد نفسي :rolleyes2:

بسوي لي كرك وافكر :)

افاااا


يعني اغير الصورة

انه اسطورة وملك البوب ماسمعتيه لما يقول دينجرس .. دينجرس
اماف هو دينجرس <<<< ههه على الدقه واللحن تطلع تفجييييييير:tease:









علياان انا حاليا قفل مخي و ماعندي جوااب

الا اذا قربت زياده


يمكن يخلي مركز الثقل عند المكينه ؟؟


وانا حدي مره وحده طلعت بطراد وما وصف لك الي صار ..بس لي نيه اكررها :victory:
لولوتي
16-03-2010, 05:03 PM
يعني هو قبطان المفروض وعارف شغله :discuss:

ويمكن المفروض يخفف من سرعة السفينه شوي ويتحرك ببطء عشان يقدر يتفادى اي حوادث

وبس :)
JN000N
16-03-2010, 05:07 PM
انا انسحب خلاص عطوني نص الجائزه مابيها كامله وارسلها الله يخليك في حسابي في سويسرا << خفي علينا
احم احم

الماستر كارد انا مالي فشغل العلمي ماصدقت اخلص مدرسه وفالجامعه الحين بالدز احم

بس بتابعكم مع حلول الاذكياء :) احم
The Master
16-03-2010, 08:54 PM
بخصوص. اللي تبغي الجائزه...اي هين...احم

يالله يالربع...كل هالتبسيط والتسهيل بعد مافي فايده...
تخيلوا امس على البلاك بيري لما سألت الشباب ماشاء الله ماعاق الا جاوبوا عليه...وثلاثه منهم جاوبوا مع بعض اللهم اختلاف بسيط في الوقت...
فا محد احسن من حد...يعني هم جاوبوا من معلوماتهم العامه...وانتوا مب غير عنهم...

كنت باحط الجواب الليله...بس مافضيت...فا نخليكم تفكرون لبكره...
موفقين
بدون
17-03-2010, 01:59 AM
المحاولة الأخيرة لي << الأخ بينام مقفل من التفكير
لما توصل السفينة إلى مياه ضحلة تندفع قليلا و بعدين تخفف أو توقف
النتيجة أن السفينة لما توقف مكانها بتضغط على القاع و خاصة أنه يكون من رمل و يصير بسبب الضغط المكان أغزر شوي
بعد ذلك يتم تشغيل المحركات و تحريك السفينة للأمام قليلا و تتكرر العملية في المناطق اللي فيها المياه الضحلة لحد ما تتعداها. :victory:
قد يكون الحل صحيحا و قد لا يكون كذلك و لكننا سنخرج من المسابقة بشرف المحاولة:shy:
The Master
17-03-2010, 05:37 AM
ياعيني عليك يابدون...اعجبتني فكرتك...المسماه ب "السنه"
ترتيب خيو...وطريقتك صحيحه...لكن السفينه بتتأخر واجد...فا بيفنقش ابو الشباب...احم

لكن بكل الاحوال احييك على المجهود والمشاركه...

وكنت انتظر التفسير العلمي...

وان شاء الله باحط الجواب اليوم...
حدالكلمه
17-03-2010, 07:16 AM
سؤااال وشمعنى الطريق الاقصر راح ياخذ خمس ساعات ونص ؟؟ محيرتني هالنص
لولوتي
17-03-2010, 07:42 AM
والحل ؟؟؟ :nice:
The Master
17-03-2010, 12:28 PM
احم...
اللي يسأل عن النص...يقولك المعنى في بطن الشاعر...خليتي كل شي في الموضوع وركزتي عالنص...احم
لجيت اشرح الجواب باذكر ليه النص...

واللي يسال عن الحل...
كان المفروض امس...وللظروف...صار لي يومين اشارك في المنتدى عن طريق الجوال...
واحتمال تزيد يومين...
فا اعذروني...لان الجواب لازم تنسيق...وصور وغيره منوالاشيا عشان توصل لكم المعلومه...
فا لفضيت من الامتحانات ان شاء الله باحط الحل...

تشكرون للمتابعه...واذاحد فيكم له خاطر يستمر في البحث عن الحل المكان مكانه...
والعذر ان الشئ خارج عن ارادتي...*
وباطل عليكم فتره لفتره بالجوال...احم
لولوتي
17-03-2010, 07:41 PM
الله يوفقك :)

ابي الحل :nice:
حليتان*
17-03-2010, 08:09 PM
الله يوفقك يا عليااان


الله يسهل عليك ان شاء الله
The Master
20-03-2010, 02:49 PM
وياكم يارب...لاهنتوا على الدعوه الطيبه..وماتجي الا من ناس طيبه...ولكم بالمثل يارب...

باااال...احس الموضوع ثلج...احم
باحط الجواب الليله ان شاء ربي...
مع الناس
20-03-2010, 03:16 PM
السلام عليكم ورحمة الله وبركاته

المريض سواء أن ذهبوا بالطريق المختصر أو المعتاد ففرصة نجاته لا تتعدى ال10% !

فمن غير المنطقي ان نخاطر بحياة الالوف المؤلفه في السفينه بالذهاب من الطريق المختصر ذو المياه الضحله من أجل مريض ( على حساب الاصحاء )

بل الحل ان تذهب السفينه من الطريق المعتاد لينجوا جميع الراكبين اما المريض فهو شخص واحد وفرصة نجاته قليله

يسعفونه فلسفينه فإن وصل سالماً الحمدلله وإن مات رحمه الله !
فيبقى أفضل من أن تسقط السفينه ويموت الجميع من أجل مريض

حل اجتهادي .. مارأيك ؟ :nice:
The Master
20-03-2010, 04:11 PM
اخوي مع الناس
وين حقوق الانسان عنك...احم
جوابك عقلاني لكنه غير صحيح...
انتظر الجواب وفالك الرضا
وان كنت تبغي تحوس منا ولا منا بحث عن الجواب...مافي اشكال...
The Master
20-03-2010, 08:46 PM
هذا الجواب وصل...

طبعا عشان توصل الفكره لازم بالتفاصيل...

الجواب هو ان السفينه تاخذ الطريق المختصر...
طيب كيف هي راح تتفادى المياّ الضحله...انها تخفف من سرعتها العاديه...
طيب وكيف هذا له شغل في ان قاع السفينه مايحتك ب قاع البحر؟؟؟

بفعل القوة الهيدرودايناميك..."لحد يتعقد بس...احم"

نوضح لكم اكثر...
تعرفون شي اسمه الضغط...غير عن ضغط الدم...
معروف ان الضغط المرتفع يتجه ب اتجاه الضغط المنخفض...مثل الجو...ضغط جوي مرتفع وضغط جوي منخفض...بفعل الغيوم والهوا...

المهم...في موضوعنا في السفينه...
مثل ابسط لكم...
اذا عندك سياره نازله...قريبه من الشارع...وجيت عند مطبه...وش تسوي؟؟
تخفف السرعه عشان موترك مايحك في المطبه...طيب ليه؟؟...لان السرعه تخلي السياره تنزل اكثر...
طيب وش التفسير لهالشي؟؟؟...
الحين باشرح لكم...
السياره لما تسرع...تواجه الهوا...والهوا يتخللها من فوق وتحت وعالجوانب...
وين المكان اللي يكون فيه الهوا وهو يتخلل السياره مسكر عليه؟؟؟ من فوق ومن تحت؟؟؟
طبعا تحت...لانه محوط ببن قاع السياره والشارع...
فا هذا يسبب انحكار لمجال الهوا في المرور...بينما الاماكن الثانيه الهوا يخلل بكل حريه...
فا الهوا تحت السياره تزيد سرعته عن الهوا فوق السياره...بسبب الانحسار...
وهالشي يسبب ان الهوا بما انه محصور...يسبب الضغط المنخفض...غير عن الهوا فوق وذاك يسمونه الضغط المرتفع...

فا وش يصير؟؟؟
دايما الضغط المنخفض يجر صوبه الضغط المرتفع...فا يخلي الهوا يكبس عالسياره...ويخليها تقرب زود من القاع...

الحين نرجع لسفينتنا...
تخيلوا الهوا هو الماء...وقاع السفينه هو قاع السياره...والرصيف هو قاع البحر...
فا نفس الحال...ونفس الاسباب...فا الحل ان نخفف من سرعة السفينه العاديه...
لكن مش كثير...على حسب العمق...وطبعا الماء كثافته تختلف عن الهوا...فا مش نفس السياره نخفف واجد...
هنا بعض الصور للتوضيح...

ماعليكم من الهذره...اللي فيها...

http://images.books24x7.com/bookimages/id_17941/fig17-1.jpg


ها اوصلت المعلومه؟؟...

لحظه للحين ماخلصت انا...احم

نجي للشي المثير...او الشي اللي كان اساس وضعي للسؤال...

من فيكم يعرف الطياره كيف اتطير؟؟؟او بمعنى اخص كيف ترتفع؟؟...

نفس النظريه اللي شرحتها لكم فوق...
اللهم...اقلب السالفه...
خل جناح الطياره هو الماء...
وقاع السفينه هو الضغط المرتفع...
وقاع البحر هو الضغط المنخفض...

تفضل شوف هالصوره بتوضح لك...

http://upload.wikimedia.org/wikipedia/commons/2/2d/Equal_transit-time_NASA_wrong1.gif

اللون الاحمر يعني الضغط المنخفض...وسرعه اكبر...
واللون الازرق يعني الضغط المرتفع...وسرعه اقل...

وهالصوره توضح لكم اكير كيف سرعه مجرى الهوا...
طبعا الجناح وتصميمه وشكله هو يسبب الفرق في السرعه من فوق ومن تحت...


http://upload.wikimedia.org/wikipedia/commons/9/99/Karman_trefftz.gif



احم...
ان شاء الله استفدتوا من الموضوع...وزدتوا ثقافه...

عقب هالموضوع عرفنا...

- وشو يعني الضغط المرتفع والمنخفض وكيف علاقتهم ببعض...

- ليه نخفف سرعتنا اذا جينا عند المطبات..."غير عن ان السياره ب اتشلخ...احم"

- كيف الطياره اتطير...


وبس...

وطبعا تقدرون تبحثون وتشيكون...بتستفيدون اكثر...
واذا سهيت عن نقطه او اخطأت فيها...يامرحبا باللي يصحح لي...
لان هذا كله من معلوماتي...وبحثي...ماهو نقل من حد...

ويامرحبا بكم...
وتشكرون على المشاركه الطيبه...
لاهنتوا
The Master
21-03-2010, 09:15 AM
للرفع للي ماشاف الحل...
The Master
22-03-2010, 07:06 PM
اممممم...
للرفع...ماشوف حد عقب عالحل؟؟؟
بدون
24-03-2010, 04:43 PM
هلا و الله بالماستر
عودا حميدا ان شاء الله
قريت الإجابة و تمقلت فيها عدل ،،، بس لو و الله اتم مية يوم أفكر بالإجابة ما جبتها جذي
و آسفين على التأخير في الرد مشاغل الدنيا....
الله يعطيك العافية على الأسئلة الحلوة
ننطر الحلقة الرابعة من مسابقات المااااااااستر عليان
The Master
25-03-2010, 07:57 PM
هلا و الله بالماستر
عودا حميدا ان شاء الله
قريت الإجابة و تمقلت فيها عدل ،،، بس لو و الله اتم مية يوم أفكر بالإجابة ما جبتها جذي
و آسفين على التأخير في الرد مشاغل الدنيا....
الله يعطيك العافية على الأسئلة الحلوة
ننطر الحلقة الرابعة من مسابقات المااااااااستر عليان

يالله حيهم بالطالب المجتهد...احم
الله يسلمك...الا عودا حميدا لك...

ليه ليه ليه...هو كان عليك البحث...عشان اتوصل لها...
افا عليك مايحتاج تتاسف...الامور سهالات...اهم شي خلصت امورك؟؟...

سؤال رابع؟؟؟...اي هين...
يعني 3 اساأله ومحد جاوب...احس اني قاعد اعقدكم بزود...
مع ان كل مره اقول هالسؤال اسهل من اللي قبله...وانا صادق...لكن يطلع بالعكس...احم

على العموم...تشكر على متابعتك المتميزه والله...واحييك عليها...وكل من شارك...وتعب في الاجابه وفكره...

وان شاء الله استفدتوا من هالكم سؤال...وشغل امخيخاتكم...

ويامرحبا بكم اخوي بدون...
ولاهنت على كل حال...