الفيلم القطـــري النهاية ...

[الدوحه 2006]

السلام عليكم ورحمه الله وبركاته

مساكم الله بالخير
من كم يوم وصلني رابط اسمه فلم قطري في بريطانيا وبصرااحه عجبني وقلت انقله لكم واشوف رايكم فيه وهو من اعداد شباب يدرسون هناك

بطولة
احمد الشيراوي
حمد المالكي
محمد العطية
ناصر الحمادي
اخراج
محمد الهيدوس

الفيلم صور في مدينة سوانزي في بريطانيا

الفلم على جزئين ومده تقريبا 20 دقيقه وهو موجود في موقع يوتيوب ..

حاولت احط الرابط بس ما يصير مادري ليش :(

[بوذياب]

ولاتزعل هاك الرابط هاي ينقل الفلم

اضغط (http://www.qtr888.com/vb/showthread.php?p=118488#post118488)

[الغانم 533]

جزاهم الله خير

[Rayyani213]

ماشالله على شباب سوانزي مبدعين.... انشالله ربعنا يسون شي غير قعدة البيت...

[الـخـالـدي]

عليكم السلام ورحمة الله وبركاته

قصة الفلم طيبه .. المميز فالفلم انهم اختموه بآيات قرانيه

يعطيك العافيه على النقل المميز

اخوك الخالدي

[بنت ذياب]

الفلم يصيييييييح :weeping:

والنهاية حزينة

بس فعلا قصة معبرة

[ع.م]

يعطيهم العافية وبارك الله فيهم..

جودة التصوير عالية.. والتمثيل صج مقنع..

المخرج أبدع..

في مشاهد أحس كانت تحتاج تكون أقصر..

Yessss لقيت الجواز...هذا مقطعي المفضل :)

مشهد الأغاني.. لكم عليه شوي.. مشكورين إنهم حطوا ظل بدال الصج.. بس لو مثلاً بس أيادي بدون أجسام.. ويكون مشهد قصييير.. بس رمزي.. كان بيكون أفضل..

مشهد الساعة اللي في الطوفة عجبني.. يعني إن الوقت يضيع عالفاضي والصبي مايدري شالسالفة مندمج.. هاي شي شي..

بخصوص اللي يتصل على منصور و سالم.. لو كان يفكر بدون صوت أحسن.. يعني يكون صوته فالخلفية.. وساكت.. عرفت.. محد فالصج يفكر بصوت عالي.. يمكن فيه.. مادري.. المهمم..

استخدام الآي فون عجبني.. أحسن من البلاك بيري.. شي يصلح حق أجواء الغربة..

بخصوص إنهم ماتوا آخر شي.. هذي النقطة حسيت المفروض ماتكون موجودة.. أولاً عورتوا قلوب أهلهم :) ثانياً صعب التصديق إن كلهم ماتوا في نفس الوقت.. وبعد أنا ماكنت أدري إن منصور مدمن حبوب..أو شي.. مادري مافهمت سالفة الحبوب اللي احذاه.. يعني انتحر؟ وإذا انتحر ليش الحبوب منثرة المفروض إنه بلعها صح؟ .. والله مادري.. بس ليش ذبحتوا منصور ماسوى شي.. ماعنده إلا السوني :(

والطيب اللي مات :( كان خاطري أعرف شنو طبخ :) حسيت إنه ربيان.. اشدخل..

المهم..فكرة إن فلم عن الشباب اللي يدرسون بره.. واااايد حلوة الفكرة.. عجبتني.. دايماً أفكر فالمغتربين واعليه.. يمرون بضغوطات وايد.. يبون يفرحون أهلهم ويرفعون اسم بلادهم.. و يواجهون الفتن.. والدراسة صعبة.. وايد أحترمهم أحس إنهم أبطال.. مشكورين إنكم سلطتوا الضوء على هالفئة من المجتمع.. اعيالنا المغتربين اللي يدرسون بره :( اللي جامعات بلادهم مااحتضنتهم للأسف :(

أتمنى محد يزعل وتستفيدون من ملاحظاتي في الفلم الياي.. أكيد بيكون إبداع نفس هالفلم وأحسن بعد..

[الوعد2016]

له قصه وعبره ولكن من يعتبر
جزاهم الله خير
وكل الشكر لصاحب الموضوع ولمن وضع الرابط
تقبلوا تحياتي

[تاجر]

ما قصروا .. رحلة الميل تبدأ بخطوة دائماً ..
اتمنى التوفيق لهم ومن الافضل إلى الافضل ان شاء الله

[IPOD]

فيلم مضحك صراحة بدون زعل

يكفـي فيهم بس روح المبادرة احييهم عليها

لكن القصة وخصوصا ختمة ان كل الابطال ماتوا صراحة كوميديا سوداء هبلة

يعني كان ممكن كتابة نص يوصل الفكرة بصورة افضل لكن استخدام اسلوب الترهيب الأصولي امر خارج نطاق الواقعية ممكن واحد يموت فيهم بقتنع اما كلهم هاي لازم يتكون حلت عليهم لعنة الفراعنة

[ورقــة أمــل]

التصوير حلوو

بس القصة مب مرتبة كلش

وشلون ماتو ثلاثتهم في نفس الوقت وكل واحد في مكان يعني اممم يبيلها ترتيب

[ولد شرق]

مع كل احترامي للي انتقدوا االفلم اقول لهم انكم مثبطين للهمم
واذا تميتوا بس تنتقدون صدقوني ماراح توصلون لأي نتيجة غير الفشل

الفلم بادرة طيبه من الاخوان وانتاج مميز خصوصا انهم الموارد المتاحة كانت محدودة
واللي انمتقد التمثيل اقول له لاننسى انهم طلبه مش ممثلين
واللي انتقد التصوير اقول له لاتنسى انهم طلبه مش محترفين تصوير
واللي انتقد الحوار والقصة اقول له لا تنسى ان اللي ألف القصة طالب مش اسامة انور عكاشة

بكل اختصار الفلم ممتاز
وإلى الامام دائما

[المخباط]

احيي فيهم جرئتهم واشراكنا معهم في التجربة
أول الغيث قطرة والى الأمام
ملاحظه :
طلع عندنا كادر ناقد سينمائي( مادري ليه ما استعانوا فيهم هوليوود لتصنيف افلامهم):nice:

[Northman]

بدال ما نشجعهم ننتقد وهذا احنا مانشوف الشي العدل
ال والا والا

هذول طلاب وحبوا يوصلون فكره

مافي حد بدا بروفشنال

الله يوفقهم ويعطيهم الف عافيه

[الدوحه 2006]

مشهد الأغاني.. لكم عليه شوي.. مشكورين إنهم حطوا ظل بدال الصج.. بس لو مثلاً بس أيادي بدون أجسام.. ويكون مشهد قصييير.. بس رمزي.. كان بيكون أفضل..


ع.م

اشكرج على المرور والنقد البناء ..

وانا بصراحه معج في هالنقطه المقطع كان وايد طووويل والي اتوقعه الي كانوا يرقصون هاي فيديو ثانيه مدخلينه مع الفلم مش من تصويرهم على ما اتوووقع ..




بخصوص إنهم ماتوا آخر شي.. هذي النقطة حسيت المفروض ماتكون موجودة.. أولاً عورتوا قلوب أهلهم :) ثانياً صعب التصديق إن كلهم ماتوا في نفس الوقت.. وبعد أنا ماكنت أدري إن منصور مدمن حبوب..أو شي.. مادري مافهمت سالفة الحبوب اللي احذاه.. يعني انتحر؟ وإذا انتحر ليش الحبوب منثرة المفروض إنه بلعها صح؟ .. والله مادري.. بس ليش ذبحتوا منصور ماسوى شي.. ماعنده إلا السوني :(


هو المقصود ان نهايه كل واحد شلون كانت وما كانوا يقصدون ان كلهم ماتوا في وقت واحد << مجرد توقعات




ثانياً: اشلون يصلون جنب بعض مب المفروض واحد إمام ويصلي جدام؟ ولا كل واحد يصلي بروحه؟ وإذا كل واحد يصلي بروحه مب المفروض يصبر على الريال شوي يمكن تأخر فالسجود يدعي؟


:omg::omg:
شنو اشلون يصلون ؟؟
يصلون جماعه جي الصلاه اذا كانوا 2 يكونون يم بعض والي على اليسار يكون هو الامام

وتحياتي لج

ــــــــــــــــــــــــــــــــ

مشكورين كل من رد وحط تعليقه وافكاره ولازم نشد على يدهم وخاصه هم مب محترفين ولا اي شي حبوا يسون شي والله يوفقهم في دراستهم ونشوفهم يشرفون بلدنا

[ع.م]

:omg::omg:
شنو اشلون يصلون ؟؟
يصلون جماعه جي الصلاه اذا كانوا 2 يكونون يم بعض والي على اليسار يكون هو الامام



eeeee صح نسيييت إن المفروض اثنين يصلون جنب بعض:secret: .. السموحة.. عيل صح إنه يدزه لأن أكيد مارح يدعي هالكثر ومايقوم من السجود دام هو في جماعة..

معليش بس لأن ماقد شفت اثنين يصلون جماعة قدامي فماثبتت عندي هالمعلومة.. مع إني قاريتها..

باعدل ردي الأول علشان ماعطي الناس معلومات غلط..

السموووحة..

[IPOD]

لحول لله يعني بس لازم نمدح ياخي ابسط فلم قصير يألفة طفلة احسن من كذا ذكرني بدعايات مكافحة المخدرات

بعدين انا مانسيت اني احيي فيهم روح المبادرة وهذا كفاية

بس من ناحية الفلم ابسط من عادي وانت ذكرت بنفس انهم مش محترفين هذا مش معناتة اني امدح لانهم مش محترفين يعني الشغل عجيب ماشالله حيينا فيهم روح المبادرة لااكثر اما الفلم كفكرة جيدة كتنفيذ فاشل خصوصا النهاية التراجيدية تدعو للضحك

[ريم المدينة]

جهد حلو و محاولة طيبة...

بس في شي ثاني ابي استفسر عنه .....

الشقة حلوة الصراحة....

ممكن اسم البناية ووين مكانها؟؟

[الدوحه 2006]

جهد حلو و محاولة طيبة...

بس في شي ثاني ابي استفسر عنه .....

الشقة حلوة الصراحة....

ممكن اسم البناية ووين مكانها؟؟

والله ما عندي اي خلفيه عن هالشي .. اتمنى احد يفديج

[£عبدالعزيز£]

والله ما عندي اي خلفيه عن هالشي .. اتمنى احد يفديج

الشقة في مدينة سوانزي بويلز

وتقريبا اغلب الشقق المطلة على البحر هناك نفس الاثاث

ويتراوح سعرها من 600 الى 900 باوند فالشهر حسب الموقع والحجم

[£عبدالعزيز£]

اما عن الفلم الصراحة احلى مافيه فكرة الاخراج

خصوصا مقطع الظل

[امـ حمد]

الله يوفقهم

جزاك الله خير

[بريكان]

سؤال الي اللي مسووين الفلم
هم يدرسون تمثيل ؟؟ والا شسالفتهم بالضبط :con2:

[biz-qtr]

مجهوووووود وفلم اتعبوو عليه

وبادره طيبه احييييييييهم عليها صراحه

وايد عجبني الفلم واكيد بيكون فيه اخطاء اول مره :)

[Parfait]

سؤال الي اللي مسووين الفلم
هم يدرسون تمثيل ؟؟ والا شسالفتهم بالضبط :con2:

لا .. حبو يستثمرون وقتهم بشي يديد !

[ع.م]

أنا ماكنت أدري إن منصور مدمن حبوب..أو شي.. مادري مافهمت سالفة الحبوب اللي احذاه.. يعني انتحر؟ وإذا انتحر ليش الحبوب منثرة المفروض إنه بلعها صح؟ .. والله مادري.. بس ليش ذبحتوا منصور ماسوى شي.. ماعنده إلا السوني :(

..

توني شفت الفلم مرة ثانية واكتشفت إن منصور طول الفلم وهو يبلّع في هالحبوب بس أنا مادري اشلون ماانتبهت.. السموحة توني استوعبت الادمان.. الاستيعاب بطيء الله يكافيكم الشر..

[الدوحه 2006]

توني شفت الفلم مرة ثانية واكتشفت إن منصور طول الفلم وهو يبلّع في هالحبوب بس أنا مادري اشلون ماانتبهت.. السموحة توني استوعبت الادمان.. الاستيعاب بطيء الله يكافيكم الشر..

نفس الشي والله توني انتبهت من بدايه الفلم وهو ياكل هالحبوب

ــــــــــــــــــــــــــ

الجميع منور بالمرور

[black@white]

ابداع ما شاء الله عليهم كتجربه اولى
الله يوفقهم