العمل في القطرية ............... واخوي

[بدوور]

اخوي خلص دراسته في كلية الطيران وكانت القطريه هي الجهة الداعمة له كمهندس طيران
ويفترض ان يعمل فيها .ولكنه متردد وايد بسبب عدم وجود حوافز للقطريين اضافه الى ان الرواتب متدنيه اذا قارنها بزملائه في المؤسسات الثانية..... وهو يقول ان محد من الدفعات السابقة تعين عندهم للاسباب السابقة. ويبغي يحصل فرصة عمل افضل
مع اني مع الراي اللى يقول يود مينونك وخليك فى مجال دراستك
نبغي مشورتكم يااهل الراي؟ ارجوكم لا تبخلون علينا بالراي السديد لان هالموضوع موتر البيت كله وانا ادري انكم ما راح تقصروون

[@ بوفيصل@]

عليه بالاستخاره

ان شاء الله يفيدونج الاعضاء

الله يوفقه وينوله مراده

[طلعة الروح]

خله يجرب يشتغل ويشوف واذا ما اعجبه يغير ماراح يخسر شي خصوصا انه الفرصه موجوده عنده خله يستغلها والتجارب في مجال العمل ضرورية اتوقع..

[بدوور]

عليه بالاستخاره

ان شاء الله يفيدونج الاعضاء

الله يوفقه وينوله مراده

تسلم على المرور

[Bu Rashid]

خليه ياخذ سنووووات خبره على الاقل

قالها عبدالله بن حمد العطية ما عندنا بطاله ولكن يبووون رواتب احسن :secret:

[الشحانية يونايتد]

الله يوفقه بس في شغله

95% من خريجي الكلية من المهندسين لم يبقوا في الخطوط القطرية وحتى آخرهم مجموعة طلعوا واشتغلوا بسلاح الجو

يعني المهندسين القطرين في القطرية قليلون جداً جداً جداً

ونرجوا من المسؤليين متابعة اسباب هروب المهندسين من العمل في القطرية وحل المشكلات
أخبر قبل سنة او سنتين ناسي والله كان في شكوى بوطني الحبيب من القطريين في القطرية وقالوا انهم فتحوا تحقيق ومدري هل صار في حلول ولا سكروا على الموضوع

[بوعمير]

أختي بدور، ربعي 4 مهندسي طيران متخرجين من كلية الطيرن كلهم يشتغلون في راس غاز وقطر غاز، وكلهم كانو شغالين في القطرية وهدوه بسسب ضعف الراتب وقلة الحوافز.

[دلوليانوز]

أختي بدور، ربعي 4 مهندسي طيران متخرجين من كلية الطيرن كلهم يشتغلون في راس غاز وقطر غاز، وكلهم كانو شغالين في القطرية وهدوه بسسب ضعف الراتب وقلة الحوافز.


مهندس طيران في راس غاز.؟؟ اشيشتغل هناك؟

بعدين..هل معاشه اقل من 25000..

[alrheeb2020]

الله يوفق اخوج ان شاء الله

[الوعد2016]

القطريه رواتب قليله وشروط تعجيزيه لي كم صديق تخرجوا من الكليه وعند اكمال الدراسه لم يعترفوا بالكليه لنقص بعض المواد وتم ارسالهم للخارج لاكمال المواد الدراسيه وتوظفوا في راس غاز و قافكو وكفاك
طبيعت عمل في الصيانه طبعآ المصانع تحتاج صيانه ومكاينها قريبه من حجم مكاين الطائرات والفرق في العدد فقط
واذا بيقدم على سلاح الجو شي ممتاز اذا له رتبه يعني ملازم بعد تدريب تاسيسي فقط
بالتوفيق للجميع

[ولد البدع]

المستقبل في القطريه ودوام الحال من المحال وفي الأخير القطري بياخذ وضعه في ناقلتنا الوطنيه آنا رايي يتوكل على الله ويداوم هناك مادام انه ناوي عليها من زمان ولا يشتت نفسه ويسمع كلام الناس
الله يوفقه

[حليتان*]

مايصير جي المفروض يكون في حوافز للمتخرجين

الواحد يتعب ويتعب في الاخير ما يحصل الي يحبه... ما يصير

[بوعمير]

مهندس طيران في راس غاز.؟؟ اشيشتغل هناك؟

بعدين..هل معاشه اقل من 25000..

لا تستغرب اخوي، واحد منهم يعمل في قسم التدريب والباقي مهندسي صيانه وميكانيكا في المصنع، وبالنسبة لراتب فوق 30000 الف ريال، الله يزيدهم ويكثر القطريين في قطاع الصناعه والغاز.

[رويس]

يعني الوضع في بيتكم متوتر بارك الله فيج والسبب وظيفة اخوج ؟؟؟؟ .......... الله يفرج همكم ويرفع الكرب عنكم ويشرح صدوركم .

[كازانوفا]

خله يجرب لعله خير الواحد فينا لما يحسن نفسه اوقات انه مجبر على ان يسوي شي هو مش عايز يسويه والله يطلع له خير كثير منه
ربي يساعدكم

[بو خليفه 123]

الايجابيه في تخصص اخوج انه يدرس عن المكائن و ال Turbine التي تعمل عليها ايضاً معظم شركات الغاز والبترول في بعض الاقسام على حد علمي المتواضع .

اخوج بأمكانه يقدم على سلاح الجو او راس غاز او قطر غاز
عدد كبير من المهندسين القطريين الذين يشغلون مناصب عليا بالهندسه بشركات الغاز هم خريجين كلية الطيران للعلم .

الأهم من هذا هو الاستقلاليه في رأيه و عدم تدخل اي شخص بالموضوع لأنه لو انقلبت الآيه على اخوج راح يلوم اللي قاله اختار هالشركه ..

علموه اتخاذ رأيه بنفسه .. و عسى الله يوفقه و يعطيه اللي فيه الخير

[دلوليانوز]

لا تستغرب اخوي، واحد منهم يعمل في قسم التدريب والباقي مهندسي صيانه وميكانيكا في المصنع، وبالنسبة لراتب فوق 30000 الف ريال، الله يزيدهم ويكثر القطريين في قطاع الصناعه والغاز.

طيب...ليش زعلان..غيرك مب لاقي نص هالمعاش ومهندس

[بدوور]

أختي بدور، ربعي 4 مهندسي طيران متخرجين من كلية الطيرن كلهم يشتغلون في راس غاز وقطر غاز، وكلهم كانو شغالين في القطرية وهدوه بسسب ضعف الراتب وقلة الحوافز.

مشكوريين والله يعطيكم العافية .والحقيقه هو حاب يشتغل في تخصصه لكن القطرية ما في اي تشجيع و تقدير او امتيازات مقارنه بالمؤسسات الثانية .وفي نفس الوقت يقولون انهم متمسكين فيهم ويبغونهم في المجال .....بالعربي لا يرحمون ولا يخلون رحمة ربنا تنزل

[بدوور]

الايجابيه في تخصص اخوج انه يدرس عن المكائن و ال turbine التي تعمل عليها ايضاً معظم شركات الغاز والبترول في بعض الاقسام على حد علمي المتواضع .

اخوج بأمكانه يقدم على سلاح الجو او راس غاز او قطر غاز
عدد كبير من المهندسين القطريين الذين يشغلون مناصب عليا بالهندسه بشركات الغاز هم خريجين كلية الطيران للعلم .

الأهم من هذا هو الاستقلاليه في رأيه و عدم تدخل اي شخص بالموضوع لأنه لو انقلبت الآيه على اخوج راح يلوم اللي قاله اختار هالشركه ..

علموه اتخاذ رأيه بنفسه .. و عسى الله يوفقه و يعطيه اللي فيه الخير
معاك حق
وحنا بس نحاول ان ندعم اختيارة لان هذا مستقبله في النهايه

[بدوور]

يعني الوضع في بيتكم متوتر بارك الله فيج والسبب وظيفة اخوج ؟؟؟؟ .......... الله يفرج همكم ويرفع الكرب عنكم ويشرح صدوركم .

اخوي انت فهمت غلط . الله لا يجيب هم اوكدر. لكن احنا حاسين بالموقف الى فيه اخوي ومن كثر الكلام السلبي الى يوصلة من ربعه
وانا حبيت استشيركم

[sad-o-bas]

السلام عليكم..

إختي خليه يقدم عندنا في الشركة، والشركة ترحب بالقطريين إلي من الكلية، بصراحة رفعوا راس الكلية، ومبيضين الويه بشكل ماتصورينه.. أغلبهم شغولين، وحابين يتعلمون ومبدعين، والله أكثر من خريجين الجامعات إلي بعضهم يكتفي بالقعدة فالمكتب، أما شباب الكلية، الكل يشهد إنهم أغلب أوقاتهم فالفيلد، ونادر ماتصيدهم في مكاتبهم :)

مثل ماقالوا الإخوان.. محركات الطيارة قايمة على التربينات.. وحتى القطرية تربينات طييايرها كلها جنرال إلكترك، وهي تربينات شركات قطر غاز وراس غاز..

خليه يقدم، وبإذن الله بتاخذه الشركة.. إختي إذا إخوج يبي مساعدة في التوظيف.. ومعدله زين.. طرشيلي رقمه على الخاص، وأنا مستعد أساعده.. وياهلا ومسهلا بكل بشباب الكلية..

تحياتي..

[TRAINING]

انا نصيحتي يتم بالقطرية لانه اذا كل واحد تخرج وراح الغاز من بيتم عندنا بالقطرية وعقب القطرية كلها اهنود لازم الواحد يتحمل والناس الي مايبون هالقطر على سبيل المثال كم بيتمون سنه او 10 ماردهم بيطلعون وبيتمون اهل البلاد انا اشوف يكمل في مجاله افضل وانشالله ايكون له مستقبل ويشغل منصب ويقطر :)

[هدهد سليمان]

ما خاب من استخار ولا ندم من استشار .. اختي الفاضله عندي اثنين من ربعي قطريين طيارين ومرتاحين بالقطريه .. فخله يتوكل على الله .. ونبي نشوف قطريين بالخطوط القطريه .. ونفتخر بوجودهم ومثل ما قال اخوي training يتم بالقطريه افضل له .. والله يقدم اللي فيه الخير

[MP3]

اختي اذا شهادته عنده يروح يقدم بســلاح الجــو

رواتب ومكافأت وكل الي يبيه

الله يكتب له الخير

[بدوور]

السلام عليكم..

إختي خليه يقدم عندنا في الشركة، والشركة ترحب بالقطريين إلي من الكلية، بصراحة رفعوا راس الكلية، ومبيضين الويه بشكل ماتصورينه.. أغلبهم شغولين، وحابين يتعلمون ومبدعين، والله أكثر من خريجين الجامعات إلي بعضهم يكتفي بالقعدة فالمكتب، أما شباب الكلية، الكل يشهد إنهم أغلب أوقاتهم فالفيلد، ونادر ماتصيدهم في مكاتبهم :)

مثل ماقالوا الإخوان.. محركات الطيارة قايمة على التربينات.. وحتى القطرية تربينات طييايرها كلها جنرال إلكترك، وهي تربينات شركات قطر غاز وراس غاز..

خليه يقدم، وبإذن الله بتاخذه الشركة.. إختي إذا إخوج يبي مساعدة في التوظيف.. ومعدله زين.. طرشيلي رقمه على الخاص، وأنا مستعد أساعده.. وياهلا ومسهلا بكل بشباب الكلية..

تحياتي.. مشكور ما قصرت والله يكتب غلي فيه الخير

[بدوور]

انا نصيحتي يتم بالقطرية لانه اذا كل واحد تخرج وراح الغاز من بيتم عندنا بالقطرية وعقب القطرية كلها اهنود لازم الواحد يتحمل والناس الي مايبون هالقطر على سبيل المثال كم بيتمون سنه او 10 ماردهم بيطلعون وبيتمون اهل البلاد انا اشوف يكمل في مجاله افضل وانشالله ايكون له مستقبل ويشغل منصب ويقطر :)

انا معاك ان احنا كقطريين لازم نتحمل
بس مثل ما سمعت ان الاوضاع في القطرية مأساوية ليست في الرواتب المتدنية فقط ولكن في الواسطات والمحسوبية وغموض التدرج الوظيفي ويسمعونهم وعود ووعود00000000000 والواقع مختلف

[الفا برافو]

اختي
السؤال المطروح هل اخوج يقدر يتخلص من العقد الالزامي اللي موقعه مع القطريه قبل بدء التديب؟
لانه حسب علمي وعقب تسرب كثير من خريجي الهندسه بكلية الطيران الي شركات البترول قامت القطريه بوضع عقد ملزم للعمل فيها لمدة خمس سنوات بعد التخرج .
بالنسبه للعمل في القطريه كمهندس فالطريق طويل قدامه وفترة التدريب توصل يمكن خمس سنوات وهذا احد الاسباب اللي خلت الكثير من الشباب يتركون القطريه عقب فتره بسيطه لانه الراتب التدريبي قليل نسبيا وفترة التدريب طويله نسبيا وطول الفتره الزامي لانه فيه مسؤليه كبيره .
وعلى فكره اعرف مجموعه من الشباب اللي طلعوا من القطريه والكل يقول الحمد لله اللي فكني منها
والباقين فيها بعضهم وده يطلع لكن العقد الالزامي رابطه ربط .
بالتوفيق لكل الشباب القطري في اي مكان يخدمون فيه قطر

[كركم]

عقب نقول ليش ما توظفون قطريين ,, طيب طالب قطري توه متخرج وحاب يشتغل في مجال تخصصه المفروض انه يصبر لين ما ياخذ خبره وبعدها يحدد اذا بيستمر في هذه الشركة ولا لا

[البيان]

يقول احد التابعين أذا عقدت الامر على شئ اولا استخر الله ومن ثم اسال اهل الثقة.
ويسال الشباب القطريين حاليا في القطرية وهم ماراح يقصرون معاه في شئ
وانا اعرف واحد من الربع في القطرية طيار ومرتاح -
ونصيحتي له انه يشتغل في القطرية ويشوف الامور كيف ماشية.

[بدوور]

يقول احد التابعين أذا عقدت الامر على شئ اولا استخر الله ومن ثم اسال اهل الثقة.
ويسال الشباب القطريين حاليا في القطرية وهم ماراح يقصرون معاه في شئ
وانا اعرف واحد من الربع في القطرية طيار ومرتاح -
ونصيحتي له انه يشتغل في القطرية ويشوف الامور كيف ماشية.

جزاك الله خير وانا اميل الى هذا الراي