احلى دوله لشهر العسل

[الماسة55]

السلام عليكم

ايش ترشحون لي احلى دوله لشهر العسل في شهر 7،وشرايكم في ايطاليا؟؟اهم شي عندي الجو والمناظر

[فارس الكلمة]

ايطاليا الجو حار في الصيف ..

تركيا بلد جميلة و قريبة .. و الف مبروك بالزواج مقدما ..:)

[النهار]

ماليزيا بلده مافي احلى ولا اروع منها للسياحه

[الماسة55]

ايطاليا الجو حار في الصيف ..

تركيا بلد جميلة و قريبة .. و الف مبروك بالزواج مقدما ..:)


الله يبارك لك،بس تركيا جيتها من قبل ابي دوله غير ،كم درجة الحراره في ايطاليا تقريبا
وشكرا ع ردك

[الماسة55]

ماليزيا بلده مافي احلى ولا اروع منها للسياحه

ماليزيا صح حلوه بس الكل راح لها ،وشكرا ع مرورك

[مالك أمل]

مكة المكرمة

حتى يكون زواجكم مبارك

[ولد الشقب]

الله يبارك لك،بس تركيا جيتها من قبل ابي دوله غير ،كم درجة الحراره في ايطاليا تقريبا
وشكرا ع ردك

30/35 بس شمسهم قويه وقريبة بس ترى في النهاااار بالليل يبرد الجو

[وهم قطر]

على البركه
اشوف لبنان احلى عجبل فوء عم بيجنن اجو ماراح تندم بوسط الغطيطه بلكي تعجبك

[وحش قطر]

موريش سمعت عنها ولا رحت لها

[rashid-1]

ماليزيا صح حلوه بس الكل راح لها ،وشكرا ع مرورك


وإذا الكل راح لها

من حضرتج عشان ماتروحين لها :tease:

[سنطره]

النمسا (فينا+سالزبورغ+زيلامسي) من حيث الطبيعة والجو الرائع واذا بغيتي اسماء فنادق وجدول للرحلة انا حاضر.
صج النمسا جنة في الارض ، انا رحت لها مرتين وناوي على الثالثة.
ايطاليا جوها حار بالصيف
ماليزيا ما انصحج اتروحينها لانها بالصيف حارة ورطبة.

[راعي البورصه]

فينا وبس من واقع تجربه .

[الامير]

اختاري من 3 .........السويد .........فيينا .................كندا

[البدر 8]

ميونخ + النمسا

[qtrose]

النمسا (فينا+سالزبورغ+زيلامسي) من حيث الطبيعة والجو الرائع واذا بغيتي اسماء فنادق وجدول للرحلة انا حاضر.
صج النمسا جنة في الارض ، انا رحت لها مرتين وناوي على الثالثة.
ايطاليا جوها حار بالصيف
ماليزيا ما انصحج اتروحينها لانها بالصيف حارة ورطبة.


أنا معاج سنطرة ، فعلاً زلامسي حلوة لشهر العسل ، أحسها رومنسية ...

جوها يجنن ، أمطار ، طبيعة ، شلالات ، شعب متحضر وراقي في تعامله

مع السائح العربي.

أما إيطاليا جوها حار بالصيف وما تقدر تقارنها بزلامسي وبنفس

الوقت غالية ،،

ماليزيا حررررررررر ورطوبة الواحد يكره عيشته !! كأنه مسافر

لها وهو مجبور،، وأنا هني أتكلم عن واقع تجربة !!!

ما سافرت سويسرا بس أسمع ناس يمدحونها ،،،

وبالمبارك :)

[qtrose]

اختاري من 3 .........السويد .........فيينا .................كندا


كندا حلوة ووايد فيها برامج وأماكن سياحية وطبيعة خلابة ...

[رهج السنابك]

اليابان

[الخير كله]

قطر ,,,,,
وايد يمدحونها طبيعه وشوارع وهدووووووووووووووء

[بوعلي 78]

شهر 7

كندا مونتريال انصح وبقوه بعد

واذا عندج اي استفسار او بغيتي مساعده انا حاضر

طرشيلي على الخاص ومايصير خاطرك الا طيب،،،


مبروك مقدما

[N7eEeS]

تحملي تروحين ايطاليا في الصيف حر موت :)
انا من عشاق لندن بس بما انكم في شهر العسل فانصحج بسويسرا وتحديدا مدينة انترلاكن جنة الله في ارضه حلوه وهاديه ومطاعمها وقعداتها حلوين، وتقدرين تطلعين منها على جنيف او زيورخ.
وحتى تكون عندج الصوره واضحه ادخلي منتدى المسافرون العرب وبتشوفين تقارير كثيره عنها.
والله يوفقكم ويرزقم بالذريه الصالحه.

[طماطه]

بصراحه الشخص هو اللي يحلي البلده .. خصوصا بشهر العسل

انا اشوف مااااليزياااا ^_^

[الجنـون]

بصراحه انا رحت ماليزيا بشهر 7 .. واستانست وايد ولا حسيت بالحر والرطوبه .. الا بلنكاوي كان الجو كله مطر فله ^_^

وانا ماقعدت بمدينه وحده تنقلت بين 4 مدن فاستانست ....

فنصيحتي لج .. عندج ماليزيا طبعا الجزر والمدينه تخلينها اخر شي .. وعندج اليابان بعد روعه .. وجزر سيشيل ..

[بو خليفه 123]

امريكا بدون منازع من ناحية صرف ارخص .. من ناحية طبيعه موجوده .. من ناحية مولات موجوده .. كل شي متوفر في امريكا و كل ولايه لها جانب متميز عن الثاني

[Index Signal]

امريكا بدون منازع من ناحية صرف ارخص .. من ناحية طبيعه موجوده .. من ناحية مولات موجوده .. كل شي متوفر في امريكا و كل ولايه لها جانب متميز عن الثاني

أتفق مع بو خليفه ..

أمريكا عباره عن ٥٠ بلد في بلد واحد..

كل ولايه تتميز عن غيرها ..

تقدر تقسم المده على كذا ولايه بحيث تغطي الشرق و الغرب و الشمال و الجنوب ..

بهالطريقه بتشوف كل الفصول و كل الأماكن سواء طبيعه أو تسوق أو ملاهي و كل ما يخطر على بالك ..

و الطيران الداخلي ما يكلف و عندك طيران فيرجن مميز من ناحية ديكور الطياره و خدماتها ..

طبعا بعض الولايات يفضل تتنقل بينها عن طريق السياره عشان تستمتع بالمناظر مثلا من لوس أنجلوس إلى لاس فيغاس .. أو من نيويورك إلى شلالات نياجرا..

و تقدر تستلم السياره في ولايه و تسلمها في ولايه ثانيه .. الأمور طيبه .. بس يبيلك تخطيط عشان تقدر تغطي أهم الأماكن السياحيه ..

تروح و ترجع بالسلامه و الله يبارك لك في زواجك و يرزقك الذريه الصالحه .

[Index Signal]

موريش سمعت عنها ولا رحت لها


إذا قصدك موريشيوس فهي إختيار موفق لهواة الطبيعه إللي ما يهمه سوق أو غيره ..

يعني مزاجه كوخ ٦ نجوم عالبحر و روم سيرفس و شاطئ نظيف و سماء صافيه و جو عليل ..

وهي بالمناسبه عباره عن جزيره كانت مستعمره فرنسيه و سكانها يتكلمون فرنسي ..

و تلقب بجزيرة المعاريس ..

لكن إذا بتروح أمريكا عندك بديل لها .. جزر هاواي .. تقدر تحطها بالجدول إذا عزمت تسافر أمريكا .

[بريكان]

انا ارشح لج دولتين وجنب بعض :) النمسا وسويسرا وادعي لي

[غبيش]

مبروك
نيوزلندا في شهر 7 الجو بارد عندهم
بس المشوار طويل بطيارة
بس بلد روعه ولا فيها مضايقات الكل في حاله بس طبيعه

[المجروح]

اختي اخذيها مني انا وما بتندمين
اعطيج احسن اختيارين من واقع تجربه لاني واايد درت اماكن

اذا تبين جو حلو وطبيعه طبيعه طبيييعه ان كل ما عينج يت على شي اتقولين ( سبحان الله ) ولمن ترجعين من السفر عبالج كنتي في حلم روحي ( زيلام سي في فينا) وهالمكان لشهر عسل من الدرجه الاولى بس لازم اتعرفين ان تقعدين فيها كمن يوم مايزيد عن الاسبوع والباقي اتقظين وكتج في فينا

المكان الثاني ( قولد كوست في استراليا ) اذا حبيتي جو حلو وطبيعه بس اقل من فينا لان طبيعتها بحريه بس هالمكان ان رحتيله مره في احتمال اتروحينه كمن مره لان راحه ووناسه وجو ووايد اماكن اتروحينها وماتتمللين يعني باختصار وايد حلو ولازم ما تقعدين فيها اقل من 20 يوم لان مايكفي

انا اعطي زيلامسي في فينا او فينا كلها 85%
وقولد كوست في استراليا 95%
وانتي اختاري بينهم على حسب رخبتج واذا تبين معلومات اكثر انا حاظر

وهاي صوره قولد كوست في استراليا
http://www.genkin.org/gallery/australia/brisbane/aubr0010.jpg

[تبتلشٍ]

ماليزيـــا حلوه ,, توني من شهر ونص راد منها ,, شهر عسل ,,
بس حـــاااره في بعض المناطق وبعض المناطق جوها بارد بالذات المناطق الجبليه ,, جوها حلوووبالتوفيق اخوووي ,, وألف مبروك

[KHALID1]

جنيف وبس

[مبرمج]

الف مبروك عالزواج ..
انا ارشح اسبانيا ..

[abu abdulla]

انصح بميونخ ومنها تقدر تروح فيينا او ايطاليا او سويسرا او فرنسا او التشيك كلهم قريب وطبيعه وجو جميل وبكل انواع المواصلات تقدر تسافر وفيه العديد من البحيرات الجميله قريب من ميونخ مثل اماسي وباد فيز وشتاينبيرق وتيجنزي

[المغروره]

مـــــــــــــــــــكه
تمنياتي لك بزوواج سعيد

[doha70999]

المالديف تهبل ومناسبة جدا لقضاء شهر العس ل في أجواء رومانسية

[ع.م]

لوغانو وانترلاكن في سويسرا..

[мĨSѕ ƒAŞнîợʼn]

ماليزيا صح حلوه بس الكل راح لها ،وشكرا ع مرورك

الكل راح لهــا .. بس انتي مارحتــي لهــا

:nice: ارششح مــاليــزيا :nice:

كل ششي حلوو السياحه والجو والمناظر الحلوووه والسووق >> اهم ششي
مراح تندمييين

:

[حرقطر]

ماليزيا بس اخذو فيلا شي خيال نسيت اسم الفندق

[Notepad]

مبروك ع الزوآج مقدمـآ

انصـحج في المـالديف شي خيآل وروعـه كخيأري الاول ..

الخيـآر الثـآني سويسـرآ ..

وبالتـوفيـق.,