الجن الجواعى !

[القلب المؤمن]

أخواني أريد أن أسألكم سؤالا يتعلق بالصدقة ..
اذا تم طلب الصدقة من قبل الجن (عمار المنزل) كصدقة طعام مثلا وتم تكرار الطلب والوعد بالدعاء للانسي بالحسنى أو مد يد المساعدة(بالنصح) في بعض الامور الدنيوية ..هل يعتبر ذلك نوعا من الاستدراج وفتح باب للتعامل المكروه ؟

وان كان الطلب قد تم من طفل (جني) لاطعامه !!
وقد تضمن الطلب ذكر اسم الله على بقايا عظام دجاج ووضعها في مكان مظلم او (خرابة) لايمرها انسان ..هل هذا أمر طبيعي ؟

تحياتي لكم

[HiTec]

ياحافظ
وكيف يطلبون كيف تسمعهم ؟
وكيف ممكن تفرق انهم من الجن وليس شيطان

[بوخالد2]

هل هذا نوع من الجن !

واذا صار الشي هذا اسال فيه المشايخ

[كازانوفا]

ارجع الى المشايخ لانه ادرى والفتوى بذمتهم ليوم الدين
لا تسالنا نحن فحالنا من حالك اخي الكريم
بس لازم بعد ما انخلص الغدا او العشى نترك لهم البقايا لان في حديث عن الرسول صلى الله عليه وسلم بما معناه ان اتركو شي للجن بسم الله عشان ياكلو منه لانهم يحبون اكل العظام وبقايا الاكل
الله اعلم

[هذلان]

بل ،، اعوذ بالله من الشيطان الرجيم .

سؤال اهل العلم افضل و انصح بسؤال اكثر من شيخ .



ارجع الى المشايخ لانه ادرى والفتوى بذمتهم ليوم الدين
لا تسالنا نحن فحالنا من حالك اخي الكريم
بس لازم بعد ما انخلص الغدا او العشى نترك لهم البقايا لان في حديث عن الرسول صلى الله عليه وسلم بما معناه ان اتركو شي للجن بسم الله عشان ياكلو منه لانهم يحبون اكل العظام وبقايا الاكل
الله اعلم

الي بالاحمر ،،، اول مره اسمع شي من هذا القبيل ،، ولا تهون تاكد لنا من الحديث و انزله في الموضوع للاستفاده . و ايضا للتاكد من المعلومه فمن الممكن تكون خاطئه و نتيجتها عكسيه

[كازانوفا]

هذا هو الحديث يا اخي هذلان

قال رسول الله صل الله عليه وسلم (( لا تستنجوا باللروث ولا بالعظام فانه زاد لاخوانكم من الجن ))
وطلعت عيني وانا ادور وابحث

لذلك طلب رسول الله من الصحابه بعدم اكل العظام وتركها لاخواننا من الجن وهذه المعلومه قراتها بكتاب
لاني من عشاق قراءة كتب الجن وانواعها
وبالتوفيق ان شالله

[القلب المؤمن]

هذا هو الحديث يا اخي هذلان

قال رسول الله صل الله عليه وسلم (( لا تستنجوا باللروث ولا بالعظام فانه زاد لاخوانكم من الجن ))
وطلعت عيني وانا ادور وابحث

لذلك طلب رسول الله من الصحابه بعدم اكل العظام وتركها لاخواننا من الجن وهذه المعلومه قراتها بكتاب
لاني من عشاق قراءة كتب الجن وانواعها
وبالتوفيق ان شالله


مشكوووورة أخت كازانوفا :)
أنا سألت مشايخ بس ماعرفوا يجاوبون لانه أمر غريب عليهم فاللي يعرف أحد خبير يسأل ولايبخل علينا بالاجابة بارك الله فيكم .
وانا ماشوف الجن بس هالولد عمره يمكن 8 سنوات كان يجيني بالمنام ويكلمني في الصحو يقول لي ودي العب مع الاطفال (اولاد اخواني) فيكسر خاطري ومايخوف ..كنت أقول له لو بتظهر بضربك !
بعدين مادري شلون الطبخة بس بعد صلاة القيام برمضان كنت أسمعهم بوضوح في البيت واحيانا اشوفهم لدرجة انهم يتضايقون يقولون انا اللي أدخل عليهم عالمهم !

فمرة من المرات ظهر لي على أرض الواقع وقال لي انا جوعان ! فحطيت له أكل عظام دجاج وسافرت بعدها ولما رديت من السفر رد كلمني قال لي عن خدامتنا ان بنتها ولدت وقال لي هي تفكر وين تطلع الصدقة الحين الله يخليج قولي لها تطلعها علينا واحنا بندعي لها .. النكتة ان الخدامة كانت توها بتقول لنا الخبر الصبح وجيت انا اقول لها ههههه تخرعت ! المهم قلت لها كان منام :))

بس لاتخافون عاد ترى السالفة عادية وماتخوف لانهم خلق مثلنا !

[HiTec]

هههههههه والله سالفة
اظن لازم تروح مشايخ وتشوف شنو سبب هالأمر من الأساس اخوي

لان ان كان في جن صالح ففي الطالح وممكن يأذيك اسم الله

واخوي انت متأكد انهم جن ؟؟

بس اقولك انتبه يمكن تكون ارواح موتى
يمكن يكون البيت مبني على مقبرة
لازم تتأكد من هالشي
والله اعلم

انزين على يا بنك بتحول الصدقة لهم هههه
وبطريجك اسالهم لو عندهم وظائف شاغرة ههههههه
امازحك :)

[العضو الماسي]

بسم الله الرحمن الرحيم

اتوقع لو يصير لي هالشئ يمكن اغير البيت الي ساكن فيه بكبره (( ههههههه ))



<<<<<<< ترى من صجه ؟؟؟

[Al- noor]

سبحان الله
شي غريب ، شلون انت اللي تدشين عالمهم ؟؟
وبعدين خاطرى افهم شلون يعني ارواح موتي ليش ارواح الموتي مثل الجن؟ لا طبعا اللي انا اعرفه انهم يعيشون في البرزخ واحنا مانقدر نشوفهم الروح تزور وتجي في المنام بس مب مثل الجن على حد علمى والله اعلم اعتقد اللي يقول ارواح موتي متاثر بثقافه الغرب !! عموما لو حد يفيدنا يكون افضل لاني انا ماعرف في هالامور
متابعه المووووضوع واتمنى القي اجابه لاسوال اختى اللي طارحه المووضوع

[الوعب]

مشكوووورة أخت كازانوفا :)
أنا سألت مشايخ بس ماعرفوا يجاوبون لانه أمر غريب عليهم فاللي يعرف أحد خبير يسأل ولايبخل علينا بالاجابة بارك الله فيكم .
وانا ماشوف الجن بس هالولد عمره يمكن 8 سنوات كان يجيني بالمنام ويكلمني في الصحو يقول لي ودي العب مع الاطفال (اولاد اخواني) فيكسر خاطري ومايخوف ..كنت أقول له لو بتظهر بضربك !
بعدين مادري شلون الطبخة بس بعد صلاة القيام برمضان كنت أسمعهم بوضوح في البيت واحيانا اشوفهم لدرجة انهم يتضايقون يقولون انا اللي أدخل عليهم عالمهم !

فمرة من المرات ظهر لي على أرض الواقع وقال لي انا جوعان ! فحطيت له أكل عظام دجاج وسافرت بعدها ولما رديت من السفر رد كلمني قال لي عن خدامتنا ان بنتها ولدت وقال لي هي تفكر وين تطلع الصدقة الحين الله يخليج قولي لها تطلعها علينا واحنا بندعي لها .. النكتة ان الخدامة كانت توها بتقول لنا الخبر الصبح وجيت انا اقول لها ههههه تخرعت ! المهم قلت لها كان منام :))

بس لاتخافون عاد ترى السالفة عادية وماتخوف لانهم خلق مثلنا !

قبل الخوض معهم تأكد انهم مسلمين وخاصه انهم في البيت معاك ولا تستعين فيهم فيكون اول باب من ابواب الشرك

انا عندي معهم صولات وجولات

[Al- noor]

قبل الخوض معهم تأكد انهم مسلمين وخاصه انهم في البيت معاك ولا تستعين فيهم فيكون اول باب من ابواب الشرك

انا عندي معهم صولات وجولات

أأسفه على التطفل بس ممكن تطرح موضوع تقولنا فيه عن تجربتك وصولاتك ..

[كازانوفا]

قلب المؤمن نصيحه لوجه الله
لا تفتحي على نفسك بااب والله وجع رااااس ومتعبين جدا جدا
بس دائما اتحصني واتركي اكل لهم بالمطبخ بالليل وسم بالله عشان يشهدون لك يوم القيامه انك اكلتيهم
وعالم غريب جدااااااااا
فالزمي الاذكار الصباحيه والمسائيه

[العضو الماسي]

أأسفه على التطفل بس ممكن تطرح موضوع تقولنا فيه عن تجربتك وصولاتك ..


والله شوقتينى حق الاكشن خاطري اسمع صولات وجولات الوعب

[الوعب]

أأسفه على التطفل بس ممكن تطرح موضوع تقولنا فيه عن تجربتك وصولاتك ..

الحضور مع بعض المشايخ من مصر والمغرب السعوديه
وطريقتهم في القراءه وتحضير الجن والكلام معهم


نصيحه لوجه الله : ابعدوا عن هالاشياء , وانا اشبه الحضور , بالانسان الذي يأخذ أدويه وهو ليس بمريض

[كازانوفا]

نصيحه لو جه الله
لا حد يفتكر فيهم لان مجرد ما تفتكرهم صارو حواليك
والاخ اللى قال عايز اكشن
هذول العالم ما في عندهم مززززززززززززززح والله عن تجربه قسما بالله
ضليت شهور ادعي ربي يبعدهم عني وابكي لانهم قسما بالله عالم لا يطاااااااق اسمع اصوات واخبار قبل موعدها بسنتين و3 و4 سنوات وكنت اكلم النااااس ولما يسالوني اقولهم منام
فنصيحه لا اتفكروووووو فيهم

[Al- noor]

نصيحه لو جه الله
لا حد يفتكر فيهم لان مجرد ما تفتكرهم صارو حواليك
والاخ اللى قال عايز اكشن
هذول العالم ما في عندهم مززززززززززززززح والله عن تجربه قسما بالله
ضليت شهور ادعي ربي يبعدهم عني وابكي لانهم قسما بالله عالم لا يطاااااااق اسمع اصوات واخبار قبل موعدها بسنتين و3 و4 سنوات وكنت اكلم النااااس ولما يسالوني اقولهم منام
فنصيحه لا اتفكروووووو فيهم

حسيت بقشعريره في جسمي من كلامك ، بس فعلا انا جاده ليش ديما في تكتم ليش نتناقشهم معاكم في خبراتكم؟ بالعكس انا اشوفه شي مفيد وهذا واااقع الجن موجودين ومذكورين في القران ليش هذا التكتم ؟ليش محد يحب يقول تجاربه مع هالعالم ؟بالعكس النقاش مفيد خاطرى والله نشوف تجاربكم والخلاصه منها

[عتيج الصوف]

السلام عليكم ورحمة الله وبركاته

اخي العزيز القلب المؤمن ,,,اذا اردت نصيحتي ,,فعليك التحدث مع احد الرقاة الشرعيين واسماؤهم مذكورة في موقع الوزارة ,,,وقد يأتي معك الى البيت لمعرفة الوضع على طبيعته ,,,والله يوفقك لما يحبه ويرضاه

[Al- noor]

الحضور مع بعض المشايخ من مصر والمغرب السعوديه
وطريقتهم في القراءه وتحضير الجن والكلام معهم


نصيحه لوجه الله : ابعدوا عن هالاشياء , وانا اشبه الحضور , بالانسان الذي يأخذ أدويه وهو ليس بمريض

ليش ماتتكلم بالتفصيل وتقولنا تجربتك بالكامل ويمكن فيه ناس لهم تجارب يحبون يشاركون فيها ؟ قول تجربتك والعبرة منها
انا عن نفسي ابي اعرف منك المزيد

[كازانوفا]

اختى النور او اخوي
انت عايز تحضرهم هنا بالمنتدى والا ايششششش
على ايش نااااااااااوي
خخخخخخخ

[Al- noor]

اختى النور او اخوي
انت عايز تحضرهم هنا بالمنتدى والا ايششششش
على ايش نااااااااااوي
خخخخخخخ

هههههههههههه
لا والله انا فضوليه بس :)
خل ندردش .. وبعدين معقوله يعني انهم يقرون ويتصفحون الانترنت ؟؟ يعني نفسنا هم؟

[Bo Khalid]

خلك من الكلام الفاضي والخرابيط

أحنا في قطر عايشين

ومن يقول في جني مب ملاقي ياكل

أحنا دولة بترول والكل ياكل

والوظايف بالهبل

وإذا في صج جني جوعان ولا محتاج

خله يروح وزارة الأوقاف ويثبت أنه محتاج

[بندرصالحي]

هههههههههههه
لا والله انا فضوليه بس :)
خل ندردش .. وبعدين معقوله يعني انهم يقرون ويتصفحون الانترنت ؟؟ يعني نفسنا هم؟

هذا القصد من الموضوع الدردشه الله يهديك كلام فاضي

[oumadam]

باسم الله الرحمن الرحيم يا جماعة شي يخوف

[بوخالد2]

هذا هو الحديث يا اخي هذلان

قال رسول الله صل الله عليه وسلم (( لا تستنجوا باللروث ولا بالعظام فانه زاد لاخوانكم من الجن ))
وطلعت عيني وانا ادور وابحث

لذلك طلب رسول الله من الصحابه بعدم اكل العظام وتركها لاخواننا من الجن وهذه المعلومه قراتها بكتاب
لاني من عشاق قراءة كتب الجن وانواعها
وبالتوفيق ان شالله

اختى كازانوفا

عندنا شيبه لين الحين يحط باقي العشى اذا تعشى بالعزبه بعيد عن العزبه لهم

يقول هذا الشي يهديهم ومايسون ازعاج له في الليل

اذا كان هذا قصد صاحب الموضوع اما انا راح بالي بعيد افكر اسم او شي جديد للجن

[كازانوفا]

بو خالد2
هذه من سنة الرسول عليه الصلاة والسلام
كانت اختى دايما تقولي يا اختى عندي بالمطبخ ازعاااااااااج وكل ما افتح الثلاجه لازم شي يطيح عالارض من الاكل اللى فيه قلتلها كل يوم خلصي عشا واتركي الباقي بره
والله ما عاد تسمع اي ازاعاج وعادي كل ما فتحت الثلاجه ما في شي يوقع عالارض
وبعدين لازم الواحد يسمي بالرحمن عشان يشبعو حالهم من حالنا اذاما سمو

وصاحب الموضوع بيستفسر عنهم بعمق الله يهديه
انا درست عنهم 5 سنين عشان هيك بنصح الكل لا يجيب سيرتهم سبحان الله بسرعه بيحضرو
عوووووووو

[Al- noor]

هذا القصد من الموضوع الدردشه الله يهديك كلام فاضي


آمين ، بس اذا انت تشوفه كلام فاااضي انا اشوفه لا ذولا خلق من مخلوقات الله ، ومب عيب ولا حرام اذا عرفنا كله علم مب كلام فاااضي

[القلب المؤمن]

هههههههه والله سالفة
اظن لازم تروح مشايخ وتشوف شنو سبب هالأمر من الأساس اخوي

لان ان كان في جن صالح ففي الطالح وممكن يأذيك اسم الله

واخوي انت متأكد انهم جن ؟؟

بس اقولك انتبه يمكن تكون ارواح موتى
يمكن يكون البيت مبني على مقبرة
لازم تتأكد من هالشي
والله اعلم

انزين على يا بنك بتحول الصدقة لهم هههه
وبطريجك اسالهم لو عندهم وظائف شاغرة ههههههه
امازحك :)


والله ماظن مبني على مقبرة ..بعدين أظن ارواح الموتى ماتحوم غير سنة بس بعد الوفاة ..بعدين سألت مشايخ في الدعوة والارشاد تخرعوا وماعندهم اي معرفة بهالامور !


سبحان الله
شي غريب ، شلون انت اللي تدشين عالمهم ؟
والله مادري علمي علمج
وبعدين خاطرى افهم شلون يعني ارواح موتي ليش ارواح الموتي مثل الجن؟ لا طبعا اللي انا اعرفه انهم يعيشون في البرزخ واحنا مانقدر نشوفهم الروح تزور وتجي في المنام بس مب مثل الجن على حد علمى والله اعلم اعتقد اللي يقول ارواح موتي متاثر بثقافه الغرب !! عموما لو حد يفيدنا يكون افضل لاني انا ماعرف في هالامور
متابعه المووووضوع واتمنى القي اجابه لاسوال اختى اللي طارحه المووضوع

شاكرة لج مرورج أختي

[القلب المؤمن]

هههههههههه والله ضحكوني بعض الاعضاء بمداخلاتهم !
لا انا ما أفكر لمجرد التفكير اني اتعامل معاهم او اخوض مع عالم الجن !! على قولة كازانوفا محد ناقص وجع راس ..
انا بغيت بس افهم اكثر بخصوص صدقة الطعام فقط لاغير :)

بس اشوف الموضوع أخذ منحى ثاني خخخ والوعب صار بطل الفيلم ههههه الله يكفينا شر الجن وماشوف غير أنهم خلق مثلنا والله يهدينا واياهم .

[شعنونة قطر]

ماشاء الله عليج طيب ممكن توصفين شكل الطفل؟

[كازانوفا]

لا يمكن وصفهم لانه ممكن يتشكلون باشكالنا سبحان الله رب العالمين معطيهم قدرات غريبه

[Al- noor]

صباح الخير
كيف حالكم جميعا
اخوي كزنوفا واخوي الوعب مادرى ليش انتوا بخلا ..قولوا لنا تجاربكم ..خل نستفيد
اختى القب المؤمن شخبارك؟ وبعد انت لاتصيرين بخيله قولينا لنا بالتفصيل كل شي شلون بدى ومن متى ويعني الخ

[بوخالد2]

بو خالد2
هذه من سنة الرسول عليه الصلاة والسلام
كانت اختى دايما تقولي يا اختى عندي بالمطبخ ازعاااااااااج وكل ما افتح الثلاجه لازم شي يطيح عالارض من الاكل اللى فيه قلتلها كل يوم خلصي عشا واتركي الباقي بره
والله ما عاد تسمع اي ازاعاج وعادي كل ما فتحت الثلاجه ما في شي يوقع عالارض
وبعدين لازم الواحد يسمي بالرحمن عشان يشبعو حالهم من حالنا اذاما سمو

وصاحب الموضوع بيستفسر عنهم بعمق الله يهديه
انا درست عنهم 5 سنين عشان هيك بنصح الكل لا يجيب سيرتهم سبحان الله بسرعه بيحضرو
عوووووووو

كلام صحيح

واتذكر قبل انام ويقطون حصا علينا بالليل واذكره الشيبه يقول لاتخافوون منهم عادي يلعبون ذوول

[كازانوفا]

اخت النور بوعدك بس مش الحين
عشان اتبطلي تعرفي اتنامي
وقولي كازانوفا قالتلي وما صدقتها ترا انا وحده يا النور مش واحد

[القلب المؤمن]

ماشاء الله عليج طيب ممكن توصفين شكل الطفل؟[/
quote]

والله شكله طفل بس لونه بني غامج وتحت عيونه أسود كأنه مب نايم من أيام وعيونه كبار وفيهم نظرة مافيها أي تعبير ! هو وأهله نفس اللون والشكل سكنين البيت من زمان أظن هم عمار البيت .
بس في غيرهم نادر ما أشوفهم لابسين ثياب بيضا والغتر على روسهم بس بدون عقال وضخام وايد ! سبحان الله ضخامتهم في العظم ..ونظراتهم وايد قوية لما يشوفون لج تحسين نفسج كتاب مفتوح جدامهم !


[quote=كازانوفا;5613675]لا يمكن وصفهم لانه ممكن يتشكلون باشكالنا سبحان الله رب العالمين معطيهم قدرات غريبه
كلام صحيح


كلام صحيح

واتذكر قبل انام ويقطون حصا علينا بالليل واذكره الشيبه يقول لاتخافوون منهم عادي يلعبون ذوول

غريبة يقطون حصى بعد !!

[الوعب]

صباح الخير
كيف حالكم جميعا
اخوي كزنوفا واخوي الوعب مادرى ليش انتوا بخلا ..قولوا لنا تجاربكم ..خل نستفيد



فما هي الاستفاده بارك الله فيكم؟؟

[كازانوفا]

تقولك الاخت النور انها فضوليه لا اكثر اخي الوعب

[Al- noor]

فما هي الاستفاده بارك الله فيكم؟؟

وفيك ان شاء الله ، الاستفاده مثل المعلومه اللي قالها اخوي بو خالد
وعندك اختى كزنوفا واختى القلب المؤمن
والله كلامهم مفيد

[ورقــة أمــل]

اختي القلب المؤمن اتوقع لازم تروحين عند شيخ عارف بهالامور ويقرا عليج وعلى البيت

لان محد بيفيدج بالمنتدى وكل واحد بيقول قصته وبطولاته ومن غير فايده مجرد تخريع وترهيب حق اللي ماله او ولا عمره شاف ولا سمع يني بحياته

وماتشوفين شر

لازم الواحد يقرا الاذكار ويداوم عالصلاة ويبعد هالاشياء من مخيلته

لان ممكن يتخيل اشياء مب حواليه ويقتنع بوجودها وبالتالي تستمر معاه كواقع مدى الحياة

وحتى لو شافها وصارت معاه يعطيها اقنور تجنبا للمشاكل والاذى وحتى ما يوصل في اخر المطاف الى الجنون والخوف ومشاكل نفسية مالها اول ولا تالي

خل البشر يحلون مشاكلهم ويحلون ازمات عالمهم قبل عشان يتدخلون في عالم مخلوقات اخرى يابلفيت بيساعدونهم

والله يشفيج ويهديج ويهدي الجميع

[Al- noor]

اختي القلب المؤمن اتوقع لازم تروحين عند شيخ عارف بهالامور ويقرا عليج وعلى البيت

لان محد بيفيدج بالمنتدى وكل واحد بيقول قصته وبطولاته ومن غير فايده مجرد تخريع وترهيب حق اللي ماله او ولا عمره شاف ولا سمع يني بحياته

وماتشوفين شر

لازم الواحد يقرا الاذكار ويداوم عالصلاة ويبعد هالاشياء من مخيلته

لان ممكن يتخيل اشياء مب حواليه ويقتنع بوجودها وبالتالي تستمر معاه كواقع مدى الحياة

وحتى لو شافها وصارت معاه يعطيها اقنور تجنبا للمشاكل والاذى وحتى ما يوصل في اخر المطاف الى الجنون والخوف ومشاكل نفسية مالها اول ولا تالي

خل البشر يحلون مشاكلهم ويحلون ازمات عالمهم قبل عشان يتدخلون في عالم مخلوقات اخرى يابلفيت بيساعدونهم

والله يشفيج ويهديج ويهدي الجميع


كلام جميل وجزاك الله خير .. بس"بسوي بحث " الغرض الاساسي منه حب المعرفه

[القلب المؤمن]

اختي القلب المؤمن اتوقع لازم تروحين عند شيخ عارف بهالامور ويقرا عليج وعلى البيت

فعلا سويت هالشي :) بس ماظهرت اي اعراض وترى هالسوالف معاي من الطفولة !

لان محد بيفيدج بالمنتدى وكل واحد بيقول قصته وبطولاته ومن غير فايده مجرد تخريع وترهيب حق اللي ماله او ولا عمره شاف ولا سمع يني بحياته

وماتشوفين شر
مشكورة اختي الشر مايجيك
لازم الواحد يقرا الاذكار ويداوم عالصلاة ويبعد هالاشياء من مخيلته

لان ممكن يتخيل اشياء مب حواليه ويقتنع بوجودها وبالتالي تستمر معاه كواقع مدى الحياة

وحتى لو شافها وصارت معاه يعطيها اقنور تجنبا للمشاكل والاذى وحتى ما يوصل في اخر المطاف الى الجنون والخوف ومشاكل نفسية مالها اول ولا تالي

والله شوفي أختي انا عندي خاصية يسمونها الامباث وهي موجودة عند ناس واااااااااااااااااايد واغلبيتهم يمكن مايدرون !! بس هي تجي مع الوقت اذا كان الانسان قلبه نظيف ومؤمن جدا ! وهذي الخاصية هي الاحساس بالاخرين باختصار !
بس انا اللي عندي زيادة اني اشوف العالم الاخر أحيانا (نادرة) وأحس فيهم !

وترى انا مشيت بمنطق الاجنور كل حياتي بس للاسف ماقدرت ألغي هالجزء مني لانه يفرض نفسه اذا ماتقبلته كواقع وحقيقة !! أكبر خطأ انك تحاول تلغي جزء من حقيقتك !
انا كنت اخفي هالجانب مني لكنه غصبا عني يظهر في بعض المناسبات والغير يشوفون لي باستغراب والاغلبية يخافون !
انا من طفولتي كنت أخفي أمور كثيرة اسمعها واشوفها حتى عن الاهل نفسهم ولما تظهر احيانا مني احس نفسيتي مهزوزة جدا واضطر اكذب علشان ما انكشف هههه !

مثال بسيط :
مرة وحده من الاهل كانت متوترة جدا وتنطر تعرف نتيجتها اذا بتتخرج من الجامعة ولا لا الا رن التلفون والوالد رد وماندري مين متصل كان رمضان وقت الافطار ماوعيت الا حسيت شعور قوي وسعادة ونطيت من مكاني قلت لها مبروك تخرجتي !! طبعا الكل شافني مصدوم وبنفس اللحظة الا الوالد يناديها يقول متصلة رفيجتج تقول مبروك ههههه
طبعا ماعرفت اشرح شلون انا عرفت قبل مايوصل الخبر كانت صج فشيلة :(

ومرة وحده جالسة جنبي في العيادة وانا انطر موعد الا التفت لها لا ارادي قلت لها (وماهم بضارين به من أحد الا باذن الله)
المرة تخرعت وعيونها دمعت قالت شلون عرفتي !! وصارت تقول انها تدري بوحده من قرايبهم مسوية لها سحر تبي تفرقها عن زوجها ... فشيلة ثانية !!

وحدة من الاهل مقدمة على وظيفة بمكان مرموق وهي تكلمني قبل لاتقول لي انها قدمت قلت لها (لاتحرك به لسانك لتعجل به) الا قالت لي شلون عرفتي ؟؟ كنت افكر اقول السالفة للكل انهم ردوا علي واحتمال كبير يوظفوني !! فشيلة ثالثة :(

المشكلة أكون جالسة بمكان تنتقل لي أحاسيس اللي حواليني ..كاشفتهم فهذا الشي سبب لي اني انعزل عن الاخرين وكنت اتضايق جدا وهالشي أثر علي علاقاتي الاجتماعية جدا بس لما بديت أتقبل هالامر وشرحت للأهل حسيت براحة أكبر وطبعا صدقوني على طول لانهم اصلا كانوا يدرون ..
وهالخاصية تزيد بشكل مب طبيعي مع كثرة الصلاة والتسبيح والاذكار ..لان الشفافية ترتفع سبحان الله ...

قبل ما اكشف السالفة للكل شفت منام ان دريشة غرفتي جات الشمس عندها وكان نورها قوي جدا وماقدرت اشوفها الا سمعت صوت يقول لي (يافلانة ان جمال الكون يكون في قلب المؤمن بتقواه)
ومن بعدها لقيت أول كلمة أفسر فيها الخاصية اللي ماكنت ادري شنو اسمها وقلت لهم أساسها التقوى :)[/color


خل البشر يحلون مشاكلهم ويحلون ازمات عالمهم قبل عشان يتدخلون في عالم مخلوقات اخرى يابلفيت بيساعدونهم

[color="black"]والله هذي وحدة من مشاكل البشر اللي تخفى على الكثيرين في مجتمعاتنا العربية ..لان الشفافية عادة تكون في صورة رجل كبير بالسن ومتدين :) ويقولون عنده كرامة من الله .
لكن سبحان الله في ناس عندها شفافية عالية وان ماكانوا متدينين جدا لان لها علاقة بمدى صفاء قلب الانسان هذا والله اعلم ..
والله يشفيج ويهديج ويهدي الجميع
آمين

وشكرااااااااااا

[شعنونة قطر]

اختي لايكون متلبسج يني

[القلب المؤمن]

[quote=شعنونة قطر;5623477]اختي لايكون متلبسج يني[/quote

بس على شرط تكون جنية حلوة مثل صورتج هههههه