؛؛؛ طريقة التقديم على مكتب العلاج الطبي في الخــــــــــارج ؛؛؛

[رهج السنابك]

السلام عليكم ورحمة الله


؛؛



قريبة لي عافانا الله وإياكم لها فترة طوويلة تراجع بمستشفى حمد


من طبيب لطبيب وما اكتشفوا شنو مرضها لين الحين الاطباء محتارين

وانا اقترحت عليها تطلب علاج في الخارج دام قدرات الاطباء هنا ما تساعد على تشخيص مرضها

مسكينة كل يوم حالتها اسوأ وكل يوم توسوس بمرض لان الدكاترة مجرد تشخيص ماعطوها !!

بغيت اعرف منكم طريقة التقديم والاجراءات للعلاج في الخارج شلون؟

هل الاطباء اللي راجعت عندهم يكتبون لها تقرير وتوديه للمكتب ؟ وعقب في لجنه تشوف الحالة ؟ ولا كيف الطريقة وهل اللجنة من نفس اطباء القسم اللي تراجع فيه ؟ ولا اطباء ثانيين ؟

ياليت اي احد يعرف يساعد هالمسكينة وخاصة ان ظروفها المادية صعبة شوي وماتقدر تروح على حسابها وجزاكم الله خير

؛

[حياة]

خليها تسوي تقرير من مستشفى حمد وترسله الى لجنه المرضى اللي تختص بها الشي او تاخذ التقارير وترسلها للديوان والله يكون في عونها يااااااااارب

[حقيقه]

عندها وااااسطه؟؟؟ بتمشي امورها

واذا مافيه واااسطه بتتعب لين ماتحصل الموافقه

واحتمال ماتحصل


والله يشفيها بأذنه

[جوال 11]

تحتاج لتقرير من الدكتور المعالج وتوصيته بالعلاج في الخارج ويؤخذ التقرير وتجتمع لجنة العلاج في الخارج وترسل للعلاج في الخارج بعد ذلك
والله يشفيها

[N7eEeS]

واذا اللجنه ماوافقت تقدم على مكتب سمو ولي العهد.
والله يشفيها

[رهج السنابك]

؛

جزاكم الله خير ؛؛ طيب هل فيه شخص معين تقابله في الديوان ؟ أو مكتب معين لاستقبال الطلبات ؟ هل ترفق خطاب مع التقرير الطبي ؟ ممكن اسم الشخص اللي في مكتب الديوان ؟

الله يجزيكم خير ابي اساعدها قبل لا تروح فيها مسكينة :(

اكسبوا الاجر اخواني وساعدوها بأي معلومة تقدرون عليها

؛

[وحيد-الشوق]

اختي مثل ماقالوا الاخوان

لكن الطريقة الافضل لازم دكتورها الي يتابعها هو يكتب تقرير ويوصي على علاجها في الخارج لأن اذا كتب الدكتور ان الحاله لازم تتعالج برا صدقيني بيودونها علاج في الخارج واذا رفض الطبيب خليها تقدم شكوى في مستشفى حمد في وهذا رقمهم اذا ماخاب ظني لأي استفسار 4391555 << للأمانة انا استفدت منهم في اخت سوادنية ماقصرت معاي صراحه الله يجزاها كل خير

والحل الثاني الديوان لكن وين الديوان لازم واسطة لأن اجرائتهم تطول من قلب

يالله ياكريم حتى علاج مريض بالخارج لازم واسطة صج الدنيا دار شقاء وبلاء

[وحيد-الشوق]

طيب خليها تروح الاهلي او العمادي عل الاقل تسوي فحوصات واذا طلع فيها شيء والله لايقول ان شاء الله عقب تروح حق قصابين مستشفى حمد وتروايهم نتيجه الفحص وعقب يطلع لها الدكتور تقرير بالعلاج في الخارج غصبا عنه :anger1:

الله يشفيها ويحفظها ويحمها من كل مكروه

[رهج السنابك]

؛

وحيد الشوق ؛؛ يعني افهم من كلامك ان 90% من الموافقة تعتمد على طبيبها المعالج ؟؟ معناها لو أي شخص مضبط العلاقة مع طبيبه المعالج بيقدر بكل سهولة يحصل منه على تقرير !! صح ؟

؛

[auto body]

الله يشفيها

[معيذر جنوب]

رفع للافادة

[قطر501]

اسال الله ان يشفيها طبعا مقصب حمد العام اكيد مايعرفون يشخصون اي حالة لانهم دكاترة تقليد
على الأقل تروح البحرين او السعودية تسوي فحوصات

[وحيد-الشوق]

؛

وحيد الشوق ؛؛ يعني افهم من كلامك ان 90% من الموافقة تعتمد على طبيبها المعالج ؟؟ معناها لو أي شخص مضبط العلاقة مع طبيبه المعالج بيقدر بكل سهولة يحصل منه على تقرير !! صح ؟

؛

صحيح كلامج اذا التقرير طلع من عند الدكتور وكتب ان الحالة مالها علاج في قطر غصبا عنهم يودونها برا

او ممكن في طرق اخرى او حالات استثنائية :telephone: