المدارس المستقلة للبنات والدعوة لظهور البنات من بيوتهم

[بوحارب]

السلام عليكم ورحمه الله وبركاته


يا أخوان يرضيكم ان البنات يطلعون من بيوتهم ويروحون لأماكن الرجال وغصبن عنهم وأذا ما راحوا ما يستلمون الشهادة اخر السنة


إحدى المدارس المستقلة للبنات اشترطت على طالبات الصف 3 ثانوي ان يكملوا 25 ساعة تطوع في اماكن متفرقة في الدولة من هيئات ومؤسسات وغيرها

ولا ادري وشو الهدف من هذا كله !!!

وبدون ال 25 ساعة هذي البنت ما راح تستلم شهادتها اخر السنة وهذا كلام المديرة صاحبة القرار السخيف

ومن هالأماكن تم ارسال الطالبات الى جامعة قطر وقسم البنين !!!:anger1:

هل هذا هو التطوع اللي تعرفونه ؟ انكم تدخلون البنات بين الرجال وتخلونهم يتعودون ويتجرأون على الاختلاط اما ماذا !!

البنت ترجع من المدرسة تعبانه وفوق هذا كلة تروح الى مكان ولا أدري مالهدف منه !!وتشغل البيت كله معاها من يوديها ومن يجيبها ومتى ترجع ووووووو !!


اتقوا الله يالمدارس المستقلة ترى العيال والبنات في امانه ارقابكم فعلموهم على تقوى الله وطاعته واتباع سنية نبية وليس على الخربطة والكلام الفاضي .

[بويوسف]

يعني البنات مايظهرون من بيوتهم ؟

عيل اللي نشوفهم في كل مكان من ؟ من كوكب المريخ ؟

وبعدين الفكرة حلوة .. عدد من الساعات في خدمة المجتمع في اي مكان .. ماله خص بالاختلاط والفساد ..

[بوحارب]

يعني البنات مايظهرون من بيوتهم ؟

عيل اللي نشوفهم في كل مكان من ؟ من كوكب المريخ ؟

وبعدين الفكرة حلوة .. عدد من الساعات في خدمة المجتمع في اي مكان .. ماله خص بالاختلاط والفساد ..

اللي تبي تطلع من كيفها وبمزاجها هذا شي راجع لها

لكن وحده محترمة ومالها في اماكن الأختلاط وتنجبر على الجلوس بين الرجال هذا فيه الكثير من الخطأ والخطأ !!!

[ودي أكون]

اتصدق ولد اخوي نفس الشي !!:rolleyes2:

قالوا له لازم عمل تطوعي عشان اخر السنه تستلم الشهاده .. قال لهم ماشي .. تحت امركم :)

بس متى يالحبايب !!

قالوا له في اجازة الصيف .. الصيف عاااد :rolleyes2: .. قال يالله ماشي .. يايبااا ويايماا سافروا انتو والاخوان .. وانا بليس بيت جدي عند يدتي واعمامي وعماتي .. قال ابوه ماااشي ..:)


مر اول اسبوع .. محد اتصله (( المكان اللي مطرشين له اسمه واسم ربعه عشان العمل التطوعي .. عشان يباشر )).. مابي اذكر الجهه .:shy:.

المهم جاا ثاني اسبوع قال يمكن اليوم .. باجر يتصلون .. ولا حد اتصله .. ياجماعه عطونا خبر ضيعتوا سفرتي ..:(

ثاني اسبوع قبل نهايته بجم يوم .. جاا اخوي وشل ولده وقاله بلا عمل تطوعي بلاا خرابيط .. وانا لي حجي معاهم ان اتصلوا..:anger1:

كفو ياخوي :shy:


فيوووم داوم .. قالوا له يالله الاسبوع الجاي العمل التطوعي .. قالهم وين انا خست اسبوعين انطر سيادتكم .. وضيعتوا اجازتي .. واللحين حزة المدارس قلتوا لي العمل التطوعي من 4-9 فليل !!:rolleyes2:


شهالعقليه .. شهالتفكير !! صراحه .. تقدم بتخلف !!:secret:


اذا الشباب جي تبهدلوا .. فالله يعين البنات والله .. :(


تخطيط فاشل :secret:

[qatar25]

السلام عليكم ورحمه الله وبركاته


يا أخوان يرضيكم ان البنات يطلعون من بيوتهم ويروحون لأماكن الرجال وغصبن عنهم وأذا ما راحوا ما يستلمون الشهادة اخر السنة


إحدى المدارس المستقلة للبنات اشترطت على طالبات الصف 3 ثانوي ان يكملوا 25 ساعة تطوع في اماكن متفرقة في الدولة من هيئات ومؤسسات وغيرها

ولا ادري وشو الهدف من هذا كله !!!

وبدون ال 25 ساعة هذي البنت ما راح تستلم شهادتها اخر السنة وهذا كلام المديرة صاحبة القرار السخيف

ومن هالأماكن تم ارسال الطالبات الى جامعة قطر وقسم البنين !!!:anger1:

هل هذا هو التطوع اللي تعرفونه ؟ انكم تدخلون البنات بين الرجال وتخلونهم يتعودون ويتجرأون على الاختلاط اما ماذا !!

البنت ترجع من المدرسة تعبانه وفوق هذا كلة تروح الى مكان ولا أدري مالهدف منه !!وتشغل البيت كله معاها من يوديها ومن يجيبها ومتى ترجع ووووووو !!


اتقوا الله يالمدارس المستقلة ترى العيال والبنات في امانه ارقابكم فعلموهم على تقوى الله وطاعته واتباع سنية نبية وليس على الخربطة والكلام الفاضي .


اوافقك وبشده

حركه قبيحه من المديره,,

تعليمنا يعلم البنات الخروج من البيت

وبعدين لما تزيد نسب الطلاق,, يقولون وين المشكله؟؟؟


ماهو انتو يادوله انشأتو بنات مب راعيات بيت,, للاسف


ولما الرجل يدور راعية البيت ويروح سوريا ولا غيره,, يقولون له لازم تتزوج بنت البلد

ولما تتزوج بنت البلد,, الاخت تبي تشتغل,, لانه الدوله تقولها لو ما اشتغلتي ماراح تقدمين شي للمجتمع وراح تظلمين طموحج

والمسكين بدال ما يرتاح من الزواج,, يتعب اكثر,, يجيب خدامه ودريول وغيره ,, بس عشان حضرتها تشتغل,, يعني مايحصل من الزواج الا الفراش,,

لو قاعد عزابي ,, ابرك له

[ودي أكون]

يعني البنات مايظهرون من بيوتهم ؟

عيل اللي نشوفهم في كل مكان من ؟ من كوكب المريخ ؟

وبعدين الفكرة حلوة .. عدد من الساعات في خدمة المجتمع في اي مكان .. ماله خص بالاختلاط والفساد ..

البنات موسواسيه أخ بويوسف !!

موكل البنات يظهرون بروحهم .. والتعميم احنا مانبيه ونرفضه !! للعلم

واللي اتشوفهم اخوي بويوسف من كوكب المريخ .. ماوراهم اهل لاحسيب ولارقيب .. احنا مالنا خص فيهم ..


احنا فكوكب الارض .. والحمدالله في بنات محتشمات .. دينيا واخلاقيا .. ولين اللحين في اسر تمنع بناتها من الخلط حتى لو كان موجود الخلط!!

لين اللحين في بنات فبيوتها لان مايرضون ع نفسهم بالخلط فالجامعات !!

لين اللحين بنات فبيوتها وموقادره تشتغل لان في جهات تبي خلط !!

لين اللحين ولين اللحين !!!


انا اسفه اخوي عالاسلوب الردي.. بس اسلوب التعميم اخوي مانبيه ..

والاخ بوحارب نزل هالموضوع مو بس لان يخصه .. ترا يخص مجتمع كبير وبنات كثار لكن شلون يوصلون صوتهم !!

بادرة طيبه منه اخوي ..


واكرر اسفي الشديد اخوي عالاسلوب :shy:

بس لا تعمم :anger1:


:tease:

[WIFE]

أهلين
باختصار السالفة مب سياسة مدرسة واحدة بروحها هذا القانون جاي من فووووق...من عند المجلس الاعلى
فما كان في اي داعي ذكر اسم مدرسة قطر بروحها...افتحو موقع المجلس الاعلى و اكتبوا اسماء كل المدارس المنفذه لقانون الساعات التطوعية.....مدرسة قطر و احدة من مدارس كثييييييرة.

العمل التطوعي شي حلو
و طبعا نتمنى يكون في مكان من غير اختلاط.......بس ان وجد هذا المكان عطونا خبر ....كل مكان صار اختلااااااط .....اجباري ....خلاص.....
فبرأيكم وين هالمكان اللي مب اختلاط و يستوعب جميع طالبات المستقلة المنفذة لقانون ساعات التطوع هذي ؟؟؟

لا تعترضون بس من دون توفير بديل او حل للمشكلة

ولا كالعادة اللي ما يعجبنا ما نوفر له بدائل ولكن نطالب بس بإلغاءه و نريح راسنا؟؟؟؟؟
والتحية لكم

[سارا.]

موظوع مهم لنغاش بس بدون تعليغات مالها داعي-القرار هاذى من كم سنة وحن نسمع عنة وتةهم السنة هاذي بيطبغونة في اماكن كثيرة ممكن البنات ايرحون الها مافيها اختلاط مثل مراكز التحفيظ القران-ومركز موزة بنت محمد -ومثل مستشفى العجزة-لو بغاى الواحد مكان مافية اختلاط بيحصل-

[وطن]

اللي تبي تطلع من كيفها وبمزاجها هذا شي راجع لها

لكن وحده محترمة ومالها في اماكن الأختلاط وتنجبر على الجلوس بين الرجال هذا فيه الكثير من الخطأ والخطأ !!!

استوقفتني كلمة وحدة محترمة

اخوي يعني اي وحده تشتغل في مكان مختلط غير محترمه ؟!!!

[FHN]

اشتركت معانا طالبه في عمل تطوعي فترة الصيف الماضي في برنامج الصيف الجامعي ..في عمل مسابقات وانشطة ترفيهية واجتازت الساعات وساعدناها لما قررت تسافر مع اهلها والحمدلله سلمناها كتاب المشاركة عشان تقدمه تقدمه للمدرسه لما رجعت من السفر .. البنت استنانست لاضاعت عليها المشاركة ولا السفره
يعتمد على تعاون الجهات اللي بيشترك معاها الطالب او الطالبة

[سداوي&مدريدي]

بوحارب

عادي يالغالي

Come on man

what's wrong with you

هذا الي يبونه طال عمرك .. يبون يعودونهم على الحريه والأختلاط

وصدقني كل سنه بيطلعون طلعه جديده

كلها ثلاث او اربع سنوات وبنصير مثل أوروبا

Take it easy man

ماقول الا الله يستر

[بوحارب]

اتصدق ولد اخوي نفس الشي !!:rolleyes2:

قالوا له لازم عمل تطوعي عشان اخر السنه تستلم الشهاده .. قال لهم ماشي .. تحت امركم :)

بس متى يالحبايب !!

قالوا له في اجازة الصيف .. الصيف عاااد :rolleyes2: .. قال يالله ماشي .. يايبااا ويايماا سافروا انتو والاخوان .. وانا بليس بيت جدي عند يدتي واعمامي وعماتي .. قال ابوه ماااشي ..:)


مر اول اسبوع .. محد اتصله (( المكان اللي مطرشين له اسمه واسم ربعه عشان العمل التطوعي .. عشان يباشر )).. مابي اذكر الجهه .:shy:.

المهم جاا ثاني اسبوع قال يمكن اليوم .. باجر يتصلون .. ولا حد اتصله .. ياجماعه عطونا خبر ضيعتوا سفرتي ..:(

ثاني اسبوع قبل نهايته بجم يوم .. جاا اخوي وشل ولده وقاله بلا عمل تطوعي بلاا خرابيط .. وانا لي حجي معاهم ان اتصلوا..:anger1:

كفو ياخوي :shy:


فيوووم داوم .. قالوا له يالله الاسبوع الجاي العمل التطوعي .. قالهم وين انا خست اسبوعين انطر سيادتكم .. وضيعتوا اجازتي .. واللحين حزة المدارس قلتوا لي العمل التطوعي من 4-9 فليل !!:rolleyes2:


شهالعقليه .. شهالتفكير !! صراحه .. تقدم بتخلف !!:secret:


اذا الشباب جي تبهدلوا .. فالله يعين البنات والله .. :(


تخطيط فاشل :secret:

مسكين ولد اخوج:) بس زين سوى فيهم ابوه :victory:

والتخطيط فاشل من زمان



اوافقك وبشده

حركه قبيحه من المديره,,

تعليمنا يعلم البنات الخروج من البيت

وبعدين لما تزيد نسب الطلاق,, يقولون وين المشكله؟؟؟


ماهو انتو يادوله انشأتو بنات مب راعيات بيت,, للاسف


ولما الرجل يدور راعية البيت ويروح سوريا ولا غيره,, يقولون له لازم تتزوج بنت البلد

ولما تتزوج بنت البلد,, الاخت تبي تشتغل,, لانه الدوله تقولها لو ما اشتغلتي ماراح تقدمين شي للمجتمع وراح تظلمين طموحج

والمسكين بدال ما يرتاح من الزواج,, يتعب اكثر,, يجيب خدامه ودريول وغيره ,, بس عشان حضرتها تشتغل,, يعني مايحصل من الزواج الا الفراش,,

لو قاعد عزابي ,, ابرك له
يقولون القرار من المجلس الأعلى مب من المديرة :funny:

الله يهديهم اشحقه يطلعون للبنات للعمل التطوعي :)


أهلين
باختصار السالفة مب سياسة مدرسة واحدة بروحها هذا القانون جاي من فووووق...من عند المجلس الاعلى
فما كان في اي داعي ذكر اسم مدرسة قطر بروحها...افتحو موقع المجلس الاعلى و اكتبوا اسماء كل المدارس المنفذه لقانون الساعات التطوعية.....مدرسة قطر و احدة من مدارس كثييييييرة.

العمل التطوعي شي حلو
و طبعا نتمنى يكون في مكان من غير اختلاط.......بس ان وجد هذا المكان عطونا خبر ....كل مكان صار اختلااااااط .....اجباري ....خلاص.....
فبرأيكم وين هالمكان اللي مب اختلاط و يستوعب جميع طالبات المستقلة المنفذة لقانون ساعات التطوع هذي ؟؟؟

لا تعترضون بس من دون توفير بديل او حل للمشكلة

ولا كالعادة اللي ما يعجبنا ما نوفر له بدائل ولكن نطالب بس بإلغاءه و نريح راسنا؟؟؟؟؟
والتحية لكم

اللي يسمعج الحين بيسمعون كلامنا لو وفرنا اماكن ثانية
موظوع مهم لنغاش بس بدون تعليغات مالها داعي-القرار هاذى من كم سنة وحن نسمع عنة وتةهم السنة هاذي بيطبغونة في اماكن كثيرة ممكن البنات ايرحون الها مافيها اختلاط مثل مراكز التحفيظ القران-ومركز موزة بنت محمد -ومثل مستشفى العجزة-لو بغاى الواحد مكان مافية اختلاط بيحصل-
المشكلة الجماعة مركزين يودون البنات الأماكن المخربطة مادري المختلطة :eek2:


استوقفتني كلمة وحدة محترمة

اخوي يعني اي وحده تشتغل في مكان مختلط غير محترمه ؟!!!
انه اتكلم عن البنات المعنيين في الموضوع

ماتكلمت عن الكل :D


اشتركت معانا طالبه في عمل تطوعي فترة الصيف الماضي في برنامج الصيف الجامعي ..في عمل مسابقات وانشطة ترفيهية واجتازت الساعات وساعدناها لما قررت تسافر مع اهلها والحمدلله سلمناها كتاب المشاركة عشان تقدمه تقدمه للمدرسه لما رجعت من السفر .. البنت استنانست لاضاعت عليها المشاركة ولا السفره
يعتمد على تعاون الجهات اللي بيشترك معاها الطالب او الطالبة
البنات الحين معطينهم كل يوم في مكان معين

مب مكان واحد



بوحارب

عادي يالغالي

Come on man

what's wrong with you

هذا الي يبونه طال عمرك .. يبون يعودونهم على الحريه والأختلاط

وصدقني كل سنه بيطلعون طلعه جديده

كلها ثلاث او اربع سنوات وبنصير مثل أوروبا

Take it easy man

ماقول الا الله يستر

ا نو ماي دير

بت وات كان اي سي الا الله المستعان :)

[شيزكيك]

العمل التطوعي اجباري حق كل الطالبات والطلاب في الثانوية العامه مب مدرسة قطر هي الي مخترعته

[s o s o]

اخوي تقدر توديها جمعية عيد الخيريه قسم النساء
او مركز قطر التطوعي

ولاعليك من الاماكن اللي مختارتها المدرسه اذا مااعجبتك

كل اللي لهم شهاده بـ25 ساعه وناس يقولون 30 ساعه تطوع لكن مالهم دخل في اختيار المكان

والله يستر على بناتنا أجمعين

[بوحارب]

خلاص عيل عدلوا العنوان وكتبوا المجلس الأعلى بدل مدرسة قطر ^ ـ ^

[فيزيائية]

اتصل للمدرسة وشوف الخيارت
ان شاء الله تكون هنالك اماكن غير مختلطة
او على الاقل في اقسام نسائية

الله يعين

[غزلان]

البنات موسواسيه أخ بويوسف !!

موكل البنات يظهرون بروحهم .. والتعميم احنا مانبيه ونرفضه !! للعلم

واللي اتشوفهم اخوي بويوسف من كوكب المريخ .. ماوراهم اهل لاحسيب ولارقيب .. احنا مالنا خص فيهم ..


احنا فكوكب الارض .. والحمدالله في بنات محتشمات .. دينيا واخلاقيا .. ولين اللحين في اسر تمنع بناتها من الخلط حتى لو كان موجود الخلط!!

لين اللحين في بنات فبيوتها لان مايرضون ع نفسهم بالخلط فالجامعات !!

لين اللحين بنات فبيوتها وموقادره تشتغل لان في جهات تبي خلط !!

لين اللحين ولين اللحين !!!


انا اسفه اخوي عالاسلوب الردي.. بس اسلوب التعميم اخوي مانبيه ..

والاخ بوحارب نزل هالموضوع مو بس لان يخصه .. ترا يخص مجتمع كبير وبنات كثار لكن شلون يوصلون صوتهم !!

بادرة طيبه منه اخوي ..


واكرر اسفي الشديد اخوي عالاسلوب :shy:

بس لا تعمم :anger1:


:tease:



:victory:

واضيف مايعني اذا شفنا اختلاط في بعض الأماكن ان الكل مرحب بهذا الأختلاط والشي الثاني الأختلاط يحتاج مرحله عمريه تعرف تزن الأمور مب طالبات مراهقااات

والله يزيدنا ثباات يارب


يسلموا وبحارب

[شقردي]

اخوي ابو حارب انا معاك هاذا القرار خاطي والهدف منه معروف والله يعنى عليه

[ام خليفه79]

صح أن الأماكن المختلطة فيها مشاكل وأنا أوافق أخووي ع المعارضه لأن الصراحه قويه أن بنت ف الثانوية العامة ويلا ساعات عمل تطوعي مدري وين وخلط والبنت مووول مش متعوده..


وبعدين أخوووي اللي قال أن المش محترمه هي اللي أداوم والله والبنت هااي ما في غيرها إلا هي تعول أهلها وين تروح أطر مثلاً في ناس يا أخووي محتاجين للشغل بنت أو ولد وسواءً ف مكان خلط أو غيره


المهم أن البنت تعرف حدودها والله أن محد راح يضرها أو يسبب لها مشاكل بس أنك تقول والله أنها مش محترمة هاااي مب كلام منطقي بالمره.


والله يعطيك العافيه ع الموضوع الغالي

[باراكودا]

التقدم لن يتم عندنا عن طريق الاختلاط بل يتم عن طريق تغيير الجينات الوراثية
لابد منا من الان معرفة الخارطة الجينية للشعب وأجراء الابحاث عليها تحت مسمى خارطة طريق التقدم .:nice:

[بـــــــنت النوخـّــــذه]

يعني البنات مايظهرون من بيوتهم ؟

عيل اللي نشوفهم في كل مكان من ؟ من كوكب المريخ ؟

وبعدين الفكرة حلوة .. عدد من الساعات في خدمة المجتمع في اي مكان .. ماله خص بالاختلاط والفساد ..

صل على النبي يابويوسف 00000

بنات ثانويه وبعز مرحله المراهقه يروحون جامعه بنين انزين وينها جامعه البنات ليكون انقرضت ولا جاها طوفان ومحى معالمها 00000 ترى دام فيه البديل الافضل المفروض يروحون له حبكت يعني جامعه البنين ؟؟؟؟؟ وبهذي المرحله ؟؟؟؟

ترى انا رايحه جامعه البنين من فتره كانت عندي ورشه عمل وانا اطلع الاقسام قسم بالله افتشلت من كثر الشباب ماكملت نص المحاضره طلعت احتقرت عمري بوسط ميه ريال واحنا لي طلعنا من البيت سياره مخفيه ومع اهالينا وحضر تجول اهههه وانا اجيهم لاصقه بجنب كرسي فلان وعلان بالمحاضره 0000 اشله ان شاء الله محد مجبور بهذا التصرف 00(دام في بديل اسمها جامعه قطر للبنات تنعقد فيها الورش)0
والي تشوفهم الي من كوكب المريخ اذا كنت تقصد الي يتمشون بلاحسيب ولا رقيب هذا نتاج فكره الاختلاط الي تزرعها بعقولهم المدارس المستقله لاعداد جيل لا حيا ولا مستحى 000اما الي تقصدهم مسترين مع اهلهم هذولي اهم مع اهلهم وتحت عينهم ومافي بديل لمجمع اخر يكون فقط للاهل 00لكن الجامعه فيه بديل اخر الي اهيه جامعه البنات 00:)

سؤال: طالما فيه بديل يغني عن اختلاط طالبات بسن مراهقه ليش يخلطونهم ؟؟؟

تدري يابوحارب ذكرتني بمديره مدرسه ثانويه حارقه اعصابي اتصدق موديه بنات المدرسه لمعرض في مدرسه مستقله بنين تدري ليش مستعد تسمع وتحرق اعصابك بقولك عشان البنت البويه اتحس بانوثتها جدام الطرف الاخر يعني بالعربي تبغي اتعالج ظاهره البويات اخذ عاد يلا 000:nice:

عموما من الاخر 0000الاختلاط بعد سن النضوج ولدوافع العمل الملحه والبنت ساتره عمرها مافيها شي اما بنات طالبات وتعالو أسسكم على الاختلاط قبل لاتشتغلون وبعد احط لهم شرط جزائي صج صج قواه عين 000

[الوعد2016]

يعني البنات مايظهرون من بيوتهم ؟

عيل اللي نشوفهم في كل مكان من ؟ من كوكب المريخ ؟

وبعدين الفكرة حلوة .. عدد من الساعات في خدمة المجتمع في اي مكان .. ماله خص بالاختلاط والفساد ..
ليكون مشروع تجاري فكره حلوه يالغالي
للاسف مش موفق في اختيار الرد المناسب وانت مكانك مناسب النقاش الاقتصادي
بخصوص المديره الى تطلب من البنات هذا الطلب اي مجلس الامناء واين المجلس الاعلى من هذا القرار واين اولياء الامور لماذا لم يقفوا صف واحد ضد هذه المدرسه من مديره واداريين ومجلس امناء
وبعد الدراسه فكلواحد حر ببنته في مكان عام او خاص ولكن اثناء الدراسه تتفرغ لدراستها قبل اي شي

[الوعد2016]

شكل من اصدر هذا القرار في المجلس الاعلى ليس بمسلم وليس بقطر لان العادات والتقاليد واولها الدين الاسلامي يمنع هذا الشي يمنع الاختلاط مهما كانت المغريات وكيف اذا بنت مراهقه وتدخل على شباب
يعني ضاقت الدنيا عليهم
مافيه مركز تحفيظ قران اسمه مركز موزه بنت محمد عن اشارات الوعب جمعيه خيريه فرع نسائي
مستشفى نساء وولاده بنك فرع نساء فقط ولا يرسلونهم بكره لمجمعات تجاريه
وانا متاكد ان من اصدر هذا القرار لا يوج لديه بنت في هذي المرحله وان كان فهي في مدرسه اجنبيه
الحل اذا على الشهاده تروح لدوه مجاوره وتدرس الصف الثالث ثانوي وترجع بمجموع ممتاز وبالقرب منا ثلاث دول خليجيه وكلها راح تسمح بتدريس الطلاب بها
وهذا ليس بان من يختلط محترم او غير محترم ولكن السن له دور كبير في الموضوع والمراهقه لها اثارها وبدل المعالجه نزيد الطين بله

[ريماس الغلا]

ودي اكتب تعليق بس اخاف آخذ الباند عليه

لكن اقول

حسبي الله ونعم الوكيــل

[بوحارب]

العمل التطوعي اجباري حق كل الطالبات والطلاب في الثانوية العامه مب مدرسة قطر هي الي مخترعته

زين لاتعصبين وايد :waiting:


اخوي تقدر توديها جمعية عيد الخيريه قسم النساء
او مركز قطر التطوعي

ولاعليك من الاماكن اللي مختارتها المدرسه اذا مااعجبتك

كل اللي لهم شهاده بـ25 ساعه وناس يقولون 30 ساعه تطوع لكن مالهم دخل في اختيار المكان

والله يستر على بناتنا أجمعين
الكلام اللي وصلني انه الطالبة ما تقدر تروح الا الأماكن اللي المدرسة مختارتها :(



خلاص عيل عدلوا العنوان وكتبوا المجلس الأعلى بدل مدرسة قطر ^ ـ ^
:telephone:


اتصل للمدرسة وشوف الخيارت
ان شاء الله تكون هنالك اماكن غير مختلطة
او على الاقل في اقسام نسائية

الله يعين
اخاف اتصل واخرب الطبخة كلها :D

الله يعين الجميع




:victory:

واضيف مايعني اذا شفنا اختلاط في بعض الأماكن ان الكل مرحب بهذا الأختلاط والشي الثاني الأختلاط يحتاج مرحله عمريه تعرف تزن الأمور مب طالبات مراهقااات

والله يزيدنا ثباات يارب


يسلموا وبحارب


الله يثبتج ويزيدج من فضله :)


اخوي ابو حارب انا معاك هاذا القرار خاطي والهدف منه معروف والله يعنى عليه
الله المستعان :)



صح أن الأماكن المختلطة فيها مشاكل وأنا أوافق أخووي ع المعارضه لأن الصراحه قويه أن بنت ف الثانوية العامة ويلا ساعات عمل تطوعي مدري وين وخلط والبنت مووول مش متعوده..


وبعدين أخوووي اللي قال أن المش محترمه هي اللي أداوم والله والبنت هااي ما في غيرها إلا هي تعول أهلها وين تروح أطر مثلاً في ناس يا أخووي محتاجين للشغل بنت أو ولد وسواءً ف مكان خلط أو غيره


المهم أن البنت تعرف حدودها والله أن محد راح يضرها أو يسبب لها مشاكل بس أنك تقول والله أنها مش محترمة هاااي مب كلام منطقي بالمره.


والله يعطيك العافيه ع الموضوع الغالي

ام بودعي :D انا ما قلت اللي تشتغل في مكان مختلط مب محترمة

اقري عدل

والله يعافيج ومشكورة على المشاركة :)


التقدم لن يتم عندنا عن طريق الاختلاط بل يتم عن طريق تغيير الجينات الوراثية
لابد منا من الان معرفة الخارطة الجينية للشعب وأجراء الابحاث عليها تحت مسمى خارطة طريق التقدم .:nice:
هل هذا التقدم بيودينا للجنة ام للنار :weeping:


صل على النبي يابويوسف 00000

بنات ثانويه وبعز مرحله المراهقه يروحون جامعه بنين انزين وينها جامعه البنات ليكون انقرضت ولا جاها طوفان ومحى معالمها 00000 ترى دام فيه البديل الافضل المفروض يروحون له حبكت يعني جامعه البنين ؟؟؟؟؟ وبهذي المرحله ؟؟؟؟

ترى انا رايحه جامعه البنين من فتره كانت عندي ورشه عمل وانا اطلع الاقسام قسم بالله افتشلت من كثر الشباب ماكملت نص المحاضره طلعت احتقرت عمري بوسط ميه ريال واحنا لي طلعنا من البيت سياره مخفيه ومع اهالينا وحضر تجول اهههه وانا اجيهم لاصقه بجنب كرسي فلان وعلان بالمحاضره 0000 اشله ان شاء الله محد مجبور بهذا التصرف 00(دام في بديل اسمها جامعه قطر للبنات تنعقد فيها الورش)0
والي تشوفهم الي من كوكب المريخ اذا كنت تقصد الي يتمشون بلاحسيب ولا رقيب هذا نتاج فكره الاختلاط الي تزرعها بعقولهم المدارس المستقله لاعداد جيل لا حيا ولا مستحى 000اما الي تقصدهم مسترين مع اهلهم هذولي اهم مع اهلهم وتحت عينهم ومافي بديل لمجمع اخر يكون فقط للاهل 00لكن الجامعه فيه بديل اخر الي اهيه جامعه البنات 00:)

سؤال: طالما فيه بديل يغني عن اختلاط طالبات بسن مراهقه ليش يخلطونهم ؟؟؟

تدري يابوحارب ذكرتني بمديره مدرسه ثانويه حارقه اعصابي اتصدق موديه بنات المدرسه لمعرض في مدرسه مستقله بنين تدري ليش مستعد تسمع وتحرق اعصابك بقولك عشان البنت البويه اتحس بانوثتها جدام الطرف الاخر يعني بالعربي تبغي اتعالج ظاهره البويات اخذ عاد يلا 000:nice:

عموما من الاخر 0000الاختلاط بعد سن النضوج ولدوافع العمل الملحه والبنت ساتره عمرها مافيها شي اما بنات طالبات وتعالو أسسكم على الاختلاط قبل لاتشتغلون وبعد احط لهم شرط جزائي صج صج قواه عين 000
حسبي الله عليها هالمديرة الغبية

بارك الله فيج بنت النوخذه على الرد الطيب:)




ليكون مشروع تجاري فكره حلوه يالغالي
للاسف مش موفق في اختيار الرد المناسب وانت مكانك مناسب النقاش الاقتصادي
بخصوص المديره الى تطلب من البنات هذا الطلب اي مجلس الامناء واين المجلس الاعلى من هذا القرار واين اولياء الامور لماذا لم يقفوا صف واحد ضد هذه المدرسه من مديره واداريين ومجلس امناء
وبعد الدراسه فكلواحد حر ببنته في مكان عام او خاص ولكن اثناء الدراسه تتفرغ لدراستها قبل اي شي

يا رجال القرار طلع من المجلس مب من المديرة المسكينة :(

شكل من اصدر هذا القرار في المجلس الاعلى ليس بمسلم وليس بقطر لان العادات والتقاليد واولها الدين الاسلامي يمنع هذا الشي يمنع الاختلاط مهما كانت المغريات وكيف اذا بنت مراهقه وتدخل على شباب
يعني ضاقت الدنيا عليهم
مافيه مركز تحفيظ قران اسمه مركز موزه بنت محمد عن اشارات الوعب جمعيه خيريه فرع نسائي
مستشفى نساء وولاده بنك فرع نساء فقط ولا يرسلونهم بكره لمجمعات تجاريه
وانا متاكد ان من اصدر هذا القرار لا يوج لديه بنت في هذي المرحله وان كان فهي في مدرسه اجنبيه
الحل اذا على الشهاده تروح لدوه مجاوره وتدرس الصف الثالث ثانوي وترجع بمجموع ممتاز وبالقرب منا ثلاث دول خليجيه وكلها راح تسمح بتدريس الطلاب بها
وهذا ليس بان من يختلط محترم او غير محترم ولكن السن له دور كبير في الموضوع والمراهقه لها اثارها وبدل المعالجه نزيد الطين بله
والله اني اعتقد نفس اعتقادك :)

ودي اكتب تعليق بس اخاف آخذ الباند عليه

لكن اقول

حسبي الله ونعم الوكيــل

لا تتهورين:stop:
انتي اخت عزيزة علينا خليج ريلاكس مب شي نخسرج بسبة ناس ما يستاهلون مثل المستقلة:no2:

[meme~qatar]

وتلموني بترك وظيفتي في المجلس الاعلى؟؟؟

[استغفرالله]

التطوع فكرة حلوة وتفيد الطلاب و الطالبات

بناتنا تطوعو في اماكن غير مختلطه : قطر الخيرية روضة اطفال ... مركز نسائي لتحفيظ القران

مب شرط التطوع في مكان مختلط

[لاجل QT]

مصخرة بصراحة......سهالات شسالفة؟؟؟

الله ورسولة حرمو الاختلاط..لخطورة الامر

[رشود المهندي]

اممممم على ماعتقد انه في اماكن مهب مختلطه

مثل مركز موزه اشحلاته وشزينه ,,

وبعدين هاي فكره حلوه اتشجعهم عشان لين يكبرون ويشتغلون يكون عندهم خبره

ويعرفون شلون يتعاملون مع الناس

واذا عن المكان في اماكن وايده مهب مختلطه

[Northman]

الي اعرفه التطوع مايتحدد بجهه معينه واحيانا ياخذون راي الطالبات في وين التطوع
والبنات يختارون وعلى اساسها يطلع كتاب للمدرسه للجهه المعنيه
بامكان ولي امر الطالبه الاعتراض على هذه الجهه واختيار الجهه المناسبه



اخاف اتصل واخرب الطبخة كلها

الله يعين الجميع

الشكوى في المنتدى لابتقدم ولا بتاخر ,الامور تنحل بطريقه جدا عقلانيه
يعني تقول ماتبي تخرب السالفه بتخلى البنت تروح جامعه البنين!!!
بس مو تتصل تهاوش اتصل باسلوب جدا عقلاني او خل ام البنت تتصل بالمديره

على فكره بناتها ولا وحده تم اجبارهم على جهه معيينه كل وحده اختارت الجهه الي تبغيها وتم ارسال رسالله من المدرسه لهذه الجهه
الي اختارت نفس جهه عمل امها والي اختارت العجزه والي اختارت بنك
راجع الامر مع اداره المدرسه والبنت يمكن البنت هي الي اختارت جامعه البنين وقالت لكم المدرسه هم الي اختاروني وماقدر احتج وووو
لان حسب علمي التطوع غير مشروط بجهه معينه

[بوحارب]

مشكورين على المرور اخواني واخواتي :)


الي اعرفه التطوع مايتحدد بجهه معينه واحيانا ياخذون راي الطالبات في وين التطوع
والبنات يختارون وعلى اساسها يطلع كتاب للمدرسه للجهه المعنيه
بامكان ولي امر الطالبه الاعتراض على هذه الجهه واختيار الجهه المناسبه




الشكوى في المنتدى لابتقدم ولا بتاخر ,الامور تنحل بطريقه جدا عقلانيه
يعني تقول ماتبي تخرب السالفه بتخلى البنت تروح جامعه البنين!!!
بس مو تتصل تهاوش اتصل باسلوب جدا عقلاني او خل ام البنت تتصل بالمديره

على فكره بناتها ولا وحده تم اجبارهم على جهه معيينه كل وحده اختارت الجهه الي تبغيها وتم ارسال رسالله من المدرسه لهذه الجهه
الي اختارت نفس جهه عمل امها والي اختارت العجزه والي اختارت بنك
راجع الامر مع اداره المدرسه والبنت يمكن البنت هي الي اختارت جامعه البنين وقالت لكم المدرسه هم الي اختاروني وماقدر احتج وووو
لان حسب علمي التطوع غير مشروط بجهه معينه

والله بالنورثي انه مانزلت الموضوع الا من عقب شكاوي البنية على الأماكن اللي يحطونها فيها ماظن انها حابه تكون في بيئه تعبانه !

بس الظاهر الموضوع يبيله مراجعة من ولي امر الطالبة وان شاء الله يحطونهل في مكان مب مخلوط :eek5:

وبعدين المنتدى اكبر موقع في قطر يوصل صوتك للمسؤولين في الدولة والكل يشهد بالشي هذا :)

[ام السعف]

صج انك راعي مشاكل يا بو حارب ،،

البنت مخيرة مب مجبرة،، يحق لها تختار المكان اللي يناسبها
الأهم انها تحضر شهادة تفيد باتمام العمل التطوعي ذيه ،،
وانتوا ما اتصدقون اتجوفون لك سالفة وركيض على المنتدى
(لا اتعيدها انزين ؟ )،،

ملاحظة : سمعت ممكن الحصول على شهادة من غير عمل
وفي ذمة اللي يتكلمون و يقولون ،،

[بوخالد911]

بل


الله يحفظ بناتنا من شر المخططات

[كاروهات]

السلام عليكم ورحمة الله وبركاته

اخواني واخواتي

لا المجلس الاعلى للتعليم ولا المدرسة لهم الخص في اختيار مكان مناسب للطالبة حتى تكمل الخدمة المجتمعية

وانا متاكدة من هالشي

ولا حد يقدر يجبر بناتكم يا اخواني

المدارس ممكن اتساعدكم تعطيكم اكثر من مكان وانتوا تختارون

طبعا انا بنتي كانوا يبون يودونها المستشفى بس رفضت

وطلبت يحطونها في مركز الاستشارات العائلية ومكان وااااااااااااااايد حلو ونظيف والبنت ممكن تستفيد منه وايد

الله يرضى عليكم في اكثر من مرة اقول لكم لو صار معاكم شي في مدارس قطر المستقلة مالكم الا المجلس الاعلى للتعليم ترى والله بينصفونكم

[هند88]

محد يقدر يجبرك على المكان اللي تروحه البنت

خلاص مب هم يبون 25 مادري 30 ساعه عمل تطوعي ..

قولهم انا بختار المكان بس جامعة البنين ماراح اوديها .. ومحد بيقولج شي

وضحى في ثالث ثانوي ؟؟؟ بسرعه كبرت:nice:


لاحد يحرق اعاصبه وايد :nice:

[JN000N]

انا معاك فاللي تقوله

انا تخرجت من درسه طلبو منا 50 ساعه تطوع

وقالو عندكم المكان الفلاني والفلاني والفلاني.. محد جبرنا على اماكن ما نبيها.. وانا اذكر تطوعت في مؤسسة عيد الخيريه شهر كامل فالصيف ومعروف قسم النساء ولا في لا رياييل ولا شي


وبعدين شسالفة هالخلط اللي يبون الكل يبتلي فيه؟؟

الصراحه ولحد يتكلم بمثاليه.. لان ماودتنا فداهيه غير مثاليتكم

اي مكان فيه خلط ماطلع منه خير.. الا شكثرها المشاكل اللي تصير

ولحد يقول لي انا واثقه من نفسي وانا ماعلي من الشباب اللي وياي.. هالحجي ينقال لغيري اما انا وعلى صغر سني صحيح ماعندي خبرات فهالمجال لكن عندي من ينورني .. اقلها اقلها هو معاج فنفس المكان.. مره سلام .. مره صباح الخير وصباح النور.. << اوكي ذرابه مب مشكله.. مره شلونج وشخبارج.. وشحالك انت وشعلومك.. ومره شرايج فهالشي ومره مادري وشو وكل مره تطيح الميانه لين تستوي عقب عادي عندها تسولف مع ذي ومع ذي.. وخلاص لين البنت تعودت على هالشي مستحيل تشوف ان في عيب فالسالفه وبترادد الرياييل من عقب ما كانو البنات مب كفو ينطقون بحرف بوجود ريال فالمكان ..

وهالكلام لا يعني ان اللي يتغلون في مكان خلط يعني مب محترمات.. بالعكس في حريم الله يعطيهم الصحه والعافيه رايتهم بيضه. صحيح صارت معاهم صباح الخير وصباح النور والقصه كلها.. لكنهم حريم كبااار ومتزوجات وكل وحده ولدها اطول منها يعني اتيي عاقله وراكده

بس البنت الي توها شايفه الدنيا وتوها صغيره تكون اعذروني عالكلمه بس متخرعه او مطيوره..

وسوري بوحارب طلعت شوي عن السالفه خخخ

[ماريسا]

اللي تبي تطلع من كيفها وبمزاجها هذا شي راجع لها

لكن وحده محترمة ومالها في اماكن الأختلاط وتنجبر على الجلوس بين الرجال هذا فيه الكثير من الخطأ والخطأ !!!

صحيح المفروض اذا تطوع يعني اللي تبي تسوي و اللي ماتبي ماتكون مجبورة لأنه مابيكون تطوع

بس اتمنى مايكون قصدك ان اللي تشتغل بأوساط مختلطة يعني مب محترمة و لا بنت ناس ؟

[الصريحه]

نرفض بكل قوه ومعاك
الله اللله على الغيره
ليش صبي ولا سجينه لان في الدول المتقدمه اللي ماخذين منها الفكره يطبق في حاله كسر القانون وكعقاب
اي جنون ناوييييييييييييييييييييييييييين عليه
حسبي الله ونعم الوكيل
اتقوا الله:weeping::weeping::weeping:

[شذى الورد]

إختي لما كانت في الثانويه طلبوا منها 30 ساعه عمل
وجابت ورقه من شركه خاصه إنها إشتغلت سكرتيرة عندهم من تاريخ كذا إلى تاريخ كذا
ومشت السالفه وهي ولا إشتغلت ولا شي :rolleyes2:
يعني اللي أبي أقوله أن مش شرط تشتغل في دوائر حكوميه
عندك حد عنده شركه خاصه يكتب لها وخلاص :)

[الجزوع]

قبل كنت اسمع عن الحرب البآرده وماكنت اعرف معناها بالضبط، بس قطر ماقصرت علمتنا بشكل عملي وتطبيقي ، ويوم بعد يوم تعلمت وعرفت وشهي الحرب البآرده!! ويآريتني مآعرفت :)

[ام السعف]

إختي لما كانت في الثانويه طلبوا منها 30 ساعه عمل
وجابت ورقه من شركه خاصه إنها إشتغلت سكرتيرة عندهم من تاريخ كذا إلى تاريخ كذا
ومشت السالفه وهي ولا إشتغلت ولا شي :rolleyes2:
يعني اللي أبي أقوله أن مش شرط تشتغل في دوائر حكوميه
عندك حد عنده شركه خاصه يكتب لها وخلاص :)

يعني اللي سمعته صحيح ،،

منا الى الجهات المعنية ،،

اولا : الساعات هذه لم تطلب عبطا ،، فهي تمنح الطالب قدر كافي من
الخبرة التي تؤهله الى معرفة جو العمل و الاختلاط بناس ثانين و كيفية التعامل
مع الجمهور وخدمتهم ،،

المشكلة ان البعض يسهل عليه طلب شهادة بتأدية خدمة في احدى الشركات
ويقدمها ،، المهم اني قدمت شهادة ،،
يوم اعترضت على الفكرة هذه من الأساس قالوا لي انت وايد امكبرة السالفة
قلت لهم ،، مب موضوع اكبر السالفة كثر ما هو مطلوب من بنتي او ولدي
انه يحتك في مجال العمل و يتعرف على شي اسمه التزام في الحضور
والغياب و يطلع على تعاملات الموظفين مع العملاء و الجماهير ،،

فهل يتعلمون اولياء الأمور هالشي ؟

[سوق واقف]

بوحارب

عادي يالغالي

come on man

what's wrong with you

هذا الي يبونه طال عمرك .. يبون يعودونهم على الحريه والأختلاط

وصدقني كل سنه بيطلعون طلعه جديده

كلها ثلاث او اربع سنوات وبنصير مثل أوروبا

take it easy man

ماقول الا الله يستر


الله يسامحك بس كلامك كله غلط .... والله أنه لقرار جميل تدرون الإجازة الي راحت كانو عندي طلاب ثانوية أدربهم عندي خمس طلاب ومحترمين جداا ...

الهدف سامي وجميل جدااا ...الله يهديكم بس ..والله ليست دعوه للأختلاط وإنما غرس روح العمل الجماعي فيهم والشجاعه والقوة مب أحسن من انهم يقضون إجازاتهم في السيتي ودوراه عند مواقف الاند مارك

[شذى الورد]

يعني اللي سمعته صحيح ،،

منا الى الجهات المعنية ،،

اولا : الساعات هذه لم تطلب عبطا ،، فهي تمنح الطالب قدر كافي من
الخبرة التي تؤهله الى معرفة جو العمل و الاختلاط بناس ثانين و كيفية التعامل
مع الجمهور وخدمتهم ،،

المشكلة ان البعض يسهل عليه طلب شهادة بتأدية خدمة في احدى الشركات
ويقدمها ،، المهم اني قدمت شهادة ،،
يوم اعترضت على الفكرة هذه من الأساس قالوا لي انت وايد امكبرة السالفة
قلت لهم ،، مب موضوع اكبر السالفة كثر ما هو مطلوب من بنتي او ولدي
انه يحتك في مجال العمل و يتعرف على شي اسمه التزام في الحضور
والغياب و يطلع على تعاملات الموظفين مع العملاء و الجماهير ،،

فهل يتعلمون اولياء الأمور هالشي ؟

عاد إحنا عندنا سم ضروسنا الأختلاط
وعلى قوله المثل (( من له حيله فليحتال )) :)

[ام السعف]

عاد إحنا عندنا سم ضروسنا الأختلاط
وعلى قوله المثل (( من له حيله فليحتال )) :)


اماكن كثيرة ما فيها إختلاط ،، اصلا مب أي مكان يفرضونه المدرسة تكون
إجبارية ،، المشكلة حتى اللي ما عندهم مانع في الاختلاط ما بين الجنسين صاروا
يستخرجون مثل هذه الشهادة ،،

منا إلى الجهات المختصة ،،

ولا يعني الاختلاط بناس ثانين ،، ان تختلطين بجنس آخر،،
ممكن تختلطين من بني فصيلتج الأنثوية
بس مب عرب اجانب مثلا ،، او تختلطين مع ناس افهم منج ،،
او ناس اقل منج فهما ،، فالإختلاط لا يعني ابدا اختلاط ما بين جنسين ،،

[المرحب]

لا حول ولا قوة الا بالله

اللهم استرنا فوق الارض وتحت الارض ويوم العرض

[مداوي القلوب]

السلام عليكم ورحمه الله وبركاته


يا أخوان يرضيكم ان البنات يطلعون من بيوتهم ويروحون لأماكن الرجال وغصبن عنهم وأذا ما راحوا ما يستلمون الشهادة اخر السنة


إحدى المدارس المستقلة للبنات اشترطت على طالبات الصف 3 ثانوي ان يكملوا 25 ساعة تطوع في اماكن متفرقة في الدولة من هيئات ومؤسسات وغيرها

ولا ادري وشو الهدف من هذا كله !!!

وبدون ال 25 ساعة هذي البنت ما راح تستلم شهادتها اخر السنة وهذا كلام المديرة صاحبة القرار السخيف

ومن هالأماكن تم ارسال الطالبات الى جامعة قطر وقسم البنين !!!:anger1:

هل هذا هو التطوع اللي تعرفونه ؟ انكم تدخلون البنات بين الرجال وتخلونهم يتعودون ويتجرأون على الاختلاط اما ماذا !!

البنت ترجع من المدرسة تعبانه وفوق هذا كلة تروح الى مكان ولا أدري مالهدف منه !!وتشغل البيت كله معاها من يوديها ومن يجيبها ومتى ترجع ووووووو !!


اتقوا الله يالمدارس المستقلة ترى العيال والبنات في امانه ارقابكم فعلموهم على تقوى الله وطاعته واتباع سنية نبية وليس على الخربطة والكلام الفاضي .



يعطيك العافية على موضوعك
وكلامك بصراحة واقعي
وبحكم أن الفكرة لأول مرة يطرحها المجلس الأعلى للتعليم يمكن مانتبهوا لهالأمر
ولكن
أتمنى في أحد من المجلس الأعلى التعليم ينتبه لكلامي
اتمنى أن هالأمر مايكون إجباري على البنات
ولو تكنسلون الفكرة يكون أفضل على البنات
لأن البنت مع المخالطة يقل لديها الحياء وينشأ لديها الجرأة
وهالأمر خطير للمستقبل
وحنا مانبي هالشي يصير
وتونا في بداية الأمر ونقدر نتفاداه
أما إذا قرروه على الشباب فما في أي اشكالية
بالعكس
أنا مع القرار اللي يجبر الشباب على التطوع
لانهم سيكون رجال المستقبل إذا شاء الله
وشي جميل أنه يتعلم العمل التطوعي قبل دخوله مجال العمل

[محمد سعيد]

اذا المكان غير مختلط ووسيلة المواصلات متوفرة نسمح


غير هذا مرفوض واذا رفضوا يعطونها الشهادة

ارفع قضية على المجلس الاعلى للتعليم ان يبي يغصب البنت تعمل في اماكن مختلطة

واذا المحكمة رأت ان مالي حق وان يحق للجهة ان تجبر بناتنا على السفور والاختلاط غصبا عنا


هنا انا معاك انهم يجبرونا ويحق لنا الرد باطريقة الشرعية التالية

((إذا رأيت منكرا فغيره بيدك فإن لم تستطع فبلسانك فإن لم تستطع فبقلبك وذلك أضعف الإيمان))

ابتدي بيدك واذا شفتهم ماغيروا تعاملهم معاك خبرني

[ريماس الغلا]

اللهم استرنا فوق الارض وتحت الارض ويوم العرض

[unless]

بصراحة اشوف الموضوع مافيه شئ بل العكس ..
الولد علشان يحصل الشهادة لازم يتطوع معناه في النهاية=مطوع البنت تتطوع كذلك ومعناه في النهاية=مطوعة النتيجة بعد كم سنة المجتمع كله مطاوعة وش بعد احسن من كذا.

[حليتان*]

انا من العام قالو لي وانا طنش تعش تتنعش

[تحداني]

.. المدرسه فقط تعطي قائمه من أسماء الجهات التي تفتح ابواب التطوع ..
ان رغبت الطالبه بهذه الاماكن ذهبت وان لم ترغب ..

تقوم بإختيار اي مكان يناسبها ..
ولا احد يستطيع اجبارها او الزامها في مكان محدد ..




الاختلاط وعدمه نحن من نحدده ..
ونحن من نسمح به نحن من نرفضه ..

هناك البعض مقتنع به والبعض الآخر رافض

.. هذا يعود لولي الامر
ومن هم تحت وصيته


ولا يحق لاحد اعطاء قائمه من الصفات البذيئه...
والصاقها على من يعملون في تلك الاماكن ..

.
.

هناك الكثير من الجهات النسائيه التي لا تمانع في استقطاب الفتيات ..
والعكس تماما في استقطاب الشباب..
.
.
.

الاماكن النسائيه

مركز ابداع الفتاه
جمعيه قطر الخيريه
المركز الثقافي الاجتماعي للصم
الشفلح " قسم مخصص للسيدات "
الكثير من مراكز تحفيظ القرآن الكريم
وزاره الاوقاف والشؤون الاسلاميه
دار الانماء الاجتماعي
الاستشارات العائليه



والكثير الكثير منها .. قبل سنوات التحقت اختي بأحد منها ..




جملكم الله برضى الرحمن

[الطيبة كلها]

ماقول الا جعل كيدهم بنحورهم

[هدهد سليمان]

والله مشكله تقليد الغرب !
ياليت يبتكرون اشياء اكثر فايده .. تقليد اعمى فقط

[بوحارب]

السلام عليكم


مشكوريين كلكم على المشاركة والردود الطيبة

بالنسبة للي يقول البنت هي اللي تختار المكان مب المدرسة

احب اقولهم كلامكم غلط او كلامكم هذا يطبق في المدارس الثانية

اما مدرسة قطر الثانوية للبنات اجبرت البنات على بعض الأماكن وماراعوا البنات في الأماكن وقطوهم بين الرجال :eek5:

ولو كانت المعنية في الموضوع اختي كان ما نزلت موضوع اهني ولا شي وحليت المشكلة بنفسي :secret:

والموضوع نزلته بطلب من ولي امر الطالبة :nice:

والسلام عليكم


بصراحة اشوف الموضوع مافيه شئ بل العكس ..
الولد علشان يحصل الشهادة لازم يتطوع معناه في النهاية=مطوع البنت تتطوع كذلك ومعناه في النهاية=مطوعة النتيجة بعد كم سنة المجتمع كله مطاوعة وش بعد احسن من كذا.


يعني لما يودون البنات يتطوعون في جامعة البنين في هذي الحالة البنت بتكون مطوعهـ :)

احلى طواعة والله ومانبي شي احسن من كذا هههههههه