ياإخواني وأخواتي الحذر .

[السهم الشمالي]

السلام عليكم ورحمة الله وبركاته وبعد ،

تحذير للكل
أنا باقول قصتي والتحذير من خلالها
أنا عندي حديقة في بيتي الجديد أرض تقريبا مساحتها 7في 21 متر
وجبت الأخوان اللي تارسين الوسيط من إعلاناتهم تصميم حدائق وزراعة حدائق ومادري شنهو حدائق وخرابيط .
جاني اول إثنين طبعا من الجنسية العربية وآلي يابيه أممممم دين بازرعها لك ورد وحشين وتعديل تربه ب 9000 ريال عطاني سعر بشكل عشوائي
وجبت آخر وقال بس بازرعها حشيش مع التسميد الله يعزكم فقط ب 5000 ريال
وقلت له مش الحين بعدين وقمت اماطل معاه وهو يتصل وعقبها قالي بـ 4000 وبعد قلت له لا شوفوا الخصم ماشاء الله عليه بالألف .
وبعدها طرش لي نسيبي مزارع باكستاني وقالي باسوي لك الشغله اللي هي خلط التربه مع السماد الله يعزكم وحفر 9 حفر كبار حق النخل ورتب الدنيا بــ 1500 بدون سعر السماد وانا جبت له السماد بـ 600 ريال طلع المجموع 2100 وبعد جزاه الله خير زرع مشموم وورد وقام يراقب الزراعه .
وأنا ماعمم الكلام على الكل ولكن 99.9% من ذيك الجنسية كلهم حراميه ويحسبون هل قطر مغفلين وللأسف بعض الناس مايعرف في هذي الأشياء ومستعجل وممكن أنه ينخدع بهم .

[دانة الروح]

مشكور اخوي على التحذير

وموفق

[رذاذ]

جزاك الله خير ..

اخوي انا انصحك بعد تمر على مركز قطر الخضراء الى عند دوار جاسم بن حمد بتجاة الدحيل تاخذ من عندهم فكره عن الحدائق والتصاميم الجاهزة .

واخبر يصرفون شتلات وانواع من الزهور في وزارة البلديه والزراعه .

واتمنى لك التوفيق ..

[عابرة سبيل]

جزاك الله خير

[فتى الجود]

ياخوى تحمل من العرب

والحمدالله اللى الله وفقك

المهم طرشلي ولاعليك أمر رقم الخان على الخاص خليني أجيبة يسنع الحديقة .

[umhend]

والله انج صادقه هالجنسيه دخلت علينا طيرت لهنود الشاطرين لكنهم لامن ذمه ولا ضمير
اشتغلو في بيتي دفان تخيلي بعدين اكتشفت ان دافن البيت بكراتين وورق والله ان بيتي خفق
بعد ماسكنته باسبوع بس حسبي الله عليهم

[بوبندر]

انحش من المصري

[ام فهد الحلو]

يسلموو ع التحذير

[السهم الشمالي]

دانة الروح

العفو وشكرا على المرور الرائع

رذاذ

تسلم وبارك الله فيك

اما عن التصميم انا عملته بنفسي ولله الحمد طلع حلو لاباس به

والشتلات بإذن الله بامر عليهم في مقرهم اللي عند دوار التشريفات الأميرية في أقرب فرصه .

عابرة سبيل

وإياك وشكرا على المرور .

فتى الجود
تسلم ياخوي والحمد لله رب العالمين
والرقم على الخاص بارسله لك إن شاء الله .

umhend
مشكوره أختي الفاضله والله يعينك انا صار لي هالموقف مع عماله من نفس الجنسية يوم كنت بادي في تبليط الحوش لكن ولله الحمد صدتهم ووقفت الشغل وجبت ناس غيرهم .
نعم ونقول حسبي الله ونعم الوكيل الواحد يدفع دم قلبه على هالبيت ويخسر ويجون هالنوعيات هذي من البشر نعطيهم حق الشغله إم ألف وهو يشتغل فيها بميه ، ويسرق 900 وللأسف كلهم عرب .

[ضوى]

ممكن رقم الباكستاني

[السهم الشمالي]

بوبندر

هههههه

تسلم يابوبندر

لكن تصدق

انا قلت 99.9 لكن فيه مصريين إشتغلوا عندي في الحوش طلعوا من الــ 1 من عشرة يشهد الله أن شغلهم مسكت عكس الصورة اللي حنا ماخذيها عنهم .

ام فهد الحلو

ربي يسلمك وشكرا على المرور.

ضوى .
الباكستاني شغله رخيص ونظيف لكن في امور التصميم ماجربته .
وبارسل لك رقمه إن شاء الله .

[حياة]

اخوي رقم الزراع ؟
احنا نبي زراع مضبوط حق الفله نبيه يشتغل من الحين وقبل ماتجهز الفله
احنا ندور حد امين لان الحديقه كبيره وهالجنس الطماع بيضرب ضربته علينا
والله يجزاك خير على التنبيه

[صوت الضمير]

أخوي السهم زين سويت وفكرتك حلوه

لان الوالد من سنتين كانت مخططه تسوي حديقه بالبيت وعاد رافعين السعر توب

جبنا باكستاني رتب لنا الحديقة ..ورحنا محل بيع الشتلات وأخذنا أنواع الورود و

والمشموم .. زرعنا نخل والباب الخارجي الرصيف حطيت فيه شجر الكرمز،،

http://up3.al-qatarya.org//uploads/images/al-qatarya-0815af2c01.jpg (http://up3.al-qatarya.org//uploads/images/al-qatarya-0815af2c01.jpg)

شجر رائع جداً ويطول بسرعه .. شكله ممثلث ..

منظره حلو واجد

ورخيص موب غالي..

وشكراً

أبداع

[السهم الشمالي]

FlagLand

العفو اخي الكريم وشكرا على المرور والرقم على الخاص .

أبداع
شكرا لك على المرور والمداخله .
نعم وهذا هو الشغل العدل والبعض يقول ماعندي وقت ولكن ياخوي الأمور تصير على مراحل مهب في يوم وليله وتقوم الحديقة وحلو لما الواحد يشوف حديقته اللي إشتغل فيها تستوي على مراحل وتتطور وش ثاني انا سويته زرعت النخل والحمضيات واللوز من اول مابديت ابني خصصت مكان الحديقة وزرعت فيها والحين ولله الحمد اغلب الشجر مثمر وكبير من فضل الله .

لكن باسأل عن هذا الشجر
الكرمز ماله أضرار مستقبلية مثل شجر الكاربس ووين ممكن احصله .

[الـقـاسـي]

طرش لي رقم الزراع ولاتهون

[مغربيه]

merciiiiiiii

[Almossafer]

ممكن رقم الباكستاني

[بو نووف]

جزاك الله خير ..

[سارا.]

ممكن الرقم----