ابي مساعده مسافرة لندن باريس فيينا عطوني تكاليف الماليه

[لبتونه]

السلام عليكم


اخواني واخواتي الخبرة في بلاد اوروبيه بغيت خبرتكم

ان شاءالله هالسنه ناويه اونس ابو العيال والعيال الله يحفضهم

سفر بيكون شهر 5 بدايه او نصف او نهايه

طبعا لندن 5ايام وعقب باريس 3ايام دزني وعقب فيننا 5ايام فقط لاغير

حابه اعرف اسعار فنادق وتكون نظيفه وغرف جيدة

حابه اعرف اسعار مواصلات

حابه اعرف اسعار الاكل

وتذاكر كم تقريبا سياحي وارخص طيران القطري او الاماراتي

بدون شوبينغ

تقريبا هالسفرة كم تكلف ؟

عشان احط ميزانيه


اتمني اشوف مشاركات حلوة ومفيدة

[هند88]

على حسب انتوا كم شخص 4 والا 5 والا 10 ؟؟؟؟؟؟؟؟؟

و حلو تقعدين في دزني وانصحج بفلل ماريوت فليج رخصية بس الفنادق هناك غاليه مب اقل مو 3000 ريال لليله اذا مو اكثر بس هالفلل 1000 وخرده مب متذكرة كم بالضبط
وفي شقق في فرنسا بعد حلوه وسعرها معقول اسمها
Fraser Suites Harmonie
في منطقة اللادي فونس la Defense

منطقه حلو عائليه وفيها مجمع تسوق قريب

[بو خليفه 123]

اختي فيه مليون جواب على سؤالج

اسعار الشهر الحالي غير اسعار شهر 5 و غير اسعار شهر 8 و الخ الخ
كله يعتمد على السيزن (الموسم) اللي انتي رايحه فيه .

من ناحية الفنادق في لندن : اذا تبين موقع حلو و خدمه جيده انا اشوف شيراتون بارك تاور مناسب .. لكن اذا انتي مع ابو العيال والعيال الله يعينكم على التكلفه ..

أنا اشوف الشقه الاسبوعيه انسب شي لكم

من ناحية الاكل يعتمد بتاكلين في هارودز ولا عند محمد المصري مال الكباب .. الاسعار تتراوح للعائله من 50 باوند الى 400 باوند !!

أنا انصح انج تدخلين مواقع الفنادق و اذا حابه عناوين المؤجرين في لندن انا حاضر .

[البحار00]

ما شاء الله اول مره اشوف وحده بتسفر ابو العيال وبتكفل بتكاليف السفره كلها

العاده ههههههههه ابو العيال مسكين هو الي يقرقش فلوسه

الله يخلي لج ابو العيال والعيال ولا يحرمهم منج

[زمان الصمت]

اذا كنتو خمس اشخاص بالنسبه للتكلفه تذاكر وسكن جيد نوعا ماء بتكلف سفرتكم اكل وشرب وشوية

شوبنج في حدود 80000 ريال وبتعيشون احلى حياة بالنسبه للسكن في لندن انصحكم بشقق ماي فير هاوس

خلف الهيلتون بارك لين 5 دقايق مشي للهايدبارك وكل شي حواليج وامان وطمان وسعر الاسبوع 2100 باوند اي في حدود 12000 ريال

الأكل انصحج بمطاعم رنوش ومططاعم الاكسفور وجلوستر وجواورود ودلعو نفسكم يوم يومين وجبتين في هارودز مره اللبناني ومره البيتزا

باريس اسكنو بالكونكور خمس دقايق مشي للشانز وروحو ديزني بالقطار واسكنو راديسون ساس سعره مقبول

انا مانصح بفينا اذا رايحين لندن وفرنسا بروحها عباله وتعب وارهاق وانتو رايحين تنبسطون مو ترهقون انفسكم شيل وحط وشيك اوت وان وحاله انا مجرد جدا تعب اخذو اسبوع في لندن وعشر ايام

بين ديزني وباريس ووايد بعد او كملوها كلها بلندن لندن احلى من فرنسا بوايد احس باريس مافيها شي

روتين يذبح والله يوفقكم

انا عن نفسي باذن من الله رايح مع العيال وام العيال لندن 20 يوم ودعواتكم

[وحيد-الشوق]

انا اشوف فينا افضل عليكم بسالزبورغ وزيلامسي احلى اماكن

اما لندن مادري ليش ماتعجبني كلش مع اني مازرتها بس شبعت من كثر مااسمع عنها واشوف صورها خخخخ

احسها بس تمشايه ومحلات وتسوق وفوق هذا غاليه بزود !!!! ماتسوى صراحه وكل العرب والخليج هناك

باريس حلوة بس هم ممله شوي بس اهون من لندن

بخصوص الميزانيه ماعندي علم والله بس اكيد اوروبا يبي لها همشة :)

الله يقطع ابليسك اخوي البحار .. ضحكتني والله ههههههههههه

الله يسهل اموركم

[al3nabi79]

صباح الخير

انا عن نفسي ضد كل شخص يقول ان لندن يقول ان لندن غاليه ولا مب حلوه ولا حق تمشايه كل واحد يكيف نفسه علو اللي هو يبغي بالعكس ايش السكن لما تاخذ لك غرفه في ارقى منطقه مثلا المايفير ب 1000 واقل من كذلك واذا تبغي اسعار افضل تقدر تسكن في مكان ابعد مثل اجورود اخوي وحيد الشوق اللي ماراح لندن دائما يقول كذا لكن اللي جرب لندن يقول غير ذلك لندن اذا تروحه مره تحس اذا غبت عنه شوقك يزيد لها ولازم ترجع لها للانها بلد غير انا من سنة 1997 لين اليوم ما فرطت الا سنه وحده وبالغصب لو كان ودي السنه ذيك ترجع واروح لها انا اتمنى تروح وراح تغير كلامك لان غيرك كثير قالو لما راحو بالعامي قال ""الله يلوم اللي يلومك"" وبالنسبه لباريس حلوه للاهل شوبينق للان مجمعاتها ما تخلص من كثرها وكذلك سياحيه وفينا سياحيه درجه اولى من حيث جمال الطبيعه السالزبورغ والسكن في ساس مقابل الماريوت اظن مقبول وبالتوفيق ان شاء الله ما ثقلنا

[ALHAJAJI]

شوفي اختي ....





لنـــــــــــــــــــــــدن




وباريــــــــــــــس




وفيينــــــــــــــــــا































انــا ما رحــــتهم :tease::tease:

وانشاء الله الاخوان ما راح يقصرون في المعلومات

وسفره سعيدة :nice::nice:

[Ginger]

فينا ماتصلح حق وناسه يهال وايد

في فينا تقدرين تزورين مغارة هتلر عاد نسيت هم شيسمونها

عندج ملاهي براتر روعه الملاهي رحنا يومين ورا بعض ... وعندج قصر آخر قيصر من قياصرتهم ..والتذكرة تكون على حسب كم غرفة تبين تشوفين من القصر ؟؟؟

عمووما فينا مشهورة بكثرة المتاحف ..

وللسوق طبعا عندج شارع المشاه سوق طويل عريض فيه مطاعم ومحلات حلوه مثل نورد سي وغيره

وفيه عربات الخيول

بس فينا اذا سكنتي قريب شارع المشاه وحواليه الله يعيييييييييييييييينكم عالازعاج وطبعا لازم نفتح الدريشه

انصحكم تروحون زلاااااااااااامسي روووعه رووووعه روووعه يعني روحوا يومين فينا والباقي زلامسي

زلامسي تقدرون تروحون حديقة الحيوانات تكون على الحدود بين زلامسي وايطاليا حلوه

وعندكم كذا زحلاقيه من الكبار على الطريق

وبعد تقدرون تروحون فوق الجبل واذا بتروحون شهر خمسه بتلحقون على الثلج فوق الجبل وطبعا وناااااااسه وناسه بتروحون بالتلفريك ... وانصحكم تلبسون ملابس زينه لانه برد واهم شي القفازات لكم كلكم ونظارات شمسيه لان الثلج مع الشمس يكسر العين

عاد الفنادق يبي لها همجة فلوس لان نوع ما غاليه ... عاد انا نسيت اسامي الفنادق الي سكنا فيها

بالنسبه للطيران اكيد القطرية اغلا ولكن انا احب اروح دايركت مابي عوار راس وترانزيت وحالة

وحاولي قد ماتقدرون مب دايما تروحون بالتاكسي .. في اماكن تقدرون تروحون لها بالباص


وانا لو كنت مكانج اكنسل لندن واروح سويسرا ( انترلاكن) وناسه من قلب كل يوم مكان غير الجو الرهيب

بالتوفيق

[basma222]

تروحين وترجعين أنتي وبناتج بالسلامه

[QATAR2010]

الله كريم وتوصلين بالسلامه

[العضو الماسي]

مع التذاكر ومصاريف السفر اليوميه والتنقلات . ممكن تكلفكم 100 أو يمكن 130 أو يمكن 200 ألف وعلى حسب أنتو بتاخذون التذاكر بزنس ولا عاديه لن البزنس التذكره الوحده 15400 تقريباً حق لندن و4 أشخاص هذي 61 الف تقريبا حسبتهم لج عالسريع . وطبعا كل أنسان يعرف صرفيته أختي يعني ممكن تحطون ميزانيه سكن لل3 دول 25 ألف وممكن تحظون مزانيه سكن 50 ألف وممكن كل يوم صرفيتكم 5000 ريال تقريبا . وممكن كل يوم تصرفون 15000 ألف على حسب ألشخص . تختلف من شخص ألى أخر . وأتمنى أني قدرت أفيدكم أختي .

[أم علي 2010]

انا من رايي 5 ايام لندن و 5 باريس بس لو تحجزوني في دزني لاند 3 ايام و يومين باريس

بتستانسون في دزني وايد .. و باريس نفسها مافيها شي في يومين بتزورون اغلب الاماكن

دام ما تبون السوق .. وطبعا التكلفه على حسب العدد و مكان السكن .. انا رحت مع زوجي

طبعا صرفنا حول ال 25000 حق 10 ايام بدون تشري

والله يعينج و ان شالله تستاتسون بالصيفية

[koketa]

على حسب

اللي يغلي السفره الفنادق ممكن تستبدليها بشقه

والتذاكر احسن على الامراتيه او القطريه لو عندك اميال

[بوعلى 1]

واللة زين الزوجة اتونس ابو العيال شان زين كل الحريم مثلج اتروحون وترجعون بسلامة

[ولد الشقب]

واللة زين الزوجة اتونس ابو العيال شان زين كل الحريم مثلج اتروحون وترجعون بسلامة

حرام عليكم ....................تفهمون غلط؟؟


يمكن قالها شوفي تكاليف السفره ؟

والاحددلها الميزانيه وهي تبي اشوف

[بطحيش]

اقول ودي انصحش بس ماعندي اي خلفيه
ونتي راكبه الطيااااره
لا تنسين دعاء السفرررر //// وبتوفيق للمسافرين///

[بطحيش]

كل عام ونتم سعيدين ////// وكل سفره ونتم مفرفشين //////