ارخص مكان لبيع مواد البناء

[nokia30]

ابي ارخص مكان يباع اسمنت وطابوق وبلاط للحوش

[فويرط]

مرحبا

بخصوص بلاط الحوش توجد المحلات في الصناعية

البلاط الشعبي ( سعر المتر المربع ) 17 ريال

[السد]

شوف اخوي محل صالح كمشكي للحجر البحريني - طريق المطار
وعندك البلاط مصانع النجاح الاتوماتيكية - الصناعية

[شموخ دائم]

,

,


مرحبا اخوي


الاسمنت صناعه قطر 13 ريال مال الحكومه

واما الي يباع في السوق تلاقيه تقريبا 19 ريال وسعره يتفاون من يوم الى اخر

الطابوق الاسمنتي والبلاط الشعبي

هذه سعره تقريبا نفس الشي في الصناعيه

ولذالك احنا ندور على الاحسن جوده واحسن مصنع شغله نظيف

لان الاسعار تقريبا متشابهه ولكن المعدات تختلف من مصنع الى مصنع

والمصانع الكبيره المعروفه هي المرشحه عندنا لان انتاجها نظيف

مصنع سمسمه

مصنع الدوله تطلب منا نشتري منه البلاط لمشاريعها ( خاصه الاوقاف )

هم يثقون بهذا المكان


هذا الي اقدر افيدك فيه


,

,


اخوك



شموخ دائم

[nokia30]

شكرااالكم يااخواني الافاضل علي الرود والافاده بس حبيت اقول لكم انا ابي البلاط الكاشي اي البلاط الصغير الابيض القديم اللي يوضع بيوت اول مش الاسمنتي وممكن اعرف اي ارخص اركب هذا البلاط ولا النتر لوك وعن الاسمنت انه في محل يعطني مايه كيس بشهر وهو مدعوم من الحكومه بشرط بتقديم طلب وبطاقه الشخصيه بس ياليت احد يعطني الرقهما او مكان وشكرااالكم اايه صج نسيت ووين احصل رمل وطابووق الرخيص وياليت يكون مدعوم من الدووله وسلامتكم

[فتى الجود]

الأسمنت في شركة قطر اللى فوق وكالة المرسدس في شارع سلوى بــ 13 ولازم تكون عنك رخصة بناء
وكل أسبوع بيعطونك 100 كيس
أما أذا عندك سجل تجارى ممكن يعطونك 500 كيس بالأسبوع

وبالنسبة للبلاط الشعبي عندك شركة سالم صقر الكوارى المتر بــ 20.5 توصيل الموقع أقريب الوسيل .

أما الطابوق بــ ( شركة خالد للصناعات الأسمنتية ) لاتاخذ غيرة ( سواءً أسود أو أحمر ) .

والأنتر لوك نفس الشي من شركة خالد بس خذ ( جابروا المتر بــ 33 ) لاتاخذ الــ لايف ستون .

الرمل البلاستر بـت 500 ريال

الرمل المغسول بــ 1000 ريال
الدفان الأبيض بودرة بــ 500ريال
هذي أسعار تريلات الصناعية
واى استفسار انا حاضر

[nokia30]

الأسمنت في شركة قطر اللى فوق وكالة المرسدس في شارع سلوى بــ 13 ولازم تكون عنك رخصة بناء
وكل أسبوع بيعطونك 100 كيس
أما أذا عندك سجل تجارى ممكن يعطونك 500 كيس بالأسبوع
عندي رخص بناء مطبخ وغرفه وحمام خارجي
وبالنسبة للبلاط الشعبي عندك شركة سالم صقر الكوارى المتر بــ 20.5 توصيل الموقع أقريب الوسيل .
اخوي البلاط الشعبي هو الابيض اللي فيه نقاط سود صج بالنسبه للنقل البط علي ولا عليه وهل عندك ارقاهم
أما الطابوق بــ ( شركة خالد للصناعات الأسمنتية ) لاتاخذ غيرة ( سواءً أسود أو أحمر ) .
اخوي م سعر الطابوق عندهم وشنو قصدك باسود او الاحمر ؟؟
واسعار الرمل المذكوره تشمل النقل الي البيت ولا ؟
وووين احصل ادوات حمام رخيص حمام كامل اايه اخووي اماكن اللي عنده صبغ رخيص وبلاط اللي يحط في المطبح علي الحائط اقصد الابيض
واحط السقف كاربي ووين ارخيص مكان يبعه ووين اخذ الادوات الكهرباء للمبطخ وغرفه وحمام
تدري اخوك غشيم وطيح في يدي بنغالي حرامي تعرف مبي يسرقني برووحي محتاج الريال
انا ابي اجيب له الاغراض واعطيه شغل يده لانه الهنودوالبنغال كائلون باسعار واخيرا معرف كيف اشكرك يااخوي هالمساعده

[nokia30]

ااااخووي فتي الجود ووين روودك

[فتى الجود]

ااااخووي فتي الجود ووين روودك


ياخوى سامحنى لانى قليل التواجد هالفترة على النت وذلك لانشغلي بالتطشيبات لكن أبشر بالردود اللى تطيب خاطرك

[فتى الجود]

بسم الله

عندي رخص بناء مطبخ وغرفه وحمام خارجي

كل أسبوع بيعطونك 100 كيس
والسواقين اللى تحت تعطيهم الورقة هم يجيبون لك الأسميت بــ 250 ريال من ام باب
وأذا ماعندك عمال لتنزيل أكياس الأسمنت في الموقع بياخذ عليك 50 ريال زيادة يعنى كامل 300ريال
طبعاً لاتعطية الورقة الا انت ماخذ رقمة ومتفاهم معاه على المبلغ وعلى من التنزيل




اخوي البلاط الشعبي هو الابيض اللي فيه نقاط سود صج بالنسبه للنقل البلاط علي ولا عليه وهل عندك ارقاهم


نعم ابو نقط بيضاء مقاس 25x X 25

شركة سالم صقر الكوارى المتر بــ 20.5 توصيل الموقع وعلية التوصيل والتنزيل
الصناعية شارع 14

رقمهم

4600043




أما الطابوق بــ ( شركة خالد للصناعات الأسمنتية ) ( سواءً أسود أو أحمر ) .
اخوي كم سعر الطابوق عندهم وشنو قصدك باسود او الاحمر ؟؟

الأسود هو العادى ( الأسمنتى )
الغير معزل ويستخدم للبناء بشكل عام وفي الوقت الحالى الناس تاخذه للسور الخارجى
والتقاطيع الداخلية للمنزل والحمامات وذلك لسهلة تكسيرة وأدخال بيبات الكهرباء وتمديدات بيبات الماء
وأخفاءها
قبل البلاستر وسعره 2.8 ريال


ألأحمر هو الطابوق المعالج حرارياً وكالفخار وهو نوع من العازل يمتاز بخفة وزنة وفي نفس الوقت صلابة وقوتة وعزلة للصوت والحرارة
وسعره 3.2 ريال


واسعار الرمل المذكوره تشمل النقل الي البيت ولا ؟

النقل للبيت وتنزيله بعد


وووين احصل ادوات حمام رخيص حمام كامل

أذا للخدم ونظام مش حالك
روح أنصار ستى الطقم يبتدى بــ 500 ريال
اما اذا لك وللعائلة
عندك كافود بالمطار
شبيب العطية مشاهد مطعم فلسطين


اماكن اللي عنده صبغ رخيص

بالنسبة للصبغ عندك الصبخ الداخلى على مرحلتين الأولى يسمونها معجون أو وجه أول
والثانية الصبغ النهائي بعد المعجون
وتحصلها عند اى محل ديكور لكن لاتاخذ المتر بأكثر من 15 ريال للمتر المربع كامل



وبلاط اللي يحط في المطبخ علي الحائط اقصد الابيض


أ أرخص شي عند أنصار ستى عنده المتر بــ 5 ريال وفي بــ 13 تشكيلات حلوة

واحط السقف كاربي


ترى مايفرق بالتكلفة النهائية صبه أحسن لك وأذا بتصب بادلك على شركة عازل أرخيصة وشغلهم سريع وجودة


ووين ارخيص مكان يبعه ووين اخذ الادوات الكهرباء للمطبخ وغرفه وحمام


شارع عبدالله بن ثاني وعندك الجابرى أسعاره معقولة


لكن ياخوى أنا خايف ان البنغالى تجيب له المواد وفي الأخير يكون سعره اغلى لو ان المواد علية

انت شوف السوق وشوف السعر كامل

وقولة عطنى سعرك اذا انت بتجيب المواد
وسعرك اذا انا اجيب لك المواد

وبهذا بتعرف اذا هو حرامى ولا

وديماً خل دفعلاتك معها خفيفة يعنى العقد
يكون مثلاً 50 الف
خل الدفعات 10 ريال لاتزيد عشان لو شرد
لسمح الله او بطاء مايكون علييك خسارة

وبعدين شوف البتان ترى شغلهم انظف واسرع

وأذا على الشكر

أشكر الله لانه هو من يستحق الشكر
وأدعيلي في ظهر الغيب

[فتى الجود]

وهذا شركة سالم صقر الكوارى
الصناعية شارع 14

رقمهم

4600043

أخوى ممكن أستفسار؟

وين موقع البناء ومساحتة والسعر اللى عطاك أياه المقاول ؟

[nokia30]

هلا اخوي السعر اللي غطني اها حق الغرفه وحمام مع المطبخ الخارجي اخري شي 150 الف مساحه المطبخ 6في 7والغرفه والحمام 12في7وسلامتك وحسابي المطبخ بروحه بس 45 الف موقع البناء في ابوهامور

[فتى الجود]

اخوى هالسعر مع التشطيبات ولا بس طابوق وهل هالسعر بالكيبربي ؟
ياليت تفاصيل اكثر

[nokia30]

اخوي ابي ارقام او مكان كل من شركة خالد للصناعات الأسمنتية وانصار ستي
ترى مايفرق بالتكلفة النهائية صبه أحسن لك وأذا بتصب بادلك على شركة عازل أرخيصة وشغلهم سريع وجودة ياليت اخوي تدليني عليهم وشكرااا لك

[فتى الجود]

اخوي ابي ارقام او مكان كل من شركة خالد للصناعات الأسمنتية وانصار ستي
ترى مايفرق بالتكلفة النهائية صبه أحسن لك وأذا بتصب بادلك على شركة عازل أرخيصة وشغلهم سريع وجودة ياليت اخوي تدليني عليهم وشكرااا لك

شركة خالد للصناعات الأسمنتية

شارع 41 بالصناعية الجديدة ( الحنوبية )
عند المسجد الكبير


أنصار ستى

طريق سلوى من جوار قطر للديكور بتجاة الدوحة ( دوار مدماك )
على اليمين بعد المجموعه للأوراق ومحطة بترول التيسير

والعازل عندك شركة المريخي للعازل شارع بن محمود أخبرة في بناية بالدور الثانى

وأرقامهم طال عمرك اتصل على 180

والصب السقف عندك شركات كثيره

[nokia30]

بدوون التشطيب بس مدد المجاري وماي وكهرباء لخوي عندي بت قديم موجر وحاب اسووي صيانه هل عندك احد حق هاي المهمه وشكرااالك

[قطري عصامي]

السلام عليكم،

اخواني ممكن حد يفيدنا بأسعار الخرسانه هالايام؟