اسوأ تنظيم هذه السنة للمعرض المهني

[tawareq]

اسوأ تنظيم هذه السنة للمعرض المهني والاسباب كثيرة منها :

1- اغلاق جميع المداخل للزوار مع فتح مدخل واحد فقط ومخرج واحد.
2- كثرة المتطوعين اللي مالهم داعي كل واحد مع وحدة ودوارة في المعرض وخارج المعرض ( زحمة على الفاضي )
3-بوفيه الغداء حدث ولا حرج
* خدمة تعبانه - تطلب شي ولا حد يرد او يتجاوب
* نوعية الاكل من اسوأ لأسوأ
* حشرات وذبان في الخيمة
* قفل الباب الخلفي عند الساعة الثالثة والناس داخل الخيمة تتغدأ
4- قفل الابواب الخلفية للمعرض في اخر يوم بعد انتهاء المعرض وعدم اخراج الحاجات الخاصة للمشاركين مثل الكتيبات والعروض الوظيفية والهدايا الخاصة لكل جناح علما بأن الابواب الخلفية تفتح لادخال واخراج الاشياء الخاصة للمشاركين والابواب الامامية للمعرض لخروج ودخول الجمهور.
5- يجب ان يكون هناك بطاقات خاصة لدخول الزوار من vip لافتتاح المعرض و بطاقات خاصة للمشاركين في الاجنحة.


والكثير والكثير من مساؤي التنظيم علما بان الكثير من المشاركين في الاجنحة مستائين من التنظيم هذه السنة


وللاسف اسعار خيالية للمشاركة في المعرض وتحديد شركات خاصة من ادارة المعرض لتصميم استندات المعرض وباسعار خيالية ايضا.\\

واتمنى مشاركة الجميع للادلاء برأيهم في المعرض


شكرا

[sahrleel]

اعتقد ان كلامك صحيح لاني لاحظت كثير منها

[ودي أكون]

لـو كـان المعـرض عـن الثقافـه اللـي بااالـي بااالـك اللـي يدعـون انهـا ثقافـه!!.. جـان خـلوه ناجــح ياخوي !!



للاســف !!

[دكتورة روح]

للاسف مارحت المعرض
ولا جان ابديت رايي

[STAR]

أنا ماصدمني الا إذا تبي تكون شركتك او وزارتك عضو ضهبي
تدفع مبلغ فوووق نص مليون..‏!!‏
اشدعوة؟! عيل الاستاندات بكم؟!!‏

[BIG-VEGA]

اتفق معاك في في كل الي قلته

بس الاكل كان نفس العام

والسيفود بصراحه كان ماله حل :shy:

[حياة]

مارحت والله

[صقر بلادي]

2- كثرة المتطوعين اللي مالهم داعي كل واحد مع وحدة ودوارة في المعرض وخارج المعرض ( زحمة على الفاضي )

اخوي مايجوز هل الكلام عييب تقول عن عيال البلد هذا الكلام انا كنت في المعرض وماشفنه من المتطوعين الا كل خير تطلب منهم شي يلبونه لك وهذا سبب كثرتهم لخدمتك انت والزوار وكثره المتطوعين لمنع اي تجاوزات من بعض الزوار اللي جاين بدون هدف والمتطوعين كلهم قطريين من عيال البلد مب اجانب لو اجانب ماقلت هل الكلام وعيب مره ثانية انه تعمم على هذا الشي

[doha70999]

فعلا انا لاحظت ان في وايد متطوعين ومتطوعات بس ماكانوا يسوون شي غير انهم يتمشون!!

[استغفرالله]

السنة اللي فاتت كان ماسط المتطوعين لجنة من جامعة قطر (طلبة وطالبات)

وكانو يجتمعون اسبوعيا للتنظيم وكان معظمهم من كلية الادارة وكانو منظمين جدا وحتى المتطوعين كانو ينظمونهم ويقيمونهم

[بوخالد911]

اغلب النقاط صحيحة

باب 1 بس مفتووح !!!

ليش هالضيجة؟


وعدد المتطوعيين والمتطوعات وااااااااايد

ما يحتاااي اصلا

[مبرمج QA]

اتفق معاك ... بالأخطاء الكثيرة
وخاصة زحمة المتطوعين.... ما ادري ليش هالزحمة ..
مع انه كل المعارض ما يكون فيه متطوعين غير العاملين أو المشرفين على الأجنحه..

والطامه الكبرى... المتطوعين والمتطوعات..عايشين قصة حب .. والله مسخره عيني عينك .. المكان صار أخس من المغازل في المجمعات ولا سوق واقف..
وين المنظمين .. وين المنصوري ليش ما يهتم بالأمور هاذي...

يعني انا اشوف البنات الكل امطيح الشيله والجنز الضيق والمكياج ما يحتاي ,, وجالسه تعمل عرض للمتطوع وللزائر .. والقهر في غرفة العمل ... اووووه يبيلي يوم كامل وانا اتكلم والله شي يعور القلب ...

[الزيبق]

على حسب كشختك يعطونك ويه هاي اللي لاحظته لاني مو مهتم وايد بالنقطه هذه وكان كل املي اني اقدم على وظيفه بس للاسف لاقيت السالفه مسخره ورجعت بخفي حنين حتى هديه ما عطوني

[طموحي عالي]

انا والله المعرض المهني مارحت له

بس كل اللي راحوا يقولون مصخره

وانا بصراحه ماشوف للمعرض فكره معينه تدعي ان الواحد يسوي معرض
يعني اللي يبي يقدم للوظايف يروح اماكنهم

العباله ومعرض وقله ادب ليش؟

[tawareq]

بخصوص المعرض للقطريين لكن شفت المكان اكثرهم اجانب واكثرهم اسيوين داخلين المعرض بس للهدايا لا ويطرون طر

وفي ناس منهم يوميا هناك

الواحد والوحدة منهم ما يقدر يمشي من كثرة شيل الهدايا

اي تنظيم هذا

[tawareq]

اتفق معاك في في كل الي قلته

بس الاكل كان نفس العام

والسيفود بصراحه كان ماله حل :shy:

للاسف السي فود كان يوم واحد فقط وربيان لا وتدور ما تحصل

[ولد شرق]

للاسف السي فود كان يوم واحد فقط وربيان لا وتدور ما تحصل

مادري الاخوان رايحين للأكل :)

ترا امزح بس

[tawareq]

انا والله المعرض المهني مارحت له

بس كل اللي راحوا يقولون مصخره

وانا بصراحه ماشوف للمعرض فكره معينه تدعي ان الواحد يسوي معرض
يعني اللي يبي يقدم للوظايف يروح اماكنهم

العباله ومعرض وقله ادب ليش؟

والله ان كلامك صحيح وانا ايدك اللي يبي وظيفة يروح يقدم في جهاتهم او عن طريق الاعلان

والحمدلله كل الجهات تعرض وظائفها عن طريق الجرائد او مواقعهم

وسنويا الجهة المنظمة يطلبون تقارير عن عدد الطلبات وعن عدد التوظيف لكن للاسف عدد التوظيف محدود

وانا شغال في الموارد البشرية واكثر الجهات اعرفهم في الموارد البشرية ويسؤولون نفس السؤأل كم شخص وظفتوا؟

بعض الجهات ولا شي وبعض كم شخص

يعني المعرض كله Show وعرض هدايا ودفع مبالغ للجنة المنظمة