مشاهدة النسخة كاملة : ابعاد مقيــم من الدوله واهــله قطررييـن ؟؟؟؟؟؟؟؟؟!!
تاج المراجل
20-03-2010, 10:05 AM
~ أْلســـــــــــــــــــــلام عليـــكم ورحمـــه الله وبركــــــــــــآته ~
عنـــدي موووضووع مـــهم وحبيــت نشوف اراءكم فيُــــه شخـــص مقيـُم
وعليـُــه قضيــه (مشاجره ) وامــه وابــوه قطرريـُيــن مثل ماتقو لوا (ابناء القطريات)
شيـُـك على نفســـه تفاجئ ان عــنده ابعـــاد من الدوولــَـــــه من الامن العآم ، هل يصيـر هالشي
يعنــي ، امه وابوه كل اهله قطرييـن علما بان المقيـُـم من دوله عربيه
اتمنى نشوف اقولكم في هالموضوع.،
دمتـم عـــلى طآعته ،،
سهم بن سهم
20-03-2010, 10:08 AM
مشاجره وإبعاد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شدعوه !!!!!!!!!!!!!!
وينكم يا حقوق الانسان ؟؟
لاحول ولا قوة الا بالله
صلاتي
20-03-2010, 10:09 AM
وما يدريك لعى الله يهدية ويستقيم
ويفتح له باب رزق افضل من قطر
العضو الماسي
20-03-2010, 10:11 AM
يلا انشاء الله الفال حق الاجانب الباقين ياربي
اشلون امه و ابوه قطريين مثل ما قلت وهو مقيم
الصوره غير واضحه
تاج المراجل
20-03-2010, 10:20 AM
مشاجره وإبعاد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شدعوه !!!!!!!!!!!!!!
وينكم يا حقوق الانسان ؟؟
لاحول ولا قوة الا بالله
ايه والله اخــو ي مشاجره لااكثر ولا اقـــل..
تاج المراجل
20-03-2010, 10:22 AM
وما يدريك لعى الله يهدية ويستقيم
ويفتح له باب رزق افضل من قطر
الرزق بيد الرزاق وهذا شي معروف واكيــد بس امــه وابـوه في امس الحاجه اليـُـه
علما انه اكبر ابنائهم ، الله المستعآن بس
تاج المراجل
20-03-2010, 10:23 AM
يعــني ابــوه قطــري وامــه قطــرريــه وهـــووو اجنبي مايحمل الجنسيه القطريـه
Sharshooooor
20-03-2010, 10:23 AM
الصورة فعلا غير واضحة وبالنسبة للابعاد جماعتنا اذا ركزوا على جنسية معينه مايقصرون فيها
لدرجة في اشخاص مو شخص واحد بس اذا حب ينقل اقامته يجي له ابعاد :nice:
وهالشي صار معروف عندنا في قطر
واللي قال وينكم ياحقوق الانسان
يبا حقوق الانسان مانحطت الا لناس وعشان يقولون ان قطر كاملة مكملة والكمال عند رب العالمين
استغفرالله
20-03-2010, 10:24 AM
شلون امه وابوه قطريين ؟
خذ و خل - خذ من العشر واحدة
alrheeb2020
20-03-2010, 10:24 AM
وليش المشاجره شي بسيط ؟
الله يستر عليهم ويعينهم
تاج المراجل
20-03-2010, 10:30 AM
الصورة فعلا غير واضحة وبالنسبة للابعاد جماعتنا اذا ركزوا على جنسية معينه مايقصرون فيها
لدرجة في اشخاص مو شخص واحد بس اذا حب ينقل اقامته يجي له ابعاد :nice:
وهالشي صار معروف عندنا في قطر
واللي قال وينكم ياحقوق الانسان
يبا حقوق الانسان مانحطت الا لناس وعشان يقولون ان قطر كاملة مكملة والكمال عند رب العالمين
اللـــه يرحـُـم الحـُآل بس ويجيب اللي فيــه خيــــرر ، ، ،
تاج المراجل
20-03-2010, 10:32 AM
وليش المشاجره شي بسيط ؟
الله يستر عليهم ويعينهم
مشاجره هووشه عأدي وصلت للمحكمه ومارضى يتنازل الطرف الثاني..،
alrheeb2020
20-03-2010, 10:38 AM
مشاجره هووشه عأدي وصلت للمحكمه ومارضى يتنازل الطرف الثاني..،
اي دام انه هو الغلطان ..
ومب في بلاده كان واجب عليه يحترم قانون البلد ..
الله يعيينه ..
وخلف يحاول مع الطرف الثاني يمكن الله يهديه ويتنازل عن الشكوى ..
hemoud123
20-03-2010, 10:44 AM
الاب قطري بالتجنس والام قطريه بحكم الزوج والابن كان تجاوز العشرين سنه عند حصول الاب على الجنسيه لذلك لايمنح الجنسيه بالتبعيه
بالنسبه للابعاد فهو ما يسمى الابعاد الاداري ويطبق على كل اجنبي يخالف قانون الاقامه ويعتبر الشجار العنيف مخالفه لقانون الاقامه وحتى تنازل الطرف الاخر لا يعفي من الابعاد
والله اعلم
إنسان عادي
20-03-2010, 10:45 AM
الصورة فعلا غير واضحة وبالنسبة للابعاد جماعتنا اذا ركزوا على جنسية معينه مايقصرون فيها
لدرجة في اشخاص مو شخص واحد بس اذا حب ينقل اقامته يجي له ابعاد :nice:
وهالشي صار معروف عندنا في قطر
واللي قال وينكم ياحقوق الانسان
يبا حقوق الانسان مانحطت الا لناس وعشان يقولون ان قطر كاملة مكملة والكمال عند رب العالمين
:secret::secret::secret::secret::secret:
ليش ما يطبق قانون الابعاد على الحراميه..؟!! هذا الا مشاجره ..
وبعدين سبق سحبوا الجناسي من قطريين ولا نسيتوا مب شيء جديد.. يعني اي احد فينا معرض للابعاد جداً عادي بقطر
العضو الماسي
20-03-2010, 10:56 AM
ليش ما يطبق قانون الابعاد على الحراميه..؟!! هذا الا مشاجره ..
وبعدين سبق سحبوا الجناسي من قطريين ولا نسيتوا مب شيء جديد.. يعني اي احد فينا معرض للابعاد جداً عادي بقطر
حبييي اذا شئ تجهله لاتفتي فيه
الى اسحبو جنسياتهم هم الي عندهم جوازين قطري - وسعودي
حيث انهم عندما اخذو الجوازات القطريه بالتجنس لم يعيدو الجوازات السعوديه او بالاصح لم يلغوها وترجع اصولهم للسعوديه ويسمونهم اصحاب الجوازات المزدوجه
BURBERRY
20-03-2010, 11:00 AM
يا اخوك يقول المثل:
يا غريب كن اديب
المفروض يحترم قوانين البلاد و مايدخل في مشاجره
و الله يوفقه
ولد الشمال
20-03-2010, 11:02 AM
ياخي مدام انه تهاوش هو اجنبي يتحمل الي يجيه وبعدين شوف ايش الهوش الي تهاوشه
للعلم مره شخص عربي ظرب قطريه وهي حامل وسفروه بعد السجن بعد تبون حقوق الانسان يتوسطون له
ياخي ع الكل يحترم البلاد الي هو فيها بلا مصخره وسوالف
العضو الماسي
20-03-2010, 11:03 AM
يا اخوك يقول المثل:
يا غريب كن اديب
المفروض يحترم قوانين البلاد و مايدخل في مشاجره
و الله يوفقه
عجبني ردك والله حبيتك :nice:
تاج المراجل
20-03-2010, 11:09 AM
على العموم وجهات نظركم ونحترمها وبعض الاخوان طلعوا برى الموضوع جنسيات ومدري شنو وحنا في غنا عن هالسوالف ، انا حبيت اشوف اقولكم لا اكثر ولا اقل ومهما كان طفال ولابد منه الخــطاإْ ، اذا الشخص نفسه الي هاوشه متسبب وكذا واحد ضربه شلون مايدافع عن نفسه يقعد منتظر ويخليهم ضربوه وقول احترم قانون البلد ، صحيح مفروض يشتكي بس ماعاد يقدر ،. مالكم بالطويله والموضوع طويل واكيد احترام قانون البلد مطلووب.، على كــل شخــص
.. دمتم علىطآعتــه
العضو الماسي
20-03-2010, 11:13 AM
:)
على العموم وجهات نظركم ونحترمها وبعض الاخوان طلعوا برى الموضوع جنسيات ومدري شنو وحنا في غنا عن هالسوالف ، انا حبيت اشوف اقولكم لا اكثر ولا اقل ومهما كان طفال ولابد منه الخــطاإْ ، اذا الشخص نفسه الي هاوشه متسبب وكذا واحد ضربه شلون مايدافع عن نفسه يقعد منتظر ويخليهم ضربوه وقول احترم قانون البلد ، صحيح مفروض يشتكي بس ماعاد يقدر ،. مالكم بالطويله والموضوع طويل واكيد احترام قانون البلد مطلووب.، على كــل شخــص
.. دمتم علىطآعتــه
حتى لو اشتكى والشخص حطه في راسه ودخله في سالفه هو الغلطان او المغلوط عليه لا مفر من التسفير لو حطه في باله :)
فارس قطر
20-03-2010, 11:34 AM
القضاء يعرف مصلحة البلد
وهوا يضرب بيد من حديد للعابثين بامنة وسلامة مواطنية
تاج المراجل
20-03-2010, 11:38 AM
:)
حتى لو اشتكى والشخص حطه في راسه ودخله في سالفه هو الغلطان او المغلوط عليه لا مفر من التسفير لو حطه في باله :)
التسفيــر مو بيده ولا بيــد غيـــرره هذا اداري ولا يقدر احد يحطه الا الدوله .، :secret:
ان كان له حق المحكمه تاخذ حقه اما انه هو الي يطالب بتزفير هذا الشخص قله يلعب بعيـد :nice:
ســلام
العضو الماسي
20-03-2010, 11:41 AM
التسفيــر مو بيده ولا بيــد غيـــرره هذا اداري ولا يقدر احد يحطه الا الدوله .، :secret:
ان كان له حق المحكمه تاخذ حقه اما انه هو الي يطالب بتزفير هذا الشخص قله يلعب بعيـد :nice:
ســلام
لا هو لو شخص واصل ويحطه براسه والله ثم والله يتسفر اداري ولا وزاري يتسفر دامه دخل وياه نيابه ولا محكمه وهو شخص واصل ولا من قبيله معروفه والله يتسفر والي جابه يجيب غيره الفيز مليانه والداخليه موجوده
انا ماقلت اي شخص . لو شخص حاطه في باله وواصل ووصل معاه محمه ولا نيابه والقطري حاطه في راسه وواصل والله يتسفر
Sharshooooor
20-03-2010, 11:47 AM
القضاء يعرف مصلحة البلد
وهوا يضرب بيد من حديد للعابثين بامنة وسلامة مواطنية
اصحح معلومتك
القضاء لادخل له بالابعاد وانما من البحث والمتابعة وعن طريق امن الدولة
القضاء له الحكم فقط ولايوجد قانون قضائي يحكم بالابعاد
التيما
20-03-2010, 11:49 AM
لعل فيها خيره له .. يقدمون التماس كمحاولة .. مع اني ماظن انهم بيسوون شي لكن هي محاولة .. والله يعينهم ..
تاج المراجل
20-03-2010, 11:51 AM
لا هو لو شخص واصل ويحطه براسه والله ثم والله يتسفر اداري ولا وزاري يتسفر دامه دخل وياه نيابه ولا محكمه وهو شخص واصل ولا من قبيله معروفه والله يتسفر والي جابه يجيب غيره الفيز مليانه والداخليه موجوده
انا ماقلت اي شخص . لو شخص حاطه في باله وواصل ووصل معاه محمه ولا نيابه والقطري حاطه في راسه وواصل والله يتسفر
الشخص مهوب قطــرري ومهما كان هذا قانون سواء قطري ولا غيرره واصل ولا مهوب واصــل يتطبق القانون على الكــل ، ..
فارس قطر
20-03-2010, 11:55 AM
اصحح معلومتك
القضاء لادخل له بالابعاد وانما من البحث والمتابعة وعن طريق امن الدولة
القضاء له الحكم فقط ولايوجد قانون قضائي يحكم بالابعاد
شكرا ع التصحيح
وبارك الله فيهم ووفقهم من على يقوم بتنظيف هذا البلد من المستهترين
والمرتزقة اللذين لايصونون على مارزقهم الله من نعم في هذا البلد المعطاء.
تاج المراجل
20-03-2010, 11:56 AM
اصحح معلومتك
القضاء لادخل له بالابعاد وانما من البحث والمتابعة وعن طريق امن الدولة
القضاء له الحكم فقط ولايوجد قانون قضائي يحكم بالابعاد
انا حاضــرت كذا ( جلسآت حكم) بعـــد في المحكمـــه يحق للقاضي ابعاد اشخص من الدوله
اذا كانت من القضايا المخله بالاداب اوغيره من القضاء الجنائيـه واذا جاك الابعاد من القاضي
مــن الصعوبه ابعاده اما من الداخليه على مااعتقد فيه كذا استرحام وتسوي كتآب
اما ان القاضي مايحكم بالابعاد يحق له يحكم ،،،
:)
حتى لو اشتكى والشخص حطه في راسه ودخله في سالفه هو الغلطان او المغلوط عليه لا مفر من التسفير لو حطه في باله :)
السلام عليكم
أخي الكريم كلامك غير صحيح نهائيا
عندي واحد من اصدقائي غير قطري كسر بالغلط على واحد قطري فالقطري وقفه ونزل من السيارة
ومعاه ربعه بس الشاب غير القطري ظل بسيارته وقفل الابواب وحاول القطري ينزله وقعد يضرب على زجاج السيارة بس الغير قطري ما نزل وخذ رقم سيارة القطري وراح المركز وبلغ عليه
والله جابو القطري المركز واتهموه بمحاولة الاعتداء وما طلعوه لين ما الغير قطري تنازل وخلو القطري يتعهد بعدم التعرض
هذا أولا
ثانيا: طريقة تعليقاتك لا تمس للاسلام بشىء لان اذا كان الشخص اللي مذكور في الموضوع تعرض للضرب أولا فلازم ياخذ حقه وغير ذلك رب العالمين ما يرضى على عباده
ولكن الواضح من الموضوع أن أخونا هو المعتدي والا ما حطوا الحق عليه.
الله يكتبله اللي فيه الخير ويسر أمره
تاج المراجل
20-03-2010, 12:25 PM
السلام عليكم
أخي الكريم كلامك غير صحيح نهائيا
عندي واحد من اصدقائي غير قطري كسر بالغلط على واحد قطري فالقطري وقفه ونزل من السيارة
ومعاه ربعه بس الشاب غير القطري ظل بسيارته وقفل الابواب وحاول القطري ينزله وقعد يضرب على زجاج السيارة بس الغير قطري ما نزل وخذ رقم سيارة القطري وراح المركز وبلغ عليه
والله جابو القطري المركز واتهموه بمحاولة الاعتداء وما طلعوه لين ما الغير قطري تنازل وخلو القطري يتعهد بعدم التعرض
هذا أولا
ثانيا: طريقة تعليقاتك لا تمس للاسلام بشىء لان اذا كان الشخص اللي مذكور في الموضوع تعرض للضرب أولا فلازم ياخذ حقه وغير ذلك رب العالمين ما يرضى على عباده
ولكن الواضح من الموضوع أن أخونا هو المعتدي والا ما حطوا الحق عليه.
الله يكتبله اللي فيه الخير ويسر أمره
مرحبا افيـُـك اخــوي ووشاكر لك ردك ..
حقيقه
20-03-2010, 12:33 PM
خل يدور له واسطه
والله يشلون حكم الابعاد بتلفون مثل ماشلوه عن غيره
السياسي القطري
20-03-2010, 12:39 PM
أنصحه بالجوء إلى اللجنة الوطنية لحقوق الإنسان ،
فربما يستطيعون مساعدته بشيء ، وذلك نظراً لظروفه الخاصة ، والمتمثلة بوجود والديهِ بالبلاد ، ويحملون جنسية الدولة ، أو قد يدلونه على طريقة تساعد في استثنائه من الإبعاد ،
وفقه الله اينما تواجد ،
وتقبل خالص تحياتي وتقديري .
حبر سري
20-03-2010, 12:44 PM
ابوه قطري وامه قطرية وهو اجنبي!!
السالفة فيها تبني ولا ايش؟
وبعدين اخوي الدولة ان ماسفرت الاجنبي , قاموا يقولون لانه اجنبي ومادري وشو , والاجانب محد يسوي لهم شي
ان سفرت الاجانب قمنا نقول اهاليهم قطررين ومادري من يقرب لهم قطري
والدولة مب سالمة منا في كل الاحوال
الله يعين
تاج المراجل
20-03-2010, 12:49 PM
خل يدور له واسطه
والله يشلون حكم الابعاد بتلفون مثل ماشلوه عن غيره
وسطتنا رب العــــــــــألميـن :)
تاج المراجل
20-03-2010, 12:50 PM
أنصحه بالجوء إلى اللجنة الوطنية لحقوق الإنسان ،
فربما يستطيعون مساعدته بشيء ، وذلك نظراً لظروفه الخاصة ، والمتمثلة بوجود والديهِ بالبلاد ، ويحملون جنسية الدولة ، أو قد يدلونه على طريقة تساعد في استثنائه من الإبعاد ،
وفقه الله اينما تواجد ،
وتقبل خالص تحياتي وتقديري .
مرحبا فيك اخـوي وشاكر لك على مرورك وردك الراقــي منور
لك ودي واحترامي..
دمت على طآعتــه..
تاج المراجل
20-03-2010, 12:52 PM
ابوه قطري وامه قطرية وهو اجنبي!!
السالفة فيها تبني ولا ايش؟
وبعدين اخوي الدولة ان ماسفرت الاجنبي , قاموا يقولون لانه اجنبي ومادري وشو , والاجانب محد يسوي لهم شي
ان سفرت الاجانب قمنا نقول اهاليهم قطررين ومادري من يقرب لهم قطري
والدولة مب سالمة منا في كل الاحوال
الله يعين
ايـه نعـم ابوه وامه قطرريــين. وان كنت تجهل في هالامور اخــووي فاليس من الضروره ان تكتب ردك والموضوع لنقاش وليس لسخريه والضحك كما تقول تبني ..
البعد الخامس
20-03-2010, 12:55 PM
موضوع من تأليفك وأخراجك أخوي
موضوع ما يدخل العقل
طرحت الموضوع حتى تسب بقطر وشعبها وقضاءها بطريقه غير مباشرة
hamoor4ever
20-03-2010, 01:03 PM
أخوي لاتسوي من الحبه قبه ، الرجال عامل مشكله ومش هوشه بسيطه ، لو هوشه بسيطه كان تم حل الموضوع ودي لكن الغالب انه مسوي سالفه كبيره دام وصلت للمحاكم والشخص الثاني يبي حقه كيف تبيه يتنازل وانت على قولتك الرجال عامل مشكله ، الموضوع منتهي ولا تكبر السالفه ولو قطري كان بيخيس بالسجن وعقب مابيلقى وظيفه بعد ، فياليت عدم رفع الموضوع للاعلام والمنتديات وهاذه قانون كان الاولى بدل ماتدافع عنه انه يشوف مصلحته ومايعمل مشاكل مع الناس وحتى لو اغطلو عليه على فرض مع اني اتوقع العكس كان مفروض يمشي الموضوع ويسكت مهب يتهاوش مع فلان وعلان وعقب تبي العالم تفزع له ، بعدين الموضوع غامض وانت تملك تفاصيل كثيره لكنك تبي تصغر الموضوع وتحوله لمشاجره بسيطه كاهو احنا قطريين ودوم مانغلط على العالم
بأختصار هاذه قانون مايزعل
يراعٌ فراتي
20-03-2010, 01:04 PM
اعرف شخص
لديه اولاد
هو مقيم وللحين ماخذا الجنسية
وابوه قطري واخوانه اقطريين
ولكن الله اعلم يعامل معاملة اي وافد
والله اعلم
نحن لا نعلم تفاصيل الحادثة ولكن هل هناك قاضي يحكم بابعاد مظلوم ؟
الله اعلم
والله يفرج عليه وعلى جميع المسلمين
وبالنسبة لبعض الاخوة اللي يقولون لازم يصبر وما يهاوش حد
انا بقول نفس كلامهم
بس لو صار لي موقف او صار لهم موقف مشابه
قليل من هو يمسك اعصابه ويحل الامور عن طريق اللجوء للقانون
بوخالد911
20-03-2010, 01:05 PM
أرض الله واااااسعة
تاج المراجل
20-03-2010, 01:07 PM
موضوع من تأليفك وأخراجك أخوي
موضوع ما يدخل العقل
طرحت الموضوع حتى تسب بقطر وشعبها وقضاءها بطريقه غير مباشرة
اولا : مرحبا فيـُـك اخــوي ونورت
ثاني الشــي اذا انت انسان تجهل في هذه الامور وماتعرفها فاليس من الضروري انت تدخل علىا لموضوع وتكتب ردك
ثالث : قطر تاج على راسي وراسك وتبقى فووق الكــل شامخه بلادي وبلاد اهلي ، وسب وشتم اللي يغــلط على قطــرر،،
رابع شي انا طرحت الموضوع لنقاش والحوار لان فيه ناس خبره ولعلى وعسى تدلني لصح الي راح اسويه اما انك تدخل الموضوع وتقول تسب قطر ومن كلام الاطفال هذا فالا ترد بهالطريقه مره ثانيــه ،،،
دمت على طآعـــته،،،
تاج المراجل
20-03-2010, 01:09 PM
أرض الله واااااسعة
كلاام ســليم :)
تاج المراجل
20-03-2010, 01:11 PM
اعرف شخص
لديه اولاد
هو مقيم وللحين ماخذا الجنسية
وابوه قطري واخوانه اقطريين
ولكن الله اعلم يعامل معاملة اي وافد
والله اعلم
نحن لا نعلم تفاصيل الحادثة ولكن هل هناك قاضي يحكم بابعاد مظلوم ؟
الله اعلم
والله يفرج عليه وعلى جميع المسلمين
وبالنسبة لبعض الاخوة اللي يقولون لازم يصبر وما يهاوش حد
انا بقول نفس كلامهم
بس لو صار لي موقف او صار لهم موقف مشابه
قليل من هو يمسك اعصابه ويحل الامور عن طريق اللجوء للقانون
كلاامك ســليـُــم اخووي ، ومن ناحيه الابعاد من القاضي يحق للقاضي ابعد المهتم من الدوله ، وينسى يدخل قطر مره ثانيه اذا صدر في حقه الابعاد من القاضي ،
تحيآتي . لك
دمت على طاعتـه،،
حبر سري
20-03-2010, 01:14 PM
ايـه نعـم ابوه وامه قطرريــين. وان كنت تجهل في هالامور اخــووي فاليس من الضروره ان تكتب ردك والموضوع لنقاش وليس لسخريه والضحك كما تقول تبني ..
لا انت اللي فاهم !
انا اللي طارح الموضوع للضحك ولا انت؟
جاي تتمصخر وتتهم غيرك بعد؟
ياخي الف مواضيع مثل الناس , تبي تكذب كذبة احبكها قبل لاتكتبها , مافي داعي للعبط المكشوف
وبعدين اخوي نفرض صحة قصتك , ياخي الرجال يستاهل ماجاه , دام انه مقيم المفروض يحترم نفسه ومايتعدى حدوده
تاج المراجل
20-03-2010, 01:23 PM
لا انت اللي فاهم !
انا اللي طارح الموضوع للضحك ولا انت؟
جاي تتمصخر وتتهم غيرك بعد؟
ياخي الف مواضيع مثل الناس , تبي تكذب كذبة احبكها قبل لاتكتبها , مافي داعي للعبط المكشوف
وبعدين اخوي نفرض صحة قصتك , ياخي الرجال يستاهل ماجاه , دام انه مقيم المفروض يحترم نفسه ومايتعدى حدوده
:nice: اعصابــك الف موضوع :nice: لو قريت الردود صـح كانت عرفت السالفه
بس انت الله يهداك جااي مسوي الفاهم في هالامور والراي السديد < يضحك :thumbup:
مير الله يصلحك بس الرجاء عدم الخروج عن نطاق الموضوع وكلام ماله داعي ماتبي ترد لاترد ياعزيزي :thumbup:
ســلاام. :nice:
اكيد انه مسوي شي كبير حق الطرف الثاني يمكن قريب ويذبحه!! ولاكان ماعطوه ابعاد
اكيد الهوشه مب شي عادي احنا مب قاعدين في غابه وفي قانون
الله ينصر المظلوم على الظالم
سهم بن سهم
20-03-2010, 01:40 PM
أخوي الكريم هل يحق لوالد الشخص القطري الجنسية أن يتقدم بطلب للقضاء ويطالب بعدم ابعاد ابنه المقيم ويكفله كفالة شخصية بأي مبلغ ويوقع على تعهد كونه قطري الجنسية وهل يشفع له ذلك إن كان هذا الولد يعيل والديه ؟؟
مدري ياليت تسال محامي مختص عن هذا الموضوع حتى يفيدك ؟
ممكن والد المقيم كونه قطري ان يكتب كتاب موجه للوزير ويطلب فيه مقابلته شخصيا ويشرح له ماحدث وان شاء الله الربع فيهم الخير .
ممكن يكتب كتاب موجه لسمو الأمير ويطلب فيه عدم الإبعاد وان شاء الله مايقصرون وياك .
ادعو الله العزيز الكريم ان يفك كربتك ويفك كربة كل مسلم انه على ذلك قدير .
الاخوان الاعزاء هذه مشاجره وليست قضية مخدرات او شرب خمر او هتك عرض والمشاجرات تحصل والانسان خطاء وكلنا بشر واتمنى اذا في حد يقدر يساعد اخونا هذا فلايقصر وياه ولاتنسون بان اهله قطريين حتى لو مكتسبين الجنسية حديثا ويعتبر في النهاية ولدكم وابن قطر وان شاء الله فيكم الخير جميعا وماراح تقصرون وياه دلوه على الطريق يدعو لكم هو اهله بالخير بارك الله فيكم .
حبر سري
20-03-2010, 01:40 PM
:nice: اعصابــك الف موضوع :nice: لو قريت الردود صـح كانت عرفت السالفه
بس انت الله يهداك جااي مسوي الفاهم في هالامور والراي السديد < يضحك :thumbup:
مير الله يصلحك بس الرجاء عدم الخروج عن نطاق الموضوع وكلام ماله داعي ماتبي ترد لاترد ياعزيزي :thumbup:
ســلاام. :nice:
ههههههه
لا يالشيخ اعصابي هادية , بس ساعات اعصب عالناس اللي يتفلسفون او اللي يحاولون يكذبون ومب عارفين يحبكونها
عرفت شلون:nice:
يعني اجنبي وغلط باللي مايحفظه ان شا الله , ليش يغلط؟ ياريتهم بعد ساجنينه قبلها وبعدها معطينه ابعاد , ناقصين احنا مشاكل الاجانب هاذول
هذا اللي قصدته
عرفت يافيلسوف عصرك انت:nice:
ورايي سديد اخوي ومب ناطر واحد مثلك يعني يشهد لي , والراي الاكيد ان اي اجنبي مثل هالاشكال اللي تتكلم عنها , المجرمين اللي قاعدين يسوون مشاكل في البلد , المفروض يعطونهم بالجزمة , وعقبها تسفير على طول , مثل ماصار حق المجرم صاحبك:nice:
cayenne s
20-03-2010, 01:41 PM
شباب اللى يبى يعيش بقطر احسن له يمشى جنب الطوفه
حبر سري
20-03-2010, 01:42 PM
موضوع من تأليفك وأخراجك أخوي
موضوع ما يدخل العقل
طرحت الموضوع حتى تسب بقطر وشعبها وقضاءها بطريقه غير مباشرة
ماعليك منه يالبعد الخامس , يهبى يغلط على قطر , وهو مب عارف يكذب الكذبة اصلا:nice:
بس كنك صدته في زاوية؟:)
والقضاء فعلا كان عادل في هالموضوع , واحد مجرم يبي له تسفير ومب كفو يقعد في مكان طيب مثل قطر , لازم يعطونه على اذنه , هذا شي طبيعي , ولسنا في موضع دفاع عن مجرم مثل هذا
باللي مايحفظه
حبر سري
20-03-2010, 01:43 PM
شباب اللى يبى يعيش بقطر احسن له يمشى جنب الطوفه
وبالذات الاجانب ياكيان , اجنبي مجرم وندافع عنه ليش؟؟ لا يبه يسفرونه ويشوتونه بعد:nice:
وشوي عليه
تاج المراجل
20-03-2010, 01:43 PM
أخوي لاتسوي من الحبه قبه ، الرجال عامل مشكله ومش هوشه بسيطه ، لو هوشه بسيطه كان تم حل الموضوع ودي لكن الغالب انه مسوي سالفه كبيره دام وصلت للمحاكم والشخص الثاني يبي حقه كيف تبيه يتنازل وانت على قولتك الرجال عامل مشكله ، الموضوع منتهي ولا تكبر السالفه ولو قطري كان بيخيس بالسجن وعقب مابيلقى وظيفه بعد ، فياليت عدم رفع الموضوع للاعلام والمنتديات وهاذه قانون كان الاولى بدل ماتدافع عنه انه يشوف مصلحته ومايعمل مشاكل مع الناس وحتى لو اغطلو عليه على فرض مع اني اتوقع العكس كان مفروض يمشي الموضوع ويسكت مهب يتهاوش مع فلان وعلان وعقب تبي العالم تفزع له ، بعدين الموضوع غامض وانت تملك تفاصيل كثيره لكنك تبي تصغر الموضوع وتحوله لمشاجره بسيطه كاهو احنا قطريين ودوم مانغلط على العالم
بأختصار هاذه قانون مايزعل
اولا مرحبا فيـك اخوي ونورت بردك السالفه اخوي لا تكبير موضوع كما تقول ولا غيره انا طرحت الموضوع اشوف ااراكم ولا القانون بياخذ مجراه غصبن عن الكــل ثاني شي السالفه ولد عمي الي متهاوش متهاوش طبوا عليــه كذا واحد وطعن له واحــد بسكيــن من غير قصـد وهو 4 يهاشونه الي يضربه بالحصاء فامن الصعب الواحد يتصرف بهدوء في هالموقف وعشانه دافع عن نفســه صحيح هو غلط يوم اعتداء بالسلاح الابيض السكين بس يشوف الموت بين عيونه فرض حصى جت على راسه بس عشان تفهم الموضوع وتقول تفزع له واعتقد جميع الاخوه فاهمين الموضوع وبعيد عن الغموض كما تقــووول ومثل ماتقول احنا قطريين ونغلط على العالم ماسمح لك تشوه سمعت القطرريين لان الغلط ماهو مدحه ولا بطره
الواحد يفتخر بها والقطرريين مايجي منهــم الغــلط نادرا تحصل واحد ، وعسى الله يحفظ لنا قطر واميرها يارب ،،
دمـت على طـآعــته ،،
تاج المراجل
20-03-2010, 01:45 PM
ماعليك منه يالبعد الخامس , يهبى يغلط على قطر , وهو اصلا مب عارف يكذب الكذبة اصلا:nice:
بس كنك صدته في زاوية؟:)
والقضاء فعلا كان عادل في هالموضوع , واحد مجرم يبي له تسفير ومب كفو يقعد في مكان طيب مثل قطر , لازم يعطونه على اذنه , هذا شي طبيعي , ولسنا في موضع دفاع عن مجرم مثل هذا
باللي مايحفظه
الرررررررررررررد يدل على صاحبــه
دمت على طآعتـه
حبر سري
20-03-2010, 01:47 PM
الرررررررررررررد يدل على صاحبــه
دمت على طآعتـه
ههههههههههههههههههههه
اي رد ياحلو؟:)
انا شقلت؟؟ مجرم ويبي له تسفير
بعد المجرمين من هالاشكال وشيبي لهم؟ مكافأة مثلا؟؟
تسفير على طول , والله يحفظ قطر واهلها من هالاشكال المجرمة اللي تربت عالاجرام , والله يحفظ المجتمع القطري من الاشكال اللي اتدافع عن المجرمين:nice:
تاج المراجل
20-03-2010, 01:50 PM
أخوي الكريم هل يحق لوالد الشخص القطري الجنسية أن يتقدم بطلب للقضاء ويطالب بعدم ابعاد ابنه المقيم ويكفله كفالة شخصية بأي مبلغ ويوقع على تعهد كونه قطري الجنسية وهل يشفع له ذلك إن كان هذا الولد يعيل والديه ؟؟
مدري ياليت تسال محامي مختص عن هذا الموضوع حتى يفيدك ؟
ممكن والد المقيم كونه قطري ان يكتب كتاب موجه للوزير ويطلب فيه مقابلته شخصيا ويشرح له ماحدث وان شاء الله الربع فيهم الخير .
ممكن يكتب كتاب موجه لسمو الأمير ويطلب فيه عدم الإبعاد وان شاء الله مايقصرون وياك .
ادعو الله العزيز الكريم ان يفك كربتك ويفك كربة كل مسلم انه على ذلك قدير .
الاخوان الاعزاء هذه مشاجره وليست قضية مخدرات او شرب خمر او هتك عرض والمشاجرات تحصل والانسان خطاء وكلنا بشر واتمنى اذا في حد يقدر يساعد اخونا هذا فلايقصر وياه ولاتنسون بان اهله قطريين حتى لو مكتسبين الجنسية حديثا ويعتبر في النهاية ولدكم وابن قطر وان شاء الله فيكم الخير جميعا وماراح تقصرون وياه دلوه على الطريق يدعو لكم هو اهله بالخير بارك الله فيكم .
كلامك سليــم اخـوي والله يجزاك خيــر ويطــول بسنيـنك يارب رد طيب من وجهه طيب
وانه من اهل الردود الباقيـُــه ، <
وانا ماعــلي من شــله الهــرج والتعليق **** اعرف الخيول النادره من مرابطها
دمت على طآعته اخوي
jajassim
20-03-2010, 01:51 PM
السلام عليكم ورحمة الله وبركاته
اخوى ممكن رقمه الشخصي لهذا المقيم ،
العقيد
20-03-2010, 01:56 PM
ههههههههههههههههههههه
اي رد ياحلو؟:)
انا شقلت؟؟ مجرم ويبي له تسفير
بعد المجرمين من هالاشكال وشيبي لهم؟ مكافأة مثلا؟؟
تسفير على طول , والله يحفظ قطر واهلها من هالاشكال المجرمة اللي تربت عالاجرام , والله يحفظ المجتمع القطري من الاشكال اللي اتدافع عن المجرمين:nice:
اخوي حبر سري صل على رسول الله ولاتخلي الاندفاع يخرجك عن القول الحق. انت شلون حكمت على الرجل انه مجرم حتى لو متهاوش ؟ يعني بذمتك لو طبوا عليك ناس ماراح ادافع عن نفسك وبأي شي بيدك وانت بين الحيا والموت ؟
هذا الي يتكلم علية اخونا مب اجنبي والجنسية مب بالجواز ترى في ناس خذوا جوازاتهم امس مانقدر نقول هذيلا قطريين وهذا اجنبي الي يمكن تربى وعاش على ترب هالبلاد . الوطنية مب جنسية بس الوطنية عطاء وانتماء وحب . وكل انسان معرض للهواش والشيطان شاطر .
اخوي تاج المواجب مالك الا حقوق الانسان ارفع تظلم عن طريقهم .
limited
20-03-2010, 01:59 PM
السالفه ومافيها .... هالمسكين اللي ابوه وامه من قطر مالهم ناس يشلونهم ... يعني على قد حالهم لا واسطه ولا ثقل قبيله علشان يكون لهم هيبه او بالاخص .......................... ( كرامه )
تاج المراجل
20-03-2010, 02:02 PM
ههههههههههههههههههههه
اي رد ياحلو؟:)
انا شقلت؟؟ مجرم ويبي له تسفير
بعد المجرمين من هالاشكال وشيبي لهم؟ مكافأة مثلا؟؟
تسفير على طول , والله يحفظ قطر واهلها من هالاشكال المجرمة اللي تربت عالاجرام , والله يحفظ المجتمع القطري من الاشكال اللي اتدافع عن المجرمين:nice:
الــردود اللـي ماتبيــض وجهـــــهِ راعيـــها 000 لاتــلومه دامـه كثيـــــــــر الكــلامــي
واللــه يخــلي لنــا قطـــــــــر واميــرها 000 عسى ربي يحفظها من كـل طآمع وحرامـي
حبر سري
20-03-2010, 02:03 PM
اخوي حبر سري صل على رسول الله ولاتخلي الاندفاع يخرجك عن القول الحق. انت شلون حكمت على الرجل انه مجرم حتى لو متهاوش ؟ يعني بذمتك لو طبوا عليك ناس ماراح ادافع عن نفسك وبأي شي بيدك وانت بين الحيا والموت ؟
هذا الي يتكلم علية اخونا مب اجنبي والجنسية مب بالجواز ترى في ناس خذوا جوازاتهم امس مانقدر نقول هذيلا قطريين وهذا اجنبي الي يمكن تربى وعاش على ترب هالبلاد . الوطنية مب جنسية بس الوطنية عطاء وانتماء وحب . وكل انسان معرض للهواش والشيطان شاطر .
اخوي تاج المواجب مالك الا حقوق الانسان ارفع تظلم عن طريقهم .
اللهم صلي على سيدنا محمد
جزاك الله خير اخوي العقيد
لكن ترى لا انا كنت موجود يالعقيد ولا انت , احنا ماشفنا السالفة والقانون في النهاية هو اللي يحكم , والقانون حكم , وانت تقول لي شلون حكمت عالرجال انه مجرم , انا اقول لك شلون انت حكمت بالعكس؟
وصدقني يالعقيد انا عارف عدل مسألة الانتماء , لكن في النهاية القانون لازم ياخذ مجراه ,
هذا اللي قصدته , ولا ياخوي انا مابيني وبينهم اي شي , ولا اعرفهم اصلا , لكن في نظري اللي يغلط لازم ياخذ جزاه , مسألة الانتماء هاذي مسألة ثانية يالعقيد
وجزاك الله خير مرة ثانية
حبر سري
20-03-2010, 02:04 PM
الــردود اللـي ماتبيــض وجهـــــهِ راعيـــها 000 لاتــلومه دامـه كثيـــــــــر الكــلامــي
واللــه يخــلي لنــا قطـــــــــر واميــرها 000 عسى ربي يحفظها من كـل طآمع وحرامـي
اقول كيف حالك؟:)
تاج المراجل
20-03-2010, 02:07 PM
اخوي حبر سري صل على رسول الله ولاتخلي الاندفاع يخرجك عن القول الحق. انت شلون حكمت على الرجل انه مجرم حتى لو متهاوش ؟ يعني بذمتك لو طبوا عليك ناس ماراح ادافع عن نفسك وبأي شي بيدك وانت بين الحيا والموت ؟
هذا الي يتكلم علية اخونا مب اجنبي والجنسية مب بالجواز ترى في ناس خذوا جوازاتهم امس مانقدر نقول هذيلا قطريين وهذا اجنبي الي يمكن تربى وعاش على ترب هالبلاد . الوطنية مب جنسية بس الوطنية عطاء وانتماء وحب . وكل انسان معرض للهواش والشيطان شاطر .
اخوي تاج المواجب مالك الا حقوق الانسان ارفع تظلم عن طريقهم .
على افضل الصلاه والسـُـلام مرحبا فيــك اخـوي وبيض الله وجهك على الرد الطيب ويجزاك خيــر نورت
مالنا الا الله وحقوق الانسان نشوف شنو راح يقولون .؟
دمت عــلى طـآعتــه ، ، ،
Tiamo
20-03-2010, 02:33 PM
لا نعرف ملابسات الموضوع لكن احب أكد بان هناك مثل هذة الحالات موجودة في قطر (الأبوين قطريين والابن أجنبي)
للأخ صاحب الموضوع
عقاب السفيه تركه
لا ترد على الردود الجانيبه
على أية حال ان كان للمعني حق سيأخذه
دمت بود
هبوب الشمال
20-03-2010, 02:45 PM
ليش ما يطبق قانون الابعاد على الحراميه..؟!! هذا الا مشاجره ..
وبعدين سبق سحبوا الجناسي من قطريين ولا نسيتوا مب شيء جديد.. يعني اي احد فينا معرض للابعاد جداً عادي بقطر
لا مب عادي ومافي داعي نتطرق لامور واضحه للجميع
القطري قطري
اما القطري بالتجنس فهذا موضوع ثاني ...المفروض انهم يحمدون ربهم ويشكرونه على الجنسيه اللي عطوهم اياها
بن محمود
20-03-2010, 02:46 PM
للاسف لقد فعل هذا بنفسه !
طالما انه يعلم انه مقيم و معرض للابعاد من البداية ..فكان عليه ان يحسن التصرف ويضبط اعصابه
والمثل المعروف يقول ( يا غريب كن أديب )
بو فهد
20-03-2010, 02:59 PM
السلام عليكم ورحمة الله وبركاته
اخوى ممكن رقمه الشخصي لهذا المقيم ،
تكفى ياجاسم وضح لنا الامر
هل الخبر اشاعة ولافعلا مظلوم
تاج المراجل
20-03-2010, 03:05 PM
لا نعرف ملابسات الموضوع لكن احب أكد بان هناك مثل هذة الحالات موجودة في قطر (الأبوين قطريين والابن أجنبي)
للأخ صاحب الموضوع
عقاب السفيه تركه
لا ترد على الردود الجانيبه
على أية حال ان كان للمعني حق سيأخذه
دمت بود
مرحبا فيــك اخوي نورت بردك وبيض وجهك
دمت على طآعتـه ،،
تاج المراجل
20-03-2010, 03:08 PM
للاسف لقد فعل هذا بنفسه !
طالما انه يعلم انه مقيم و معرض للابعاد من البداية ..فكان عليه ان يحسن التصرف ويضبط اعصابه
والمثل المعروف يقول ( يا غريب كن أديب )
مرحبا فيك اخـوي ونورت بردك بس لا طاح الفاس بالراس ماعاد منها شي ومثل ماقلت لك طابين عليه كذا واحد واحد حدك على الشر وانت بقدر ماتستطيع تشطر الشرر بس لا حول ولا قوه بعدها ماعاد تقدر تسوي شي
دمت على طآعتــه ،،
تاج المراجل
20-03-2010, 03:11 PM
السلام عليكم ورحمة الله وبركاته
اخوى ممكن رقمه الشخصي لهذا المقيم ،
وعليكم السسسسسسلام ورحمه الله وبركاته
مرحبا فيك اخوي شيــك الخاص .،،،
دمت على طاعتـه ،،
العضو الماسي
20-03-2010, 03:13 PM
أخوي الكريم هل يحق لوالد الشخص القطري الجنسية أن يتقدم بطلب للقضاء ويطالب بعدم ابعاد ابنه المقيم ويكفله كفالة شخصية بأي مبلغ ويوقع على تعهد كونه قطري الجنسية وهل يشفع له ذلك إن كان هذا الولد يعيل والديه ؟؟
مدري ياليت تسال محامي مختص عن هذا الموضوع حتى يفيدك ؟
ممكن والد المقيم كونه قطري ان يكتب كتاب موجه للوزير ويطلب فيه مقابلته شخصيا ويشرح له ماحدث وان شاء الله الربع فيهم الخير .
ممكن يكتب كتاب موجه لسمو الأمير ويطلب فيه عدم الإبعاد وان شاء الله مايقصرون وياك .
ادعو الله العزيز الكريم ان يفك كربتك ويفك كربة كل مسلم انه على ذلك قدير .
الاخوان الاعزاء هذه مشاجره وليست قضية مخدرات او شرب خمر او هتك عرض والمشاجرات تحصل والانسان خطاء وكلنا بشر واتمنى اذا في حد يقدر يساعد اخونا هذا فلايقصر وياه ولاتنسون بان اهله قطريين حتى لو مكتسبين الجنسية حديثا ويعتبر في النهاية ولدكم وابن قطر وان شاء الله فيكم الخير جميعا وماراح تقصرون وياه دلوه على الطريق يدعو لكم هو اهله بالخير بارك الله فيكم .
ضحكتني ياخوي وانا توني متغدي ومالي نفس اضحك - يبه ابلني لو وصل الكتباب في الخرامه
هههههههههههههههه
والله العظيم ضحكتني
مسفرين وزير وانا مادري
هههههههههههههه
تاج المراجل
20-03-2010, 03:18 PM
تكفى ياجاسم وضح لنا الامر
هل الخبر اشاعة ولافعلا مظلوم
مرحبا ومسهلا يابو فهد نورت بتواجـدك
اشاعه شنو الي ماانت مصدقه .؟
دمت على طآعتــه ،
بوعلى 1
20-03-2010, 03:19 PM
السلام عليكم ورحمة اللة وبركاتة
اذا كان جواز هذا الي تتكلمون عنة غير قطري فمن حق الدولة ابعادة بدون ذكر الاسباب وحتى لو على اي مشكلة وذا كان ابوة قطري وامة قطرية بتجنس كذالك يحق للدولة سحب جنسياتهم وابعادهم ايضا عن الدولة فقط لا تسحب الجنسية عن القطري ابن البلد الاصلي مواليد ما قيل تاريخ 1930م
تاج المراجل
20-03-2010, 03:21 PM
السلام عليكم ورحمة اللة وبركاتة
اذا كان جواز هذا الي تتكلمون عنة غير قطري فمن حق الدولة ابعادة بدون ذكر الاسباب وحتى لو على اي مشكلة وذا كان ابوة قطري وامة قطرية بتجنس كذالك يحق للدولة سحب جنسياتهم وابعادهم ايضا عن الدولة فقط لا تسحب الجنسية عن القطري ابن البلد الاصلي مواليد ما قيل تاريخ 1930م
وعليكم السسسسسسسلام ورحمه الله وبركآتـُــه ، ، ،
نورت بردك ولاهنــت على التوضيــح
دمت علىطآعتــه ،
العضو الماسي
20-03-2010, 03:32 PM
السلام عليكم ورحمة اللة وبركاتة
اذا كان جواز هذا الي تتكلمون عنة غير قطري فمن حق الدولة ابعادة بدون ذكر الاسباب وحتى لو على اي مشكلة وذا كان ابوة قطري وامة قطرية بتجنس كذالك يحق للدولة سحب جنسياتهم وابعادهم ايضا عن الدولة فقط لا تسحب الجنسية عن القطري ابن البلد الاصلي مواليد ما قيل تاريخ 1930م
فديت أهل قطر الاصيلين والله مايتساوون فرق بين تحط الي ابوه مشارك فر حرب الزباره و جده مشارك في حرب البحرين وقطر وخايضين معارك غيره على بلادهم واهلهم وفرق بين الى جاو عقب الغنا والنعمه وضهور البترول والخير ...
اهديكم بيت للأمير الشاعر : خالد الفيصل
حنا العرب يا مدعين العروبة
وحنا هل التوحيد وانتم له أجناب
وحنا شروق المجد وانتم غروبه
وحنا هل التاريخ وأنتم به أغراب
يوم الفقر شلتوا علينا عيوبه
واليوم عقب النفط جيتوا لنا أنساب
ويوم الفقر فينا البداوة سبوبة
واليوم صرتوا مثلنا بدو واعراب
لو الهوى منكم منعتم هبوبه
لا شك رزاق الملا رب الأرباب
ولو المطر منكم منعتم صبوبه
لا شك رزق الخلق من عند وهاب
جيش الحسد سقتوا علينا حروبه
كل يبي يزرع على جسمنا ناب
حرب على المحسن تراها عقوبة
بالله عساكم ما تفيدون حراب
يا ما عطينا ما ندور مثوبه
إلا من اللي من ترجاه ما خاب
ويا ما نصرنا صاحب ضيقوا به
عاداتنا نقدم الى مالردى هاب
وياما نصانا من تعثر دروبه
يدخل حمانا من تعذرة الأصحاب
حنا بنينا دارنا من طيوبه
وانتم سلبتوا داركم كل ما طاب
الله سقانا من بحرنا عذوبه
وانهاركم مثل البحر هدر تنساب
حنا زرعنا الحب بارض خصوبه
وانتم زرعتوا كره الأجيال بتراب
وحنا دعينا السلم نوبه ونوبه
وانتم حمام السلم بعتوه بغراب
يا من دعا للحرب ما درك خطوبه
لا تحسب أن الحرب تهديد وخطاب
من شب نار الحرب يصلى شبوبه
ومن ثور الفتنة تعرض للأسباب
هذلان
20-03-2010, 03:33 PM
الحق حق ،، و المخطي ياخذ جزاه لو كان من
ليش المشرفين مخلين الموضوع مفتوح للحين
خذا حقه باقي الهوشه بس
hemoud123
20-03-2010, 03:39 PM
الله يكتب اللي فيه الخير ان شاء الله
انا ما همني في الموضوع غير وضع الام المسكينه , لان مرت نفس الحاله مع اختلاف الجنسيه , والله يا اخوان مرت على اسرته حاله ماتتمناها لعدوك وسفروه لبلد ما يعرف فيها احد ولا قدر يعيش فيها
قطر بلاد خير واهلها اهل خير , ومادام الموضوع الا هوشه بسيطه, ان شاء الله يتجاوزون عنه ويكون له درس يجعل منه مواطن صالح في المستقبل
وجزاكم الله خير جميعا
تاج المراجل
20-03-2010, 03:50 PM
على العموم الله يعطيـكم العافيه وبيض الله وجيه اهل الردود الطيبه وسامح الله اهل الردود الي تعبر عن صاحبها ،.. وعسى الله يحفظ لنا قطر واميرها وشعبها من شر الحاسدين ،
دمتم على طآعتــه ،،،.
الـقـاسـي
20-03-2010, 03:53 PM
والله ياخوي هذا قانون متبع فالبلاد واللي مايتبع القانون يتحمل اللي يجيه ..
بعدين مستحيل انها تكون مشاجره عادية .. لانها لو كانت عاديه راح تنحل فالنيابة العامة ..
او في مركز الشرطة قبل لاتتحول ..
لكن مدام انها تحولت للمحكمه فأكيد فيه أضرار وفيها موضوع اكبر من المشاجره البسيطه ..
فأرجو انك توضح لنا الصوره كامله .. ولاتقعد تحط الغلط بطريقة غير مباشره على أمن الدولة او القضاء عندنا فالبلاد ..
لله الحمد القضاء عندنا نزية مش في مثل بعض الدول اللي بفلوس تطلع الحكم اللي تبيه ..
والقضاء عندنا مافيه واسطه حتى الأمير مايقدر يتدخل فيه .. فلا تقعدون تقولون واسطه وماواسطه ..
أبوه وامه قطريين بالتجنس .. ماقلنا شي .. لكن هذا مش معناته يقعد ولدهم فالبلاد يسرح ويمرح
ويسوي اللي يبيه وعقب اذا انحكم عليه بالابعاد يقعد يقول انا هلي في قطر ومادري شنو ..
مب منطق ..
انا اشوف ان مافيها ظلم ابدا .. وبالعكس مدام ماعنده جواز قطري يتسفر عادي حتى لو هله كلهم فالبلاد ..
موضي قطر
20-03-2010, 04:02 PM
السلام عليكم ورحمة اللة وبركاتة
اذا كان جواز هذا الي تتكلمون عنة غير قطري فمن حق الدولة ابعادة بدون ذكر الاسباب وحتى لو على اي مشكلة وذا كان ابوة قطري وامة قطرية بتجنس كذالك يحق للدولة سحب جنسياتهم وابعادهم ايضا عن الدولة فقط لا تسحب الجنسية عن القطري ابن البلد الاصلي مواليد ما قيل تاريخ 1930م
الحمدلله تطمنت على روحي :nice:
طريق سلوى
20-03-2010, 04:23 PM
قطـــــــــــــــــــــــــــــر دولة قانـــــــــــــون ، ويمكن له ان يتظلم امام الجهات المختصة ،اما التشكي في المنتديات ماراح يفيده
Powered by vBulletin® Version 4.2.5 Copyright © 2024 vBulletin Solutions Inc. All rights reserved.