التركي
20-03-2010, 12:53 PM
يوم عمري 18 سنة كنت اقول للقمر قوم و اقعد مكانك ، وخبركم كنت شاعرة في زحمة الريايل،و ضاعت فرصتي، شاب من الوكرة وشاب ،من مدينة الشمال، -حرة للبنات في الموقع-!!!! وشاب من الريان، ولا تحسبون، المهم واحد منهم عيونه عسلية وشعره مسبسب ،وواحد منهم شعره كشه كل يوم يطلع بطبطة، وواحد منهم يوم شاف صورتي كتب فيني قصيدة، يقولون انه قال: لا نوم ولا دمع في عيني ما خلاش الفراق فيه، ويقولون انه بعدها قام يشرب فودكا في الشتا، مسكين! ايا الحظ يا ريت اخذت واحد من اللي فوق وبينهم وبين غروب الشمس ،طلع الفارس الملثم ابو خماس، فارس البخل ،المهم اخواني سألوا عنه وطلع ولد حمايل ،قولوا والنعم، وقالوا: ايش ادب وايش اخلاق، المهم تزوجنا، بصراحة ابو خماس طلع وايد بخيل لا بل عجيب ومخترع في البخل، باعطيكم مثال خماس مسكين يوم نجح في الثانوية وقبل لا يروح البحرين جاب معدل 88 بالمية علمي، والمفروض ابوه يفرح، لكن ابوه ابو خماس كان زعلان وهاوشه ويقول له ليش ما جبت 98، تعرفون ايش السبب الحقيقي للهوشة؟ عشان ما يشتري له هدية ( فوقه )،:tease:
كل ما احط مكياج يقول لي :انتي بهلوان وما احب المكياج خصوصا ماك الالماني والماركات ، فهمتو ليش؟ عشان يوفر (فوقه ):tease: ما يحب الطيب عشان لانه يعملي حساسية والسبب يبي يوفر (فوقه ):tease: يدخل المطبخ يقول الاكل هذا مال شهر كامل شلون خلصتوه في اسبوع بس ( فوقه ) :tease:حاط لنا ميزان في نص الصالة ،عشان ما نمتن ويقول السمنة كلها امراض ،تعرفون السبب الحقيقي ؟التوفير في الاكل ( فوقه ):tease: ممنوع اطلع زيارات عند احد عشان ما نعزم حد (فوقه ):tease: ملابس زلوخ تروح حق عووش ترانزيت عشان ما نشتري جديد (فوقه ):tease: ارجوكم ابحث عن حل، كيف اعالج داء البخل عند ابو خماس؟؟
كل ما احط مكياج يقول لي :انتي بهلوان وما احب المكياج خصوصا ماك الالماني والماركات ، فهمتو ليش؟ عشان يوفر (فوقه ):tease: ما يحب الطيب عشان لانه يعملي حساسية والسبب يبي يوفر (فوقه ):tease: يدخل المطبخ يقول الاكل هذا مال شهر كامل شلون خلصتوه في اسبوع بس ( فوقه ) :tease:حاط لنا ميزان في نص الصالة ،عشان ما نمتن ويقول السمنة كلها امراض ،تعرفون السبب الحقيقي ؟التوفير في الاكل ( فوقه ):tease: ممنوع اطلع زيارات عند احد عشان ما نعزم حد (فوقه ):tease: ملابس زلوخ تروح حق عووش ترانزيت عشان ما نشتري جديد (فوقه ):tease: ارجوكم ابحث عن حل، كيف اعالج داء البخل عند ابو خماس؟؟