الاطفال المخدومين

[أجودية]

.. السلام عليكم ورحمة الله وبركاتة
الموضوع الذي اريد النقاش فية هو الطفل المخدوم ....اي اصبح لكل طفل خدامة في بعض الاسرالقطرية فقط ...تري الطفل هزيل ضعيف الارادة لايستطيع الأ كل وحده تلقمة وتشربه الخدامة ,وعندمايريد الحمام تقوم بالازم ,وملابسة هي التي تختار له مايحلو لها ,وعند النوم يستسلم لأوامرها , وترافقة للذهاب الى المدرسة .وتعود اليه في نهاية الدوام ,وتعمل ألازم له من مما سرد ذكره ...وفي فترة المساء تذهب به الى احدى المجمعات حيث ملتقى الخدامات والسواقين ويكون الطفل المسكين بين ميري وجانيت وسرهاب وغيرهم ,ثم تختم الطلعة بالوجبات السريعة التي أدمن عليها الطفل ...للاسف هذا مشهد يومي نراه في بعض الاسر القطرية ,في غياب الوالين اما بالعمل ....اوللبرستيج الزائف الذي يعكس صور الرفاهية الزائدة التي ما انزل الله بها من سلطان .وتتبلور شخصية الطفل في هذا المحيط ,(الاتكالية والتبلد والانعزالية والانهزامية ) هي سمات تكونت من التنشئة المعتمدة على الخدم .....اين المسؤولية ....اين الرعاية ...فلذات الاكبات تعبث بهم ايادي غير صالحة وتحنو عليهم صدور حاقدة وتغذيهم نفوس مريضة ...وحمل الامانةورعايتها مسؤولية الوالدين في قول نبينا صلى اله عليه وسلم (كلكم راع وكلكم مسوؤل عن رعيتة ) ولااطيل عليكم فالموضوع في غاية الأهمية ....والجميع يدرك مدى تزايد المشاكل والاثار الاجتماعية المترتبة علية .
ودمتم في رعاية الله وحفظه .

[لولوتي]

..اي اصبح لكل طفل خدامة في بعض الاسرالقطرية فقط .


عيل اختي ما شفتي الاجانب وخدمهم،،،
وفي كل حال الله يعين هالأطفال اللي يتربون على أيادي الخدم ولا يحسون لا بأمومه ولا أبوه.

والله المستعان

[موضي قطر]

عيل اختي ما شفتي الاجانب وخدمهم،،،
وفي كل حال الله يعين هالأطفال اللي يتربون على أيادي الخدم ولا يحسون لا بأمومه ولا أبوه.

والله المستعان


أي والله على قل طلاعتي الا اني اشوف الأجانب معاهم خدامتين على الأقل :discuss:

[naklan]

تسلم يمناك اختي اجوديه على ما كتبتي وللاسف ماخفي اعضم فيه حريم وصلو الى سن متقدم ولم تدخل مطبخ في حياتها الام متبلده ولا تعرف تعمل الى شاي احمر وشتبين الطفل يطلع :omg:

ترميه على خدامه وهي تتفرغ للحياه وبلا اولاد وبلا طبخ وبعضهم يروحون يشيشون في سوق واقف :secret:

الصراحه التفائل عندي واصل حده بالاجيال القادمه ويمكن ننحرم حتى من اكلاتنا الشعبيه وانروح ناكلها مع اهلنا في سوق واقف لعدم التفرغ :(

[ماريسا]

مدري هالناس ليش تجيب عيال من الأساس و له عشان يكتمل الـ شو و يوروجون الناس ان مو ناقصهم شي الله يخلف

[أجودية]

عيل اختي ما شفتي الاجانب وخدمهم،،،
وفي كل حال الله يعين هالأطفال اللي يتربون على أيادي الخدم ولا يحسون لا بأمومه ولا أبوه.

والله المستعان

مشكورة اختي الفاضله على المرور ......الاجانب وخدمهم ...ولاشي بالنسبة لنا .وصارو الخدم عندنا اكثر من اهل البيت .

[أجودية]

أي والله على قل طلاعتي الا اني اشوف الأجانب معاهم خدامتين على الأقل :discuss:

تحياتي اختي الفاضلة /موضي .....الاتكالية صارت سمة العصر ولم يسلم منها احد .
شكرا على المرور

[أجودية]

مدري هالناس ليش تجيب عيال من الأساس و له عشان يكتمل الـ شو و يوروجون الناس ان مو ناقصهم شي الله يخلف

اختي العزيزة / دانتيل وردي ...بعد مسوين تحديد النسل ....شلون لو عندهم ستة او اكثر .
تحياتي لك .

[أجودية]

تسلم يمناك اختي اجوديه على ما كتبتي وللاسف ماخفي اعضم فيه حريم وصلو الى سن متقدم ولم تدخل مطبخ في حياتها الام متبلده ولا تعرف تعمل الى شاي احمر وشتبين الطفل يطلع :omg:

ترميه على خدامه وهي تتفرغ للحياه وبلا اولاد وبلا طبخ وبعضهم يروحون يشيشون في سوق واقف :secret:

الصراحه التفائل عندي واصل حده بالاجيال القادمه ويمكن ننحرم حتى من اكلاتنا الشعبيه وانروح ناكلها مع اهلنا في سوق واقف لعدم التفرغ :(

الله يسلمك عزيزتي ...ياليت يذكرون امهاتنا شلون كانت تربيتهم ورعايتهم للكبير وللصغير ولاكانت عند هم خدامات ....الله يجزيهم جنات النعيم ويحرم يدهم عن النار ...آمـــــــــــــين .

[بـــــــنت النوخـّــــذه]

اي معاج حق ظاهرمنتشره 00ومثل ماقالت اختي لولوالاجانب اكثر فئه اعيالهم عند الخدم 000

وفي قطر الشعب القطري 00 هالمشكله تعتمد على شيئين (الزوج+ مفهوم البنت لمعنى المسؤوليه والمهام )000
يعني ساعات يجونك ريايل ينتفدون هالتصرف ؟؟ طيب ليش تنتقده وانت الي سمحت بهذا الشي في بيتك ^__^ ولا وضعت له (حدود) :nice:

[الزيبق]

يابنت النوخذه رد على كلامك لان لو ما رضينا ضاعت الاسره اكثر عين واحده اشوف فيها احسن من اكون عمي كلش بتقولين يعني شنو باقولك يوم خذتها من بيت اهلها كانت تشبه امي وبعدين انا قاعده طول النهار في البيت لاشغل ولا شي وشغل البيت اخلصه ابساعه خلني اروح اشتغل اضيع وقت وبعدين العذر موجود ابي خدامه لاني ماقدر على الشغل وشغل البيت واذا قلت لها اقعدي قالت بتعطيني الراتب اللي انا تعود عليه وبعد ما يجون العيال ايزيدون الخدم في البيت والسبب او العذر عند المره موجود وحاضر يعني بتلحق من والا من اعيالك وايد يتحركون يعني احنطهم مثلا امي كنا تحتها عشره وهي تشتغل في البيت الله ايخليه صج الجنه تحت اقدام الامهات الاولين مب مال الحين مابي افتي بس امهات الحين النار تحتهم وتقولين راضين على الاقل امهم موجوده يمكن الله يصلح حالها والصبر على هالانواع من الحريم يدخل الجنه

[مرتبش]

البنات مب عارفين شيبون
الوحدة تبي تتزوج وتبي تستانس وتبي تشتغل عن الملل وتبي تكون رشيقة وحلوة وتبي تسافر وتبي تقعد مع صديقاتها و اخر شي ماتبي عوار راس في البيت

يلا شلون تنحل هالمعضلة؟

تعرفون دجاج الكانتين (الدجاج الابيض) يكون مفقس صناعيا.. فما يعرف يرك على البيض.. فاقد الشي لايعطيه وهذا حال امهات هالجيل

[أجودية]

اي معاج حق ظاهرمنتشره 00ومثل ماقالت اختي لولوالاجانب اكثر فئه اعيالهم عند الخدم 000

وفي قطر الشعب القطري 00 هالمشكله تعتمد على شيئين (الزوج+ مفهوم البنت لمعنى المسؤوليه والمهام )000
يعني ساعات يجونك ريايل ينتفدون هالتصرف ؟؟ طيب ليش تنتقده وانت الي سمحت بهذا الشي في بيتك ^__^ ولا وضعت له (حدود) :nice:

تحياتي لك / بنت النوخذه ...صح كلامك لازم الزوجه والزوج يحددون المسؤوليات والواجبات ويكون الابناء في اول القائمة .

[أجودية]

البنات مب عارفين شيبون
الوحدة تبي تتزوج وتبي تستانس وتبي تشتغل عن الملل وتبي تكون رشيقة وحلوة وتبي تسافر وتبي تقعد مع صديقاتها و اخر شي ماتبي عوار راس في البيت

يلا شلون تنحل هالمعضلة؟

تعرفون دجاج الكانتين (الدجاج الابيض) يكون مفقس صناعيا.. فما يعرف يرك على البيض.. فاقد الشي لايعطيه وهذا حال امهات هالجيل

اخي الفاضل / مرتبش ....خلهم يعيشون حياتهم بما يرضي الله , بس لا ينسون عيالهم وبيوتهم ويخلونها في يد الخدم .
اشكرك على المرور .