المساعد الشخصي الرقمي

مشاهدة النسخة كاملة : :::...منقول...منقول...منقول...خفوا علينا بس...:::...احم


The Master
20-03-2010, 10:25 PM
احم احم...ثم احم...

هلا ومرحب بالجميع...


بخصوص مواضيع المنتدى؟؟؟...
هل هذا شي عادي؟؟؟
ولا انتوا متعودين على هالشي؟؟؟
ولا كسل؟؟؟
ولا بس اللهم موضوع والسلام...وشوفوني حطيت موضوع؟؟؟

شي غريب صراحه...

تجي تشوف موضوع...
تلقاه مذيل بكلمة "م.ا"

احشرونا ربع ال
م/e
م.ا
ايميلي قبل لا ينشفاتي
ايميلي حبوبي...!!!
ايميلي الجميل
بعثرات ايملي
منقول
منقول بتصرف"حشى شيك...احم"
منقولة..."اشدخل"

المهم...

يا اخي اذا تبغي تنزل موضوع...نزله ب اسلوبك وطريقتك...
لاتقول لي والله ما اعرف..."ليه كم عمرك؟؟؟"
يعني لهالدرجه ماتعرف تكتب سطرين على بعض؟؟؟

والحين طايحين بحركه جديده...قاموا ينقلون من الجرايد...ماخلصنا من المواضيع المنقوله من المنتديات والايميل...جاوونا بالجرايد...

خبر في الجريده تبغي اتكلم فيه...مافي مشاكل...لكن اكتب شي وضح للناس سبب نقلك لهالموضوع...مب اتحطه وخلاص...

ترا بجد الناس تعرف تقرا جرايد...ومن النت بلاش بعد...


والبعض...نسخ ولصق..."كوبي وبيست"...ويسوي نفسه مايدري...وان الموضوع له...يعني فطين الاخ...

لا وفي حركه اشوفها من كم يوم...فلان قال لي...واحد سألني..."يعني مب انت ولا حتى افكارك؟؟؟...


احيان الواحد يقول هم منزلين موضوع...وخايفين من ردود الناس...فا ينسبونه لغيرهم...


يالربع...
الوكاد من هذا كله...

طوروا من اساليبكم...وبسكم نسخ ولصق...ياما تطروحون منها مواضيع تنحذف او يكون الرد جاني عالايميل...

نبغي مواضيع من اجتهاداتكم...من اعقولكم...من اقلامكم...ترا اللي يعرفون يكتبون ما انودلوا كتْاب...كلن ويتعلم...

ترا فرق اكبير لما تنقل موضوع او موضوع تنزله بقلمك...لانك بتحس انك سويت شي...

وخفوا علينا من المنقول...
لدرجه...الواحد صار يتملل من انه يشيك...


رايي...ولحد ياخذها شخصيه...
مجرد طرح لموضوع..."ينرفز"...
ارحموا حالكم بس...

وكلن راضي بعقله...
ضوى
20-03-2010, 10:37 PM
بصراحة انا اشوف المواضيع الغير منقولة كثيرة جدا وكتابها ماشاء الله عليهم افكارهم رائعة جدا وصياغتهم للمواضيع رائعة جدا ، يعني مثلا عندك الاخت تحداني الزمن ماعمري قريت لها موضوع منقول وماشاء الله عليها مواضيع ولا اروع منها بالمنتدى ، فيه عندك العضو اتوسان مواضيعه غير منقولة وافكاره مرتبة ورائعة وهناك الكثير الكثير من الاعضاء والعضوات
اما سالفة المنقول فما اشوف فيها شئ خاصة اذا كان خبر او مقال فحلو انه ينقل لنعرف اراء شريحة كبيرة من اعضاء المنتدى في هذا المقال او الخبر

تحياتي
حياة
20-03-2010, 10:43 PM
مااشوف فيها شي !!!!
وموب الكل يقراء جرايد !!
The Master
20-03-2010, 11:00 PM
بصراحة انا اشوف المواضيع الغير منقولة كثيرة جدا وكتابها ماشاء الله عليهم افكارهم رائعة جدا وصياغتهم للمواضيع رائعة جدا ، يعني مثلا عندك الاخت تحداني الزمن ماعمري قريت لها موضوع منقول وماشاء الله عليها مواضيع ولا اروع منها بالمنتدى ، فيه عندك العضو اتوسان مواضيعه غير منقولة وافكاره مرتبة ورائعة وهناك الكثير الكثير من الاعضاء والعضوات
اما سالفة المنقول فما اشوف فيها شئ خاصة اذا كان خبر او مقال فحلو انه ينقل لنعرف اراء شريحة كبيرة من اعضاء المنتدى في هذا المقال او الخبر

تحياتي

هلا ومرحب اختي ضوى

تشكرين على التواجد

لما انتي تشوفين شي مب شرط يكون صحيح
وانا كذلك...
ويعتمد ايضا لكيفية النظره...ومعاييرها...

المهم...كان بالنسبه لي افضل عدم ذكر اسماء عشان مايصير لغط في الموضوع ويتحول للافضل والاسوء...

لكنك اختي شفتي الموضوع بمنظور ضيق...
ركزتي على الحوار العام...
انصحج اتمشين واتدورين في الاقسام الثانيه...اذا كان يهمج الموضوع...

وعن وجهة نظرهم في موضوع معين...انا ذكرت مافي اشكال...لكن يكتبون وش رايهم او ليش حاطين هالخبر...

مب انسخ ولصق...

الواحد لازم يتعب...ويجتهد...عشان ماياخذ حق غيره...ولا يظلم غيره...

وش ذنب الكاتب الاصلي ان موضوعه تم نقله...والثناء يكون للناقل!!
هذا شي من الاشيا اللي ماتعجبني في نقل المواضيع...

ويامرحبا بك
ولاهنتي على المرور
The Master
20-03-2010, 11:04 PM
مااشوف فيها شي !!!!
وموب الكل يقراء جرايد !!

هلا ومرحب flagland

شوف اللي تشوفه...اهم شي رضاك...وقناعتك...

تبقى اذواق...واعتماد على القارئ...

اذا مايقرا جريده...ليه بيقرا خبر في المنتدى!!!
ولا على حسب المزاج...والموضوع...

تشكر على مرورك
ولاهنت
بـــــــنت النوخـّــــذه
20-03-2010, 11:39 PM
عادي مافيها شي ينقلون ولا يألفون ولا ينسخون من اي مكان000000000
اعتقد الشي الاهم مايكون الشي المنقول يضر بفئه او اذا كان سلوك سلبي مايعمم على الجميع او ان الموضوع يسبب فتنه بين الشعوب او يسيئ الضن بالاخرين 000

اذا انت لاحظت كثره النقل بالمنتدى فأنا لاحظت شي اكبر من النقل الا وهو :

لاحظت شي عجيب :

شخص يجيك ينزل موضوع طويل عريض يطالب الجميع ويقنعهم بالزواج من الاجنبيات00معليه على عينا وراسنا جميع الجنسيات لكن ماتجي اطلع في بنات قطر عذاريب بس عشانك ماخذلك اجنبيه!!!!!!!

شخص يجيك ينزل موضوع من جريده وكاتب الموضوع الاصلي انسان سطحي ويدعو للتبرج بطريقه مبطنه وهات ياعذاريب في بنات قطر ويدخلون الشباب ينتقدون البنات00الله يالدنيا صارو بنات قطر كخ الله يرحمنا برحمته 00

شخص يسولف مع ربعه بالمجلس والله ياجماعه انا حافي ومنتف وضيعت عمري بسلفيات على السياره والسفر وماعندي اتزوج وجدتي قالت روح عرس من بره ارخص000عاد يجيك واحد ويحط لك موضوع في المنتدى عجايز قطر يشجعون بناتهم على الزواج من اجنبي ويشجعون شبابهم على الزواج من اجنبيه000سؤال الحين هذي جدتك هل اهي اتكلم عن عجايز قطر عشان التعميم ولا هل اهي مرشحه لحزب العجايز بقطر0000

انا ابغي توضيح ليش لغه التعميم بالمنتدى منتشره بكثره وليش الشخص اذا نصيبه كتب له شي ليش يجبر الجميع على انهم يمشون بطريجه 000شي حلو تذكر ميزات حياتك وتجارب ولك ترى شي مخزي لما تجي تطعن بأهل ديرتك بناتها وشبابها000

وملاحظه وجود فئه من الاجانب يتقنون اللغه القطريه ولما يشوفون شباب قطر المحترمين بالمنتدى يسبون ببنات الديره وانهم سبب غلاء المهور ولا سبب تعاستهم وديونهم يجيك ينزل موضوع يدعي ان بنات قطر (كلهم) لايرغبون في القطري 0000

من اشوي واحد منزل موضوع ان القطريين كلهم يضربون زوجاتهم ومالكم الا الاجنبي عشان يدللكم 00شهالكلام السخيف ليش لغه التعميم هذي000
حلو نطرح قضايا وننزل مواضيع نقاشيه بس عاد لحد يظلم --لحد يحتقر فئه على فئه 000

اتمنى اتمنى اتمنى اي حد يعاني من حاله نفسيه لا يحط حرته ويعمم النظريه على الجميع000
من الاخير اخوي انا ما انتقد النقل سواء ايميل ولا من المريخ ولا انتقد التأليف انا انتقد لغه التعميم في المنتدى ماشاء الله الظاهر الكل اصابع اليد عندهم متساويه --- مادري عندي احساس ان بعد كمن يوم واحد بينزل موضوع وبيقول القطريات سبب ارتفاع سعر البيبسي وبره يبيعونه ارخص
The Master
21-03-2010, 04:31 PM
مشاركتك اختي يبغي لها موضوع لحالها...
ابشري بالتعقيب...
الغانم 533
21-03-2010, 04:39 PM
والله انا انسخ حديث او ايه اوبيت
ومره نسخت موضوع وطلع ممكرار
وكان فيه عبره
ROSE
21-03-2010, 04:43 PM
اسمح لي اخوي على نقل الموضوع

الموضوع مكرر ومنقول









:tease:








نجي لرايي

لا ضير ان نقلنا مواضيع مفيده ممكن ان تفيد القارئ وخاصة ان كانت ذات طابع نقاشي

ولكن في الفتره الاخير كثرت المواضيع التي تناقش القضايا اليوميه للافراد

وكثر الكتاب ولله الحمد ذوي الاقلام النافعه والقويه

ولو القيت نظره على الصفحة الاولى لوجدت ان نسبة المنقول تعد على الاصباع

بالنسبة الى المواضيع الاخرى


واشكر كل من يكتب ويتعب في الكتابة لايصال فكره مفيده للجميع


واشكرك على موضوعك اللي يحث على الكتابة من غير النقل
@north_star@
21-03-2010, 04:48 PM
انا اشوف النقل عادي اذا فيه فايده للجميع
بس اهم شي انه اللى ينقل الموضوع يكتب انه منقول وما ينسبه لنفسه ومب شرط اللى ينقل انه ما يعرف يكتب سطرين أو ثلاثه لانه في الغالب الهدف من النقل هو الفائدة
يعني نقل الاحاديث مثلا .....هل ممكن انه الناس يألفون أحاديث ويحطونها بالمنتدى ؟؟؟؟ شي طبيعي انه الحديث منقول ومعاه المصدر
وتقبل مروري أخي الكريم
The Master
22-03-2010, 08:30 AM
والله انا انسخ حديث او ايه اوبيت
ومره نسخت موضوع وطلع ممكرار
وكان فيه عبره

الله يجزاك خير...على الوعي الديني
لكن لو انك نقلت الحديث او الايه وزدت عليها اشيا من عندك...محد راح يقول انه مكرر...
خاصه اذا اجتهدت فيه...بيكون لك اجر التعب والكتابه...

ويامرحبا بك
ولاهنت على المشاركه يالغانم
The Master
22-03-2010, 07:14 PM
اسمح لي اخوي على نقل الموضوع

الموضوع مكرر ومنقول









:tease:








نجي لرايي

لا ضير ان نقلنا مواضيع مفيده ممكن ان تفيد القارئ وخاصة ان كانت ذات طابع نقاشي

ولكن في الفتره الاخير كثرت المواضيع التي تناقش القضايا اليوميه للافراد

وكثر الكتاب ولله الحمد ذوي الاقلام النافعه والقويه

ولو القيت نظره على الصفحة الاولى لوجدت ان نسبة المنقول تعد على الاصباع

بالنسبة الى المواضيع الاخرى


واشكر كل من يكتب ويتعب في الكتابة لايصال فكره مفيده للجميع


واشكرك على موضوعك اللي يحث على الكتابة من غير النقل

هلا ومرحب اختي روز...

احم...بخصوص المنقول...ضحكت بصراحه...قلت محد يحذف مواضيعي الا انتي...احم...
طبعا في الحق...من دون مجامله...

المهم...
من حقك تقولين رايك...وشي طيب انك ملاحظه التغير...وكثرة الكتاب...بما انك مراقبه وقديمه في هالمنتدى...

لكن اعيد واكرر ماقصدت الحوار العام فقط...وانما الاقسام الثانيه كذلك...

بس فكرة المشاكل اليوميه كذلك...تقلل من اهمية المواضيع...وتنقص من القراء...وتقلل الفايده...وتزيد القيل والقال...


على العموم..تشكرين على هالطله الجميله...
ورايك احترمه...

ويامرحبا بك...
ولاهنتي...
هتـان قطر
22-03-2010, 07:25 PM
يعطيك العافية اخوي الماستر..بما انك انتقدت ووضحت لنا وجهة نظرك

اسمح لنا نستعرض وجهات نظرنا..

انا بتكلم عن نفسي ..بعض مواضيعي تكون منقولة واراعي ان الموضوع يكون ذو فائدة

وحابة ان اخواني واخواتي يستفيدون من هذا النقل..وبعض مواضيعي خبر من جريدة

ولما اعرضه ما اعرضة فقط انه موضوع والسلام..لابد اوضح وجهة نظري من خلاله

واحاول اتناقش مع الاعضاء في هذا الموضوع..

والهدف الاول والاخير هو الفائدة المرجوة من طرح المواضيع بغض النظر ان كانت منقوله

او لا .. ولان البعض لا يملك القدرة على كتابة المواضيع

وايجاد اسلوب مشوق يجذب به القراء..لذلك يلجأ للنقل مع مراعة نوعية المواضيع المنقولة

هدفنا ان احنا نفيد ونستفيد
تحداني
22-03-2010, 10:45 PM
بصراحة انا اشوف المواضيع الغير منقولة كثيرة جدا وكتابها ماشاء الله عليهم افكارهم رائعة جدا وصياغتهم للمواضيع رائعة جدا ، يعني مثلا عندك الاخت تحداني الزمن ماعمري قريت لها موضوع منقول وماشاء الله عليها مواضيع ولا اروع منها بالمنتدى ، فيه عندك العضو اتوسان مواضيعه غير منقولة وافكاره مرتبة ورائعة وهناك الكثير الكثير من الاعضاء والعضوات
اما سالفة المنقول فما اشوف فيها شئ خاصة اذا كان خبر او مقال فحلو انه ينقل لنعرف اراء شريحة كبيرة من اعضاء المنتدى في هذا المقال او الخبر

تحياتي





:shy::shy::shy:
بارك الله فيك .. وأنار الله طريقك بالسعاده
وجملك برضى الرحمن

.
.


شكراً من الأعماق





يعطيك العافيه .. اخي الفاضل " ذا ماستر "
The Master
22-03-2010, 11:18 PM
:shy::shy::shy:
بارك الله فيك .. وأنار الله طريقك بالسعاده
وجملك برضى الرحمن

.
.


شكراً من الأعماق





يعطيك العافيه .. اخي الفاضل " ذا ماستر "


:waiting:
omen
احم
تغلبية
23-03-2010, 12:45 AM
حلو إن الواحد يخلق شي من بنات افكاره ... ويرعى هالبنات لين يكبرن ..
ويكون عضو خلاق في المنتدى بهالبنات !

و لا بأس من عرض بعض من أخبار الصحف المحلية لقياس الرأي العام في المنتدى ...
كان هذا النقل ي يوم من الايام وهذا القياس يميز منتدى الأسهم وكان له ناسه ..
وطبعا هالكلام قبل سنتين كان في أوجه .. فتلقى (قرقعة) الآراء على أصولها بين مؤيد ومعارض ومتحفظ ..

المنقول ... هو not bad
لكن .. بعض المواضيع تتفشى بحيث انك تقراها في كل منتدى! وتجيك على الايميل مرتين وثلاث !!..
وتتكرر في المنتدى تقريبا خمس ست مرات ..!!
فمثل هالمواضيع .. please stop it >>اغتثينا بها برغم حلاوتها ..!!

وسلامتك ،،
ملازم1
23-03-2010, 01:15 AM
عادي مافيها شي ينقلون ولا يألفون ولا ينسخون من اي مكان000000000
اعتقد الشي الاهم مايكون الشي المنقول يضر بفئه او اذا كان سلوك سلبي مايعمم على الجميع او ان الموضوع يسبب فتنه بين الشعوب او يسيئ الضن بالاخرين 000

اذا انت لاحظت كثره النقل بالمنتدى فأنا لاحظت شي اكبر من النقل الا وهو :

لاحظت شي عجيب :

شخص يجيك ينزل موضوع طويل عريض يطالب الجميع ويقنعهم بالزواج من الاجنبيات00معليه على عينا وراسنا جميع الجنسيات لكن ماتجي اطلع في بنات قطر عذاريب بس عشانك ماخذلك اجنبيه!!!!!!!

شخص يجيك ينزل موضوع من جريده وكاتب الموضوع الاصلي انسان سطحي ويدعو للتبرج بطريقه مبطنه وهات ياعذاريب في بنات قطر ويدخلون الشباب ينتقدون البنات00الله يالدنيا صارو بنات قطر كخ الله يرحمنا برحمته 00

شخص يسولف مع ربعه بالمجلس والله ياجماعه انا حافي ومنتف وضيعت عمري بسلفيات على السياره والسفر وماعندي اتزوج وجدتي قالت روح عرس من بره ارخص000عاد يجيك واحد ويحط لك موضوع في المنتدى عجايز قطر يشجعون بناتهم على الزواج من اجنبي ويشجعون شبابهم على الزواج من اجنبيه000سؤال الحين هذي جدتك هل اهي اتكلم عن عجايز قطر عشان التعميم ولا هل اهي مرشحه لحزب العجايز بقطر0000

انا ابغي توضيح ليش لغه التعميم بالمنتدى منتشره بكثره وليش الشخص اذا نصيبه كتب له شي ليش يجبر الجميع على انهم يمشون بطريجه 000شي حلو تذكر ميزات حياتك وتجارب ولك ترى شي مخزي لما تجي تطعن بأهل ديرتك بناتها وشبابها000

وملاحظه وجود فئه من الاجانب يتقنون اللغه القطريه ولما يشوفون شباب قطر المحترمين بالمنتدى يسبون ببنات الديره وانهم سبب غلاء المهور ولا سبب تعاستهم وديونهم يجيك ينزل موضوع يدعي ان بنات قطر (كلهم) لايرغبون في القطري 0000

من اشوي واحد منزل موضوع ان القطريين كلهم يضربون زوجاتهم ومالكم الا الاجنبي عشان يدللكم 00شهالكلام السخيف ليش لغه التعميم هذي000
حلو نطرح قضايا وننزل مواضيع نقاشيه بس عاد لحد يظلم --لحد يحتقر فئه على فئه 000

اتمنى اتمنى اتمنى اي حد يعاني من حاله نفسيه لا يحط حرته ويعمم النظريه على الجميع000
من الاخير اخوي انا ما انتقد النقل سواء ايميل ولا من المريخ ولا انتقد التأليف انا انتقد لغه التعميم في المنتدى ماشاء الله الظاهر الكل اصابع اليد عندهم متساويه --- مادري عندي احساس ان بعد كمن يوم واحد بينزل موضوع وبيقول القطريات سبب ارتفاع سعر البيبسي وبره يبيعونه ارخص

كلام سليم 100%
The Master
23-03-2010, 07:00 AM
انا اشوف النقل عادي اذا فيه فايده للجميع
بس اهم شي انه اللى ينقل الموضوع يكتب انه منقول وما ينسبه لنفسه ومب شرط اللى ينقل انه ما يعرف يكتب سطرين أو ثلاثه لانه في الغالب الهدف من النقل هو الفائدة
يعني نقل الاحاديث مثلا .....هل ممكن انه الناس يألفون أحاديث ويحطونها بالمنتدى ؟؟؟؟ شي طبيعي انه الحديث منقول ومعاه المصدر
وتقبل مروري أخي الكريم

هلا ومرحب اخوي north star
تشكر على المشاركه...

اكيد الكل حر في مايطرح او يقول او ينقل...
لكن افتح منظورك شوي...اشدخل الاحاديث والايات؟؟؟ شي غريب الصراحه...واقرا الموضوع عدل...وان شاء الله بتوصلك النقطه...
هذا شي...والشي الثاني لما تجي تحط ايات او احاديث وش اللي يمنع انك تذكر شي طيب من عندك في الموضوع...تتعب وتاخذ اجره...

على العموم...
هذا رايي...وذاك رايك...
والاهم الرضى
ويامرحبا بك
لاهنت على التواجد خيو
محمد افندي
23-03-2010, 07:05 AM
المفروض الادارة تبدا في نظام عقوبات جديد بخصوص " المنقول " والله ما ذبحنا الا هو ... :s
(الفيصل)
23-03-2010, 07:31 AM
من وجهة نظري ليست المشكلة في (النقل)
وأنما المشكلة في (الناقل)نفسه
فعندما تنقل مقال مثلاً ضروري أكرر ضروري أن تكون (ملماً به) حتى تشارك من يدخله من الاعضاء وتثري الموضوع الذي نقلته لنا
ولكن المصيبه من ينقل شيء (لايفقهه) وتجده في الردود متعثراً
وبالقطري الفصيح (يخيط ويبيط) :)

لهذا أشجع الجميع على الكتابه بشكل عام حتى ولو كان الموضوع متواضعاً يكفي أنه منك وسوف تتطور قدراتك في الكتابه بالمراس ان كنت تبحث عن الأرتقاء في هذا الجانب ، ولا للنقل الا اذا كان (المنقول) من وجهة نظرك يستحق ولديك العلم (المؤكد) أنك تستطيع أن تناقش الاعضاء فيه وتصحح لهذا وترد على ذاك وتقول لهذا نعم وتقول لذاك لا .

فحذاري من أن تنقل شيء لاتفقه به شيئا ، كما يجب أن تتأكد من صحة ماتنقل لنا لاسيما فيما يتعلق بالامور الدينية وكذلك العلمية.

وشكراً
The Master
24-03-2010, 09:12 AM
يعطيك العافية اخوي الماستر..بما انك انتقدت ووضحت لنا وجهة نظرك

اسمح لنا نستعرض وجهات نظرنا..

انا بتكلم عن نفسي ..بعض مواضيعي تكون منقولة واراعي ان الموضوع يكون ذو فائدة

وحابة ان اخواني واخواتي يستفيدون من هذا النقل..وبعض مواضيعي خبر من جريدة

ولما اعرضه ما اعرضة فقط انه موضوع والسلام..لابد اوضح وجهة نظري من خلاله

واحاول اتناقش مع الاعضاء في هذا الموضوع..

والهدف الاول والاخير هو الفائدة المرجوة من طرح المواضيع بغض النظر ان كانت منقوله

او لا .. ولان البعض لا يملك القدرة على كتابة المواضيع

وايجاد اسلوب مشوق يجذب به القراء..لذلك يلجأ للنقل مع مراعة نوعية المواضيع المنقولة

هدفنا ان احنا نفيد ونستفيد

هلا ومرحب اختي هتان...

الله يعافيك...
ويامرحبا بك...
The Master
24-03-2010, 09:15 AM
حلو إن الواحد يخلق شي من بنات افكاره ... ويرعى هالبنات لين يكبرن ..
ويكون عضو خلاق في المنتدى بهالبنات !

و لا بأس من عرض بعض من أخبار الصحف المحلية لقياس الرأي العام في المنتدى ...
كان هذا النقل ي يوم من الايام وهذا القياس يميز منتدى الأسهم وكان له ناسه ..
وطبعا هالكلام قبل سنتين كان في أوجه .. فتلقى (قرقعة) الآراء على أصولها بين مؤيد ومعارض ومتحفظ ..

المنقول ... هو not bad
لكن .. بعض المواضيع تتفشى بحيث انك تقراها في كل منتدى! وتجيك على الايميل مرتين وثلاث !!..
وتتكرر في المنتدى تقريبا خمس ست مرات ..!!
فمثل هالمواضيع .. Please stop it >>اغتثينا بها برغم حلاوتها ..!!

وسلامتك ،،

هلا ومرحب تغلبيه...

كلام جميل...واحييك عليه...
في اختلاف بسيط...لكن كلن له رايه...

تشكرين على طرح وجهة نظرك...

ويامرحبا بك
ولاهنت
The Master
24-03-2010, 09:19 AM
المفروض الادارة تبدا في نظام عقوبات جديد بخصوص " المنقول " والله ما ذبحنا الا هو ... :s

هلا ومرحب افندي...
عقوبات مره وحده...قويه ياخوي...كلن وله رايه...وهنا انواع من القراء...والاذواق...وانا اتكلم عن ذوقي انا...وعقليتي في الطرح...
والقراءه كذلك...
فا مانقدر نغصب الناس...لكن نقدر نوضح لهم وفي النهايه لهم القرار...

ويامرحبا بك...
لاهنت على الطله...
The Master
24-03-2010, 09:21 AM
من وجهة نظري ليست المشكلة في (النقل)
وأنما المشكلة في (الناقل)نفسه
فعندما تنقل مقال مثلاً ضروري أكرر ضروري أن تكون (ملماً به) حتى تشارك من يدخله من الاعضاء وتثري الموضوع الذي نقلته لنا
ولكن المصيبه من ينقل شيء (لايفقهه) وتجده في الردود متعثراً
وبالقطري الفصيح (يخيط ويبيط) :)

لهذا أشجع الجميع على الكتابه بشكل عام حتى ولو كان الموضوع متواضعاً يكفي أنه منك وسوف تتطور قدراتك في الكتابه بالمراس ان كنت تبحث عن الأرتقاء في هذا الجانب ، ولا للنقل الا اذا كان (المنقول) من وجهة نظرك يستحق ولديك العلم (المؤكد) أنك تستطيع أن تناقش الاعضاء فيه وتصحح لهذا وترد على ذاك وتقول لهذا نعم وتقول لذاك لا .

فحذاري من أن تنقل شيء لاتفقه به شيئا ، كما يجب أن تتأكد من صحة ماتنقل لنا لاسيما فيما يتعلق بالامور الدينية وكذلك العلمية.

وشكراً

عفوا...