الــيـــوم بـــغـــيـــت ادعـــــــــــــــــــــــــــم

[مستثمر مبتدئ]

السلام عليكم انا ابغي اعرف من المسؤول عن تشغيل الاشارات الضوئية ومن يختار الطريقة لأن الله يسلكم اليوم بغيت ادعم اللي جدامي عند اشارات التويوتا القديمة والسبب ان الاشارة كانت خضرة وفجأة صارت حمره واللي جدامي وقف فجأة وبيني وبينه شي بسيط وطيره بس الله ستر،،،،انا اطالب المسؤول عن هالاشارة ان يغير الطريقة ويخليها نفس طريقة الباقي ان اللون الاخضر يصير متقطع قبل ماتسكر الاشارة عشان الواحد ينتبه وربي يحفظكم

[اللورد]

كلامك صحيح اخوي
وكثيرا مايصيدني هذا الموقف يومياً عند نفس الإشارة
وألف الحمدلله على سلامتك ..:)

[بوحارب]

اولا الحمدلله على سلامتك اخوي

كلامك صحيح اخوي

وهالشي صار معاي عند اشارات ازغوى وضربني الرادار والمخالفة 6000

والله العظيم ظلم ظلم ظلم

بينا الأشارة من الأتجاه الثاني ( شمال الى الجنوب ) تتم اكثر من دقيقتين !!!!!!!!!

الحين من وين اجيب لهم 6000 والغلطة غلطتهم !

بكرة بحاول اقابل المسؤولين لعل وعسى يقللون من قيمة المخالفة

دعواتكم

[خشوف]

اي اشارة ازغوى متخلفه كل مره تخبط تولع وبثانيه تصك مره الظهر تخيل سياره تمر من كل صوب الكل ساكت وحنا رادين الا نشوف دوريه تعدل المرور

[ودي أكون]

الحمدالله عالسلامه اخوي مستثمر .. والله يحفظك ان شاءالله ..




اولا الحمدلله على سلامتك اخوي

كلامك صحيح اخوي

وهالشي صار معاي عند اشارات ازغوى وضربني الرادار والمخالفة 6000

والله العظيم ظلم ظلم ظلم

بينا الأشارة من الأتجاه الثاني ( شمال الى الجنوب ) تتم اكثر من دقيقتين !!!!!!!!!

الحين من وين اجيب لهم 6000 والغلطة غلطتهم !

بكرة بحاول اقابل المسؤولين لعل وعسى يقللون من قيمة المخالفة

دعواتكم



:tooth:


:secret:

[لولوتي]

الحمد لله جات سليمه
وبالفعل اشارات الدوارات صارت في قمة الاستهبال
مع اني كنت اشوف انها ريحتنا وايد

ولكن من فتره وبالأخص اللي عقب الدفاع المدني،،، اللي تودي رميله،،،
الاشاره فيها خلل :rolleyes2:
اكثر من مره لاحظت الاشاره صوبي خضره واللي من جهة اليمين بعد اشارتهم خضره،،، والله ستر وما صار لي حادث :rolleyes2:

يبي لها اهتمام ومتابعة الاشارات
ارواحنا مو لعبه مع هالاشارات:anger1:

[SASAS]

أخوي جاجاسم
يرجى تقديم الاقتراح للمرور
لازم المرور يوحدون ( مدة وميض اللون الاخضر + مدة انتظار اللون الاصفر ) قبل الاحمر
والله احترنا مكان ما في اصفر و مكان الاصفر ما يطول .....
المفروض واحد منا يوم يتخالف يرفع قضية على المرور ويقول ان اشاراتهم غير موحدة !!!

[الدوحي7]

السلام عليكم انا ابغي اعرف من المسؤول عن تشغيل الاشارات الضوئية ومن يختار الطريقة لأن الله يسلكم اليوم بغيت ادعم اللي جدامي عند اشارات التويوتا القديمة والسبب ان الاشارة كانت خضرة وفجأة صارت حمره واللي جدامي وقف فجأة وبيني وبينه شي بسيط وطيره بس الله ستر،،،،انا اطالب المسؤول عن هالاشارة ان يغير الطريقة ويخليها نفس طريقة الباقي ان اللون الاخضر يصير متقطع قبل ماتسكر الاشارة عشان الواحد ينتبه وربي يحفظكم

الحمد لله على سلامتك وصدقت بعض الاشارات تفتقد الاضاءه الخضراء المتكرره كله علشان يصيدونك ويدفعونك 6000ريال،،

[eXpert*]

مانبي الأشارات الذكية على ما يزعمون شحلاتنا طول عمرنا على الأشارات الغبية وعايشين في خير ونعمة وكل واحد عارف اللي له واللي عليه .

[ضوى]

عشان كذا شعار يوم المرور لهذه السنة

توقع اخطاء الاخرين

:)

[شبح الصمت]

خطاك الشر اخوي والله يعيــنك والله

[هند88]

ماتجوف شر اخوي وحمدلله على سلامتك

[لاجل QT]

اولا الحمدلله على سلامتك اخوي

كلامك صحيح اخوي

وهالشي صار معاي عند اشارات ازغوى وضربني الرادار والمخالفة 6000

والله العظيم ظلم ظلم ظلم

بينا الأشارة من الأتجاه الثاني ( شمال الى الجنوب ) تتم اكثر من دقيقتين !!!!!!!!!

الحين من وين اجيب لهم 6000 والغلطة غلطتهم !

بكرة بحاول اقابل المسؤولين لعل وعسى يقللون من قيمة المخالفة

دعواتكم

ياليلك الطويل يابو حارب 6000 مرة وحدة
كنيبك ماتنام الليل :weeping:

من رايي يشيلون كل الاشارات اللى عند الدوار ..او مايخلون فية اشارة صفرة ..بس ياحمرة ياخضرة ...كم مرة كنت باروح فيها:weeping::eek5::weeping:

[بنت ابوها 19]

على بالي بس انا الي صادني هل الموقف مرتين
عند دوار المول وعند دوار التظامن
صج حركه كلششش مب حلوه

كنت بدخل بالي جدامي وسبه الاشاراه الي طفي مره وحده
واشارات المنتزه بعد ديرو بالكم منهم نفس الحركه ولا اخس بوايد بعد
انك تجي على سرعه وفجاه الاشاره تصير حمره وتعال انت عاد شوف البريكات الي جدام بتكون ان طلعت منها سالم انت بطل

[CH Engineer]

وانا اليوم كنت بتخالف على اخر ثانيه عديت الخط الحمد لله :tease:

المفروض يوحدون الاشارات
مب اشاره تعطي فلاشات واشاره على طول تصير حمره :rolleyes2:

[مستثمر مبتدئ]

الله يسلمكم من كل شر ومشكورين على الردود وان شاء الله اخونا جاجاسم يوصل مطالبنا للمسؤولين ويعطيكم الف عافية

[tai]

سلامات سلامات يا الحبيب خطاك السو
وال ف الحمدلله على السلامه

[مستثمر مبتدئ]

الى الآن الاشارة المقصوده لم يتم تغيير طريقة تشغيلها

[امـ محمد]

سلامات اخي

[واحد في حاله]

عندي قاعد في هالحاله 500 ولا 6000 اذا مايمديني اضرب بريك واسوي ستوبي عند الاشار

اعطي ريس ولو يصيدني رادار السرعه

بعض الاشارات تغشك ماتدري هي من اي نوع الي ترمش 3 مرات اخضر بعدين اصفر وبعدين احمر

او على طول اصفر وبعدين احمر وخذ انواع البريكات

واذا ماقدامك احد تحتار يمديك توقف ولا لا


لانك اذا وقفت لكن دست الخط بتدفع 6000


نتمنى يوحدون كل الاشارات في الدوله على نظام واحد