كيوتل ليش هالحركة ؟؟ لا حول ولا قوة إلا بالله

[سهم داق]

أشتركت في نجوم ومشيت معاهم وأستبدلت نقاط نجوم في بلازا لحدّ لآن كل شي تمام

المهم صار عندي نقاط بحكم أني أدفع أول بأول ولمّا جيت أبغى استبدل النقاط إلا وهم كاتبين لي رسالة لقد استبدلنا درجة عضويتك من الذهبي إلى الفضي ليش يا كيوتل مع أن رقمي مميز قبل لا تسوون نجوم ولم تجيني عضوية في آي بي ... وفوق ذلك دفعت فاتورة مرتين نفس المبلغ لما جيت وقلت لهم أبي فاتورة حق شهر 11 ردوا علي قالوا من شهر 12 وراجع ما تطلع في السيستم

أقول للأخ أحب قطر .... أنا راح اصفر كل خدمات كيوتل وأذهب لفودا فون

ومشكورين على الخدمات اللي سويتها من يوم عرفناكم من أستغلال وعدم اهتمام بالمشتركين بس لما بدأت المنافس بدا عندكم قليل من الأحترام للمشتركين

المهم وفوق ذلك ما قطّ ردت كيوتل مبلغ فلوس إذا كان هناك خطأ ... يقولون نحطها لك كرديت ... قلت يمكن يكون ما عندهم خردة ؟!

سبحانك اللهم وبحمدك أشهد أن لا إله إلا أنت أستغفر وأتوب إليك

[اسعاف]

كيوتل افضل من فودا فون

[البدع]

افضل كيوتل على مساوؤها

فودافون لين الحين ضعيفة

شبكتها ضعيفة

خدماتها قليلة

حتى مافي عندهم مسجات مطراش او غيره من مسجات الوزارات وحتى الفضائيات

خلك على مينونك احسن لك

والله يوفقك اخوي

[مع الناس]

فودافون الشبكه ضعيفه ودايما يقطع

[حمد الكعبي]

يا رجال تكلم في خرابه

[كازانوفا]

لا حولة ولا قوة الا بالله
الله يعوضك خير ان شالله

[لاجل QT]

كيوتل كلك حركات

الله يعوضك خير

[حليتان*]

عاادي كلنا يصير لنا نفس الشي ومب بس من كيوتل

حتى الهنود يستغلون

الاستغلال في الخيايط في الدكاكين في المحلات


وشبتعدل ولا شبتعدل

خلها على الله ...هو عالمن بالحق ولايمكن يظيع :)

[doha70999]

مادام صار داون جريد اكيد ماجمعت 300status pionts فعلشان جي من الطبيعي يصيرلك داون جريد

[عسولة]

اللة يعوض عليك

[العاقل]

أشتركت في نجوم ومشيت معاهم وأستبدلت نقاط نجوم في بلازا لحدّ لآن كل شي تمام

المهم صار عندي نقاط بحكم أني أدفع أول بأول ولمّا جيت أبغى استبدل النقاط إلا وهم كاتبين لي رسالة لقد استبدلنا درجة عضويتك من الذهبي إلى الفضي ليش يا كيوتل مع أن رقمي مميز قبل لا تسوون نجوم ولم تجيني عضوية في آي بي ... وفوق ذلك دفعت فاتورة مرتين نفس المبلغ لما جيت وقلت لهم أبي فاتورة حق شهر 11 ردوا علي قالوا من شهر 12 وراجع ما تطلع في السيستم

أقول للأخ أحب قطر .... أنا راح اصفر كل خدمات كيوتل وأذهب لفودا فون

ومشكورين على الخدمات اللي سويتها من يوم عرفناكم من أستغلال وعدم اهتمام بالمشتركين بس لما بدأت المنافس بدا عندكم قليل من الأحترام للمشتركين

المهم وفوق ذلك ما قطّ ردت كيوتل مبلغ فلوس إذا كان هناك خطأ ... يقولون نحطها لك كرديت ... قلت يمكن يكون ما عندهم خردة ؟!

سبحانك اللهم وبحمدك أشهد أن لا إله إلا أنت أستغفر وأتوب إليك

يؤ يؤ
انا الاسبوع اللي طاف استلمت فلوس كاش من فرع السد
عندي خدمة وانهيتها من شهرين وباقيلي فلوس في الحساب وعطوني اياها كاش

[ام مناير]

السلام عليكم
اخوي يعني لو رحت ابي فواتيري الي قبل شهر 12 ما راح تطلع ؟

[احساس رابح]

سهم داق

صدقت والله ياخوي انا صار لي نفس ماصار لك وانا مب من النخبه بس كان عندي رصيد نقاط ويوم جيت ابي ابدلهم لقيت رصيدي 14336 سالب يعني خذوا اللي عندي وخلو رصيدي سالب مادري ليش اتصلت لهم قالوا لي خلل في السستم ولين الحين الخلل موجود.......

اقوووووول ياهلا وغلا بـ فودافون حتى لو ان الشبكه ضعيفه بس والله خدماتهم ممتازه جداً

[abo0o0od QtR]

السلام عليكم

يا شباب بس حبيت اوضح لكم شالصاير بالنسبة حق موضوع نجووم

الله يسلمكم كان في خطا في السيستم انه يحسب لك نجوم لما تحول رصيد والمفروض انه ما يحسب لانه بينتفع من الرصيد رقم ثاني والنجوم بتنزل لرقم الثاني الي تحوله الرصيد مب لك المشكلة الي كانت موجوده انه السيستم كان يحسب للاثنين وتم اكتشاف هالخلل الفني وتم تعديله واعادة النظر بالنسبة لحسابات نجوم لكل المشتركين انا شخصيا كان عندي 19 الف صاروا 11

هذا للتوضيح بالنسبة لك الشيخ تحويلك من ذهبي لفضي يكون لانه بعد ما تم مراجعه الحسابات شافوا انه انت ما استوفيت النقاط 300 لدرجة الذهبي فنزلوك للفضي


بالنسبة للفواتير الشيخ اهوا قالك ما يطلع قبل شهر 12 لانه السيستم يصفر مع كل بداية سنه يديده عند الموظفين لكن اذا انت حاب تشوف فاتورتك روح عند الشؤون القانونيه الطابق الاول في فرع السد دوامهم من 8 الصبح لي 3 العصر من الاحد للخميس

والربع ما بيقصرون وبيطلعونها

بالنسبة اذا كان في خطا في الفاتوره يعتمد على المبلغ اذا كان مبلغ صغير ينزل في حسابك في كيوتل وهني كيوتل ما اسرقوك بيزل بالسالب في حسابك يعني انت مستفيد منه ما راح عليك

لكن اذا مبلغ كبير يتحول على الادارة في البرج وبعد ما يتم التصديق عليه بينزل شيك بالميلغ

وان شاء الله اني فدتك وترى كيوتل يالربع منكم ولكم شركة مساهمه قطريه وشبة حكومية ما ننسى هالشي

[العضو الماسي]

الدرجة
Nojoom Gold
سجل رقم الهاتف
6XXXXX9
نقاط جوائز "نجوم"

-15107

النقاط المنتهية صلاحيتها 0

ليش 15107 نقطه سالب ؟؟؟

مكافآت نجوم غير متوفرة حالياً بسبب تحديثنا للموقع. نعتذر عن أي إزعاج وسنتمكن من استبدال نقاطك بمكافآت خلال الثماني والأربعين ساعة القادمة .

[محمد سعيد]

في خلل في السيتسم واعتقد الخلل القديم بيعدلونه

يعني مافي نصب ولااحتيال نفس ماوضح اخوي عبود قطر

[ماريسا]

الله المستــــــــــــــــــعان

[الدوحي7]

على طول فوادفون وخلك منهم كيوتل،،

[رذاذ]

مستحيل تطلع كيوتل غلطانه ..
والشهر الى طاف انا كنت بغير باقتي بس الموظف ما اشلون اقنعني اني اتم ودفعت فاتوره وعقب 8 ايام نزل الرصيد اليديد بالفاتوره وقطعوه ..

رحت فتحت تلفوني وقالو لي ان فاتورتك الين 12/4 بتم بنفس الباقه وعقب تقدر تغير .. وبعتبار 12/4 اول شهر من الفاتوره اليديده راح نغيرها لك ..

وانا انتظر 12/4 لجل اتاكد ان الباقه تغير ..

[احمد1]

اتمنى يسمحون لشركه ثالثه بالمنافسه على الاقل في مجال الجوال وانشوف من الي قدها ذيك الساعه بس شاطرين كيوتل تجيب فودافون وتتشرط عليها على كيفهم ويقعدون مدراء المبيعات ويقتسمون الشهور الي فيها العروض انتو فاكرين منافسه تاكدو ان العروض مدروسه بالملي قال منافسه قال لو صج منافسه خل كيوتل او المجلس الاعلى للاتصالات مايفرقون عن بعض طبعا يعطون فودافون حق تمديد تيلفونات ارضيه او انتر نت مايقدرون !!!!!!!!! ليش؟ لان ابيك تنافس بس بكيفي فهمتو

[alsenator]

نفس الحالة نزلوا درجة العضوية بس مش فاهم سالسالفة

[limited]

يا الربع شسالفه؟


انا لقيت نفسي سالب 30 الف نقطه؟

الحين انا اللي اعطيهم نقاط ولا شلون؟

[theeb_qatar]

اصلا موقع نجوووم مصخره
كل شوي يعلق ويطلعني برع
لازم ارد ادخل الباسورد من يد ويديد


امحق شركة وطنيه وشبه حكوميه ..