التركي
21-03-2010, 07:52 PM
ابو خماس حبييي اول شي باقولك شي : ترى انا احبك يا سكر حياتي وما احب غيرك يشهد الله ،ومهما يصير فيك ترى شعاري بكون قصيدتي لك ايام الخطوبة "فيوز القلب محروقة في جسمي ضربني ماس حتى الاكل ما اذوقه افعال الهوى يا ناس " وارجو انك ما تزعل مني بس انا بصراحة لازم اقول لك حتى يرتاح ضميري وينام فكري : تذكر يوم قبل لا جيب خماس وفي ايام العسل و ايام الحمل اذكر انك يا ابو خماس تطنز علي و تعايرني و تقول عن بطني :ايش هالكورة اللي واياك، وتكرر المشهد في حمود وعووش وزلوخ ، بس انا بصراحة ناوية اصارحك بموضوع وارجو انك ما تاخذ الموضوع بعصبية ورجولية زايدة ، تراني انهار : ابو خماس انا لما احمل يطلع لي كورة(مبروك للغرافة صقعوا السد امس وانا مستانس) بس لما اربي تختفي يعني كورة مؤقتة مدتها تسع شهور( مثل تراخيص الفلل الادارية في الدوحة ) بس ما ادري بخصوص الكورة اللي عندك واللي كل مالها تكبر اللي مثل (الاقامة الدائمة )متي بتريحني منها ،يا عيوني ترى الشاي الاخضر بدون سكر والبيبسي بو ريالين الدايت ترى ما يعملون شي بدون رياضة وتخفيف العيش وتخفيف النوم
ابو خماس الله يخليك ابيك تشيل ها الجدار العازل من بينا ترى انا اشتقت لك وايد ابو خماس يا عيون روحي ارجوك طالع لك حل ترى انا احبك واحس انك دايما بعيد عني حتى لما تقرب .
زوجتك المحبة ام خماس
ابو خماس الله يخليك ابيك تشيل ها الجدار العازل من بينا ترى انا اشتقت لك وايد ابو خماس يا عيون روحي ارجوك طالع لك حل ترى انا احبك واحس انك دايما بعيد عني حتى لما تقرب .
زوجتك المحبة ام خماس